Morgunblaðið - 17.07.2002, Blaðsíða 1

165. TBL. 90. ÁRG. MIÐVIKUDAGUR 17. JÚLÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 17. JÚLÍ 2002
PALESTÍNUMENN, dulbúnir
sem ísraelskir hermenn, urðu sjö
Ísraelum að bana og særðu að
minnsta kosti nítján í árás á rútu
nálægt Emmanuel, byggð gyðinga
á norðurhluta Vesturbakkans, í
gær.
Embættismenn í Ísrael sögðu að
sprengjur hefðu sprungið undir rút-
unni og árásarmennirnir hefðu síð-
an hafið skothríð á farþega hennar
þegar þeir reyndu að flýja og fólk í
öðrum bifreiðum.
Árásarmennirnir flúðu af staðn-
um og herþyrlur veittu þeim eft-
irför. Að sögn ísraelskra fjölmiðla
og björgunarmanna voru mennirnir
þrír og í hermannabúningum.
Fyrsta mannfallið meðal
Ísraela í tæpan mánuð
Heimildarmenn á sjúkrahúsi í
grennd við árásarstaðinn sögðu að
nítján hefðu særst, þar af átta al-
varlega. Á meðal þeirra sem létu
lífið í árásinni voru tveggja ára
barn, tvær tólf ára stúlkur og van-
fær kona. Tíu Ísraelar biðu bana í
samskonar árás á sama stað í des-
ember.
Er þetta í fyrsta sinn í tæpan
mánuð sem Ísraelar bíða bana í
árás Palestínumanna.
Talsmaður Ísraelsstjórnar sagði
að blóðsúthellingarnar í gær sýndu
að ekkert væri að marka loforð
Yassers Arafats, leiðtoga Palestínu-
manna, um að koma á umbótum og
binda enda á hryðjuverkin. „Mikið
hefur verið talað um breytingar og
umbætur, kosningar og lýðræði.
Þetta tal er einskis virði.“
Þrjár palestínskar hreyfingar
lýstu árásinni á hendur sér; Hamas,
Lýðræðisfylkingin fyrir frelsun Pal-
estínu (DFLP) og Al-Aqsa-her-
sveitirnar sem tengjast Fatah-
hreyfingu Arafats.
Palestínska heimastjórnin for-
dæmdi allar árásir á saklausa borg-
ara án þess að minnast sérstaklega
á árásina í gær. Heimastjórnin hef-
ur sjaldan fordæmt árásir á land-
nemabyggðir gyðinga á Vestur-
bakkanum og Gaza-svæðinu og
segir að Palestínumenn hafi rétt til
að berjast gegn þeim. Árásin var
gerð nokkrum klukkustundum áður
en fulltrúar Bandaríkjanna, Evr-
ópusambandsins, Rússlands og
Sameinuðu þjóðanna hófu viðræður
í New York um leiðir til að binda
enda á átök Ísraela og Palestínu-
manna. Fulltrúar SÞ, ESB og
Rússlands studdu þá tillögu George
W. Bush Bandaríkjaforseta að
stofnað yrði palestínskt ríki innan
þriggja ára en gagnrýndu þá
ákvörðun hans að ræða ekki framar
við Arafat.
Sjö Ísraelar bíða bana
í sprengju- og skotárás
Emmanuel. AFP, AP.
SEX ára afganskur drengur
hreinsar gulrætur í menguðu ár-
vatni í grennd við Kabúl. Afg-
önsk börn fá eina eða tvær gul-
rætur á dag í laun fyrir að
hreinsa grænmeti.
Um 6.000 manns hafa verið
lögð inn á sjúkrahús í afgönsku
höfuðborginni síðustu þrjár vikur
vegna kóleru og annarra sjúk-
dóma sem breiðast út með saur-
menguðu vatni.
AP
Unnið fyrir gulrótinni
LEIÐTOGAR stjórnarflokkanna
þriggja í Tyrklandi ákváðu í gær að
boða til þingkosninga 3. nóvember
eftir að samsteypustjórn Bulents
Ecevits forsætisráðherra missti
meirihluta sinn á þinginu.
