Tímarit.is
Leita | Titlar | Greinar | Um vefinn | Algengar spurningar |
skrá inn | Íslenska | Føroyskt | Kalaallisut | Dansk | English |

Vikublağiğ

PDF  | HQ_PDF  | JPG  | TXT  |
Skoğa í nıjum glugga:
PDF  | HQ_PDF  | JPG  | TXT  |


Ağlaga hæğ


Vafrinn şinn styğur ekki PDF skjöl
Smelltu hér til ağ skoğa blağsíğuna sem JPG
Vikublağiğ

						VIKUBLAÐIÐ 8. APRIL 1994
11
Rithöndin
Ákveðin og með litríkar
tilfinningar
Þú ert samkvæmt skriftinni mjög
ákveðin og dálítið stíf í lund.
Skapið mikið og nokkuð hart ef á þarf
að halda. Tilfinningar þínar eru litrík-
ar og sterkar. Þú ert ritfær í besta lagi,
en óhlífin við hvern sem er. Þú hefur
stálvilja og oftast góða sjálfstjórn. Þú
ert óvorkunnlát við sjálfa þig, þreytu
viðurkennir þú til dæmis ekki þó á-
stæða sé tdl. Þú nýtur þín best í friði og
ró, þá koma hinir mildari eðlisþættir
þínir fram.
Þér er nauðsynlegt að vera ein úti í
náttúrunni sem oftast. Þú hefur næmt
auga fyrir hinu myndræna, starf ljós-
myndara ætti vel við þig. Þú ert laus
við smámunasemi. Dálítið óþolinmóð
muntu vera.
Þú hefur góðar námsgáfur, en hefð-
bundið nám er þér ekki að skapi, þar
finnst mér of þröngt um þig. Heimil-
v7
isstörf vilja verða útundan. Hinsvegar
finnst þér heimilið ágætur staður til
að vinna á að ýmsu öðru sem þér er
hugleikið. Yfirleitt virðist þú störfum
hlaðin kona. Gleymdu ekki að þú
þarft líka að njóta smámunanna í líf-
inu.
•   Góðaframtíð.     R.S.E.
-7r
Andrea Jótisdóttir dagskrárgerðarmað-
ur á Rás 2.
Sviðsljós
Tvær sýn-
ingar opna
á Kjarvals-
stöðum um
helgina
Laugardaginn 9. apríl verða
opnaðar að Kjarvalsstöðum sýn-
ingar á verkum Huldu Hákon í vest-
ursal og Ólafs Gíslasonar í miðsal.
Hulda Hákon hefur undanfarin 10
ár tekið virkan þátt í íslensku listalífi
og haldið fiölmargar einkasýningar á
Islandi, Norðurlöndum og Þýska-
landi. Hún hefur einnig tekið þátt í
samsýningum víða um heim.
Hulda hefur undanfarin ár mest
unnið við gerð lágmynda, þar sem
hún vinnur saman mynd og texta. I
lágmyndum sínum hefur hún sett
manneskjuna í öndvegi og gert ýmsa
þætti mannlegrar tilveru að viðfangs-
efni sínu.
Á sýningu Huldu að þessu sinni er
þó umfjöllunarefnið af öðrum toga.
Hún sýnir myndir af eldi og blómum
bæði í þrívídd og í málverki.
Ólafur Gíslason hefur haldið einka-
sýningar í Reykjavík og víða erlendis
og tekið þátt í samsýningum.
Sýning Olafs að Kjarvalsstöðum
ber heitið „Vernissage". A nútíma-
máli þýðir það einkum „sýningar-
opnun" en getur líka haft merkinguna
„að skoða myndir áður en þær eru
lakkaðar" og vísar þá til þess þegar
listamenn bjóða vinum og kunn-
ingjum að skoða verk sín áður en sjálf
sýningin hefst. Þessi sýning Olafs er
þriðja sýning hans um þetta þema.
I austursal eru sýnd verk eftir
Jóhannes S. Kjarval úr eigu Reykja-
víkurborgar. I vestursal stendur yfir
ljóðasýning Olafs Kárasonar.
Allar þessar sýningar standa yfir til
8. maí og eru opnar daglega frá kl. 10-
18.
Tinna Gunnlaugsdóttir og Lilja Guðrún Þorvaldsdóttir í hlutverkum sínum í
Gaukshreiðrinu, sem frumsýntverðurí' Þjóðleikhúsinu 14. apríln.k.
Gaukshreiðrið frumsýnt
ir og Jóhann Sigurðarson. Önnur
veigamikil hlutverk eru í höndum
Sigurðar Skúlasonar, Hilmars Jóns-
sonar, Hjálmars Hjálmarssonar, Hall-
dóru Bjömsdóttur og Erlings Gísla-
sonar. Fjöldi annara leikara Þjóð-
leikhússins koma við sögu. Tónlist er
eftir Lárus Grímsson, lýsingu annast
Björn Guðmundsson. Leikmynd og
