Morgunblaðið - 27.09.2002, Blaðsíða 1

226. TBL. 90. ÁRG. FÖSTUDAGUR 27. SEPTEMBER 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 27. SEPTEMBER 2002
VLADÍMÍR Pútín, forseti Rúss-
lands, sagðist í gær ekki telja að þörf
væri á nýrri ályktun öryggisráðs
Sameinuðu þjóðanna (SÞ) um vopna-
eftirlit í Írak. „Við erum fylgjandi því
að málið verði leyst hið snarasta með
diplómatískum leiðum á grundvelli
fyrirliggjandi ályktana öryggisráðs
SÞ og í samræmi við alþjóðalög,“
sagði Pútín í Moskvu, er hann ávarp-
aði nýja, rússneska sendiherra.
Bandaríkjamenn og Bretar leggja
áherslu á að ný ályktun verði sam-
þykkt þar sem lögð verði fram skil-
yrði sem Saddam Hussein Íraksfor-
seti verði að uppfylla, m.a. að hleypa
vopnaeftirlitsmönnum SÞ inn í landið
en sæta árás ella. Rússar hafa fasta-
fulltrúa í öryggisráðinu og geta beitt
neitunarvaldi þar.
Embættismaður í bandaríska varn-
armálaráðuneytinu sagði í gær, að
Bandaríkjamenn og Bretar væru
komnir vel á veg með uppkast að
strangri, nýrri ályktun og myndu inn-
an skamms leggja fastmótað orðalag
hennar fyrir hin ríkin þrjú sem eiga
fastafulltrúa í ráðinu, en auk Banda-
ríkjanna, Bretlands og Rússlands eru
það Kína og Frakkland.
Embættismaðurinn, sem ekki vildi
láta nafns síns getið, tjáði fréttastofu
AFP að Marc Grossman, aðstoðar-
utanríkisráðherra Bandaríkjanna,
myndi taka sér ferð á hendur til höf-
uðborga fastafulltrúaríkjanna til að
ræða orðalag ályktunarinnar. Banda-
ríkjamenn vilja að í ályktuninni verði
afdráttarlaust kveðið á um, að fari
Saddam ekki að fyrirliggjandi álykt-
unum öryggisráðsins heimili ráðið
árás á Írak.
Jack Straw, utanríkisráðherra
Bretlands, sagði í gær að hann teldi
að Rússar myndu áfram gegna „upp-
byggilegu“ hlutverki í alþjóðlegum
tilraunum til að fá Íraka til að eyða
gereyðingarvopnum sínum. Reyndi
Straw að draga úr vægi orða Pútíns
um að Rússar teldu ekki þörf á nýrri
ályktun öryggisráðsins.
Donald Rumsfeld, varnarmálaráð-
herra Bandaríkjanna, sagði á frétta-
mannafundi í gær, að Bandaríkja-
menn hefðu fyrir því afdráttarlausar
sannanir að tengsl á milli háttsettra
manna í al-Qaeda, hryðjuverkasam-
tökum Osama bin Ladens, og hátt-
settra manna í ríkisstjórn Íraks hefðu
verið að styrkjast síðan 1998. Vitað
væri að liðsmenn í al-Qaeda hefðu
dvalið í Írak.
George W. Bush Bandaríkjaforseti
tilkynnti í gær að hann væri nærri því
að komast að samkomulagi við þingið
um „einróma“ andstöðu við Saddam.
„Demókratar og repúblikanar neita
að búa við ótta,“ sagði forsetinn í
Rósagarðinum við Hvíta húsið í gær,
þar sem hann var ásamt þingmönnum
beggja flokka er styðja áætlanir hans
um að steypa Saddam af stóli með
hervaldi ef nauðsyn krefur.
London, Washington. AFP, AP.

