NT - 27.06.1985, Blaðsíða 11

Fimmtudagur 27. júní 1985 11
■ 37 stúdentar voru úrskrifaðir frá Fjölbrautaskólanum á Sauðárkróki. Við skólaslit var meðal
annars samleikur á Fiðlu og píanó en skólameistari Jón F. Hjartarson brautskráði nemendur.
Þau stóðu sig vel
í Fjölbrautaskóianum á Sauðárkróki
■ Fjölbrautaskólinn á Sauð-
árkróki útskrifaði 37 stúdenta
á útskrift skólans í vor. Tíu
nemendur luku þá prófi á
meistarabraut iðnnáms, sjö
luku burtfararprófi í iðnnámi,
átta verslunarprófi auk þeírra
sem luku prófi á uppeldis- og
heilsugæslubraut ásamt al-
mennu verslunarprófi.
Nemendur skólans stóðu sig
mjög vel í prófunum, að sögn
skrifstofumanns skólans. Búist
hafði verið við að verkfall
kennara í vor myndi draga úr
námsárangri nemenda en svo
varð ekki enda unnu nemend-
ur og kennarar dag og nótt
eftir verkfallið að því að bæta
upp þann missi sem hafði orðið
þá.
Við skólaslitin var samleikur
á fiðlu og píanó; Timothy Beil-
by og Rögnvaldur Valbergsson
fluttu Humoresque eftir
Dvorak. SéraHjálmar Jónsson
flutti ávarp en Jón F. Hjartar-
son skólameistari brautskráði.
Áður en afhending verðlauna
fór fram var einleikur á fiðlu;
Allegro úr sónötu nr. þrjú eftir
Bach. Nemendur kvöddu og
franska þjóðlagið Morning has
broken var flutt á fiðlu og
píanó.
Fjölbrautaskólinn var stofn-
aður 1978 og hefur útskrifað
nemendur fjórum sinnum. í
fyrra voru innritaðir um 265
nemendur en 20 þeirra hættu
námi í skólanum á vorönn
vegna verkfallsins í vor.
Menntaskólinn á Egilsstöðum:
Útskrifaði 40 stúdenta
■ Fjörutíu stúdentar út-
skrifuðust frá Menntaskólan-
unt á Egilsstöðum á sjötta
starfsári hans, sem lauk 18.
maí sl. Stúdentarnir braut-
skráðust af níu brautum,
þ.á m í fyrsta skipti af
íþróttabraut. Við skólann sl.
vetur störfuðu 22 kennarar og
nemendur í dagsskóla voru
230 og í öldungadeild 26.
Stúdentarnir dreifðust á
eftirtaldar brautir: náttúru-
fræðabraut 9, félagsfræða-
braut 8, viðskiptabraut 4,
uppeldisbraut 4. uppeldis- og
félagsfræðabraut 6, íþrótta-
braut 4, málabraut 3, heilsu-
gæslubraut 1, tæknifræða-
braut 1.
Sérstaða M.E. er m.a. sú
að öllum stúdentum er skylt
að taka áfanga í framsögn og
mæískulist og einnig hið svo-
nefnda „opna kerfi" skólans.
Opna kerfið felst í því að
fjórðungur kennslu fer fram í
svonefndum opnum tímum
sem mætingerfrjáls . Yfirferð
námsefnis í öðrum tímum er
hraðað sem svarar lA. Því er
ekki þörf fyrir alla nemendur
að mæta í opnu tímana en
aðrir geta stundað þá þeirn
mun meir, eftir því sem þörf
krefur. Kerfi þetta var tekið
upp í M.E. urn áramót 1982-
1983 og hafa nafnlausar kann-
anir meðal kennara og nem-
enda bent til 90% fylgis þess.
■ Stúdentar Menntaskólans á Egilsstöðum vorið 1985. Vilhjálmur Einarsson, skólameistari,
til hægri.
Stýri-
manna-
skól-
anum
slitið
■ Stýrimannaskólan-
uni í Reykjavík var slit-
ið í 94. skiptið við há-
tíðlega athöfn í hátíð-
arsal skólans hinn 25.
maí síðastliðinn.
