28 MIÐVIKUDAGUR 29. JÚNÍ 2005 MORGUNBLAÐIÐ MINNINGAR ? Sigurður Ragnar Arnbjörnsson fæddist í Keflavík 4. maí 1987. Hann lést í bílslysi í Öxnadal 17. júní síðastliðinn. For- eldrar hans eru Erla Björk Sigurðardóttir, f. 15.2. 1956, og Arn- björn Rúnar Eiríks- son, f. 26.7. 1950. Systkini Sigurðar eru Hafþór Raul Brown, f. 25. júní 1997, Krist- mundur Arnbjörns- son, f. 11.4. 1973, Ísar Arnbjörnsson, f. 9.8. 1977, Hlíf Arnbjörnsdóttir, f. 20.3. 1979, Elín Arnbjörnsdóttir, f. 15.12. 1981, Aron Arnbjörnsson, f. 7.2. 1984, og Þórunn Anna Arnbjörnsdótt- ir, f. 28.12. 1993. Sigurður var bú- settur hjá móður sinni í Keflavík og lauk grunnskólanámi frá Myllubakkaskóla. Hann stundaði einnig nám við Fjölbrauta- skóla Suðurnesja um tíma. Sigurður verður jarðsunginn frá Keflavíkurkirkju í dag og hefst athöfnin klukkan 14. Hinn 17. júní síðastliðinn vaknaði ég við símhringingu, þar sem mér var sagt frá því að hann Siggi væri dáinn. Hræðilegt bílslys hafði átt sér stað, þar sem Siggi og vinur hans höfðu látist og annar vinur hans lá þungt haldinn á sjúkrahúsi. Enn á ný erum við minnt á það hversu hverfult þetta jarðneska líf er og það að við vitum aldrei hvenær við kveðjumst hinsta sinni. Það virðist svo stutt síðan ég að- stoði hana Erlu mína við að koma þér í heiminn, Siggi minn. Ég man hve það var stolt móðir sem hélt á þér í fanginu og dáðist að fallega drengn- um sínum og hvað ég var hamingju- söm að fá að upplifa þessa stóru stund með ykkur. Þú varst alltaf glaðlegur og stutt í brosið hjá þér þegar þú varst lítill snáði. Það kom fljótt í ljós hvað þú varst góður í þér og máttir ekkert aumt sjá, þá vildir þú rétta hjálpar- hönd. Náttúran heillaði þig mikið og á yngri árum elskaðir þú útilegur og ferðalög. Þú varst mikill afastrákur og það voru ófáar stundirnar sem þið Siggi afi áttuð saman. Hann reyndist þér svo vel og var alltaf til staðar fyr- ir þig. Níu ára fluttir þú til Spánar og dvaldir þar í tvö ár. Þar var talað um þig sem víkinginn frá Íslandi því að þú þóttir einstaklega harður af þér við að stunda sjóböðin þegar Spán- verjarnir litu ekki við því. Þú áttir góð ár á Spáni og naust þess að upp- lifa nýjan stað og ný ævintýri í fjar- lægu landi. Þar eignaðist þú litla bróður þinn, hann Haffa, sem þú varst svo stoltur af. Unglingsárin voru þér stundum erfið eins og margir unglingar upp- lifa, en þá kom tölvutæknin að góðum notum og þú myndaðir sambönd út um allt land og eignaðist netvini sem þú tjáðir þig við. Þú áttir svo gott með að tjá þig í skrifum, eða eins og einn kennarinn þinn orðaði það: ?Hann Siggi er einn af mínum bestu pennum.? Undanfarin ár hafa bílar og tónlist verið þín helstu áhugamál og hafðir þú mjög ákveðinn smekk í þeim efn- um. Rafmagnsgítarinn heillaði þig og þú hófst nám í gítarspili. Það fór svo að þú notaðir tíma þinn talsvert í að hlusta á gott gítarspil, s.s. Metallica og að æfa þig að spila. Þessar stundir veittu þér mikla ánægju. Elsku Erla, Haffi, Siggi afi, Bjössi og aðrir ástvinir allir. Ég bið góðan Guð að styrkja ykkur í sorginni. Megi minningin um góðan dreng umvefja ykkur um ókomin ár. Kæri Siggi, ég og fjölskylda mín þökkum þér fyrir góðar samveru- stundir á liðnum árum. Einnig vilja Rafnkell, Sævar,Áslaug og dætur þakka þér fyrir samfylgdina. Við vit- um að þú ert í góðum höndum þar sem þú ert núna og erum viss um að þar bíða þín verðug verkefni. Megir þú ávallt hvíla í kærleikanum og ljós- inu. Guð blessi þig, kæri