Rice segir/20

Heimta að/22
Pútín kveðst ekki telja
þörf á nýrri ályktun SÞ
Tengsl sögð á milli Íraka og hátt-
settra liðsmanna al-Qaeda
HJÓLREIÐAMAÐUR í New Or-
leans á suðurströnd Bandaríkj-
anna lét ekki flóð aftra för sinni í
gærmorgun, er hitabeltisstorm-
urinn Ísidór kom þar upp á land.
Vindhraðinn fór mest í 29 metra
á sekúndu, sem er rétt tæplega
fellibylsstyrkur, en engar fregnir
höfðu í gærkvöldi borist af mann-
tjóni af völdum veðursins. Raf-
magn fór af víða í Mississippi og
Louisiana. Ísidór gat af sér
nokkra skýstrokka sem ollu tölu-
verðum skemmdum á mann-
virkjum á Flórídaskaga.
Ísidór lætur
til sín taka
AP
ÞRÍR ræningjar hófu skothríð í
banka í Nebraskaríki í Banda-
ríkjunum í gærmorgun, myrtu
fjóra starfsmenn bankans og
einn viðskiptavin, að því er lög-
regluyfirvöld greindu frá. Önn-
ur kona varð fyrir skoti. Mikið
úrhelli torveldaði leitina að ræn-
ingjunum þremur sem hlupu út
úr bankanum og sáust hverfa á
braut í hvítri Subaru-bifreið.
Um þrem tímum síðar voru
þrír menn handteknir á stolnum
pallbíl um 120 km frá Norfolk,
en ekki var ljóst hvort um morð-
ingjana væri að ræða. Skólum í
bænum var lokað á meðan leitin
stóð, og bönkum í nágranna-
byggðum var einnig lokað. Lög-
regla vildi ekkert segja um
hvort mennirnir hefðu haft ein-
hverja peninga á brott með sér.
Bankarán í
Bandaríkjunum
Fimm
myrtir
Norfolk í Nebraska. AP.
TIL mikilla átaka kom í gær milli
rússneskra hermanna og tsjetsj-
neskra skæruliða í Íngúshetíu, ná-
grannaríki Tsjetsjníu. Beittu Rússar
stórskotaliði og flugvélum gegn
skæruliðunum, sem tókst að skjóta
niður rússneska þyrlu.
Þyrlan, með tveimur mönnum inn-
anborðs, hrapaði til jarðar í bænum
Galashki en Rússar sögðu í gær, að
þeir hefðu misst 10 menn og 15 hefðu
særst. Um 80 skæruliðar af um 150
manna hópi hefðu verið felldir og
hinir væru innikróaðir.
Talsmaður rússneska hersins
sagði, að innan um fallna skæruliða
hefðu þeir fundið lík bresks sjón-
varpsfréttamanns, Roderick John
Scotts. Var hann lausamaður hjá
bresku sjónvarpsstöðinni Frontline
Television News og hafði fengið
vegabréfsáritun til Georgíu. Rann
hún út 15. þessa mánaðar.
Frá bækistöðvum
í Pankisi-skarði
Rússar segja, að meðal skærulið-
anna, sem voru felldir, hafi verið
arabar, Tyrki og Georgíumaður.
Hafi þeir allir komið frá Pankisi-
skarði í Georgíu og ætlað til Tsjetsj-
níu um Íngúshetíu. Eru átökin í gær
þau fyrstu þar í landi frá upphafi
Tsjetsjníustríðsins.
Að sögn Rússa nota skæruliðarnir
Pankisi-skarðið í Georgíu sem bæki-
stöð fyrir árásir inn í Tsjetsjníu og
hafa þeir hótað að ráðast á þá þar.
Segja þeir, að tilraunir Georgíu-
manna til að bægja þeim burt hafi
engan árangur borið en Georgíu-
menn neita því og segja, að skæru-
liðarnir séu á förum.
Talið er, að tsjetsjnesku skæru-
liðarnir séu ekki lengur færir um
meiriháttar árásir á Rússa og leggi
því mesta áherslu á það nú að skjóta
niður rússneskar þyrlur.
Bardagar geisa í Íng-
úshetíu í fyrsta sinn
Hörð átök milli
Rússa og tsjetsj-
neskra skæruliða
Galashki. AFP.
TVEIR herskáir múslimar féllu í
gær er Ísraelar gerðu eldflaugaárás
í Gazaborg, en alls létust sjö Palest-
ínumenn í átökum á Gaza og Vest-
urbakkanum í gær. Umsátur Ísraela
um höfuðstöðvar Yassers Arafats
Palestínuleiðtoga hefur nú staðið í á
aðra viku.
Mennirnir sem felldir voru í Gaza-
borg voru meðlimir í Hamas-sam-
tökum múslima og voru á ferð í bif-
reið er eldflaug var skotið á þá. Mun
skotmark Ísraela hafa verið leiðtogi
vopnaðs arms Hamas, Mohammed
Deif, en samtökin báru til baka til-
kynningu Ísraela um að Deif, sem
sloppið hefur lifandi úr nokkrum til-
ræðum, hefði fallið.
Hamas hótaði þegar í stað hefnd-
um. „Við munum gera árás á Tel
Aviv. Við munum gera árásir hvar-
vetna,“ sagði Abdel Aziz Rantisi,
leiðtogi í samtökunum.
Að minnsta kosti 25 manns særð-
ust í eldflaugaárásinni, þ. á m. um tíu
börn, en hún var gerð skammt frá
barnaspítala og einnig eru nokkrir
skólar í grenndinni.
Lést af völdum táragass
Fyrr í gær lést í Hebron 14 mán-
aða palestínsk stúlka af völdum tára-
gass, er til óeirða kom milli palest-
ínskra íbúa borgarinnar og
ísraelskra hermanna sem voru að
reyna að framfylgja útgöngubanni í
palestínskum hverfum.
Í gærkvöldi særðust fjórir Ísrael-
ar, þ. á m. eitt barn alvarlega, er
skotið var á bifreið þeirra á sunn-
anverðum Vesturbakkanum, að því
er ísraelskir landnemar greindu frá.
Fregnir bárust í gær af veikindum
meðal þeirra 250 vopnuðu manna
sem gæta Arafats á skrifstofu hans í
Ramallah. Hafa mennirnir heitið því
að berjast til síðasta manns reyni
Ísraelar að ráðast inn í bygginguna.
Ísraelar segjast ekki munu létta um-
sátrinu fyrr en Arafat samþykki að
afhenda eftirlýsta menn sem halda
til á skrifstofunni með honum.
Sjö falla á
Gaza og
Vestur-
bakkanum
Gazaborg. AFP.