Skipstjórnarprófum
frá Stýrimannaskólan-
um luku 68 nemendur,
þar af luku 5 nemendur
skipstjórnarprófi I.
stigs í samvinnu við
framhaldsskólann á
Dalvík. Undanfarin
fjögur ár hefur verið
starfrækt þar skip-
stjórnarbraut undirfag-
legri umsjá Stýrimanna-
skólans í Reykja-
vík.
Skólaslitin hófust
með því að Anna Þóra
Benediktsdóttir spilaði
vals eftir Chopin.
Minnst var látinna
sjómanna, og fyrri
nemenda og kennara
skólans, sem létust á
skólaárinu.
í lok skólaslitanna
kvaddi skólastjórinn
sérstaklega Helga J.
Halldórsson cand.
mag., en hann hefur
látið af störfum sem
fastur kennari eftir 40
ára starf við Stýri-
mannaskólann.
Frímerkjasöfnun:
Heil f rímerki
Heil frímerki
■ Þá skulum við taka saman
hvað sagt hefir verið um ástand
frímerkjanna og hvað þannig
teljast íieil frímerki. Það má
enginn galli finnast á pappír
þeim sem merkið er prentað á.
Þar má nefna rifur, þynningu,
brot og fleira. Allir takkar
merkisins verða einnig að vera
í fullri lengd og heilir, líka
hornatakkar. Merkið verður
að vera hreint og alls ekki
upplitað af sólarljósi eða
efnum. Sé um stimplað merki
að ræða verður stimpillinn að
vera hreinn, læsilegur, staðar-
heiti og dagsetning og ekki svo
mikið blek í honum að það
smyrjist um merkið. Þá má
heldur ekki vera far í pappírn-
um eftir stimpilinn. Sé merkið
hinsvegar ónotað verður upp-
runalegt lím að vera óskert
með öllu. Engin för eftir
hengsli eða innlímingu í
safnbók. Þetta er oft erfitt
þegar um gömul merki er að
ræða. Sumir spyrja jafnvel
hvort verið sé að safna frí-
merkjum eða lími. En því
verður ekki breytt, að frímerki
með óskertu lfmi seljast á
hærra verði en hin.
Sé þetta allt fyrir hendi verð-
ur því raunverð merkjanna
hærra en ella.
Það er því aldrei of oft brýnt '
fyrir frímerkjasöfnurum að
vanda val merkja þeirra er þeir
setja í safn sitt og mál margra
er að rétt væri í raun að henda
öllum gölluðum merkjum, svo
þau hvorki valdi eiganda sín-
um né þeim er sér sárum
vonbrigðum.
Frímerki sem hafa t.d. tvo
stimpla, bárurnar úr vélstimpl-
um eða einhverja aðskotastim-
pla á sér eru mikið minna virði
en þau sem hafa fallega póst-
stimpla, þar sem jafnveí má
rekja að þau hafi verið stimpl-
uð á réttum gildistíma. Á þetta
sérstaklega við frímerki, sem
verið hafa í notkun í ákveðinn
tíma, en ekki gild utan hans.
Besta dæmið sem við þekkjum
er þegar skildingafrímerkin
sem óseld voru eftir mynt-
breytinguna, voru allt í einu
stimpluð með öðrum póst-
stimpli og seld sem notuð á
nafnverði til útlanda af póst-
stofunni. Þessi merki eru mun
lægri í verði en rétt notuð
merki og eru skilgreind sem
tækifærisstimpluð. Þá er ann-
að dæmi sem við þekkjum vel
en það eru frímerkin sem eru
stimpluð með orðinu TOLL-
UR í ferhyrntum stimpli.
Merki þessi voru afhent sem
kvittun fyrir greiddum toll-
gjöldum á sínum tíma og eru
því ekki póstnotuð og því mik-
ið ódýrari en póstnotuð frí-
merki af sömu tegund.
Hitt hefir svo lengi verið
deilumál, hvort stimpill sé fall-
egur er hann aðeins nær á horn
merkisins eða er nákvæmlega
á miðju þess. Það hefir orðið
ofaná að stimpill verði að vera
léttur en læsilegur og a.m.k. sé
hægt að lesa staðarheiti og
dagsetningu.