frændi. Guðrún B. Hauksdóttir (Dúna). Þó að endi æviþráður andinn starfar glaður, frjáls, tengdur ykkur eins og áður okkur þó sé varnað máls. Ennþá saman liggja leiðir lokið þó sé hérvist manns, allir eru gangar greiðir á geislavængi kærleikans. (R.G.) Elsku Siggi bróðir minn, ég sakna þín svo mikið. Ég vildi að þú værir hjá mér að leika við mig. En Guð vildi fá þig til þín. Ég vona að þér líði vel þar sem þú ert núna. Ég gleymi þér aldrei. Þinn bróðir, Hafþór R. Brown (Haffi). Elsku Siggi minn. Þetta er það erf- iðasta sem ég hef þurft að ganga í gegnum. Að missa bróður minn sem er aðeins 18 ára og rétt byrjaður að lifa lífinu. Það er svo erfitt að finna réttu orð- in, þau eru í hjarta mínu en eiga erfitt með að komast út. Þetta er svo sárt. En ég veit að þú átt eftir að spjara þig þar sem þú ert núna. Ég trúi þessu bara ekki. Er þetta ekki bara vondur draumur? Ég reyni og reyni að vakna en ekkert gerist, ég vakna ekki. Martröðin heldur bara áfram. Eiga börnin mín ekki eftir að fá að kynnast þér betur? Þarf hann Haffi litli að alast upp án bróður síns? Við systkinin höfum hvert annað en Haffi er einn. Elsku Siggi minn, ég er svo fegin að þú komst í afmælið hans Loga í byrjun mánaðarins, það var svo gott að fá þig. Eins er svo gott að ég fékk að sjá þig aðeins tveimur dögum fyrir slysið. Þá varstu í vinnunni og ég kallaði á þig. Þú þekktir mig ekki, enda var ég komin með nýja hár- greiðslu, en svo áttaðir þú þig og kall- aðir hæ. Því miður var ég á hraðferð og gaf mér ekki tíma til að tala við þig. Ég bjóst ekki við því að ég ætti ekki eftir að sjá þig aftur. Ég verð bara að halda í þær minn- ingar sem ég á um þig. Eins og t.d. þegar þú hentir jólapakkanum þínum frá okkur í gólfið og stappaðir á hon- um af því að hann var mjúkur. Ég brosi alltaf þegar ég hugsa um þetta. Svo var ég alltaf að stríða þér á því að þú þyrftir að fara að læra að girða þig og þú brostir alltaf í hvert skipti og er það bros sem stimplað í kollinn á mér. Eins er mér svo minnisstætt hvað var gaman hjá þér á ættar- mótinu síðasta sumar. Þið Berglind frænka smulluð svona svakalega saman, það var eins og þið hefðuð verið vinir í háa herrans tíð. Þið vor- uð gjörsamlega límd saman. Við pabbi töluðum mikið um það hvað við værum fegin, af því að þú varst svo hlédrægur og feiminn. Æ, elsku litli bróðir, það er svo sárt að þurfa að kveðja, ég vil ekki þurfa að kveðja en ég get víst engu um það ráðið. Hvíldu í friði, Siggi minn, ég mun hugsa til þín. Þín systir, Elín. Elsku Siggi minn. Með mikilli sorg og mörgum tárum kveð ég þig, elsku bróðir. Minningarnar um þig streyma í hugann og mun ég varð- veita þær eins og gull í hjarta mínu. Ég sakna þín svo sárt nú þegar og trúi varla að ég eigi ekki eftir að sjá þig aftur. Ef ég gæti nú bara spólað tímanum örlítið til baka hefði ég knúsað þig að- eins meira þegar við hittumst síðast, nokkrum dögum fyrir hina örlaga- ríku nótt er þú kvaddir þennan heim. Þú varst alltaf svolítið feiminn og inni í þér en við áttum okkar stundir og bestar voru þær sem við deildum bara tvö saman. Siggi, þú varst ein- stakur, hjálpsamur og með hjartað á réttum stað ef á þurfti að halda. Er sárasta sorg okkur mætir og söknuður huga vorn grætir þá líður sem leiftur af skýjum ljósgeisli af minningum hlýjum. (H.I.H.) Guð geymi þig, litli bróðir, Þín systir, Hlíf. Elsku bróðir minn og vinur, ég kveð þig með söknuði of fljótt á lífs- leiðinni. Það er sárt að missa