Mánudagsblaðið - 10.02.1975, Blaðsíða 5
Mánudagur 10. febrúar 1975
Mánudagsblaðið
5
RUDOLF HFSS:
SEX HUNDRUÐ
— Einn sanntrú-
aður nasistí
Þann 10. maí árið 1941
nálgast lítil, þýsk orustuflug-
vél strendur Skotlands. Á
þessum tíma hafði þýski her-
inn ætt yfir Pólland, Austur-
riki, Tékkóslóvakíu, Dan-
mörku, Noreg, Holland, Belg-
íu og Frakkland. Mussolini
hefur yfirbugað Balkanskaga.
Sovétríkin og Bandaríkin hafa
ekki tekið þátt I stríðinu og
allur heimurinn bíður eftir því
að Bretar gefist upp. Að því
hlýtur að koma eftir nokkrar
vikur, eða í síðasta lagi eftir
nokkra mánuði.
Hinn 47 ára gamli flugmað-
ur þýsku Messerschmitt vélar-
innar var ekki neinn venjuleg-
ur orrustuflugmaður í árásar-
leiðangri. Hér var á ferð Rud-
olf Hess, staðgengill og nán-
asti samstarfsmaður Adolfs
Hitlers. Eftir að flugvélin var
komin inn yfir Skotland kast-
aði Hess sér út í fallhlíf, lenti
fremur harkalega skammt frá
bóndabæ og krafðist þess að
fá að taia við Winston Chur-
chill, Hamilton lávarð, eða
einhverja aðra háttsetta breska
stjórnmálamenn. En hann
fékk aldrei tækifæri til þess.
„Geðveikur"
Þeir einu sem Rudolf Hess
fékk að tala við næstu fjögur
ár voru verðirnir sem gættu
hans, foringjar úr leynilögregl-
unni sem yfirheyrðu hann svo
og sálfræðingar, sem reyndu
að finna skýringu á því hvers
vegna nánasti aðstoðarmaður
Hitlers skyldi flýja til Eng-
lands einmitt á þeim tíma
þegar flestir áttu von á upp-
gjöf landsins. Sálfræðingarnir
fundu enga skýringu sennilegri
en þá, að maðurinn væri geð-
veikur og það í meira lagi.
Adolf Hitler og áróðursráð-
herra hans, Joseph Göbbels
láta blöð og útvarp skýra frá
því að flótti Hess sé í beinu
framhaldi af sívaxandi geðbil-
un hans. Sjáifur gefur Hess
lidar skýringar, ber fyrir sig
minnisleysi og styður þar með
þá skoðun að hann sé geðbil-
aður.
Það er fyrst nú, meira en 30
árum seinna, sem Rudolf Hess
hefur leyst frá skjóðunni og
sagt sannleikann.
Bókin um
Hess
Nú er komin út bók er á
ensku ber heitið „The loneli-
est man in the World“. Höf-
undur hennar er Eugene K.
Bird, sem frá árinu 1964 og
allt fram til ársins 1971 var
fangelsisstjóri í Spandaufang-
elsinu þar sem Rudolf Hess
hefur verið síðan í stríðslok
og er nú eini fanginn í þessu
600 manna fangelsi. Bók þessi
vakti mikla athygli þegar hún
kom út, enda var hún rituð
í algjöru óleyfi, en höfundur-
inn lét Hess sjálfan kvitta á
handritið að rétt væri farið
með það sem fram kemur.
Eugene K. Bird var sam-
stundis rekinn þegar upplýstist
um bókina, en þá var hann
búinn að viða að sér geysi-
miklum gögnum. Hér á eftir
verður drepið á nokkur atriði
sem fram koma í þessari um-
deildu bók.
„Aktion
Barbarossa"
Margir hafa haldið því fram
á umliðnum árum, að Hitler
hafi sent Hess til Englands í
þeim tilgangi að freista þess
að ná friðarsamningum við
Englendinga. Ef þetta tækist,
gæti Hitler hafið árásina á
Rússland, „Aktion Barba-
rossa, án þess að þurfa að
berjast á tveim vígstöðvum.
Rudolf Hess neitar því að
Hitler hafi nokkuð vitað um
fyrirætlanir sínar. Hamt harð-
neitar því einnig, að honum
hafi verið kunnugt um áætl-
anir Hitlers um árás á Rússa,
þótt árásin hæfist þann 22.
júnl 1941, aðeins sex vikum
eftir að Hess lenti í Skotlandi.
Hins vegar heldur Hess því
fram, að Rússar hefðu verið
í þann veginn að brjóta grið-
arsáttmála þeirra við Hitler,
og segist viss um að þess hefði
ekki verið langt að bíða. Höf-
uðandstæðingur nasismans
hafi jú verið kommúnisminn.
Orðrétt segir Rudolf Hess:
— Aætlun mm byggðist á
því, að leiðtogar fjandmann-
aima viðurkenndu andstæðing
siim og virtu og þar með mig
sem fulltrúa Adolfs Hitlers,
þótt ég hefði ekki látið „der
Fúhrer“ vita um þessa ferð
mína til að íþyngja honum
ekki. En þarna hafði ég rangt
fyrir mér.
