Morgunblaðið - 29.12.2002, Blaðsíða 2

FRÉTTIR
2 SUNNUDAGUR 29. DESEMBER 2002 MORGUNBLAÐIÐ
LIÐ TIL PERSAFLÓA
Bandaríska varnarmálaráðu-
neytið hefur boðað að sendir verði
um 25 þúsund hermenn til Persa-
flóasvæðisins vegna hugsanlegrar
herfarar til Írak. Þar eru fyrir um 57
þúsund hermenn, og önnur 25 þús-
und til viðbótar verða send þangað á
næstunni.
Krónan of sterk
Gengi krónunnar er nú sterkara
en það hefur verið síðan horfið var
frá fastgengisstefnu í mars 2001.
Segir framkvæmdastjóri LÍÚ að
þetta sé farið að hafa áhrif á fyrir-
tæki í sjávarútvegi. Einnig kemur
þetta illa við fyrirtæki í ferðaþjón-
ustu, sem hafa flest tekjur í erlendri
mynt en gjöld í krónum.
Fari á gamlársdag
Yfirvöld í Norður-Kóreu hafa gert
eftirlitsmönnum Alþjóðakjarnorku-
málastofnunarinnar að yfirgefa
landið á þriðjudaginn.
Þorskseiðaframleiðsla
Mikill áhugi á þorskeldi hefur orð-
ið til þess að Hafrannsóknastofnun
leggur nú aukna áherslu á að fram-
leiða þorskseiði í tilraunaeldisstöð
stofnunarinnar við Grindavík. Stefnt
er að því að auka framleiðsluna
verulega á næstu árum.
Umhverfisstofnun
Umhverfisstofnun tekur til starfa
um áramótin og um leið verða lagðar
niður þær stofnanir sem hin nýja
tekur við af, þ.e., Náttúruvernd rík-
isins, Hollustuvernd ríkisins, emb-
ætti veiðistjóra, hreindýraráð að
hluta og dýraverndarráð. Umhverf-
isstofnun verður til húsa í Reykjavík
og á Akureyri.
Landlæknir gekk of langt
Umboðsmaður Alþingis hefur
komist að þeirri niðurstöðu að Land-
læknisembættið hafi gengið lengra
en lög leyfi er það sendi bréf til fyr-
irtækis sem fyrir mistök fékk send-
an lyfjalista frá apóteki Lyfju í sum-
ar. Framkvæmdastjóri fyrir-
tækisins, er um ræðir, hafði kvartað
við Umboðsmann Alþingis vegna
bréfsins.
Svartfugladauði
Borið hefur á svartfugladauða á
Borgarsandi fyrir botni Skaga-
fjarðar undanfarna daga. Telur
Náttúrufræðistofnun Íslands að
fuglarnir hafi orðið hungurdauða.
Ekki hafa stofnuninni borist tilkynn-
ingar um svartfugladauða annars
staðar á landinu.
Útlit fyrir sigur Kibakis
Allt leit út fyrir í gær að Mwai
Kibaki, frambjóðandi stjórnarand-
stöðunnar í Kenýa, hefði unnið af-
gerandi sigur í forsetakosningum er
fram fóru í landinu á föstudaginn.
Y f i r l i t
Í dag
Hugsað upphátt 27 Myndasögur 48
Af listum 28 Dagbók 50/51
Birna Anna 28 Krossgáta 53
Forystugrein 32 Leikhús 54
Reykjavíkurbréf 32 Fólk 54/61
Skoðun 34/35 Bíó 58/61
Minningar 36/41 Sjónvarp 52/62
Þjónusta 46 Veður 63
* * *
UMHVERFISSTOFNUN mun
taka til starfa nú um áramótin. Tek-
ur hún við verkefnum Náttúru-
verndar ríkisins, Hollustuverndar
ríkisins, embættis veiðistjóra, hluta
verksviðs hreindýraráðs og dýra-
verndarráðs. Þær stofnanir verða
því lagðar niður frá 1. janúar 2003.
Umhverfisstofnun verður til húsa
á Suðurlandsbraut 24 í Reykjavík,
en veiðistjórnunarsvið hennar, áður
embætti veiðistjóra, verður starf-
rækt á skrifstofu stofnunarinnar í
Hafnarstræti 97 á Akureyri og það-
an og frá Egilsstöðum verður einnig
stýrt málefnum er varða verndun og
nýtingu villtra dýrastofna. Við stofn-
unina munu verða 73 starfsmenn,
þar af 57 í höfuðstöðvum hennar í
Reykjavík. Umhverfisstofnun tekur
við umsjón þjóðgarða og munu þjóð-
garðsverðir áfram starfa þar.
Davíð Egilsson hefur verið skip-
aður forstjóri Umhverfisstofnunar.
Hann var áður forstjóri Hollustu-
verndar ríkisins.
