Fréttablaðið - 09.05.2003, Blaðsíða 21

Fréttablaðið - 09.05.2003, Blaðsíða 21
22 9. maí 2003 FÖSTUDAGUR Frjálslyndi flokkurinn styðurtillögur Alþýðusambands Ís- lands (ASÍ) í velferðarmálum, sem samtökin hafa sett fram í skýrslu sinni „Velferð fyrir alla“. Skýrslan er unnin í samráði við sérfræðinga og fjölmörg al- mannasamtök sem láta sig vel- ferðarmál varða og er afrakstur fjögurra vinnuhópa um fátækt, húsnæðismál, heilbrigðismál og tryggingamál. Í tíð núverandi ríkisstjórnar höfum við fjarlægst hið norræna velferðarmódel frændþjóða okk- ar. Íslenska velferðarkerfið er eitt það ódýrasta á Vesturlönd- um, bæði mælt sem hlutfall af vergri landsframleiðslu og sem kaupmáttur velferðarútgjalda á íbúa. Ástæður þessa eru m.a. þær hve grunnlífeyrir er lágur og víð- tækar tekjutengingar sem spara útgjöld. Lágar bætur og tekju- tengingar fara illa saman og skapa fátæktargildrur. Tekju- tenging bóta í velferðarkerfinu er á góðri leið með að breyta vel- ferðarkerfinu í ölmusukerfi þar sem sú reisn sem fólst í atvinnu- þátttöku örorkulífeyrisþega er brotin niður. Það er stefna Frjáls- lynda flokksins að lífkjör fatl- aðra verði bætt með því að dreg- ið verði úr skerðingu bóta vegna atvinnuþátttöku og að lífeyris- greiðslur skerði ekki örorkubæt- ur. Trygginga- og heilbrigðismál Í tryggingamálum er vert að vekja athygli á tillögum ASÍ um hækkun bóta til öryrkja og hækk- un atvinnuleysisbóta. Réttur ör- yrkja til bóta almannatrygginga á að taka meira mið af fram- færslubyrði þeirra og kanna ber kosti aldurstengdra bóta. Af- nema skal með öllu tekjuteng- ingu barnabóta. Dregið verði úr álögum hins opinbera á húsnæði eldri borgara og þeim verði gert kleift að búa sem lengst í eigin húsnæði. Frjálslyndi flokkurinn telur mikilvægt að aldraðir geti valið um stuðning í heimahúsum eða dvöl í vernduðu umhverfi. Í heilbrigðismálum þarf að efla grunnkerfi heilsugæslunnar, sem hefur veikst í tíð núverandi ríkistjórnar. Fjölga þarf rekstr- arformum og valmöguleikum í þjónustu, t.d. með sjálfstæðum rekstri heilsugæslustöðva, heim- ilislækna og í mæðra- og ung- barnaeftirliti. Fjölbreytni í rekstrarformum má þó ekki leiða til aukinnar stéttaskiptingar og mikilvægt er, með opinberum stöðlum og eftirliti, að tryggja gæði þjónustunnar og að allir hafi jafnan aðgang að þjónust- unni óháð efnahag. Í húsnæðis- málum berjast Frjálslyndir fyrir því að verðtrygging húsnæðis- lána verði afnumin. Einnig telj- um við að gera þurfi skurk í fé- lagslega íbúðakerfinu, t.d. með því að bjóða lægri vexti eða með beinum styrkjum til byggingar félagslegra íbúða. Fátækum fjölgar Í fátæktarmálum vill Frjáls- lyndi flokkurinn beita velferðar- og skattkerfinu til að útrýma fá- tækt á Íslandi. Þeim sem búa við fátækt á Íslandi hefur farið fjölg- andi á undanförnum árum, þrátt fyrir tal um annað í ákveðnum stjórnarþingmönnum sem kveð- ast aldrei hafa hitt fátækan mann á Íslandi. Staðreyndin er sú að fá- tækt er ekki eitthvað sem menn bera á torg hér á landi. Þeir telj- ast fátækir á Íslandi sem búa við takmarkaða getu til að taka þátt í venjulegum lífsháttum í samfé- laginu. Það er ljóst að lægstu laun og lífeyrir almannatrygg- inga duga ekki fyrir skilgreind- um lágmarksframfærslukostnaði og þessu fólki hefur kerfisbundið verið haldið í fátækt og á þar tekjutenging bóta sinn hlut að máli. Stefna Frjálslynda flokksins í velferðarmálum er skýr. Hún er að einstaklingurinn fái notið frelsis og jafnra tækifæri á öll- um sviðum samfélagsins og að honum verði búið það umhverfi að hann geti tekið virkan þátt í samfélaginu. Til þess að svo megi vera þurfum við öflugt velferðar- kerfi sem er fyrir alla. Sé það vilji þinn þá styður þú Frjáls- lynda flokkinn 10. maí nk. og krossar X-F. ■ Frjálslyndir styðja tillögur ASÍ Kosningar maí 2003 EYJÓLFUR ÁR- MANNSSON ■ lögfræðingur, í 2. sæti á lista Frjálslynda flokksins í Reykjavík norður, skrifar um stefnu flokksins í vel- ferðarmálum. Kosningarnar nú á laugar-daginn snúast um stórbætt lífskjör barnafólks í þessu landi. Við barnafólk höfum lent harkalega í að- gerðum, og ekki síst að- g e r ð a l e y s i , s t j ó r n v a l d a undanfarin ár. Skattlagning og greiðslubyrði lág- og milli- tekjufólks er þung. Við erum flest að greiða af húsnæðislán- um og öðrum lánum með háum vöxtum auk verðbóta, mörg okkar eru með þunga greiðslubyrði námslána sem geta numið u.