Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Atuagagdliutit

PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Atuagagdliutit

						KNR-TV
aliikkutassiinerusaler-
niartoq
Kalaallit Nunaata Radioani TV-imi
aallakaatitassiortussamik pissarsiornermi
tusagassiortutut ilinniarsimanngitsoq
atorfinitsinneqarpoq, naak ilinniarsimasunik
qinnuteqartoqaraluartoq. Tusagassiortut Peqatigiiffiata
ilinniarsimasut taamatut qaangiinnarneqarnerat
ajuusaarutigaa, siunissamilu taamatut
pisoqaqqinnginnissaa eqeersimaarfiginiarlugu.
Aamma Dansk Journalistforbund-
ip Pisortallu Isumaqatiginninniar-
tartoqatigiivisa isumaqatigiissu-
taanni allassimavoq atorfinikku-
sullutik qinnuteqartartuni sapinn-
gisamik ilinniarsimasoq salliutin-
neqartariaqartoq. Tusagassiortu-
tut ilinniarsimanngitsoq ilinniarsi-
masumit salliutinneqarpat, tassa
toqqarneqarpat, isumaqatigiissutit
naapertorlugit,
1 stk. 2-mi allassimavoq,
journalistforbund-ip pisortat isu-
maqatiginninniartartoqatigiivi isu-
niaqatiginninniarf igeqqaassagai,
uanili taamaaliortoqarsimanngi-
laq.
Taamaattumik Tusagassiortut
Peqatigiiffiata radiop pisortaanut
saaffiginnissimavoq isumaqatigin-
ninniaqqaarnissamik nalunaarfi-
galugu. Tusagassiortut Peqatigiif-
fiat oqarpoq siullermik aatsaat taa-
ma pisoqartoq, tassa qinnuteqartu-
ni ilinniarsimasuni ilinniarsiman-
ngitsunilu ilinniarsimanngitsoq
atorfinitsinneqartoq, taamaattu-
mik tusagassiortut Peqatigiiffiata
siunissami taamatut pisoqaqqinn-
ginnissaa eqeersimaarfiginiarpaa
radiollu pisortaanut tamanna
oqaatigalugu.
Inuiaqatigiit ilinniarsimasunik
noqqaajuartut, sooq KNRTV ilin-
niarsimanngitsumik atorfinitsit-
siva, naak ilinniarsimasunik qinnu-
teqartoqaraluartoq ?
Sapaatip akunneri marluk qaa-
ngiupput Kalaallit Nunaata Radio-
ata siulersuisuunerisa aalajanger-
massuk TV-imi aallakaatitassior-
tartussamik pissarsiornermi qinnu-
teqartunit sisamaasunit tusagassi-
ortutut ilinniarsimanngitsumik
atorfinitsitsinissaq. Qinnuteqartut
sinneri tassaapput ilinniarsimasut
marluk tusagassiortunngorniarlu
ataaseq. Toqqarneqartorli tusagas-
siortutut sulinermik misilittagaqar-
tuuvoq.
Kalaallit Nunaata Radioata siu-
lersuisuini siulittaasoq Agnethe
Davidsen oqarpoq toqqaanialer-
nerminni KNR-ip immikkoortorta-
qarfiani TV-imi pisortaagallartup
tunngavilersuutiminik saqqummi-
ussinera siulersuisuunerit malissi-
magaat. Nalinginnaanerarpaalu
immikkoortortaqarfiitinnersuussi-
ferat siulersuisuunernit malinne-
qartarnera taamatut atorfinitsitsi-
marnermi. KNR-TV-imi pisortaa-
gallartup Per Berthelsen-ip tunnga-
vilersuutigisimasani AG-mut ima
oqaatigai:
—   Siulersuisuunernut saqqum-
miussigama oqartariaqarsimavu-
nga inuk taanna toqqarneqartoq si-
ornatigullu qinnuteqarsimasoq
isingajavinnikorlu aappassaanik
qinnuteqaraluarluni naaggaarne-
qarpat taava qanoq iliussava. Taa-
matut inuinnarpalaartumik naliliil-
lunga aalajangiisimavunga.
AG: Taamatut tunngavilersorto-
qartarami?
