Nýja dagblaðið - 07.09.1934, Blaðsíða 1

Nýja dagblaðið - 07.09.1934, Blaðsíða 1
2. ár. Reykjavík, föstudaginn 7. sept. 1934. 211. blað Bæiarstiórnarfundurinn í gær Kosinn fátækrafulltrúi oé skólanefndarmaður Bæj arst j órnarf undur var haldinn í gær og hófst hann um kl. 51/2 í Kaupþingssalnum. Fyrir fundinum láu ekki nema tvö mál, sem nokkru verulegu skiptu, kosning fá- tækrafulltrúa og lausnarbeiðni Vilmundar Jónssonar, sem áð- ur hefir verið sagt frá hér í blaðinu. Kosning fátækrafulltrúa. „Félagi“ Björn skemmtir áheyrendum. Tuttugu og tveir umsækj- endur voru um fátækrafull- trúastöðuna og voru það flest þekktir kosningasmalar íhalds- ins, t. d. Jóhann V. Daníels- son, Valdimar Hersir, Ragnar Ijárusson 0. fl. Er enginn þeirra að góðu kunnur, en öllum mun þó koma Saman um, að Ragnar Lárusson sé þeirra síztur. Það hafði kvisazt um bæinr., að íhaldið ætlaði Ragnari Lár- ussyni stöðuna, enda verið lát- inn gegna henni nokkum und- anfarinn tíma. Mótmælum gegn þeirri veit- ingu var þegar hreyft hér í blaðinu. Skal það líka sýnt hér áður en langt um líður, að þau mótmæli voru á gildum rökum byggð. En íhaldið í bæjarstjóminni tók nú ekki frekara en endra- nær, til greina þau mótmæli, sem byggð eru á kröfuml fá- tæklinganna í bænum. Það kaus Ragnar Lárusson til að vera fátækrafulltrúa. Jóhanna Egilsdóttir fékk 6 atkv. Einn seðill var auður. Það kom þó greinilega í ljós, að Jón Þorláksson fann að þessi ráðstöfun var óvinsæl og hann vantreysti Ragnari til starfsins. Hann bar fram tillögu þess efnis, að Ragnar skyldi vera settur til eins árs og þá gerð endanleg ákvörðun um það, hvort hann yrði skipaður eða ekki. Ragnar Lárusson er fyrsti fátækrafulltrúinn, sem tekur við stöðunni m'eð þessu skil- yrði. Sýnir þetta vanm'at í- haldsins sjálfs á manninum, hvílíkt óhæfuverk það hefir gert. Bjöm Bjarnarson, fulltrúi kommúnista, vakti óskiftan hlátur áheyrenda m'eð tillögu, sem hann bar fram í sambandi við fátækrafulltrúakosning- una. Var hún á þá leið, að þar sem allir umsækjendurnir væri óhæfir til starfsins, þá færi bæjarstjórnin þess á leit við sr. Gunnar Benediktsson frá Saurbæ, að taka að sér stöðuna! Ihaldið sýnir Vilmundi „vinsemd“ og Alþýðu- flokknum „sanngirni“! Eins og frá hefir verið sagt í blaðinu, fór Vilmundur Jóns- son þess á leit við bæjarstjórn- ina, að fá lausn frá skóla- nefndarstörfum, þó með því fororði, að „sér yrði sýnd sú vinsemd og Alþýðuflokknum sanngirni“, að bæjarfulltrúar Alþýðuflokksins m'ættu til- nefna mann í hans stað. Bæjarstjórnin féllst á þetta. Stefán Jóhann lýsti því yfir, fyrir hönd Alþýðuflokksins, að Hallgrímur Jónsson yfirkenn- ari við Miðbæjarskólann kæroi í skólanefndina í stað Vil- mundar. Frá verkfillunam í Sandaríkjunum Verkfallsmönnum fer fjölg- andi. Verksmiðjneigendur óttast blóðsúthellingar. London 6/9. FÚ. Óeirðir hafa orðið á allmörg- um stöðum í Bandaríkjunum í dag. 300 verksmiðjum í Suður- og Norður-Caroline hefir nú verið lokað. Sumstað- ar reyna verkamenn að beita valdi, til þess að loka verk- smiðjunum, en ýmsir verk- smið j ueigendur hafa lokað verksmiðjum sínum sjálfir, þótt þeir hafi átt kost á verka- mönnum. Gera þeir þetta til ]æss, að forðast óeirðir og blóðsúthellingar. Roosevelt forseti reynir að niiðla málum. Hann hefir enn í hyggju, að setja sérstaka nefnd, til þess að rannsaka vefnaðariðnaðinn og • jafnframt á hún að starfa sem sátta- nefnd í vinnudeilum. Leiðtog- ar verkfallsmanna segjast ekki hafa í hyggju að slaka neitt á verkfallinu, en telja sig reiðu- búna til þess að vinna með nefnd forsetans að úrlausn málsins. Talið er, að þeim fari nú sífellt fjölgandi, sem taka þátt í verkfallinu. Ssnsku leikfimismennirnir þakka fyrir móttökurnar hér. Ein merkilegasta heimsókn- in, sem við höfum fengið á þessu sumri, var koma sænska leikfimisflokksins undir stjórn J an Ottoson, leikfimiskennara við lýðháskólann í Tánia. Svíar eru með fremstu þjóð- um í leikfimi og gaf þessi heimsókn það fullkomlega til lcynna. Megum við vera Jan Otto- son og flokki hans þakklátir fyrir komu Svía hingað og þá ekki síður vegna þess, að fjár- hagur þeirra mun naumast hafa leyft svo dýrt ferðalag. svo dýrt ferðalag. Því meiri ástæða var fyrir okkur að taka vel á móti þeim, auk þess, sem Svíar höfðu áð- ur tekið á móti íslenzkum íþróttamönnum með mikilli rausn. Það var Glímufélagið Ár- mann, sem sá aðallega um móttökurnar hér, og lenti það starf mest á formanni félags- ins, Jens Guðbjömssyni. Svíarnir eru nú komhir heim, en eftir því, sem Nýja dag- blaðið hefir frétt, láta þeir vel af för sinni og viðtökum hér. Hafa þeir nýlega sent Glímufél. Ármann að gjöf sænska fánann, sem þeir not- uðu í ferðalagi sínu. Þá hafa þeir einnig sent Jens Guðbjörnssyni fagran veggskjöld og er grafið á hann: Med varmt tack frán dina Svenska vánner. Ottoson och hans Gymnaster. 