4 31. maí 2005 ÞRIÐJUDAGUR Heilsurækt í Nauthólsvík Lilju, Telmu og Daníel þykir gaman að koma í Nauthólsvík. Sumarið er komið með sól í heiði og því um að gera að drífa sig út og njóta þess að rækta heilsuna utandyra ? til dæmis í Nauthólsvík. Nauthólsvíkin er skemmtilegur staður til útivistar og á góðviðris- dögum er þar margt um manninn. Ylströndin dregur til sín fjölda fólks og á göngustígunum má sjá gangandi, skokkandi og hjólandi vegfarendur. Frá Nauthólsvík liggja leiðir til allra átta. Hægt er að fá sér góðan göngutúr upp í Öskju- hlíð, rölta meðfram ströndinni eða skokka alla leið út í Gróttu eða upp í Elliðaárdal. Nauthólsvíkin er því góður upphafspunktur fyrir hvers konar heilsurækt. Hjólaferð eftir ströndinni Jón Þorvarðarson, rithöfundur og kennari, stundar hjólreiðar af kappi. ?Ég hjóla oft hér í kringum Nauthólsvíkina og Ægisíðuna og fer líka oft rúnt upp í Grafarvog. Ég á heima uppi í Gerðum og það er mjög passlegur hringur að hjóla út á Ægisíðuna og til baka. Þetta er svona klukkustundar hjólatúr,? segir Jón. Jón er mikill hjólagarpur og hefur verið það lengi. Hann lætur stígana í borginni ekki duga sér og hefur haldið út fyrir landsteinana með hjólið í farteskinu. ?Um pásk- ana í fyrra fór ég til Sikileyjar og hjólaði í kringum Etnu. Þetta var mjög skemmtileg ferð en dálítið erfið líka því við hjóluðum allt upp í 1.200 metra hæð.? Jón er ánægður með að geta hjólað út um allt á stígum borgar- innar og notar hjólreiðar sem sína líkamsrækt. ?Ég sit á rassinum í vinnunni og verð þess vegna að hreyfa mig eitthvað til að halda mér í formi. Hjólreiðarnar eru fínar til þess.? Línuskautalíkamsrækt Systkinin Hrafnhildur og Sverrir Sveinn Sigurðarbörn þeysa framhjá Nauthólsvíkinni á línuskautum oft í viku. Hrafnhildur segist fara eins oft á línuskauta og hún getur og hefur stundað þetta sport síðustu sjö ár. Sverrir hefur ekki eins langa reynslu og segist nota línuskautana með annarri líkamsrækt. Þau syst- kinin segjast alltaf skauta á þessum slóðum og eiga því iðulega leið framhjá Nauthólsvíkinni. ?Þetta er frábær braut og maður kemst út um allt,? segir Sverrir. ?Ég get labbað út heima hjá mér, farið beint út á stíginn og skautað kring- um allt Seltjarnarnesið og alla leið hingað. Sverrir og Hrafnhildur segja að línuskautar séu góð líkamsrækt og frábær útivist. ?Þetta reynir mest á fætur og bak og er mjög góð hreyf- ing,? segir Hrafnhildur en bendir á að áreynsla á handleggsvöðva sé ekki mjög mikil. ?Ætli það eigi ekki einhver Ameríkani eftir að finnna upp svona línuskautastafgöngu svo maður nái að þjálfa handleggina líka,? segir hún og hlær. Gangan er sálarfóður Hjónin Sigrún Hjaltested og Einar Gunnar Ásgeirsson fara í göngutúr á hverjum degi. Stundum keyra þau í Nauthólsvíkina og ganga þaðan en annars er misjafnt hvert þau fara. Þau eru ánægð með göngustígana innan borgarinnar og finnst gott að geta komist í góða göngutúra. ?Maður getur gengið út um allt án þess að þurfa að fara yfir götu. Það er alveg yndislegt,? segir Sigrún. Þau hjónin segja að göngutúrar séu góð heilsurækt og Sigrún bendir á að það sé svo nærandi að vera úti. Einar Gunnar vill ekki gera eins mikið úr hreyfingunni en viðurkennir að útiveran sé góð og það sé góð heilsubót að ganga úti. ?