Eintak - 24.03.1994, Blaðsíða 9

Kínverskur ævintýramaður, Zai Warag Zheng, skipuleggur ferðir til Kína fyrir íslenska kaupsýslumenn án
þess að hafa ferðaskrifstofuleyfi og stundar viðskipti í nafni fyrirtækis sem hvergi er skráð. Fór með ís-
lenskum kaupsýslumanni til Kína að aðstoða hann við að afla viðskiptasambanda en gekk frá samn-
ingi^^m á kínversku í eigin nafni.
aðtúl
engerði
samninga
í eigin nafni

Við Síðumúla 27 í Reykjavik eru
skrifstofur fyrirtækis sem kallast
Frank hf. Þar er stunduð margvís-
leg starfsemi af kínverskum
manni að nafni Zai Wang Zheng
en hann kallar sig jafnan Frank
Zheng. Þetta fyrirtæki er hvergi
skráð, hvorki í hlutafélagaskrá,
þrátt fyrir hlutafélagsskammstöf-
unina né í fyrirtækjaskrá, og hefur
þar af leiðandi ekki kennitölu og
ekki heldur virðisaukaskattsnúm-
er.
Undanfarið hefur Zheng reynt
að hasla sér völl sem milliliður
framleiðenda í Kína og íslenskra
kaupsýslumanna. Hann var búinn
að skipuleggja ferð fyrir tíu til
fimmtán manna hóp íslendinga til
Kína nú í apríl til að koma á við-
skiptasamböndum en henni var
frestað fram á haustið. Kynnti hann
fyrirhugaða ferð einkum með því
að senda símbréf með upplýsingum
til heildsala og annarra íslenskra
fyrirtækja í nafni Frank Agency &
Import-Export Co., þar sem meðal
annars er boðið upp á þá þjónustu
að skipuleggja slíkar ferðir. Nauð-
synlegt er að afla sér ferðaskrif-
stofuleyfis til að skipuleggja og
standa að ferðum sem þessum og
leggja fram tilskilda sex milljóna
króna bankatryggingu. Það hefur
Zheng ekki gert.
Af annarri starfsemi Franks hf.
Bandaríkjamaðurinn
Steven Hall
réð sig til starfa hjá Frank hf.
sem markaðsstjóri íjanúar á
þessu ári. „Þetta fyrirtæki er
ekkert nema svik og svindl, “
segir hann.
má nefna innflutning og sölu á
varningi frá Bandaríkjunum, meðal
annars jóla- og gjafavörur. Þá hefúr
Zheng gert samninga í Kína í nafni
fyrirtækisins um innflutning á hjól-
börðum. Bílaverkstæði hér á landi
pantaði gám af þeim hjá Zheng en
þegar til kom reyndust þeir ekki
standast íslenskar kröfur þar sem
ekki var hægt að negla þá.
í símbréfinu segir að Frank hf. sé
inn- og útflutningsfyrirtæki og ráð-
gjafarfyrirtæki með höfuðstöðvar í
Sjanghæ en útibú í Reykjavík og
New York. Þá eru talin upp fjöl-
mörg atriði sem fyrirtækið er tilbú-
ið að annast fyrir viðskiptavini sína
til að koma á viðskiptasambönd-
um. Símanúmerið hjá útibúinu í
New York reyndist vera hjá tengda-
foreldrum Zhengs.
Kínaferðin kostaði tæpa
milljón en Zheng hirti
samninginn
Á síðasta ári fór Frank með ís-
lenskum manni, sem ekki vill láta
nafns síns getið, til heimalands síns
til að afla viðskiptasambanda og sá
telur sig hafa verið illa hlunnfarinn
í viðskiptum sínum við hann. í apr-
íl á síðasta ári héldu þeir saman til
Kína með það að markmiði að gera
samning við stóra verksmiðju í
Sjanghæ um kaup á íhlutum í vél-
búnað sem setja átti saman hér á
landi en selja í Evrópu. Hlutverk
Zhengs var að vera leiðsögumaður
og túlkur.
Samningagerðin fór eingöngu
fram á kínversku og allir pappírar
voru á því máli. Islendingurinn
treysti Frank til að vera túlkur sinn,
enda talar hann ekki kínversku og
fulltrúar verksmiðjunnar ekki
ensku. Þegar hann komst síðan í
kynni við enskumælandi fólk þegar
líða fór á ferðina, fékk hann þá til
að þýða samningana fyrir sig, enda
farinn að gruna Zheng um græsku.
Þá kom í ljós að hann hafði gert
samningana í nafni Frank hf. á
þeim forsendum að íslendingurinn
hefði ekki inn- og útflutningsleyfi á
Islandi en sagði að hann sjálfur
hefði það hins vegar. Slíkt leyfi er
óþarfi.
íslendingurinn fullyrðir jafn-
framt að Frank hafi stolið af sér öll-
um pappírum, tæknilýsingum,
samningum og öðru. Þegar heim
kom hafði hann því ekkert í hönd-
unum annað en háa reikninga. Tel-
ur hann líkur á að Zheng hafi selt
þau gögn.