Hvernig stimpill snýr á
merki er oft táknað með tilvís-
un í klukkuna. Stimpill sem
stendur nákvæmlega upp og
niður á frímerkinu er þá sagður
stimplaður kl. 12. Vísi hann
svo að einum fjórða til vinstri
er hann stimplaður kl. 9 til
hægri kl. 3 ogáhvolfi kl. 6. Svo
eru fleiri gráður þar á milli.
Með þeirri miklu tækni sem
menn búa yfir í dag, er auðvelt
að gera við lítið gölluð frímerki
svo ekki sjáist með berum
augum. Er þar að miklu leyti
um sömu tækni að ræða og við
handritaviðgerðir. Erlendis
auglýsa slíkir viðgerðamenri
jafnvel handverk sitt. Vitan-
lega láta engir gera við nema
allra dýrustu frímerki. En það
er sama hversu vel þetta er
gert. Merkiðverðuraldreidýr-
ara fyrir það. Það er alltaf
auðvelt að sjá viðgerðir í kvarts-
lampa. Þessi hætta er alltaf
fyrir hendi, að óvandaðir aðil-
ar rcyni að selja viðgerð merki
sem heil. Því er það að margir
kaupendur heimta að vottorð
sérfræðinga fylgi dýrum
merkjum, þar sem m.a. er
tekið fram að þau séu ckki þcir sem eru færir um aðganga
viðgerð. Slík verðmæti ættu úr skugga um slíkt sjálfjr.
raunar ekki aðrir aö kaupa en Sigurður H. Þorsteinsson
■ Mismunandi góð merki
Tónabíó:
Heilalausir menn
ogannarmeðtvo
Heilamaðurinn (The Man with
two Brtjins). Bandaríkin 1985.
Handrit: Carl Reiner, Steve
Martin og George Gipe.
Leikendur: Steve Martin,
Kathleen Turner, David
Warner.
Leikstjóri: Carl Reiner.
Ekki varð maður nú mikið
var við, að aðalsöguhetja
Heilamannsins væri með tvo
heila, eins og upprunalegt heiti
myndarinnar gefur til kynna.
Aftur á móti varð maður
áþreifanlega var við, að að-
standendurnir hljóta allir að
vera heilalausir, eða svo gott
sem. í hæsta iagi skipta þeir
með sér heilanum númer tvö
frá hetjunni. Heilamaðurinn
er sem sé ekki upp á marga
fiska, og sem gamanmynd er
hún nánast algert viðundur.
Aðeins hægt að brosa tvisvar,
þrisvar.
Er það mikil synd, þar sem
Carl Reiner gerði fyrir nokkr-
um árum alveg bráðskemmti-
lega gamanmynd, sem sýnd
I
var hér fyrir nokkru. Dead
Men Don’t Wear Plaid heitir
hún á ensku og var vel heppn-
uö skopstæling á leynilögreglu-
myndum 5. áratugarins, þegar
menn eins og Humphrey
Bogart, Philip Marlowe og
Sam Spade voru upp á sitt
besta. Heilamaðurinn er líka
skopstæling. Og í þetta sinn
tekur Reiner fyrir gömlu góðu
hryllingsmyndirnar um brjál-
uðu vísindamennina, sem
reyna að flytja heila á milli
manna, samanber Frankenste-
in.
Söguhetjan er frægur heila-
skurðlæknir, sem lendir í mikl-
um ævintýrum í Vínarborg,
þar sem hann ætlar að flytja
fyrirlestur um afrek sín. Þar
verður hann ástfanginn af lík-
amslausum heila, en húmor
myndarinnar, sem oftast fellur
um sjálfan sig, er þó einkum
miðaður við hið líkamlega
samband kynjanna.
Steve Martin er sjálfum sér
líkur í þessari mynd, og ýkju-
stíllinn í fyrirrúmi. Katííleen
Turner kemur hins vegar á
óvart, og er hún það besta við
þessa mynd. Skemmtilegt að
bera hana saman hér, þar sem
hún leikur brókarsjúka eigin-
konu heilaskurðlæknisins, og í
myndinni í Nýja bíói.
Guðlaugur Bergmundsson.