Morgunblaðið - 04.09.2002, Blaðsíða 52
KLUKKAN átta á morgnana á virk-
um dögum þýðir lítið að flýta sér til
Reykjavíkur því umferðin er þá í
hámarki. Bílstjórarnir verða að
taka það rólega, anda djúpt og
hugsa um eitthvað skemmtilegra
en umferðarhnúta og stimpil-
klukkur.
Þegar skólarnir hefjast fjölgar
bílunum til muna og mörgum reyn-
ist erfitt að finna stæði við skólann
sinn og þurfa oft að leita lengi eftir
hentugu plássi fyrir þarfasta þjón
nútímamannsins, einkabifreiðina.
Morgunblaðið/Ómar
Áfram
streymir
endalaust
Þurfa ekki/6
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 4. SEPTEMBER 2002 VERÐ Í LAUSASÖLU 190 KR. MEÐ VSK.
Morgunblaðið/Júlíus
Lögreglan fyrir utan húsið við
Yrsufell þar sem talið er að konu
hafi verið hrint fram af svölum.
Tveir hand-
teknir eftir
að kona féll
af svölum
RÚMLEGA fimmtug kona féll
fram af svölum fjölbýlishúss við
Yrsufell í Breiðholti skömmu fyrir
hádegi í gær.
Óljóst er hvernig fall konunnar
bar að en lögreglan í Reykjavík
handtók tvo karlmenn á fimmtugs-
aldri í íbúðinni vegna málsins. Síð-
degis í gær voru þeir enn of ölv-
aðir til að hægt væri að yfirheyra
þá.
Samkvæmt upplýsingum frá lög-
reglu féll konan af svölum á þriðju
hæð og lenti á gangstétt um sex
metrum neðar.
Hún meiddist þó minna en talið
var í fyrstu. Að sögn vakthafandi
læknis á slysadeild Landspítala –
háskólasjúkrahúss hlaut hún brot í
hrygg og brotnaði á hæl. Hún
skaddaðist þó ekki á mænu og er
ekki talin í lífshættu.
BJARNI Haukur Þórsson, leikari
og leikstjóri, er að leggja lokahönd
á samning um framleiðslu á gam-
anþáttaröð fyrir TV-2-sjónvarps-
stöðina í Noregi sem kosta mun um
300 milljónir. Að sögn Bjarna hefur
undirbúningur að gerð þáttanna
staðið í heilt ár og er áætlað að tök-
ur hefjist á fyrstu 13 þáttunum
næsta haust og þeir verði settir á
dagskrá TV-2 í janúar 2004.
„Hugmyndin að þessum þáttum
er fengin úr leikritinu Hellisbúan-
um sem margir Íslendingar sáu í Ís-
lensku óperunni á sínum tíma,“ seg-
ir Bjarni sem lék sjálfur Hellis-
búann hér heima sem frægt er
orðið. Sýningin sló öll aðsóknarmet
og Bjarni varð sér síðan úti um sýn-
ingarrétt verksins á Norðurlönd-
unum og sviðsetti leikinn í Ósló á
síðasta ári við miklar vinsældir.
Það var einn þekktasti gamanleik-
ari Norðmanna, Sven Nordin, sem
fór með hlutverkið en hann verður
einnig í aðalhlutverki í sjónvarps-
þáttunum. Nordin er ýmsum kunn-
ugur fyrir hlutverk sitt í myndinni
Elling en hann fer einnig með eitt
hlutverkanna í Hafinu sem frum-
sýnd verður á föstudag.
Útfærir Hellisbúann
Bjarni segir að hann hafi einmitt
fengið hugmyndina að því að gera
gamanþætti fyrir sjónvarp þegar
hann var að vinna að norsku sýn-
ingunni í fyrra. „Ég samdi við höf-
und Hellisbúans um leyfi til að út-
færa hugmyndina.. Aðstæðurnar
sem settar eru fram í þáttunum eru
þannig að hellisbúinn Gunnar er
sjónvarpskokkur sem hefur gaman
af því að sýna hvernig á að elda
stórar steikur og annan karlalegan
mat. Hann spjallar við áhorfendur
og segir þá gjarnan frá viðbrögðum
eiginkonunnar við ýmsu sem hann
hefur gert og sagt. Þá er skipt um
svið og samskipti þeirra hjóna og
vina þeirra rakin.“
Bjarni er höfundur þeirra 26
þátta sem samið hefur verið um en
hann skrifar á ensku og íslensku og
hefur 2–3 norska meðhöfunda með
sér sem skrifa og þýða samtölin.