Fagleg samlegðaráhrif
„Hugmyndin að baki því að setja
þessar stofnanir undir einn hatt Um-
hverfisstofnunar eru samlegðar-
áhrifin,“ segir Davíð Egilsson for-
stjóri. „Það er sammerkt mörgum
ríkisstofnunum og sérstaklega þeim
sem sinna umhverfismálum hvað
þær eru litlar. En með því að fá fólk
sem hefur lík sérsvið til að vinna
saman fæst gríðarlega mikil fagleg
samlegð sem gerir stofnunina miklu
sterkari fyrir vikið. Þetta ætti einnig
að gera stjórnsýsluna mun skilvirk-
ari.
Maður heyrir það líka í samfélag-
inu að það vissu fáir hvað Hollustu-
vernd gerði en á hinn bóginn vissu
fleiri um tilvist Náttúruverndar en
hún hefur þó mun afmarkaðra verk-
svið.
En svo virðist sem mönnum sé
mun ljósara hvaða hlutverki Um-
hverfisstofnun mun sinna.“
Samkvæmt lögum um Umhverfis-
stofnun sem Alþingi samþykkti fyrr
á árinu hafa starfsmenn stofnananna
sem sinnt hafa þeim verkefnum sem
munu heyra undir Umhverfisstofn-
un forgangsrétt til starfa þar á
fyrsta starfsári stofnunarinnar. „Það
verða því sáralitlar breytingar á
starfsfólki,“ segir Davíð. „Öllum
starfsmönnum voru boðin störf í
nýrri stofnun, hliðstæð þeim sem
þeir áður sinntu eftir því sem unnt
var, og nánast allir hafa skrifað und-
ir.“
Þessa dagana standa yfir flutning-
ar í nýtt húsnæði á Suðurlandsbraut
enda örfáir dagar þar til Umhverf-
isstofnun tekur til starfa. Hollustu-
verndin var áður til húsa í Ármúla og
Náttúruvernd ríkisins í húsi ríkislög-
reglustjóra á Skúlagötu.
Umhverfisstofnun tekur
til starfa um áramót
Morgunblaðið/Jim Smart
Margar hendur vinna létt verk. Það var fjör í höfuðstöðvum nýrrar Umhverfisstofnunar á Suðurlandsbraut 24 í
gær. Þau Kristín Björnsdóttir skjalavörður, Þórey Guðmundsdóttir, forstöðumaður rekstrar- og skrifstofusviðs, og
Davíð Egilsson forstjóri tóku til hendinni við flutningana. Umhverfisstofnun tekur formlega til starfa um áramót.
ÍSLENSKA kvikmyndin Ísaldarhesturinn eftir Pál Stein-
grímsson var jólamynd þýsk-frönsku sjónvarpsstöðv-
arinnar ARTE. „Die Saga vom Islandspferd“ eins og Ís-
aldarhesturinn heitir á þýsku var sýnd klukkan sjö á
jóladag eða á allra besta sýningartíma. Ísaldarhesturinn
var svo endursýndur á stöðinni síðdegis á föstudaginn og
verður svo sýndur þriðja sinni 3. janúar.
„Íslendingar telja sig vera mestu hestamenn í heim-
inum og þar er haft á orði að maður án hests sé einungis
hálfur maður en á hestinum sínum verði hann meiri en
hann sjálfur,“ segir í sjónvarpskynningu Arte.
Páll Steingrímsson segir að bæði þýskir og franskir
framleiðendur sækist eftir að fá myndir sínar sýndar á
þessum tíma. „Þeir sýna ekki annað á þessum tíma en
það sem þeir telja vera gott efni. Þannig að þetta er
vissulega vegsauki fyrir mig og ég er mjög ánægður
með þetta.“
Í Ísaldarhestinum er fjallað um uppruna og sögu ís-
lenska hestsins; við landnám einangraðist hann og hann
hefur ekki blandast öðrum hestakynjum og með honum
þróuðust eiginleikar sem eru einstæðir. Kvikmyndin
fékk fyrstu verðlaun á hátíðinni Wildlife Europe í Sví-
þjóð í fyrra og þrenn heiðursverðlaun International
Wildlife Film Festival í Bandaríkjunum í ár.
Ísaldarhesturinn eftir Pál Steingrímsson
Morgunblaðið/Friðþjófur
Jólamynd á
þýsk-franskri
sjónvarpsstöð
HALLDÓR Ásgrímsson, for-
maður Framsóknarflokksins,
ítrekaði í samtali við Morgun-
blaðið í gær, laugardag, þegar
hann var spurður um viðbrögð
Ingibjargar Sólrúnar Gísladótt-
ur borgarstjóra við tilboði fram-
sóknarmanna í Reykjavík, að það
hefði verið ljóst frá upphafi að
framsóknarmenn teldu það ekki
samrýmanlegt að Ingibjörg færi
í landsmálin á sama tíma og hún
væri forystumaður Reykjavíkur-
listans. „Það er búið að vera ljóst
frá upphafi að við teljum það ekki
vera samrýmanlegt að hún fari
með þessum hætti inn í landsmál
og sé jafnframt forystumaður
þriggja flokka í Reykjavík,“
sagði Halldór. Ítrekaði hann
einnig að næstu skref væru í
höndum borgarfulltrúa.