Per Berthelsen: Asukiaq, siun-
nersuuteqarninni uanga suulluun-
niit taasinnaavakka.
Per Berthelsen-illi ajuusaarutigi-
nerarpaa, tamannalu aamma siu-
lersuisuunernut taasimallugu, ali-
ikkutassaanerusunik suliaqartar-
tussamik kiisalu aviisiliortuimmik
pisariaqartitsisimagaluarlutik,
ataatsikkut toqqagassanngorlugit
aaqqissuussineqarsimanngimmat.
—  Qangarsuarli taamatut suli-
sussarsiornermi piumasaqaatini
imatut allassimasoqarneq ajorpoq
pinngitsoorani aviisiliortutut ilinni-
arsimanermik tunulequtaqassasoq,
Per Berthelsen oqarpoq.
Aamma Per Berthelsen-ip tun-
ngaviginerarpaa aallakaatitassiat
aliikkutassaanerusut ajornanngin-
nerusumik illup iluani suliarineqar-
sinnaanerat. Atorfinitsitsinermimi
aamma tunngavigineqarmat TV-
imi pisariaqartinneqarnerummat
aallakaatitassianik oqinnerusunik
aallakaatitassiortartussaq.
—   Soorlu aliikkutassiornermut
ilinniartoqarsinnaanngilaq kisian-
ni piginnaaneqartoqarsinnaavoq
tassunga, Per Berthelsen oqarpoq.
Ilinniartitaaneq
suusupagineqarpa?
Tusagassiortutut ilinniartitaaneq,
siornatigut DK-imi nunatsinnilu i-
ngerlanneqartartoq, massakkut
nunatsinniinnaq ingerlanneqartar-
toq, ukiumut 1 mill. kr.-nit mis-
saannik naleqartarpoq, inuiaqati-
giit tamarmik akilersugaat. Naak
tusagassiortutut ilinniarsimasunik
qinnuteqartoqaraluartoq ilinniar-
simanngitsumik atorfinitsitsinerup
takutinnginnerpaa ilinniartitaane-
rup suusupagine-qarnera? Apeq-
qut tamanna radiop pisortaanut,
KNR-imi siulersuisuni siulittaasu-
mut kiisalu TV-ip pisortagarigalla-
gaanut apeqqutigisimavarput.
Aallakaatitassianik ima ittunik pisariaqartitsinnginnerunerpugut? Lars
Emil Johansen aamma Jonathan Motzjeldt qinersinerup nalaani apeqqa-
rissaarfigineqartut Carl B. Lynge-mit Jørgen Fleischer-imillu.
Mon ikke der er mere behov for sådanne udsendelser? Lars Emil Johansen
og Jonathan Motzjeldt i krydsild, interviewere er Carl B. Lynge og Jørgen
Fleischer.
Radiop pisortaa Peter Frederik
Rosing:
—  Taama oqartoqarsinnaanngi-
laq. Kisianni radiostyrelse-p, siu-
lersuisut, tunngavigaat piukkun-
nassuseq najoqqutaralugu atorfi-
nitsitsisarnerit ingerlasassasut. So-
orunalimi ilinniarsimaneq tassani
aamma          attuumassuteqarpoq.
Imaappoq KNR-ip siulersuisuuneri
isumaqarput, uanga paasisakka
malillugit, ilinniarsimaneq kisimi
tunngaviunngitsoq. Ima oqarto-
qarsinnaanngilaq aviisiliortutut
ilinniarsimasut atorfiit tamakku ki-
simik pisinnaagaat.
Radiop siulersuisuini siulittaa-
soq Agnethe Davidsen apeqqut ta-
manna pillugu ima akivoq:
— Naamerluinnaq, ilinniartitaa-
neq suusupagineqanngilluinnar-
poq. Aviisiliortutut ilinniarsimasu-
mik pisariaqartitsineq soorunami
uagut nalunngilarput, kisianni TV-
ip nammineq naliliinera uagut
tunngavigalugu taamatut aalaja-
ngiisimavugut, tassa TV-ip aalaja-
ngersimasunik aallakaatitassior-
tussamik pisariaqartitsinera tunn-
gavigalugu.