Leynifundir í
Sviss
— Ég hafði gert nokkrar
leynilegar athuganir. Þar á
meðal hafði ég ásamt nokkr-
um trúnaðarmönnum átt
leynilegar viðræður í Sviss og
á þeim byggði ég þá skoðun
mína, að ábyrgir leiðtogar í
Englandi hefðu áhuga á frið-
arsamningum. Meðal þeirra
sem ég hitti á þessum fundum
var Hamilton lávarður og þess
vegna spurði ég eftir honum
þegar ég kom til Englands.
En hvort það var Churchill að
kenna eða ekki, að ég var
handtekinn við komuna til
Englands, það veit ég ekki
um. Kannski hafa fulltrúar
Breta á leynifundunum í Sviss
ekki skýrt rétt frá þegar þeir
komu heim. En eitt er ég viss
um. Ef ég hefði getað náð tali
af Hamilton lávarði eftir að
ég flaug til Englands, hefði
leiðin til friðarsamninga verið
opin.
Adolf Hitler vildi semja
frið við Breta, um það er ég
viss. 1 samtali sem ég átti
við hann nokkrum dögum áð-
ur en ég fór sagði foringinn:
— Ef við aðeins gætum
fengið Breta til að semja frið
er framtíð Þýskalands tryggð.
Ég hef enga löngun til að
eyðileggja breska heimsveldið.
Þvert á móti er það min heit-
asta ósk að byggja upp sam-
einaða og sterka Evrópu í
samvinnu við Bretland. Það
mundi verða öflugt mótvægi
gegn kommúnistunum.
Ennþá nasisti
Rudolf Hess er enn þann
dag í dag sanntrúaður nasisti.
Hann neitar að trúa því, að
Þjóðverjar hafi framið fleiri
glæpi í heimsstyrjöldmni síð-
ari, en eðlilegt sé þegar styrj-
öld stendur yfir. Það er ein-
mitt þessi blinda nasistatrú
hans sem efíaust hefur átt sinn
þátt í að beiðni um náðun
hefur ekki enn hlotið sam-
þykki Rússa, þótt vesturveld-
in hafi samþykkt náðun fyrir
sitt leyti. Rússar gleyma ekki,
að Hess er maðurinn sem
Hitler sagði eitt sinn um:
— Af þeim milljónum, sem
í dag aðhyllast nasismann, er
það aðeins einn sem skilur
hugsjón hans til fulls. Það er
Rudolf Hess“.
Rússar óttast, að Hess geti
orðið sameiningartákn nýnas-
ista og andkommúnista ef
hann verður látiim laus.
En sá Hess sem í dag situr
í Spandau er allt annar en sá
sem flaug til Englands árið
1941. Hess hefur oft reynt að
svipta sig lífi, bæði meðan
hann var í haldi í Englandi og
eins eftir að hann kom til
Spandau.
Oft hefur hann þjáðst af
minnisleysi, þótt hann segði
höfundi bókarinnar að oftast
hafi þetta verið uppgerð til að
gefa fjandmönnunum engar
upplýsingar. Þá hefur Hess
oft verið erfiður fangi. Hann
hefur verið einn sá kvart-
sárasti sem sögur fara af.
Kvartað yfir fangavörðunum,
matnum, rúmfötunum, hita,
kulda og öllum aðstæðum yf-
irleitt.
Fangi númer
• ••
SjO
Rudolf Hess var dæmdur í
lifstíðarfangelsi í Núrnberg þ,
l. október árið 1946. Hann
er eini nasistaforinginn sem
emi situr inni. Allir aðrir hafa
verið látnir lausir eða eru
dauðir. Og þó var Hess ekki
dæmdur fyrir stríðsglæpi, held-
ur glæpi gegn friði í heimin-
um.
Hess fæddist í Alexandríu
í Egyptalandi þann 26. apríl
árið 1894, sonur þýsks stór-
kaupmanns sem bjó þarna
með fjölskyldu sinni í hinni
þýsku nýlendu. Tólf ára að
aldri var hann sendur til náms
í Þýzkalandi. Hann tók þátt
í heimsstyrjöldinni fyrri og var
m. a. í flugsveit Manfred von
von Richthoven, sem er betur
þekktur undir nafninu rauði
baróninn. Rudolf Hess gerðist
nasisti strax og sú hreyfing
kom fram og þar klifraði
hann hratt upp metorðastig-
ann þar til hann var útnefnd-
ur „Stellvertreter des Fúhrers“
— staðgengill Hitlers.
Þessi 81 árs gamli maður
situr nú í klefa númer 23 í
Spandaufangelsinu. Einu sinni
í mánuði fær hann heimsókn
konu sinnar og sonar. Þau
hafa komið á fót hreyfingu í
því skyni að fá Hess leystan
úr haldi.
Hreyfingin hefur fylgi þús-
unda sem finnst það óréttlátt,
ao glæpir Hitlers og félaga
skuli lagðir á þennan einasta
mann innan nasistaríkisins,
sem reyndi að koma á friði.
En Rússar neita stöðugt til-
mælum vesturveldanna um að
láta Hess lausan. Það virðast
því allar líkur á, að ferðin sem
hann fór í þann 10. maí ár-
ið 1941 yfir til Englands muni
ekki enda fyrr en honum
verður ekið í líkvagni frá
Spandau.
OMEGA
Nivada
PIERPOm
ítlpínn
Magnús E. Baldvinsson
Laugavegi 12 - Sími 22804
Það var ekki fyrr en árið 1969 að Rudolf Hess leyfði konu sinni og syni að heimsækja sig í
Spandau. Síðan komu þau mánaðarlega í heimsókn og berjast nú fyrir náðun hans.