Morgunblaðið - 07.07.2004, Blaðsíða 40

40 MIÐVIKUDAGUR 7. JÚLÍ 2004 MORGUNBLAÐIÐ
VISA STELPUDAGAR Í KRINGLUNNI 5-9 JÚNÍ
MIÐAVERÐ KR. 300
ÁLFABAKKI
VISA forsýning kl. 8 og 10.30
ÁLFABAKKI
Sýnd kl. 5.30, 8 og 10.30.
Með hinum eina sanna og ofursvala
Vin Diesel. Geggjaður hasar og
magnaðar tæknibrellur.
SÝND Í LÚXUS VIP Í SAL KL. 8 OG 10.30.
V I N D I E S E L
KEFLAVÍK
Kl. 8 og 10.15.
FRÁ FRAMLEIÐENDUM
„RUNAWAY BRIDE“ , PRETTY WOMAN
OG „PRINCESS DIARIES“
2 FYRIR 1 FORSÝNINGAR
Sýnd kl. 10.

Ó.H.T Rás 2

HL Mbl
Sýnd kl. 5.30.



Ó.H.T Rás 2



SV Mbl
Sýnd kl. 5.45, 8 og 10.15.
Með hinum eina sanna og ofursvala Vin
Diesel. Geggjaður hasar og magnaðar
tæknibrellur.
Kvikmyndir.is
Sýnd kl. 8 og 10.30.
Sýnd kl. 5.30, 8 og 10.30. Sýnd kl. 5.30, 8 og 10.20.
V I N D I E S E L