Ég var áður í golfi en get það ekki lengur þannig að göngutúrarnir koma í staðinn,? segir Einar. Gaman að leika í Nauthólsvík Lilja Jónsdóttir buslar í Nauthóls- víkinni ásamt syni sínum Daníel Leví Bragasyni og frænku þeirra Telmu Rut Sæþórsdóttur. Hún segir að þau komi oft þangað og séu ánægð með svæðið. ?Þetta er nú meiri útivera en hreyfing,? segir Lilja og bendir á að það sé gaman að gera eitthvað saman og fá í leiðinni ferskt loft. Það sé heilsurækt út af fyrir sig. ?Við komum oft hingað í fyrra- sumar og Daníel talar mikið um að fá að fara á ylströndina þannig að við reynum að skreppa hingað þegar við getum.? Daníel gefur sér lítinn tíma til að tala við blaðamann enda mun meira spennandi að leika sér í sandinum og skoða steinana. Hann segist stundum fá að fara í sund í Naut- hólsvíkinni en núna er hann bara að leika sér í fjörunni. Aðspurður segir hann að honum þyki skemmtilegast að moka sand með skóflu. Það er líka ágætist líkamsrækt. thorgunnur@frettabladid.is Olivia Newton-John hefur þróað brjóstaþreifara sem nota á við sjálfskoðun brjósta. Kominn er á markað brjóstaþreif- ari frá LivAid sem er ætlaður til þess að auðvelda konum sjálfskoð- un brjósta og hvetja þær til að skoða þau reglulega en ein af hverj- um sjö konum greinist með brjóstakrabbamein. Olivia Newton- John er stuðningsaðili LivAid, samtaka sem berjast gegn krabba- meini um allan heim. Sjálf greindist Olivia með brjóstakrabbamein og tók það hana nokkur ár að sigrast á því. Frá því hefur hún verið verið ötull liðsmaður í baráttunni gegn brjóstakrabbameini og hvatt konur til sjálfskoðunar brjósta. Brjóstaþreifarinn er hringlaga gelpoki sem á að leggja yfir brjóst- ið meðan brjóstið er þreifað. Það á að vera auðveldara að finna hnúta í brjóstunum með pokanum en ef fingurnir eru lagðir beint á brjóstið og má hugsa sér brjóstaþreifarann sem stækkunargler fyrir fingurna. Pokinn er lítill og léttur og auðvelt er að stinga honum í veski eða í náttborðsskúffuna, en honum fylgir lítill flauelspoki sem hægt er að geyma hann í. Konur þurfa þó eftir sem áður að fara í reglubundna brjóstaskoðun hjá Krabbameins- félaginu. Liv-brjóstaþreifarinn fæst í versluninni Maður lifandi og á vef- síðunni www.goodforhealth.com má sjá myndskeið þar sem sýnt er hvernig nota á brjóstaþreifarann við sjálfskoðun. Hollbiti Lífrænt Grænmeti Ávextir Kjöt og fiskur Salatbar Safabar Engin aukaefni Heilsukostur ? fyrir þig og þína Ertu að fara í sumarbústaðinn, í fjallgöngu, í gönguferð, í ferðalag eða vantar hollan og góðan bita í hádeginu, í kvöldmatinn og fyrir saumaklúbbinn? Allt á einum stað fyrir heilsamlegt sumar. HOLLBITI í einum grænum! Opið virka daga kl. 10?20 og laugardaga kl. 10?17 heldur betur Jón Þorvarðarson hjólar til að halda sér í formi. Systkinin Hrafnhildur og Sverrir fara eins oft og þau geta á línuskauta. Sigrún og Einar Gunnar fara í göngutúr á hverjum degi. F R ÉT T A B L AÐIÐ/H E IÐA Olivia Newton-John sigraðist á brjóstakrabba og hvetur nú konur til sjálfskoðunar. MYN D/GE T T Y I M A GES Brjóstaþreifarinn Liv virkar eins og stækk- unargler fyrir fingurna. F RÉT T A B L AÐIÐ/P J E T U R Auðveldar leit að brjóstakrabbameini
Beinir tenglar