búninga hannaði Þórunn- Sigríður
Þorgrímsdóttir og leikstjóri er Hávar
Sigurjónsson
Leikritið Gaukshreiðrið eftir band-
aríska rithöfundinn Ken Kesey
verður frumsýnt á stóra sviði Þjóð-
leikhússins 14. apríl n.k. og er þetta
jafnframt síðasta frumsýning Þjóð-
leikhússins á þessu leikári. Sagan vakti
mikla athygli þegar hún kom út í upp-
hafi sjöunda áratugarins og þótti
tímamótaverk. Verkið er í leikgerð
Dale Wasserman og í þýðingu Karls
Ágústs Úlfssonar.
Með  helstu  hlutverk  fara  Pálmi
Gestsson, Ragnheiður Steindórsdótt-
Fyrsta einkasýningin
Dagana 9. til 25. apríl nk. verður
sýning á olíumálverkum Mar-
grétar Sveinsdóttur í Gallerí 1 1, að
Skólavörðustíg 4 í Reykjavík
Margrét útskrifaðist úr málaradeild
Myndlista- og handíðaskóla Islands
1988 og var við framhaldsnám við
Valands Konsthögskola Göteborgs
Universitet 1988-1990.
Þetta er fyrsta einkasýning Mar-
grétar í Reykjavík en áður hefur hún
haldið einkasýningu í Gautaborg og
Stokkhólmi og tekið þátt í samsýn-
ingum á Isafirði, í Gautaborg og
Stokkliólmi.
Opnun sýningarinnar verður laug-
ardaginn 9. apríl kl. 16-18, en sýn-
ingin verður opin frá kl. 14 - 18 aðra
daga.
Guerilla
Girls frá
New York
í Nýlista-
safninu
Laugardaginn 9. apríl opnar sýning
á veggspjöldum Guerilla Girls í
Nýlistasafninu, Vatnstíg 3b. Guerilla
Girls er hópur myndlistakvenna bú-
settur í New York. Þær vinna undir
nafnleynd og koma ætíð fram með
grímur fyrir andlitinu. Vinnuföt
þeirra eru stuttir þröngir kjólar,
háhælaðir skór og górillugrímur.
Eins og heitið gefur til kynna vinna
Guerilla Girls með sama hætti og
skæruliðar; markvisst og fyrirvara-
laust. Þær setja upp veggspjöld, dreifa
límmiðum, auglýsa í tímaritum, gefa
út jólakort og myndbönd ásamt því að
koma fram á fyrirlestrum og í sjón-
varpsumræðuþáttum. Inntak verka
þeirra er gagnrýni á ráðandi gildismat
innan myndlistakerfisins. Mörg vegg-
spjöld þeirra eru með tölfræðilegum
samanburði á stöðu karla, kvenna og
litaðra í myndlistarheimi New York
borgar sem er ein aðalmiðja myndlist-
ar í heiminum. Veggspjöldin eru
undirrituð „Guerilla Girls, samviska
myndlistarheimsins".
Þau veggspjöld sem verða til sýnis í
Nýlistasafhinu eru 30 að tölu og eru
frá árunum 1985-1990. Sýningin
hefur verið sýnd á hinum Norður-
löndunum og hvarvetna verið hvati að
umræðum um stöðu kvenna í mynd-
list.
Samhliða sýningu Guerilla Girls
sýna Svala Sigurleifsdóttir og Inga
Svala Þórisdóttir ný verk.
I efri sölum safnsins verður sýning
á verkum úr eigu Nýlistasafhsins.
Sýningarnar eru opnar alla daga frá
kl. 14 - 18 og þeim lýkur sunnudaginn
24. apríl.
Ný skemmtileg bók er komin út
Jónasarlimrur
Fyrir skömmu kom út hja Hörpuútgáfunni
ný bók eftir Jónas Arnason. Allir lands-
menn þekkja leikrit og söngva Jónasar og vin-
sældir hans eru alltaf jafn miklar. Færri vita, að
Jónas hefur lengi fengist við að yrkja limrur,
sem nú eru komnar út á bók. Limruformið
nýtur vaxandi vinsælda og mörgum mun þykja
fbrvitnilegt að kynnast Jónasi Arnásyni á
þessum nýja vettvangi.
Jónasarlimrur eru alls 140 í bókinni og bir-
tum við hér tvær með leyfi útgefanda.
Jónas t.h. og Bragi Þórðarson útgefundi með
fyrstu eintök bókarinnar „Jónasarlimrur", sem
kom útfyrir skömmu.
Gúmmoren á latínu
Eg man emi kvöldið er Kötu e'g mætti
í sömu viku og ég við bana hætti.
Með glæsihatt bldan
gafhún mér d hann.
Það var ídgiíst að áliðnum slætti.
Tveir góðir
Það er staðreynd að Gldmur var strangeygður