TV-2 er stærsta einkarekna sjón-
varpsstöðin í Noregi og nær til allra
landsmanna í opinni dagskrá. Hann
segir að sjónvarpsstöðvar í Dan-
mörku og Svíþjóð hafi einnig sýnt
þessu verkefni mikinn áhuga. „Ís-
lenska sjónvarpið hefur lýst yfir
áhuga á verkefninu þótt ekki sé far-
ið að ræða það neitt frekar.“
Bjarni Haukur hefur fleiri járn í
eldinum því hann er að vinna að
uppsetningu á Hellisbúanum í Sví-
þjóð. Frumsýning er áformuð 23.
september og er búið að skipu-
leggja leikferð um Svíþjóð í heilt
ár.
300 milljóna samningur
við norska sjónvarpsstöð
Gamanþættir
byggðir á
Hellisbúanum
MEÐAL þeirra nýjunga sem
kynntar verða á Íslensku sjávarút-
vegssýningunni er orkustjórnunar-
kerfi frá MarOrku ehf. sem nær
fram 17% betri orkunýtingu fiski-
skipa. Fyrir hefðbundið nótaskip
getur búnaðurinn sparað um 13
milljónir króna á ári í olíukostnað.
Markmið MarOrku er að skapa
orkustjórnunarkerfi sem eykur
orkunýtingu um borð í skipum um
25%.
Sjávarútvegssýningin verður
opnuð í Smáranum í Kópavogi í dag
en þetta er í sjöunda sinn sem sýn-
ingin er haldin.
Sjávarútvegssýningin hefur aldr-
ei áður verið jafnumfangsmikil,
sýningarrýmið er nú um 13 þúsund
fermetrar eða 200 fermetrum
stærra en á síðustu sýningu sem
haldin var árið 1999. Alls kynna um
800 fyrirtæki vörur sínar og þjón-
ustu á sýningunni, frá 37 löndum.
Búist er við hátt í 20 þúsund gest-
um á sýninguna hvaðanæva úr
heiminum.
Marianne Rasmussen, fram-
kvæmdastjóri sýningarinnar, segir
að þrátt fyrir að fjölmörg fyrirtæki
og rekstraraðilar í sjávarútvegi hafi
sameinast á síðustu þremur árum,
sé sýningin nú stærri en árið 1999
en sú sýning sló þó öll met, bæði
hvað varðar fjölda sýnenda, gesta
og umfang sýningarsvæðis. „Öll að-
staða til sýningarhalds í Smáranum
í Kópavogi hefur gjörbreyst til
batnaðar með tilkomu nýju knatt-
spyrnuhallarinnar, Fífunnar, sem
er margfalt stærri en þau sýning-
arhús sem Íslenska sjávarútvegs-
sýningin hefur hingað til haft til
umráða,“ segir Marianne.
Í tengslum við sýninguna verða
haldnir fundir og ráðstefnur.
Morgunblaðinu í dag fylgir blað-
aukinn Úr verinu sem helgaður er
Íslensku sjávarútvegssýningunni.
Bæta
orkunýt-
ingu fiski-
skipa
Nýjungar á sjávarút-
vegssýningunni
ÞRÍR menn lentu í vandræðum við köfun í Kleifarvatni
í gærkvöld. Að því er næst verður komist þurftu þeir að
koma hratt úr kafi og fengu allir köfunarveiki eða snert
af henni og var einn þeirra meðvitundarlaus en ástand
hinna tveggja var betra. Lögreglan í Hafnarfirði og
Keflavík fór á vettvang laust eftir klukkan níu.
Þyrla Landhelgisgæslunnar var kölluð til og fór hún
í loftið kl. 21.35 og sótti mennina og flutti þá alla á slysa-
deild Landspítalans í Fossvogi.
Að sögn vakthafandi læknis á slysadeild voru menn-
irnir strax settir í þrýstijöfnunarklefa. Einn var án
meðvitundar en ástand hinna tveggja var betra og þeir
ekki taldir vera í hættu. Sá sem verst varð úti var enn
ekki kominn til meðvitundar þegar Morgunblaðið fór í
prentun.
Þrír fluttir á slysadeild
eftir óhapp við köfun
Morgunblaðið/Jón Svavarsson
TF-LIF við Landspítala í Fossvogi með þrjá menn sem
lentu í vandræðum við köfun í Kleifarvatni í gærkvöld.