Fréttablaðið - 28.03.2004, Blaðsíða 25

Það er óhætt að segja að Lati-bær hafi komið sér vel fyrir á
Miðhrauni í Garðabæ þar sem
rúmlega fjögur þúsund fermetra
kvikmyndaver var innréttað á að-
eins 80 dögum. Í kvikmyndaver-
inu starfa um 120 manns þar af
rúmlega 30 útlendingar. Ekki
væsir um mannskapinn því þar
má meðal annars finna fullkom-
inn lyftingasal og mötuneyti þar
sem meistarakokkur sér um að út-
búa kjarngóðan og vítamínríkan
mat – allt í anda Latabæjar.
Einstök tækni
Tæknin sem Latibær styðst við
er, að sögn framleiðanda hjá fyr-
irtækinu, einstök og hefur ekki
áður verið notuð. Sameinaðir eru
þrír heimar; lifandi leikarar, brúð-
ur og þrívíddarteiknaðir bak-
grunnar. Búinn var til nokkurs
konar gerviheimur í tölvu af
sviðsmynd Latabæjar. Það gerir
grafískum hönnuðum kleift að
fylgja eftir öllum hreyfingum líkt
og um venjulega myndatöku væri
að ræða. Sviðsmyndinni, með leik-
urum og brúðum, er síðan skeytt
saman við þrívíddargrafíkina.
„Þessi tækni er einstök og að-
eins notuð í takmörkuðum mæli,“
segja þeir Mark Reed og
Raymond Le Gué framleiðendur
hjá Latabæ. „Hér í Latabæ hefur
verið skapað einstakt umhverfi og
tæknilega séð erum við komin
langt fram úr framleiðslufyrir-
tækjum í Evrópu.“
Til marks um það hversu fram-
arlega tæknin er má nefna að allt
efni er tekið upp í svokölluðu
„high definition“ gæðum á Thom-
son Viper kvikmyndavélar. Að-
eins sex slíkar vélar eru til í heim-
inum. Upplausn myndarinnar er
slík að þótt henni yrði varpað á
tjald, 20 x 30 metra að stærð,
myndi hún ekki tapa nokkrum
gæðum.
Mark og Raymond segja það í
raun ótrúlegt hversu langt fyrir-
tækið hefur náð á tæknisviðinu
miðað við hversu fáir vinna í Lata-
bæ. Um 120 manns vinna hjá Lata-
bæ sem er mun minna en gerist
hjá fyrirtækjum í sama iðnaði.
Framleiðendurnir segja að það
megi ekki síst þakka Magnúsi
Scheving fyrir enda hefur hann
haft óbilandi trú á verkefninu.
„Magnús veit hvað hann vill,“
sagði Raymond.
Fagfólk í öllum stöðum
Einn þáttur verður framleiddur í
hverri viku en hver þáttur er 24
mínútur. Þar af eru 2-3 mínútur sem
fara í tónlistarmyndband. Mynd-
böndin eru sjálfstæð og mun
Nickelodeon sýna þau á öðrum vett-
vangi.
Þrír aðalleikarar eru í þáttunum.
Magnús Scheving leikur Íþrótta-
álfinn, Stefán Karl Stefánsson leik-
ur Glanna glæp og Julianna R.
Mauriello leikur Sollu stirðu. Auk
þess koma við sögu sex brúður en
allt að þrjár manneskjur þarf til að
stjórna hverri brúðu. Fyrirtækið
sem framleiðir brúðurnar heitir
Neil Scanlan en það fékk Óskars-
verðlaun fyrir brúðugerð í mynd-
inni Babe fyrir nokkrum árum. Auk
þess er aðstoðarleikstjóri þáttanna
reyndur á sínu sviði en hann hefur
margoft aðstoðað við leikstjórn í
Woody Allen myndum og talaði fyr-
ir Jabba the Hut í Star Wars mynd-
unum.
Þótt Latibær hafi breyst mikið
útlitslega séð frá því hann fór fyrst
á svið í Loftkastalanum hefur boð-
skapur sögunnar ekkert breyst –
þar sem reynt er að stuðla að heil-
brigðum lífsháttum, hreyfingu og
hollu mataræði. ■
25SUNNUDAGUR 28. mars 2004
Meistarar í aflraunum
Dalvegi 6-8 · 201 Kópavogur
Sími 535 3500 · Fax 535 3509
www.kraftvelar.is
ALLT Á FULLU Í LATABÆ
Það hefur verið nóg að gera hjá íbúum Latabæjar síðustu daga enda tökur þegar hafnar á þáttaröð fyrir Bandaríkjamarkað.
Latibær rís í Garðabæ
PERSÓNUR OG
LEIKENDUR
Í LATABÆ
Íþróttaálfurinn -
Sportacus
Magnús Scheving
Glanni glæpur -
Robbie Rotten
Stefán Karl Stefáns-
son
Solla stirða - Steph-
anie
Julianna R. Mauriello
Goggi mega - Pixel
Halla hrekkjusvín - Trixie
Nenni níski - Stingie
Siggi sæti - Ziggy
Stína símalína - Bessie Busybody
Bæjarstjórinn - Mayor Milfred