Morgunblaðið - 16.05.2003, Blaðsíða 19

ERLENT
MORGUNBLAÐIÐ FÖSTUDAGUR 16. MAÍ 2003 19
HEKLA • Laugavegi 170-174 • Sími 590 5000 • www.hekla.is • hekla@hekla.is
HUGSAÐU LENGRA
SJÁÐU LÍNURNAR OG
HUGSAÐU LENGRA
Þeir sem hugsa lengra hafa augun opin fyrir Skoda því
þeir kunna að meta mikið notagildi og vilja fá meira fyrir
peningana sína. Bílarnir frá Skoda státa líka af fallegu útliti,
miklu öryggi og ríkulegum staðalbúnaði.
Prófaðu Skoda Fabia sem er sá
rúmbesti í sínum stærðarflokki
eða Skoda Octavia sem er
fullkominn bíll fyrir fjölskyldur.
Innifalið í rekstrarleigu: 20.000 km akstur á ári, þjón-
ustuskoðanir og smurþjónusta. Rekstrarleiga er háð
gengi gjaldmiðla og getur því breyst án fyrirvara.
22.653 kr. á mánuði í þrjú ár miðað við rekstrarleigu.
27.558 kr. á mánuði í þrjú ár miðað við rekstrarleigu.
SkodaFabia kostar frá 1.250 þús.
SkodaOctavia kostar frá 1.635 þús.
G
O
TT
FÓ
LK
M
cC
A
N
N
-E
R
IC
K
S
O
N
·
S
ÍA
·
2
2
6
1
6
NESTOR Kirchner, lítt þekktur
ríkisstjóri, lýsti sig í gær forseta
Argentínu en á miðvikudagskvöld
tilkynnti helsti keppinautur hans,
Carlos Menem, að hann hygðist
ekki gefa kost á sér í síðari umferð
kosninganna sem fram áttu að fara
um helgina.
„Ég tala hér sem forseti allra
Argentínumanna,“ sagði Kirchner
í fyrsta sjónvarpsviðtali sínu eftir
að ákvörðun Menems lá fyrir. „Ég
mun gera allt sem í valdi mínu
stendur til að tryggja þá endurnýj-
un sem land vort þarfnast svo
mjög,“ bætti forsetinn nýi við.
Kirchner tekur formlega við
embætti 25. þessa mánaðar.
Kirchner sagði að efst á verk-
efnaskrá hans yrðu efnahagsmálin
en um 60% argentínsku þjóð-
arinnar búa við eða undir fátækt-
armörkum. Íbúar landsins eru 32
milljónir. Hann kvaðst hafa afráðið
að biðja Roberto Lavagna að halda
áfram sem efnahagsráðherra en
hann þykir hafa staðið sig vel í
starfi og er honum einkum þakkað
að nokkuð hefur rofað til á und-
anliðnum mánuðum. Forsetinn
lagði og áherslu á að hann vildi
efla Mercosur, fríverslunarbanda-
lag Argentínu, Brasilíu, Úrúgvæ
og Paragvæ. Þess yrði og freistað
að fá erlendar skuldir þjóðarinnar
minnkaðar.
Kirchner sá hins vegar ekki
ástæðu til að fagna ákvörðun Men-
ems. Sagði hann Menem, sem var
forseti landsins frá 1989 til 1999,
fyrst hafa svipt þjóðina atvinnunni,
þá lifibrauðinu, síðan hefði hann
rænt hana voninni og nú hefði
hann gert atkvæðisrétt manna að
engu.
Kirchner hlaut einungis um 22%
atkvæðanna í fyrri umferð kosn-
inganna, sem fram fór 27. fyrra
mánaðar. Kannanir sýndu að hann
naut stuðnings um 60% kjósenda
þegar Menem dró sig í hlé. Átti
hann því sigurinn vísan í kosning-
unum sem fram áttu að fara á
sunnudag. Báðir koma þeir Menem
og Kirchner úr flokki perónista,
sem á spænsku nefnist Partido
Justicalista. Kirchner hefur þó ver-
ið talinn heldur til vinstri í stjórn-
málum borinn saman við Menem.
Lítt reyndur í landsmálum
Kirchner er ríkistjóri í Santa
Cruz í sunnanverðri Argentínu og
hefur verið lofaður fyrir skilvirka
stjórnsýslu þar. Þar hefur atvinnu-
leysi t.a.m. verið um 3% en það
mælist um 25% á landsvísu. Hann
er á hinn bóginn vændur um að
hafa notað olíuhagnað til að fjár-
magna opinber störf og þannig afl-
að sér vinsælda. Þá er og nefnt að
aðeins búi um 200.000 manns í
Santa Cruz og reynsla stjórnmála-
manns af þeim vettvangi dugi
skammt þegar í landsmálin er
komið. Santa Cruz er í tæplega
3.000 kílómetra fjarlægð frá höf-
uðborginni, Buenos Aires.
Kirchner þykir heldur litlaus
stjórnmálamaður og hann var lítt
þekktur er hann bauð sig fram til
forseta. Þannig var vísað til hans
sem „óþekkta mansins“ í argent-
ínska tímaritinu Noticias á dög-
unum. „Ég er ekki sölumaður
blekkingarinnar. Ég er alvörugef-
inn og hæfur stjórnandi,“ segir
hann sjálfur.
Víst þykir að full þörf verði á
þessum eiginleikum forsetans nýja
í ljósi þess dapurlega ástands sem
einkennir efnahagsmál Argent-
ínumanna.
„Óþekkti mað-
urinn“ tekur
við í Argentínu
Buenos Aires. AFP.
’ Ég er alvörugef-inn og hæfur stjórn-
andi. ‘
Reuters
Nestor Kirchner, verðandi forseti Argentínu (t.v.), og varamaður hans
veifa til aðdáenda sinna á miðvikudagskvöld þegar fyrir lá að ekki kæmi til
seinni umferðar forsetakosninganna í landinu. Gert er ráð fyrir því að
Kirchner taki við embættinu 25. þessa mánaðar.