TV-imilu pisortaagallartup Per
Berthelsen-ip tusagassiortutut ilin-
niarsimanngitsumik atorfinitsitsi-
neq ilinniarsimanermik suusupa-
ginninnertut isiginnginnerarpaa.
—   Aamma qaammatit marluk
qaangiuppata atorfimmik nutaa-
mik pilersitsisoqassappat massak-
kut siullermik qinnuteqartut naag-
gaarneqartut periarfissaqaqqissin-
naapput qinnuteqaqqinnissamik,
Per Berthelsen oqarpoq.
Ilinniarsimaneq
salliutinneqartariaqarpoq
Tusagassiortunngorniarlutik
ilinniartut peqatigiiffiata Unniap
siulittaasua Pauline Møller Nielsen
oqarpoq namminneq peqatigiif-
fimminni KNR-TV-ip ilinniarsi-
manngitsumik atorfinitsitsisimane-
ra assut tupaallaatigisimallugu,
naak aamma ilinniarsimasunik qin-
nuteqartoqaraluartoq. Siunissami-
lu taamatut pisoqaqqinnginnissaa
neriuutigaat kissaatigalugulu.
Tusagassiortutut ilinniartitaane-
rup nunatsinni ingerlanneqarnissaa
politikerinit aalajangerneqarpoq
ukiumullu 1 mill. kr.-nit missaan-
nik ilinniartitaaneq naleqartarpoq.
Politikerit tungaannit TV-ip ilinni-
arsimanngitsumik atorfinitsitsine-
ra, naak ilinniarsimasunik qinnute-
qartoqaraluartoq, qanoq isuma-
qarfigineqarpa? Kultureqarnermut
Atuartitaanermullu naalakkersui-
soq Stephen Heilmann ima akivoq:
— TV-imut atorfinitsitsineq ilisi-
masaqarfiginngikkaluarpara, qin-
nuteqartunili ilinniarsimasoq ilin-
niarsimanngitsorlu naligiippata
ilinniarsimasoq toqqarneqartaria-
qarpoq, asuli ilinniartitsinngilagut.
Tusagassiortunngorniarluni ilin-
niartitaaneq inuutissarsiutitigut
ilinniartitaanermut naalakkersui-
soqarfimmut atavoq, tamatu-
munngalu naalakkersuisoq Josef
Motzfeldt ima oqarpoq:
—    Soorunalimi ilinniartitatta
atorfeqalernissaat pingaartitaraar-
put, ilinniartitsigutta ilinniartitsisa-
riaqanngilagut suliffissaqanngitsu-
nik.
KNR-ip siulersuisuunerini ilaa-
sortaapput Agnethe Davidsen, siu-
littaasoq naalakkersuisunit toqqa-
gaq, KNR-imi sulisut sinnerlugit
Niels Pavia Lynge kiisalu Pelé Jen-
sen, qaammarsaanermik siunner-
suisoqatigiinnit toqqagaq. Siuler-
suisuunerni ilaasortap ataatsip ilin-
niarsimasoq atorfinitsinniarlugu
toqqarsimagaluarpaa kisiannili
ikinnerussuteqarsimalluni.
aka
Penneveninde
Frisk fyr i moden alder med sun-
de gode interesser søger penne-
veninde, har du lyst og interes-
se, så fat pennen og skriv til mig.
Venlig hilsen
Heinrich S. Petersen
Sankt Annae Gade 35.1
1416 København K.
ATUAGAGDLIUT1T
NR.    9    1985       5
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32
Blašsķša 33
Blašsķša 33
Blašsķša 34
Blašsķša 34
Blašsķša 35
Blašsķša 35
Blašsķša 36
Blašsķša 36
Blašsķša 37
Blašsķša 37
Blašsķša 38
Blašsķša 38
Blašsķša 39
Blašsķša 39
Blašsķša 40
Blašsķša 40
Blašsķša 41
Blašsķša 41
Blašsķša 42
Blašsķša 42
Blašsķša 43
Blašsķša 43
Blašsķša 44
Blašsķša 44
Blašsķša 45
Blašsķša 45
Blašsķša 46
Blašsķša 46
Blašsķša 47
Blašsķša 47
Blašsķša 48
Blašsķša 48