1934. Auk þess hefir Ottoson sent Jens Guðbjörnssyni sænskan borðfána og er grafið á fótinn: Tack broder Jens för god vánskap! Vánnen frán. 1934. Sýnir þetta að Svíunum hafa líkað vel móttökurnar hér og megum við vera Glímufé- laginu Ármann og Jens Guð- björnssyni þakklátir fyrir. Verkfalli lokið London 6/9. FÚ. Öðru verkfalli, sem staðið hefir yfir í Bandaríkjunum er nú lokið, en það var verkfall manna, sem vinna í alumini- umiðnaði. Um 9000 manns tóku þátt í þessu verkfalli, og íeis það út af kröfum verka- manna urh hækkað kaup og ; styttan vinnutíma. Samvinnumenn brjóta smj örlíkishringinn Kauptélag Eyfirðinga auglýair um 25% lækkun á Flóra smjörliki Kaupfélag Eyfirðinga aug- lýsir í dag um 25% lækkun á smjörlíki í smásölu hér i bæn- um. Lækkunin er þegar geng- in í gildi. Smjörlíkisverðið hef- ir hingað til verið kr. 1.70— 1.80 út úr búðum, en smjör- líkið frá Kaupfélagi Eyfirðinga verður nú selt út úr búðum á kr. 1,30 kg. Smjörlíkisverksmiðja félags- ins hefir nú komið á mikilli aukningu og endurbótum á framleiðslu sinni, Flórasmjör- líkinu. Hefir verksmiðjan bæði nýtízku vélar 0g fyrsta flokks sérfróðum mönniftm á að skipa. Mega þetta heita stói’tíðindi fyrir allan almenning hér í höfuðstaðnum, þar sem hér er um að ræða eina höfuð nauð- synjavöi'u bæjarbúa. En þessi tíðindi, ásamt mörgu fleiru, mega sannfæra almenning urn það, að það eru fyrst og fremst samvinnu- mennirnir í landinu, sem vinna að því af alúð og einlæg-ni, að koma á bættu skipulagi í verzl- un með nauðsynjavörur al- mennings. Hve lengi á Kveldúlfur að stjórna síldarverksmiðju ríkisins á Siglufirði? Hér í blaðinu hefir áður ver- io vakin athygli á því, hversu óviðunandi skipun er á stjórn síldarverksmiðju ríkisins á Siglufii’ði. Tveir þjónar Kveldúlfs, þeir Jón Þórðai’son og Sveinn Bene- diktsson, eru í meirahluta í verksmiðjustjóminni. Og Jón Þórðarson, sem beinlínis er umboðsmaður Kveldúlfs á Siglufirði, er fonriaður verk- smið j ustj ói-narinnar. Hvai-vetna á síldarstöðvun- um og raunar alstaðar hefir þessi skipun M. G. á verk- smiðjustjóminni mælzt illa fyrir, og talin hið mesta hneyksli. Enda mun það vera einsdæmi, að fyrirtæki sækist eftir að fá umboðsmenn aðal- keppinauta sinna í stjórn! Það er líka komið á daginn nú alleftirtektarvert samband milli Kveldúlfs og ríkisverk- smiðjunnar. Blaðið hefir það t. d. eftir tryggum heimildum, að Thor Jensen sé búinn að fá loforð fyrir 50—100 tonnum af síldar- ihjöli frá ríkisverksmiðjunni, og það mjöl eigi að nota til fóðurs á kúabúum hans í vet- ur. Það er ekki kunnugt um, að Thor Jensen hafi átti nein við- skipti við ríkisverksmiðjuna áður, enda ætti Kveldúlfur sjálfur að geta látið í té meira en nóg síldarmjöl handa Korp- úlfsstöðum. En nú er líka síldarmjölið hækkandi á ei’lendum markaði, og því að öllum líkindum hagur að losna við að selja það til fóðurbætis innanlands. Blaðinu er jafnframt kunn- ugt um það, að verksmiðju- stjórnin hefir á sama tíma, sem hún selur síldarmjöl til síldarmjölsframleiðandans á Korpúlfsstöðum, neitað að full- • nægja áður ákveðnum pöntun- um á síldarmjöli, sem átti að fara til bænda í óþurkahéröð- um norðanlands og austan. Fyrsfi billinn fil Reyðarfjarðar Kl. 9 í gærkvöldi lagði af stað frá Akureyri bifreið til Reyðarfjarðar og verður hún að öllu foi’fallalausu sú fyrsta, sem fer hina nýju leið yfir ör- æfi til Austurlands. Bifreiðinni stýrir Gunnar Jónsson lög- regluþjónn á Akureyri. Farþegar eru: Ámi Jóhanns- son gjaldkeri hjá Kaupfélagi Eyfirðinga og Sigfús Halldórs skólastjóri. Þeir munu senda Nýja dagbl. skeyti frá ýmsum stöðum á leiðinni og skýra frá hvemig ferðin gangi.

x

Nýja dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Nýja dagblaðið
https://timarit.is/publication/300

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.