þ.b. einum mánaðarlaunum á ári. Barna- bæturnar hafa verið stórlega skertar á síðustu átta árum sem skellur að auki þungt á okkur. Og hátt verð á matvælum kem- ur að auki illa niður á okkur. Námslánin verði frádráttarbær frá skatti Bætt lífskjör barnafólks eru það sem þessar kosningar eiga að snú- ast um. Stefna Samfylkingarinnar snýst um það að auka lífsgæði og létta byrði af barnafólki. Á næsta kjörtímabili ætlar Samfylkingin því að ráðast í markvissar aðgerðir til að bæta stöðu barnafólks með sanngirni og ábyrga efnahags- stjórn að leiðarljósi. Samfylkingin ætlar að ráðast í stofnun sérstakra félaga til að byggja ódýrar íbúðir fyrir ungt fólk hvort sem er til kaups eða leigu. Einnig viljum við að síðasta árið í leikskóla verði gjaldfrjálst. Til þess að koma til móts við þunga greiðslubyrði þeirra sem hafa tekið námslán ætl- ar Samfylkingin að létta endur- greiðslubyrði námslána svo um munar og gera fjórðung endur- greiðslunnar frádráttarbæran frá skatti fyrstu sjö árin að námi loknu. Við viljum auka réttlætið í skatt- kerfinu. Okkar markmið er að lækka skatta á barnafólk, milli- tekjufólk og fólk með lágar tekjur án þess að hækka skatta á aðra. Til þess að ná fram þessum markmið- um ætlum við á næsta kjörtímabili að hækka skattleysismörkin um 10.000 kr. Þá ætlum við að verja 3 milljörðum árlega í hækkun barna- bóta og leiðrétta þannig skerðingu stjórnarflokkanna á þeim á undan- förnum árum. Samfylkingin ætlar að lækka virðisaukaskatt m.a. af matvælum úr 14% í 7%, lækka virðisaukaskatt á ungbarnafötum, ungbarnavöru og tónlist úr 24% í 7%. Og afnema með öllu virðis- aukaskattinn af bókum. Við ætlum einnig að fella niður stimpil- og þinglýsingargjöld vegna húsnæðis- kaupa, sem eru um 200 þúsund krónur á meðalíbúð. Barnafólk getur treyst Samfylk- ingunni til að sinna þessum verk- efnum til að bæta stöðu barnafjöl- skyldunnar. Átta ára ríkisstjórn Sjálfstæðisflokks og Framsóknar- flokks hefur ekki sinnt okkur. Þannig hefur skattbyrði okkar auk- ist, við höfum tekið á okkur skerð- ingar á barnabótunum, við búum við um 70% hærra matarverð hér en að meðaltali í Evrópusambands- ríkjunum. Við skulum því hafna áframhaldandi stjórnarsetu Fram- sóknar- og Sjálfstæðisflokks. Kjós- um breytingar, með því að kjósa Samfylkinguna getum við tryggt það að hér taki við ríkisstjórn jafn- aðarmanna sem rekur alvöru fjöl- skyldupólitík. Við þurfum á því að halda. ■ Barnafólk – kjósum um lífskjörin Kosningar maí 2003 KATRÍN JÚLÍUS- DÓTTIR ■ í 4. sæti á lista Samfylkingarinnar í Suðvesturkjördæmi skrifar um kjör barna- fólks. Utankjörfundaratkvæðagreiðsla í Reykjavík fer fram hjá sýslu- manninum í Reykjavík, Skógarhlíð 6, rétt sunnan Miklatorgs. Opið er alla daga milli 10 og 22. Á kjördag sjálfan, 10. maí, er opið kl. 10 til 18. Sýslumannsembætti Kópavogs og Hafnarfjarðar lengja opn- unartíma sína frá og með laugardeginum 3. maí, en þá er opið frá 10 til 12. Frá 5.-9. maí verður opið frá kl. 9 til 19. Opið er á kjördag frá 10 til 12. Upplýsingar um utankjörfundaratkvæðagreiðsluna fást á kosningaskrifstofu Samfylkingarinnar í Lækjargötu 2a og í síma 590 3508. Fyrirspurnir má senda á netfangið: harpa@samfylking.is. Nánari upplýsingar um utankjörfundaratkvæðagreiðsluna má finna á kosningavef dóms- og kirkjumálaráðuneytisins, www.kosning2003.is, og á heimasíðu Samfylkingarinnar, www.xs.is. Ert þú á leið til útlanda? Kjósum snemma! „Atkvæði sem ekki gef- ur skýr skila- boð um að breyta, það er atkvæði sem kastað er á glæ.

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.