Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Morgunblašiš

og  
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 . . . . .
PDF  | JPG  | TXT  |
Skoša ķ nżjum glugga:
PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Morgunblašiš

						FRÉTTIR
6 MIÐVIKUDAGUR 4. SEPTEMBER 2002 MORGUNBLAÐIÐ
SÍFELLT fleiri framhalds- og há-
skólanemar aka í skólann en í fæst-
um tilvikum hefur verið bætt við
bílastæðum við skólana til að bregð-
ast við þessari þróun. Afleiðingin er
sú að víða má sjá yfirfull bílastæði
við skólana og um áttaleytið, þegar
kennsla hefst í flestum skólum,
glíma nemendur og aðrir vegfarend-
ur við þétta umferðarhnúta í ná-
grenni skólanna. 
Leggja bílunum 
á ótrúlegustu stöðum
Þorgrímur Guðmundsson, aðal-
varðstjóri í umferðardeild lögregl-
unnar í Reykjavík, segist fá fjöl-
margar kvartanir um bílastæðamál
skóla inn á sitt borð á hverju hausti.
Greinilega hafi sumir skólar ekki
bílastæði fyrir alla þá nemendur
sem koma akandi og þeir bregði því
sumir á það ráð að leggja á á ótrú-
legustu stöðum, á gangstéttum, á
grasbölum og á bílastæðum versl-
unarmiðstöðva og fjölbýlishúsa í ná-
grenninu. 
Sumir skilja bílana hreinlega eftir
úti á götu. ?Eftir því sem þeir eru
seinni af stað í skólann, því verr
leggja þeir,? segir hann. Lögregla
reyni eftir mætti að sjá til þess að
farið sé eftir lögum og reglum og
skólayfirvöld hvetji nemendur til að
leggja löglega. 
Þorgrímur segir að þeir sem ger-
ast brotlegir megi búast við því að
bílar þeirra verði dregnir í burtu og
minnir á að bílar sem lagt er þvers
og kruss geti hindrað slökkvilið og
sjúkralið við að komast að skólun-
um. 
Páll Melsted, garðyrkjustjóri Há-
skóla Íslands, segir mikinn skort á
bílastæðum fyrir ofan Suðurgötu og
sé bílum þar lagt upp á gangstéttum
og grasi. ?Þetta er allt sprungið,?
segir hann um bílastæðamál HÍ.
Skorturinn er sérlega áberandi við
Landsbókasafnið sem er helsta les-
aðstaða stúdenta. Fyrir neðan Suð-
urgötu er jafnan þröng á þingi og
bílastæði við byggingar háskólans
rúma alls ekki bílaflota stúdenta og
starfsfólks. Á gamla malarvellinum
fyrir neðan Sæmundargötu eru þó
jafnan laus stæði en Páll segir að
mörgum finnist bílastæðið heldur
langt frá kennslustofunum. 
Rætt hefur verið um gjaldtöku á
bifreiðastæðum en Páll segir að það
sé aðeins ein hugmynd af mörgum
sem varpað hafi verið fram til að slá
á vandann. ?En auðvitað þurfa ekki
allir að hrúgast í skólann á bílum,?
segir Páll. 
Hluti af stærra 
vandamáli
Bílastæðin við Kennaraháskóla
Íslands voru ?kjaftfull? í gær eins og
Steinþór Hlöðversson, umsjónar-
maður fasteigna skólans, orðaði það.
Hann segir að bílastæðin dugi alls
ekki fyrir alla þá nemendur sem
koma í skólann á bílum og margir
leggi í nærliggjandi götum. Álagið á
bílastæðunum sé þó mismikið. Guð-
mundur Ragnarsson, framkvæmda-
stjóri fjármála- og rekstrarsviðs
skólans, segir vandamálið alvarlegt
og unnið sé að því að bæta úr. Á síð-
asta ári hafi 60 bílastæðum verið
bætt við og á næsta ári bætist enn
fleiri við, nógu mörg til að uppfylla
þörf skólans skv. mati fagaðila í
skipulagsmálum. Plássið sé þó tak-
markað og Guðmundur minnir á að
bílastæðaskortur sé ekki bara
vandamál skólanna í borginni heldur
sé þetta hluti af stærra vandamáli.
?Almenningssamgöngur þurfa að
koma inn í þetta en þær greinilega
virka ekki í Reykjavík,? segir hann.
Enginn skortur 
við Verzlunarskólann
Við Háskólann í Reykjavík og
Verzlunarskóla Íslands eru um 500?
600 bílastæði sem nemendur skól-
anna nýta í sameiningu en samtals
stunda um 2.300 manns nám við
skólana tvo. Að sögn Hjartar Gunn-
arssonar, umsjónarmanns fasteigna
Háskólans í Reykjavík, eru bílar í
öllum stæðum við skólann frá um
klukkan átta á morgnana til hádegis.
Eftir það fækkar bílunum og þegar
Morgunblaðið ræddi við hann
skömmu eftir hádegi í gær var nóg
af lausum stæðum. Hjörtur segir að
þeir nemendur sem fái ekki stæði
við skólann geti lagt við Kringluna.