þig úr þessu lífi sem ég átti með þér. Ég man þegar við vorum litlir, við vorum ásamt systkinum okkar á gangi í Garðinum, það var snjór og þú misst- ir húfuna þína og fórst að gráta og ég hljóp á eftir henni og náði í hana fyrir þig. Þú varst svo ánægður að ég man ennþá eftir brosinu, hvað það var yndislegt. Vissirðu hvað þú varst mér góður bróðir? Vissirðu hvað mér þótti vænt um þig? Vissirðu hvað mig langaði að hjálpa þér mikið? Vissirðu að þú varst besti vinur minn? Þú munt alltaf vera það, allt mitt líf, þó þú sért ekki hérna hjá mér. Ég mun alltaf hafa þig í hjarta mínu, Þinn bróðir, Aron. Elsku Siggi minn. Mér finnst erfitt að kveðja þig. Ég þarf að kveðja bróður og vin. Ég sakna þín. Ég man þegar við fórum saman á hestbak og þegar ég var komin á bak, lyftir þú fætinum og hesturinn hljóp af stað, og svo datt ég af baki, beint í hestaskít. Svo man ég eftir því þegar við fórum á KFC og við vorum að sprengja tómatsósu. Það var rosa- lega gaman og svo kenndum við hvoru öðru um. Bless, stóri bróðir. Þín systir, Þórunn Anna. Elsku Siggi. Ég mun aldrei gleyma þeirri stund er mamma vakti mig á 17. júní til að segja mér að einn besti vinur minn og frændi hefði yfirgefið þennan heim. Ég er enn svo dofin, við sem byrjuðum að telja niður dagana í maí þar til við myndum hittast; en af því varð aldrei. Ég vil þakka þér, elsku Siggi minn, fyrir allar þær frá- bæru stundir sem við áttum saman. Þó svo að við höfum búið í sitthvorum landshlutanum þá stóðstu mér nær en flestir aðrir. Við töluðum saman á hverjum degi um allt milli himins og jarðar; ég gat alltaf treyst á þig. Ef fennt hafði á sálargluggann hjá mér þá varst þú alltaf til staðar og tilbúinn að gera hvað sem var fyrir mig. Oft undra ég mig á því hversu heimurinn er lítill. Við vorum systk- inabörn og við hittumst þegar við vorum krakkar. Árin liðu og við kynntumst aftur í gegnum netið fyrir tæpum tveimur árum. Svo var það á 17. júní fyrir ári síðan að við hittumst eftir að hafa kynnst svo náið. Það vildi þannig til að við vorum bæði stödd á burn-out keppninni. Allt í einu kom drengur til mín og spurði hvort ég héti ekki Berglind. Ég varð hálfaulaleg og svaraði því játandi og þá komst þú að mér og knúsaðir mig og sagðir: ?Blessuð, Berglind frænka.? Stuttu eftir þessa endur- fundi fórum við á ættarmót og þar var gert grín að okkur fyrir hversu límd við vorum saman. Þetta var og mun verða það skemmtilegasta ætt- armót sem ég hef farið á. Ég kveð þig með söknuði í hjarta og mun varðveita minningu þína um ókomna tíð. Ég sendi hugheilar samúðarkveðj- ur til Bjössa, Erlu og fjölskyldna þeirra. Megi góður Guð styrkja ykk- ur í sorginni. Hvert örstutt spor var auðnuspor með þér, ? hvert andartak er tafðir þú hjá mér var sólskinsstund og sæludraumur hár, minn sáttmáli við guð um þúsund ár. (Halldór Laxness.) Berglind Eiðsdóttir. Elsku frændi. Þú sem áttir lífið allt fram undan. Aðeins átján ára. Mér finnst það svo ósköp ungt. Þú varst glæsilegt ungmenni, hár, myndarleg- ur, frekar feiminn. Vantaði einhvern svona fyrir handan? Siggi frændi minn. Við áttum ekki langar stundir saman en sterka taug sem ekki slitnaði. Við og krakkarnir mínir hittum þig alltaf í jólaboðunum hjá ömmu þinni Jónu. Og síðar æ oft- ar heima í Nýlendu hjá pabba þínum. Þar dvaldir þú mjög mikið á seinni árum. Ekki varstu margmáll, frændi, en afar kurteis. Elsku frændi, þín er sárt saknað og það er þyngra en tárum taki eftir að hafa fylgst