Sex þingmenn sögðu sig í gær úr
flokki Ecevits, Lýðræðislega vinstri-
flokknum, og alls hafa 59 þingmenn
sagt skilið við hann frá því á mánudag
eftir að forsætisráðherrann neitaði að
segja af sér vegna heilsubrests.
Stjórnarflokkarnir eru nú aðeins
með helming þingsætanna 550. Ece-
vit hafði sagt að hann myndi segja af
sér ef stjórnin missti þingmeirihlut-
ann. Forsætisráðherrann er 77 ára
gamall og hefur verið svo heilsutæpur
síðustu tvo mánuði að hann hefur lítið
getað komið fram opinberlega.
Hafði hafnað kosningum
Halda átti næstu þingkosningar í
apríl 2004 en Ecevit féllst á að flýta
þeim á fundi leiðtoga stjórnarflokk-
anna í gær. Áður hafði forsætisráð-
herrann hafnað kosningum í ár og
sagt að þær myndu seinka umbótum,
sem taldar eru nauðsynlegar til að
blása lífi í efnahaginn, og viðræðum
við Evrópusambandið um hugsanlega
aðild Tyrklands að sambandinu.
Samkvæmt stjórnarskránni þarf
stjórnin ekki að víkja en sú venja hef-
ur komist á að tyrkneskar ríkisstjórn-
ir segi af sér eða boði til kosninga
missi þær þingmeirihluta.
Ecevit
fellst á
kosningar
Ankara. AFP, AP.
Stjórn Tyrklands
missir þingmeirihluta
ÍRSKI lýðveldisherinn, IRA, gaf í
gær út yfirlýsingu þar sem hann
biðst í fyrsta sinn afsökunar á dráp-
um á hundruðum óbreyttra borgara
síðustu 30 árin.
Leiðtogar IRA viðurkenndu einn-
ig „sorg og þjáningu“ fjölskyldna
lögreglumanna, hermanna og félaga
í vopnuðum hreyfingum mótmæl-
enda sem féllu í árásum IRA á Norð-
ur-Írlandi.
Írski lýðveldisherinn gaf út yfir-
lýsinguna í tilefni af því að á sunnu-
daginn kemur verða 30 ár liðin frá
„föstudeginum blóðuga“ þegar níu
manns biðu bana og fjölmargir særð-
ust í sprengjutilræðum í miðborg
Belfast. IRA bað fjölskyldur þeirra,
sem biðu bana í þessum tilræðum og
öðrum árásum, „innilega afsökunar“.
„Þótt við hefðum ekki ætlað að særa
eða drepa óbreytta borgara er
reyndin sú að mannfall meðal þeirra
var afleiðing aðgerða okkar.“
Talið er að 1.800 manns, þar af 650
óbreyttir borgarar, hafi fallið í árás-
um IRA.
Breska stjórnin fagnaði afsökun-
arbeiðninni en lagði áherslu á að
Írski lýðveldisherinn yrði að virða öll
ákvæði friðarsamningsins á Norður-
Írlandi frá 1998.
IRA biðst í
fyrsta sinn
afsökunar á
drápunum
Belfast. AFP.
FIMM manns fórust þegar þyrla
hrapaði í Norðursjó undan strönd
Norfolk-sýslu á Austur-Englandi
í gærkvöldi. Sex annarra var
saknað.
Í þyrlunni voru starfsmenn ol-
íuborpalls í Norðursjó. Hún var af
gerðinni Super Puma og á leiðinni
frá Norwich til borpallsins. Hún
hrapaði 25 sjómílur frá bænum
Great Yarmouth í Norfolk.
Herþyrla og sjö skip leituðu í
gær að þeim sem saknað var. Veð-
ur var gott á þessum slóðum og
talið var að mennirnir væru í flot-
búningum.
Ekki var vitað hvað olli slysinu.
„Skyggnið var gott og lítill vindur.
Ekkert bendir til þess að önnur
flugvél hafi verið á svæðinu þegar
slysið varð,“ sagði talsmaður
breska flughersins.
Mannskætt þyrlu-
slys í Norðursjó
London. AFP.