Það sé því alls ekki hægt að tala um
bílastæðahallæri við skólann. ?Það
er alltaf einn og einn sem finnst þeir
eigi að geta keyrt hér upp að dyrum
og lagt í stæði. Það er bara ekki
möguleiki á því,? segir hann og
bendir á að bílastæði við HR séu
fleiri en krafist er í byggingareglu-
gerð. Þegar þriðja byggingin rís á
lóðinni þarf þó að bæta við stæðum
og er þá ætlunin að reisa bílastæða-
hús við lóðamörkin að Ofanleiti.
?Það er enginn skortur á bíla-
stæðum hér,? sagði Þorvarður El-
íasson, skólameistari Verzlunarskól-
ans í samtali við Morgunblaðið. Séu
ekki laus stæði við skólabygginguna
sjálfa standi nemendum til boða að
leggja við Kringluna en þaðan sé um
einnar mínútu gangur yfir í skólann.
Eina vandamálið sé að fá nemendur
til að leggja í bílastæðin en margir
vilji leggja sem næst skólanum og
notist þá við gangstéttir og lóðir
annarra. 
Margir koma á 
reiðhjólum í MR
Sá skóli sem að öllum líkindum
hefur fæst bílastæði fyrir nemendur
sína er Menntaskólinn í Reykjavík
en við skólann eru 30 stæði ætluð
nemendum. 
Yngvi Pétursson rektor segir að
nemendur búi við svipað ástand í
þessum málum og aðrir sem vinna í
miðbænum. Skortur á bílastæðum
hafi verið leystur með því að nem-
endafélögin hafa óskað eftir verð-
tilboðum á stæðum í bílastæðahús-
um í nágrenninu. Aðspurður hvort
fá bílastæði hafi orðið til þess að
nemendur í MR aki síður í skólann
segist Yngvi ekki hafa upplýsingar
um það. ?Við erum í miðbænum og
flestir af okkar nemendum koma úr
vesturbænum. Það hefur aukist
mjög að nemendur komi á reiðhjól-
um.? 
Sífellt fleiri nemar koma á bílum í skólann en stæðunum fjölgar ekki endilega um leið
Morgunblaðið/Árni Sæberg
Við Kennaraháskóla Íslands skortir talsvert á að bílastæði dugi og leggja því margir í nærliggjandi götum. 
?Þurfa ekki
allir að hrúg-
ast í skólann 
á bílum? 
Heita mátti að bíll væri í hverju stæði á bílastæðunum við Háskólann í
Reykjavík þegar ljósmyndari Morgunblaðsins flaug þar yfir í vikunni. 
BRESKA dagblaðið Guardian birti í
gær afsökunarbeiðni til íslensku
þjóðarinnar vegna umfjöllunar
blaðsins um mengun í síðustu viku
þar sem Bláa lónið var talið til staða
í heiminum þar sem mikillar meng-
unar gætir.
Guardian sendi Sam Wollaston,
aðstoðarritstjóra greinaskrifa, hing-
að til lands um síðustu helgi og þá
kynntist hann Bláa lóninu af eigin
raun. Afrakstur heimsóknar hans er
rakinn í umfjöllun í blaðinu í gær
undir fyrirsögninni: ?Fyrirgefðu, Ís-
land?.
Wollaston segir í greininni að
ásetningur blaðsins hafi verið annar
en greinin hafi gefið til kynna, það
er, að minna þjóðarleiðtoga heims-
ins á þau vandamál sem þeir stæðu
frammi fyrir vegna mengunar í
heiminum. Tilefnið var leiðtoga-
fundur Sameinuðu þjóðanna í Jó-
hannesarborg um sjálfbæra þróun.
Fyrir misskilning var birt mynd af
Bláa lóninu ásamt nokkrum af
menguðustu stöðum á jarðríki. 
?Ef til vill hefðum við átt að finna
vísbendinguna í nafninu: Ekki
Svarta lónið eða Gulbrúna lónið
heldur Bláa lónið,? segir Wollaston.
Hann rekur atburðarásina: símtöl
og faxsendingar tóku að berast inn á
ritstjórn blaðsins strax næsta morg-
un, meðal annars frá íslenska sendi-
ráðinu í Bretlandi og Flugleiðum,
sem endaði með því að ákveðið var
að Wollaston skyldi kynna sér málin
af eigin raun á Íslandi. 
Vildi koma í veg fyrir þorska-
stríðssamskipti við Ísland
?Það var aðeins eitt að gera til að
koma í veg fyrir að samskipti Ís-
lands og Bretlands færu á það stig
sem þau voru á í þorskastríðinu, ég
yrði að heimsækja landið sem ferða-
maður, sannreyna vatnið í Bláa lón-
inu og annað hvort sjá með eigin
augum skinnið á mér leysast upp
eða lýsa því yfir að það væri óhætt
að baða sig í vatninu.?
Í grein sinni gerir Wollaston
ferðalagi sínu skil frá því hann sest
upp í vélina á leið til Íslands, ásamt
persónulegum vangaveltum og at-
hugasemdum um nokkur sérkenni
Íslendinga, þar á meðal um notkun
föðurnafna. 