með þér frá fæðingu að þurfa að fylgja þér til grafar svo ung- um. Guð hjálpi og styrki mömmu þína og pabba, systkinahópinn, ömmu þína Jónu og afa þinn og nafna Sigurð Ragnar. Einnig allt frænd- fólkið og aðra aðstandendur. Guð veri með ykkur í sorginni. Allt eins og blómstrið eina upp vex á sléttri grund, fagurt með frjóvgun hreina fyrst um dags morgunstund, á snöggu augabragði af skorið verður fljótt, lit og blöð niður lagði, líf mannlegt endar skjótt. (Hallgr. Pét.) Sigurbjörg Eiríksdóttir og fjölskylda. SIGURÐUR RAGNAR ARNBJÖRNSSON Elskuleg eiginkona mín og móðir okkar, systir, dóttir og dótturdóttir, ALDA JÓHANNA STANGELAND, Barðavogi 3, Reykjavík. lést á heimili sínu að morgni laugardagsins 25. júní. Hún verður jarðsungin frá Langholtskirkju á morgun, fimmtudaginn 30. júní, kl. 13.00. Fyrir hönd aðstandenda, Jón Vigfús Stangeland Guðjónsson, Harpa Þ. Stangeland, Daníel E. Stangeland, Grétar Þór Stangeland. Ástkær móðir okkar, tengdamóðir, amma og langamma, SIGURVEIG BJÖRGVINSDÓTTIR, Hamrahlíð 40, Vopnafirði, lést á Hjúkrunarheimilinu Sundabúð, Vopna- firði, föstudaginn 24. júní. Jarðarförin fer fram frá Vopnafjarðarkirkju fimmtudaginn 30. júní kl. 13.00. Guðrún K. Ármannsdóttir, Sigurbjörn Á. Ármannsson, Hreinn Ármannsson, Rósa Ármannsdóttir, Hannes Haraldsson, Sigurvin Ármannsson, Sonja Þorsteinsdóttir, Guðbjörg Ármannsdóttir, Skæringur Sigurjónsson, barnabörn og barnabarnabörn. Sonur minn og bróðir okkar, RÚNAR GUNNARSSON, Kleppsvegi 106, Reykjavík, lést þriðjudaginn 21. júní síðastliðinn. Útförin fer fram frá Fríkirkjunni í Reykjavík fimmtudaginn 30. júní kl. 15.00. Fyrir hönd systkina og annarra ættingja, Gunnar R. Pétursson. Morgunblaðið birtir minningargreinar alla útgáfudagana. Skil Minningargreinar skal senda í gegnum vefsíðu Morgunblaðsins: mbl.is (smellt á reitinn Morgunblaðið í fliparöndinni ? þá birtist valkosturinn ?Senda inn minningar/afmæli? ásamt frekari upplýsingum). Skilafrestur Ef birta á minningargrein á útfarardegi verður hún að berast fyrir hádegi tveimur virkum dögum fyrr (á föstudegi ef útför er á mánudegi eða þriðju- degi). Ef útför hefur farið fram eða grein berst ekki innan hins tiltekna skilafrests er ekki unnt að lofa ákveðnum birtingardegi. Þar sem pláss er takmarkað getur birting dregist, enda þótt grein berist áður en skilafrestur rennur út. Lengd Minningargreinar séu ekki lengri en 2.000 slög (stafir með bilum - mælt í Tools/Word Count). Ekki er unnt að senda lengri grein. Hægt er að senda ör- stutta kveðju, HINSTU KVEÐJU, 5-15 línur, og votta þeim sem kvaddur er virð- ingu sína án þess að það sé gert með langri grein. Ekki er unnt að tengja við- hengi við síðuna. Formáli Minningargreinum fylgir formáli, sem nánustu aðstandendur senda inn. Þar koma fram upplýsingar um hvar og hvenær sá, sem fjallað er um, fædd- ist, hvar og hvenær hann lést, um foreldra hans, systkini, maka og börn og loks hvaðan útförin fer fram og klukkan hvað athöfnin hefst. Ætlast er til að þetta komi aðeins fram í formálanum, sem er feitletraður, en ekki í minningargrein- unum. Undirskrift Minningargreinahöfundar eru beðnir að hafa skírnarnöfn sín en ekki stuttnefni undir greinunum. Myndir Ef mynd hefur birst í tilkynningu er hún sjálfkrafa notuð með minning- argrein nema beðið sé um annað. Ef nota á nýja mynd er ráðlegt að senda hana á myndamóttöku: pix@mbl.is og láta umsjónarmenn minningargreina vita. Minningargreinar
Beinir tenglar