Tilboð framsóknarmanna
kveður m.a. á um að Ingibjörg
láti af störfum borgarstjóra 15.
janúar og Árni Þór Sigurðsson
verði borgarstjóri í hennar stað. Í
máli framsóknarmanna hefur
komið fram að þetta sé lokatilboð
þeirra. Ingibjörg hefur hins veg-
ar hafnað tilboðinu. Ekki náðist í
Alfreð Þorsteinsson, oddvita
framsóknarmanna í borgar-
stjórn, í gærmorgun.
Borgarstjórnarflokkur R-list-
ans; borgarfulltrúar og vara-
borgarfulltrúar, hefur verið boð-
aður til fundar í Ráðhúsi Reykja-
víkur í dag, sunnudag.
Halldór Ásgrímsson
Ítrekar
fyrri af-
stöðu
framsókn-
armanna
Morgunblaðið kemur út í einu
blaði í dag en ekki í tveimur
blöðum eins og venjulega á
sunnudögum.
FORMAÐUR Bændasamtakanna,
Ari Teitsson, virðist fyrst og fremst
koma fram sem talsmaður sauðfjár-
bænda þegar hann tjáir sig um stöðu
kjúklingaframleiðenda í Morgun-
blaðinu í gær. Hann virðist ekki vera
tilbúinn að horfast í augu við þær
augljósu breytingar sem eru að eiga
sér stað í neyslumynstri Íslendinga.
Þetta segir Kristinn Gylfi Jónsson,
stjórnarformaður Móa.
„Ég er mjög ósáttur við ummæli
formannsins, bæði sem einn af for-
ystumönnum í þessari grein og sem
talsmaður Móa hf. Félag kjúklinga-
bænda og kjúklingabændur hafa
lengi verið aðilar að Bændasamtök-
um Íslands og við erum alls ekki
sammála því sem kemur fram hjá
formanni samtakanna.“
Kristinn Gylfi segir að formað-
urinn vilji ekki horfa sömu augum og
aðrir á þær breytingar sem séu að
verða á kjötmarkaðinum hér. „Sala á
svína- og kjúklingakjöti hefur vaxið
hröðum skrefum og þeir framleið-
endur náð aukinni markaðshlut-
deild. Það stefnir í að á næstu tveim-
ur árum eða svo verði þetta stærstu
kjötgreinarnar í landinu.
Af hverju minnist formaður sam-
takanna ekki á stöðuna varðandi
birgðir og sölu á lambakjöti og hvort
það séu ekki hugsanlega of margir
framleiðendur í þeirri grein? Eða þá
það að helmingurinn af verði lamba-
kjöts til bænda er í formi bein-
greiðslna frá ríkinu? Aðrir kjötfram-
leiðendur búa ekki við þá stöðu að
hafa samning við ríkið sem tryggir
að hluta til afkomu þeirra,“ sagði
Kristinn.
Kristinn Gylfi segir Ara hafa ýjað
að því að Búnaðarbankinn hafi sýnt
Móum of mikla biðlund. „Búnaðar-
bankinn hefur ekki sýnt okkur óeðli-
lega biðlund. Við höfum unnið að
endurskipulagningu fyrirtækisins
og Búnaðarbankinn hefur haft góðar
tryggingar fyrir lánum sínum.“
Mikil aukning á neyslu
Kristinn Gylfi bendir á að árið
1985 hafi neysla á kjúklingakjöti
verið um 9% af heildinni en sé nú
20% og eigi eftir að aukast enn. „Það
hafa verið vaxtarverkir í greininni
og það má vera að það verði einhver
offramleiðsla áfram en við erum á
vissan hátt líka að kaupa til okkar
markað. Kjúklingafyrirtækin gera
ráð fyrir hagnaði í rekstri á næsta
ári vegna þess að aukinni fram-
leiðslu fylgir líka aukin hagkvæmni
og betri nýting framleiðslutækja. Ég
hef spáð því að kjúklinganeysla
verði 25% af heildarkjötmarkaðinum
á næstu tveimur árum eða 5.500
tonn. Ég geri sömuleiðis ráð fyrir
því að það eigi eftir að verða meira
um samstarf og sameiningu meðal
kjúklingaframleiðenda. Neysla á
kjöti hér á landi líkist æ meira því
sem gerist annars staðar. Ljósa
kjötið sækir á og menn verða ein-
faldlega að átta sig á því. Því er
ástæðulaust að fullyrða að það séu of
margir framleiðendur í þeirri grein
frekar en öðrum kjötframleiðslu-
greinum hér á landi.“
Stjórnarformaður Móa ósáttur við ummæli formanns Bændasamtakanna
Neitar að horfast í augu við breytingar