Morgunblaðið - 05.10.2002, Blaðsíða 8
FRÉTTIR
8 LAUGARDAGUR 5. OKTÓBER 2002 MORGUNBLAÐIÐ
Svona, hættu þessu klappi, strákur, þetta er bara trix alveg eins og
þegar ég plataði kvótakerfinu upp á þjóðina.
Jazzhátíð Reykjavíkur í algleymingi
Höfum fengið
frábæra aðsókn
NÚ STENDUR yfirJazzhátíð Reykja-víkur. Henni lýk-
ur á morgun. Friðrik
Theodórsson er í forsvari
fyrir hátíðina. Hann svar-
aði góðfúslega nokkrum
spurningum Morgun-
blaðsins.
– Hvaða aðilar halda
þessa djasshátíð og hvað
hefur hún verið haldin oft?
„Þetta er tólfta árið sem
djasshátíð er haldin í
Reykjavík, fyrsta árið af
RÚV og hét þá Norrænir
jazzdagar, síðan sem
RÚREK í samvinnu FÍH
og RÚV og nú síðustu árin
af Jazzdeild FÍH undir
heitinu Jazzhátíð Reykja-
víkur.“
– Nú hófst hún sl.
þriðjudag og lýkur á morgun,
hvernig hefur til tekist?
„Nú, þegar lokið er 9 af 14 tón-
leikum þessarar hátíðar, getum
við ekki annað en verið mjög sátt-
ir við árangurinn. Í ár, sem endra-
nær, getum við státað af úrvals-
djassleikurum, bæði erlendum og
innlendum. Það er mjög ánægju-
legt til að vita að allir tónleikarnir
til þessa hafa fengið frábæra að-
sókn, sumir hverjir umfram vænt-
ingar.“
– Er fjöldi íslenskra djass-
áhugamanna mikill, eða eru þetta
alltaf sömu andlitin á öllum tón-
leikum?
„Fjöldi djassáhugafólks hefur
aukist jafnt og þétt í gegnum árin
og mjög ánægjulegt til þess að
vita að yngri aldurshópar virðast í
mikilli sókn. Að vissu leyti er
þetta skiljanlegt því undanfarin
ár hafa birst hér fjölmargir mjög
færir ungir djasslistamenn og
þeir laða jafnaldra sína til sín í
sveifluna. Sem betur fer eru líka
mörg kunnugleg andlit ár eftir ár
sem við gætum ekki hugsað okkur
að vera án.“
– Hvað er svo framundan þessa
helgi?
„Í dag klukkan 18 spilum við út
trompásnum í Loftkastalanum,
Tiny Bell Trion með trompetleik-
arann Dave Douglas í fararbroddi
en hann var valinn trompetleikari
og tónskáld ársins 2002 af hinu
virta djasstímariti Down Beat.
Síðar í kvöld eru tvennir tónleikar
á Kaffi Reykjavík, með Mark
O’Leary, fyrsta írska djassleikar-
anum sem komið hefur til Íslands,
og í þeim síðari leiðir einn af mátt-
arstólpum Íslandsjazzins, bassa-
leikarinn Tómas R. Einarsson, 7
manna sveit sína í kúbanskri
sveiflu. Svo slúttum við með okk-
ar árlega djasshátíðardansleik
með milljónamæringunum á Kaffi
Reykjavík.
Á morgun bjóðum við svo upp á
eftirmiðdagskaffi og pönnukökur
með eistnesku söngkonunni Mar-
got Kiis, en slúttið verða dúnd-
urtónleikar Stórsveitar Reykja-
víkur þar sem þrír af okkar bestu
trommurum leika með sveitinni
undir stjórn Greg Hopkins. Þar
verður áreiðanlega
heitt í kolunum.“
– Þrífst djass vel á
Íslandi?
„Það má með sanni
segja, og ég ætla ekki
einu sinni að miða við fólksfjölda
eins og stundum er gert. Auk okk-
ar árlegu hátíðar og heimsókna
erlendra djassmanna hefur Aust-
fjarðagoðinn Árni Ísleifsson hald-
ið úti veglegri djasshátíð á Egils-
stöðum í 15 ár, árleg hátíð hefur
verið um hvítasunnuna í Vest-
mannaeyjum, djass- og blúshátíð
um nokkurra ára skeið á Ólafs-
firði, djassklúbbar starfræktir á
Húsavík, Hornafirði, Akureyri og
víðar auk þess sem Múlinn hefur
haldið vikulega tónleika lungann
úr árinu hér í Reykjavík í mörg
ár. Ég sendi út vikulegar djass-
fréttir í tölvupósti til á áttunda
hundrað djassáhugamanna og svo
áhuginn er fyrir hendi. Svona
fyrst þú spyrð þá væri það verð-
ugt verkefni að gera samantekt á
hinni fjölbreyttu flóru djasslífs
síðasta árið.“
– Stendur svona hátíð undir
kostnaði … og hver er fjárhags-
legi bakhjarlinn?
„Frá upphafi hefur Reykjavík-
urborg verið burðarásinn í fjár-
styrk til Jazzhátíðar Reykjavíkur
auk FÍH. Eins eru mörg fyrir-
tæki sem hafa stutt hátíðina frá
upphafi og alltaf fellur eitthvað til
frá velviljuðum styrktaraðilum,
en þeir eru 18 í ár. Það er t.d.
ánægjulegt að geta þess að stórt
bandarískt fjölmiðlafyrirtæki,
BET Jazz Channel, sem er kap-
alsjónvarp í Bandaríkjunum og
dreifir djasstónlist í sjónvarpi inn
á 11 milljón heimili þar í landi,
styrkti hátíðina okkar veglega í ár
auk þess að senda kvikmynda-
tökulið til þess að taka upp sýn-
ishorn af hátíðinni okkar og tala
viðtöl við borgarstjórann, ferða-
málafólk, djassleikara og fleiri.
Hugmyndir eru um möguleika á
samvinnu við þetta öfluga fyrir-
tæki um djasshátíðarhald og
kynningu á íslenskum djassi og
djassleikurum í Bandaríkjunum í
framtíðinni og þá verð-
ur gaman að lifa. Nú
má ekki gleyma afar
mikilvægu framlagi
tónleikagesta sem
styrkja hátíðina bæði
móralskt og fjárhagslega með því
að sækja tónleika okkar.“
– Komast menn enn á tónleika?
„Mögulega eru einhverjir mið-
ar enn til á Tiny Bell Trio. Nær
uppselt er á tónleika Kúbanska á
Kaffi Reykjavík í kvöld, enn eru
til miðar á dansleikinn og pönnu-
kökudjassinn og góðir möguleikar
eru á miðum á lokatónleikana
vegna stærðar Broadway.“
Friðrik Theodórsson
Friðrik Theodórsson fæddist í
Reykjavík 7. febrúar 1937. Lauk
prófi við VÍ 1955 og réðst þá til
SÍS, var m.a. 3 ár hjá Iceland
Seafood í Harrisburg. 7 ár hjá
Loftleiðum, en hefur síðan verið
hjá Rolf Johansen & Co. Lék á
kontrabassa með ýmsum hljóm-
sveitum í 25 ár, en á básúnu síð-
ustu tíu árin og bregður fyrir sig
„scat“ söng á góðum degi. Í
stjórn Jazzhátíðar Reykjavíkur
síðustu 12 árin, framkvæmda-
stjóri hennar síðustu 3 ár.
Kvæntur Eddu V. Eiríksdóttur,
starfsmannastjóra Veðurstofu
Íslands, og eiga þau 3 dætur.
… og þá
verður
gaman að lifa