"Snilld!" - SK, Skonrokk HJ Mbl

ÓHT Rás 2
Sýnd kl. 6 og 8.Frábær, gamansöm og
spennandi ævintýramynd
sem byggð er á sigíldu
skáldsögu Jules Verne.
Á SUNNUDAGINN hófst kvik-
myndahátíðin 101 Hólmavík með
opnunarhófi í Bragganum á Hólma-
vík. Hátíðin er sú fyrsta sinna teg-
undar á Ströndum og fyrir henni
stendur kvikmyndagerðin Seylan í
samstarfi við Café Riis. Það var
Hjálmtýr Heiðdal kvikmyndagerð-
armaður sem ávarpaði gesti í opn-
unarhófinu og gerði grein fyrir þeirri
hugmynd að halda kvikmyndahátíð á
Hólmavík. Rifjaði hann upp bíósýn-
ingar í Bragganum á þeim árum er
Bragginn var félagsheimili Hólmvík-
inga. Sjálfur er Hjálmtýr „tengda-
sonur Hólmavíkur“ og hefur gert
tvær kvikmyndir sem segja sögur af
Ströndum.
Í upphafi hátíðarinnar sýndi hann
gömul myndskeið af Ströndum sem
faðir hans tók upp í kringum 1965 og
síðar. Mikil eftirvænting ríkti í saln-
um en burtfluttir Strandamenn voru
stór hluti sýningargesta, m.a. ferm-
ingarárgangur frá Staðarkirkju sem
fagnaði 60 ára fermingarafmæli sínu
þessa helgi.
Sýningargestir nutu þess að sjá
kunnugleg andlit á hvíta tjaldinu og
var mikið spjallað í salnum, enda
myndin ekki hljóðsett. Margir af
gestunum minntust þess að hafa sótt
bíósýningar í Bragganum á árum áð-
ur og var oft mikið á sig lagt til að
komast úr nærsveitum í slæmri færð.
Myndirnar á hátíðinni hafa allar
verið sýndar opinberlega áður, m.a. í
sjónvarpi, en að sögn Hjálmtýs er full
ástæða til að sjá þær á hvíta tjaldinu,
því það „að horfa á kvikmynd í litlum
kassa verður aldrei eins“. Heiti hátíð-
arinnar hefur vissulega vísun í „vöru-
merkið“ 101 Reykjavík og þá hug-
mynd að þar sé
miðpunktur alls. Þykir
aðstandendum hátíð-
arinnar tilvalið að færa
þann miðpunkt norður
á Strandir, þó ekki sé
nema tímabundið.
Á hátíðinni, sem
stendur í viku, eru sýndar tíu kvik-
myndir og verður hver mynd sýnd
tvisvar, fyrri part vikunnar og í viku-
lokin. Myndirnar eru: Hornstrandir
eftir Ósvald Knudsen, Blóðrautt sól-
arlag eftir Hrafn Gunnlaugsson,
Heyrðu-saga frá Íslandi eftir Sigurð
Grímsson, Af síldinni öll erum orðin
rík eftir Finnboga Hermannsson og
Hjálmtý Heiðdal, Á hala veraldar eft-
ir Steinþór Birgisson, Perlan í Djúp-
inu eftir Steinþór Birgisson, Hanna
frá Gjögri eftir Þorstein Jónsson,
Steyptir draumar –
listamaðurinn með
barnshjartað eftir Kára
Schram, Lokinhamrar
eftir Sigurð Grímsson
og Gamla brýnið eftir
Hjálmtý Heiðdal.
Myndirnar eiga það
sameiginlegt að segja sögur af Vest-
fjörðum, „sögur um fólk, fjöll, fyr-
irtæki, gamla báta, gömul brýni,
gamla búskaparhætti og gamlar göt-
ur,“ eins og segir í sýningarskrá.
Hægt er að kaupa miða sem gildir
á allar sýningarnar eða á hverja sýn-
ingu fyrir sig. Styrktaraðilar kvik-
myndahátíðarinnar 101 Hólmavík
eru Menningarborgarsjóður, Hólma-
víkurhreppur, KB banki og Spari-
sjóður Strandamanna.
Kvikmyndir | Hátíðin 101 Hólmavík er hafin
Bíósýningar í Bragganum
Hólmavík. Morgunblaðið.
Morgunblaðið/Kristín Sigurrós
Allar myndirnar sem eru sýndar í Bragganum tengjast Vesturlandi.
Kristín Sigurrós
AÐSTANDENDUR fjölskyldu-
myndarinnar Umhverfis jörðina á 80
dögum, sem byggð er á sígildri sögu
Jules Verne, hefðu alveg mátt remb-
ast aðeins minna við að gera sem
flestum til geðs, og einbeita sér þess
í stað að því sem er gott í verkefn-
inu, þ.e. fjörlegri og lifandi útfærslu
á ferðaævintýri Fíleasar Fogg og
föruneytis.
Saga Verne er sem fyrr segir
ramminn sem gengið er út frá, en
þónokkrar breytingar eru gerðar til
þess að færa söguna nær því bar-
dagaskotna hasarmyndaformi sem er
svo ansi vinsælt þessa dagana. Bar-
daga- og áhættumeistarinn Jackie
Chan er þar mættur til leiks, og birt-
ist hér í hlutverki hins dygga þjóns
Passepartout, sem fylgir Fíleasi
Fogg umhverfis jarðarkringluna.
Hér siglir þjónninn hins vegar undir
fölsku flaggi, því hann er í raun bar-
dagameistari frá gömlu þorpi í Kína,
í leit að stolnum verndargrip.
Fíleas Fogg er mjög skemmtilega
útfærður í myndinni, en hann er
gerður að ástríðufullum uppfinninga-
manni sem er nokkurs konar hold-
gervingur skynsemishyggju og fram-
faratrúar 19. aldarinnar. Steve
Coogan fer vel með hlutverkið, og er
það á þessum grundvelli sem myndin
nær hvað ferskustum og ævintýra-
legustum tóni. Hins vegar er aldurs-
hnignum bardagaatriðunum með
Chan algerlega ofaukið, nema á
stöku stað þar sem þau falla vel inn í
atburðarásina. Ég er ekki frá því að
hann hafi hreinilega sómt sér betur í
gamanleiknum í þessu tilfelli, en þar
kemur hann með skemmtilegt inn-
legg í myndina.
En auk þessa innslags Chans er
hringferðin um heiminn krydduð
með ýmsu móti, og sögunni þannig
haldið á fjörugri siglingu, með
skemmtilegum sjónrænum stíl og
góðum húmor. Ýmsir þekktir leik-
arar eiga þar stutt innlit, allt frá
John Cleese til Owens og Lukes Wil-
sons. Arnold Schwarzenegger skýtur
kollinum í hlutverki prins í framandi
landi, og gerir sig að slíku fífli að
þann filmubút hefði helst þurft að
klippa út í heilu lagi og brenna upp
til agna. Á heildina litið er Umhverf-
is jörðina á 80 dögum sem sagt
skemmtileg en mistæk ævin-
týramynd.
KVIKMYNDIR
Háskólabíó, Sambíóin
Álfabakka og Kringlu
Leikstjórn: Frank Coraci. Aðalhlutverk:
Jackie Chan, Steve Coogan, Cécile De
France, Jim Broadbent. Bandaríkin, 90
mín.
AROUND THE WORLD IN 80 DAYS /
UMHVERFIS JÖRÐINA Á 80 DÖGUM