Zheng segist ekkert taka fýrir að
skipuleggja og sjá um fyrirhugaða
ferð til Kína í haust. Hans hlutur
felist í þóknun frá kínverskum fyr-
irtækjum. I þessu tilviki átti íslend-
ingurinn að greiða flugfarið og lítið
annað. Niðurstaðan varð hins veg-
ar sú að hann þurfti að greiða fyrir
uppihald Zhengs að verulegu leyti
og annan kostnað sem hann sagðist
myndu sjá um, en ferðin kostaði
hann samtals nálægt einni milljón
króna þegar upp var staðið.
„Ekkert nema svik og
svindl,“ segir fýrrum
starfsmaður
Zheng kom hingað til lands árið
1990 sem þjálfari hjá fimleikafélag-
inu Gerplu. Síðan skráði hann sig í
nám í íslensku við Háskóla íslands
og fékk framlengingu á landvistar-
leyfi á þeim forsendum. Hann mun
hins vegar aldrei hafa skilað sér í
kennslutíma og tók engin próf en
fékk vinnu hjá Pósti og síma, auk
þess sem hann greip í tilfallandi
aukavinnu. Á síðasta ári fór hann
svo að vinna sjálfstætt meðfram
starfi sínu hjá Pósti og síma og
kynnir fyrirtæki sitt í símaskránni
undir heitinu Frank hf.
Fyrirtækið auglýsti eftir starfs-
fólki um áramótin. Bandaríkja-
maðurinn Steven Hall réð sig til
starfa sem markaðsstjóri. Hann
sagði í samtali við ElNTAK að hann
hefði strax farið að gruna að ekki
væri allt með felldu. Þegar hann
komst að því að fyrirtækið væri
ekki skráð, hætti hann störfum. „-
Þetta fyrirtæki er ekkert nema svik
og svindl,“ sagði Steven. „Ég spurði
Frank hvort hann hefði tilskilin
leyfi en fékk engin skýr svör. Þá
sagði ég honum að ég vildi ekkert
eiga saman við hann að sælda. Svo
fór ég að kanna málið og komst að
Skrifstofa Frank hf. er
VIÐ SÍÐUMÚLA 27
Fyrirtækið er hins vegar hvergi
skráð og hefur hvorki kennitölu
né virðisaukaskattsnúmer.
því að þetta fyrirtæki er hvergi
skráð."
Steven og aðrir heimildarmenn
blaðsins segja að Zheng villi á sér
heimildir með því að fúllyrða að
hann hafi háskólagráður í hinum
og þessum greinum, einn sagði að
hann hefði kynnt sig sem son pró-
fessors og skurðlæknis til að auka á
trúverðugleikann en ekkert sé hæft
í því. „Mönnum entist ekki ævin til
að verða sér úti um allar þær há-
skólagráður sem Frank segist hafa
þótt þeir gerðu ekkert annað en að
sitja á skólabekk,“ sagði einn heim-
ildarmaður.
1 gær hafði íslendingurinn sem
fór með Zheng til Kína samband
við Útlendingaeftirlitið til að fá það
til að skoða mál hans.
Zheng hefur dvalar- og atvinnu-
leyfi hér á landi, að sögn Jóhanns
Jóhannssonar hjá Útlendingaeft-
irlitinu og samkvæmt áreiðanleg-
um heimildum EINTAKS hefur
hann sótt um íslenskan ríkisborg-
ararétt og eru mál hans í skoðun
þar á bæ. ©
Zaiy/ang Zheng í samtali við eintak
„Eg veit ekki hvað
hf. stendur fýrir“
Zai Wang Zheng er staddur í
Kína um þessar mundir. EiNTAK
náði símasambandi við hann.
Hvaða starfsemi er á vegum
Frank hf.?
„Það kemur á viðskiptasam-
böndum mili íslands og Kína.“
Er einhver innflutningur á veg-
um fyrirtækisins?
„Já, það hefur flutt inn jólavarn-
ing og gjafavörur frá Bandaríkjun-
um.“
Hvers vegna er fyrirtækið ekki
skráð?
„Ég nota mína eigin kennitölu.“
Hvers vegna er það þá kynnt
sem hlutafélag?
„öll fyrirtæki á Islandi eru með
hf. á eftir nafni sínu en ég veit ekki
hvað það stendur fyrir. Enn sem
komið er hef ég ekki haft neinar
tekjur af þessu fyrirtæki."
Hefurðu leyfi til að reka ferða-
skrifstofu?
„Nei, ég þarf þess ekki.“
En ertu ekki að skipuleggja
ferð til Kína fyrir íslenska kaup-
sýslumenn?
„Jú, en ég tek ekkert fýrir það.“
Hvað græðir þú þá á þvi?
„Ég mun koma til með að fá
þóknun frá kínversku fyrirtækjun-
um.“
Sérð þú um að útvega hótel og
skipuleggja ferðirnar að öðru
leyti?
„Já, en ég tek ekkert fyrir það.“
íslendingurinn sem fór með
þér í fyrra til Kína að afla við-
skiptasambanda er sáróánægður.
„Það er löng saga á bak við það
og ég skal segja þér frá þvi þegar ég
kem aftur til Islands. Eg veit ekki
til þess að ég hafi brotið nein lög á
íslandi.“ ©
FIMMTUDAGUR 24. MARS 1994
9