og að lengi hann Grettis beið langeygður.
En Gretti mest brá
er hann Glám leit og sd
að hann einnig var andskoti rangeygður.
Eg var alveg búinn að gleyma því
hvað Morgunblaðið gat verið
klikkað í gamla daga. Miklu verra
en það er í dag meina ég. Ef til vill
væri öllum hollt að rifja upp hvern-
ig blaðið gaf látið hér á árum áður
því mig grunar heldur að grunnt sé
á gamla tóna.
Ástæðan fyrir því að mér datt
þetta í hug er að fyrir stuttu neydd-
ist ég til að fletta Morgunblaðinu
frá árinu 1978. Það var árið sem í-
haldið tapaði borginni í eina skiptið
á þessari öld. Naumt var það, mað-
ur minn lifandi og það er augljóst á
Morgunblaðinu að það tók smá
tíma að átta sig á hvað gerst hafði.
En síðan komu líka viðbrögðin.
„Kommúnistar, kommúnistar,
kommúnistar." Maður fletti ekki
svo síðu að þetta hræðilega orð
blasti ekki við með stríðsletri. Þeir
sem staddir voru fjarri höfuðstaðn-
um gátu verið vissir um að þessi ó-
þjóðalýður fór nú um borgina í
hjörðum, reif niður, brenndi, mölv-
aði rúður og tók sælgæti af börnun-
um. Þó væri þetta aðeins byrjunin. I
kjölfarið kæmu pólitískar ofsóknir
gegn hinum hjartahreinu embættis-
mönnum, sem aldrei hefðu leitt
hugann að nokkru öðru en að
þjóna, þjóna og þjóna borgarbúum,
jafhvel þeim sem kysu kommúnista.
Og síðan kæmi röðin að blessuðum
börnunum. Innræting stéttabaráttu,
heiðni og ókurteisi yrði hafin á
barnaheimilunum. Enginn yrði
frjáls að því að ala börnin sín upp
sjálfur í guðsótta, flengingum og
góðum siðum. Nú yrði öllum smal-
að í stofhanirnar og gerð að einum
gráum massa, sem á hátíðisdögum
veifuðu rauðum fánum og héldu á
myndum af Marx, Mao og Guð-
mundi Þ.
Þetta sumar gerðist það suður á
ítalíu að Rauðu herdeildirnar
rændu og drápu þann fróma mann,
Aldo Moro, sem lengi hafði verið í
forustusveit Kristilegra demókrata.
Hér var að sjálfsögðu lýsandi dæmi
um eðli og innræti kommúnista.
Hafði ekki sá leiði Lenín látið drepa
keisarafjölskylduna? Og hvernig var
ekki útlitið á þeim þjóðníðingum ís-
lenskum, sem gengið höfðu þessari
helstefiiu á hönd? Flestir voru síð-
skeggjaðir og síðhærðir ogjieir sem
ekki voru það voru bara að reyna að
blekkja. Jafnvel var til að þetta lið
væri ekki í jakkafötum. Og Morg-
unblaðið þvældi fram og aftur í
Staksteinum, Velvakanda, frétta-
skýringum og fbrystugreinum og
þegar upp var staðið mátti Ijöst vera
að það voru þau Sigurjón Pétursson
og Adda Bára, sem höfðu drepið
Aldo Moro. Kannski ekki beint tek-
ið í gikkinn en söm var gjörðin því
þau höfðu fellt meirihluta Sjálf-
stæðisflokksins í Reykjavík.
Nú en Morgunblaðið kunni á
svona kauða og tókst með undirferli
og lágkúru að espa hvern gegn öðr-
um í hinum nýja meirihluta. Þá var
hringt í Sjöfh að kveldi og hún
fengin til að segja einhverja dauð-
ans vitleysu. Svo var hringt í Guð-
rúnu og henni lesin vitleysan og
beðin um athugasemd. Og þannig
var meirihlutinn kominn í hár sam-
an um leið og Morgunblaðið kom
út án þess að vita almennilega af því
sjálfur. Vonandi hafa menn lært.
					
Fela smámyndir
Blağsíğa 1
Blağsíğa 1
Blağsíğa 2
Blağsíğa 2
Blağsíğa 3
Blağsíğa 3
Blağsíğa 4
Blağsíğa 4
Blağsíğa 5
Blağsíğa 5
Blağsíğa 6
Blağsíğa 6
Blağsíğa 7
Blağsíğa 7
Blağsíğa 8
Blağsíğa 8
Blağsíğa 9
Blağsíğa 9
Blağsíğa 10
Blağsíğa 10
Blağsíğa 11
Blağsíğa 11
Blağsíğa 12
Blağsíğa 12
Blağsíğa 13
Blağsíğa 13
Blağsíğa 14
Blağsíğa 14
Blağsíğa 15
Blağsíğa 15
Blağsíğa 16
Blağsíğa 16