SAGAN af glímukappanum Buford
Pusser er vinsælt kvikmyndaefni
enda fjallar hún um sígilda baráttu
hetju við spillingu, krydduð glóru-
lausu ofbeldi og hefndarþorsta sem
er varinn með réttlættiskennd og
drengskap söguhetjunnar.
Þeir ágætu B-myndamenn, Joe
Don Baker og Bo Swenson, léku
Pusser í fyrri myndunum og sjón-
varpsþáttum sem um hann voru
gerðir á undanförnum áratugum.
Nú er röðin komin að fyrrum glímu-
kappanum Dwayne Johnson, eða
The Rock, að holdi klæða valmennið
sem nefnist að þessu sinni Chris og
er nýhættur í hernum eftir átta ára
orðum prýdda frammistöðu.
Þegar hetjan snýr aftur er gamli
heimabærinn, þar sem íbúarnir
unnu við friðsöm störf í sög-
unarmyllunni, orðinn að Sódómu og
Gómorru. Búið að loka þessum eina
vinnustað og opna spilavíti og klám-
búlur. Chris geðjast ekki að um-
skiptunum. Gamla kærastan er
komin á kaf í súludansinn, dópið
veður um allt, jafnvel ofan í litla
frænda.
Hvað gera garpar þá? Tölta með
klubbu á vit ótrosalýðsins, berja þá
og brjóta, fá goldið í sömu mynt og
kjörnir fógetar í framhaldinu.
Því miður bætir leikstjórinn
Kevin Bray engu við gömlu
B-myndirnar, en frumútgáfan með
Baker, gerð af Phil Karlson ’73, er
smáklassík og hreint ekki leiðinleg
enn þann dag í dag. Nýjasta af-
brigðið er alltof einfalt í sniðum,
bæði söguþráður og persónur. Þær
eru annaðhvort alvondar eða algóð-
ar, ekkert verið að rugla áhorfendur
með vafaatriðum né heilabrotum al-
mennt. Ofbeldisunnendum á þó ekki
að leiðast, tónrásin er lífleg, bar-
smíðarnar linnulausar og slagsmála-
atriðin laglega gerð en leikur og
andrúmsloft líkt og í teiknimynd.
KVIKMYNDIR
Smárabíó, Regnboginn,
Borgarbíó, Akureyri
Leikstjóri: Kevin Bray. Aðalleikendur:
The Rock, Johnny Knoxville, Neal
McDonough. 87 mínútur. Bandaríkin.
2004.
STATTU BEINN / WALKING TALL

Sæbjörn Valdimarsson
Heiða Jóhannsdóttir
GAGNASAFN
MORGUNBLAÐSINS
mbl.is