Í heimsókninni ræðir hann við
forsvarsmenn Bláa lónsins og Hita-
veitu Suðurnesja, auk þess sem hann
bregður sér í lónið. 
Í lok greinarinnar, sem er alllöng
og á léttum nótum, segir Wollaston
að nú sé bara að bíða eftir símbréfi
með leiðréttingu frá brasilíska
sendiráðinu um að fuglar í olíubrák
sem sýndir voru í opnugreininni í
síðustu viku hafi alls ekki verið bað-
aðir í olíu. 
?Næsta helgi er það Ríó. Það er
erfitt að gera vitleysur,? segir 
Wollaston og að lokum.
Aðstoðarritstjóri Guardian í sundferð í Bláa lónið 
Íslenska
þjóðin
beðin af-
sökunar
Morgunblaðið/Kristinn Ingvarsson
Sam Wollaston slakar á í Bláa lóninu um helgina. Myndina tók ljósmynd-
ari Morgunblaðsins fyrir Guardian og var hún birt í blaðinu í gær.
VERÐ á hassi er með hærra móti
um þessar mundir en grammið kost-
ar nú 2.060 krónur samkvæmt verð-
könnun SÁÁ. Í lok júní kostaði
grammið 2.470 kr. sem er hæsta verð
sem um getur í tvö og hálft ár. Verð á
hassi hefur níu sinnum farið upp fyr-
ir 2.000 krónur grammið á þessu
tímabili í 32 mælingum, en lægst fór
verðið í 1.410 krónur í lok apríl 2000.
Verð á e-töflum er hins vegar
áberandi lágt um þessar mundir og
kostar ein e-tafla 2.240 kr. Verðið
hefur ekki verið lægra í tvö og hálft
ár, en dýrust var e-taflan í júlí 2000
þegar hún kostaði 3.150 kr.
Verðfall er á kókaíni, en grammið
kostar nú 9.300 kr. Frá því í vor hef-
ur grammið verið á um 12.000 kr. 
Á heimasíðu SÁÁ kemur fram að
áhugi unglinga á fíkniefnum hafi
aldrei verið meiri en um þessar
mundir og birtist áhugi þeirra í já-
kvæðum viðhorfum þeirra gagnvart
neyslunni. Framboð á fíkniefnum
hefur vaxið stöðugt og úrvalið orðið
fjölskúðugra. ?Þegar þetta tvennt
fer saman, aukið framboð og aukinn
áhugi unglinga á vímuefnum, láta af-
leiðingarnar ekki á sér standa.
Vímuefnaneysla unglinga hefur aldr-
ei verið meiri og aldrei hafa jafn-
margir unglingar komið til meðferð-
ar vegna vímuefnavanda,? segir á
heimasíðunni. Þar segir einnig að
vandinn sé svipaður í nágrannalönd-
unum, einkum í Bretlandi og á Norð-
urlöndunum. Samfara auknum fíkni-
efnaviðskiptum virðist sú umræða,
sem vekur áhuga unglinganna á að
nota fíkniefni ? einkum kannabisefni
? eiga greiðan aðgang að flestum
fjölmiðlum auk þess sem hún
blómstrar á Netinu. Við þetta bætist
skemmtanaiðnaður sem er hliðhollur
fíkniefnum, segir á heimasíðu SÁÁ.
Hass með dýrara
móti en e-taflan
aldrei verið ódýrari
INNTÖKUPRÓFUM í Lög-
regluskólann fyrir skólaárið
2003 er nú lokið og verða 87
umsækjendur boðaðir í viðtal
hjá valnefnd skólans á næstu
dögum. 
Á heimasíðu Lögregluskól-
ans kemur fram að 163 nýnem-
ar sóttu um, 29 þeirra stóðust
ekki almenn inntökuskilyrði og
því voru 134 boðaðir í inntöku-
próf. Af þeim féllu 23 í þrek-
prófum og þrír í bóklegum
prófum en 21 umsækjandi
mætti ekki prófin og tilkynntu
ekki forföll. Eftir eru 87 mun
valnefndin velja 40 hæfustu
einstaklingana úr þeim hópi. 
23 féllu í
þrekprófum
Lögreglu-
skólans

					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32
Blašsķša 33
Blašsķša 33
Blašsķša 34
Blašsķša 34
Blašsķša 35
Blašsķša 35
Blašsķša 36
Blašsķša 36
Blašsķša 37
Blašsķša 37
Blašsķša 38
Blašsķša 38
Blašsķša 39
Blašsķša 39
Blašsķša 40
Blašsķša 40
Blašsķša 41
Blašsķša 41
Blašsķša 42
Blašsķša 42
Blašsķša 43
Blašsķša 43
Blašsķša 44
Blašsķša 44
Blašsķša 45
Blašsķša 45
Blašsķša 46
Blašsķša 46
Blašsķša 47
Blašsķša 47
Blašsķša 48
Blašsķša 48
Blašsķša 49
Blašsķša 49
Blašsķša 50
Blašsķša 50
Blašsķša 51
Blašsķša 51
Blašsķša 52
Blašsķša 52