Lesbók Morgunblaðsins - 14.09.2002, Blaðsíða 14

14 LESBÓK MORGUNBLAÐSINS ˜ MENNING/LISTIR 14. SEPTEMBER 2002
A
ÐDÁENDUR fagurrar og
nytsamlegrar hönnunar
eiga von á góðum glaðn-
ingi því sýning á munum
Arne Jacobsen, eins
merkasta arkitekts 20.
aldarinnar, verður opnuð í
í dag í Listasafni Reykja-
víkur á Kjarvalsstöðum. Í ár er aldarafmælis
Arne Jacobsen minnst og af því tilefni hefur
verið efnt til stórsýninga á hönnun hans víða
um heim og nú síðast nýlega í Louisiana-
safninu í Danmörku. Þetta er fyrsta yf-
irgripsmikla sýningin sem haldin er á hönn-
unarverkum Arne á Íslandi. Þá verða sýndar
áður óbirtar myndir og skissur eftir hann og
einnig ljósmyndir af tveimur frægum Íslend-
ingum í stólum eftir hann. Á sýningartíma-
bilinu mun Carsten Thau, prófessor við Kon-
unglegu dönsku listaakademíuna, koma
hingað til lands og halda fyrirlestur um
Arne. Carsten Thau skrifaði ásamt Kjeld
Vindum yfirgripsmestu bók sem gefin hefur
verið úr um Arne. Bókin var gefin út á síð-
asta ári og er rúmar 500 síður af fróðleik og
myndum um ævi og störf meistarans.
Tinna Gunnarsdóttir hönnuður hefur haft
veg og vanda af uppsetningu sýningarinnar
fyrir Listasafn Reykjavíkur.
„Það sem við sýnum hér eru húsgögnin
hans, borðbúnaður, ljós, áklæði og textíl og
ýmsir minni hlutir eins og blöndunartæki.
Þetta eru meira og minna allt hlutir sem eru
enn í framleiðslu. Stólar Arne Jacobsens,
eins og Sjöan, Maurinn, Eggið og Svanurinn,
eru þekkt tákn í vestrænum menningarheimi
og eru mjög víða, til dæmis á söfnum og í
fyrirlestrasölum. Sýningin okkar á að varpa
ljósi á þessa hluti. Arne Jacobsen var líka
mjög virtur arkitekt, en við sýnum ekkert
frá þeirri hlið hans. Við verðum með stóru
bókina um hann, sem gefin var út á síðasta
ári og fólk getur flett henni og skoðað og séð
þá líka myndir af byggingunum hans, auk
allra hönnunarmunanna.“
Tinna telur að áhrifa Arne Jacobsen og
samtímamanna hans hafi áreiðanlega gætt
hér á landi. „Áhrifa þeirra hlýtur að hafa
gætt hér, því margir þekkja til dæmis hús-
gögn hans og hafa alist upp með þeim. Með-
an við höfum verið að setja upp sýninguna
hefur fólk komið og sagt: Já, amma átti ein-
mitt svona stól, eða eitthvað álíka, þannig að
óhjákvæmilega hljóta áhrifin að hafa smogið
inn. Ég veit hins vegar ekki hvort Arne Jac-
obsen hefur beinlínis átt einhverja lærisveina
hér í íslenskri hönnun, en hann hefur auðvit-
að átt þátt í að skapa módernísk hugtök sem
hafa haft mikil áhrif um alla Evrópu. Hús-
gögn hans hafa þekkst lengi, en það kom
tímabil þar sem þeim var ekki hampað neitt
sérstaklega, en fyrir tíu árum eða svo komu
þau mjög sterkt inn aftur. Ég var í námi í
Bretlandi þegar Sjöan fór að koma á markað
í skærum og poppuðum litum; maður sá stól-
inn í búðum, og annað hvert Bo Bedre blað
var fullt af þessum stól.“
Listasafn Reykjavíkur, danska sendiráðið
á Íslandi, Epal og erlendir framleiðendur á
hönnun Arne Jacobsen hafa unnið saman að
sýningunni. Í tilefni af aldarafmæli arkitekts-
ins munu listasafnið og hönnunarframleið-
endur Arne Jacobsoe muna bjóða gestum
Kjarvalsstaða að taka þátt í spurningaleik
þar sem til mikils er að vinna, en þeir sem
dregnir verða út hreppa listmun eftir Arne.
Dregið verður úr réttum svörum á sýning-
artímabilinu.
SÝNING Á HÖNNUN ARNE JACOBSENS OPNUÐ Í LISTASAFNI REYKJAVÍKUR
„AMMA ÁTTI
EINMITT
SVONA
STÓL“
Eggið og Svanurinn frá 1958.
Herbergi 606 í Konunglega hótelinu í Kaup-
mannahöfn hefur verið haldið nákvæmlega
eins og Arne Jacobsen hannaði það og í þeim
litum sem hann valdi. Stólarnir lengst til
hægri, sem fengu nafnið Dropinn, voru aldrei
fjöldaframleiddir og eru því mjög fágætir.
Borðbúnaður úr stáli, 1957.
Sjöan frá 1955. Framleidd fyrst í birki, tekki, svörtu og hvítu, en seinna í ótal skærum litum.