Fréttablaðið - 28.10.2005, Blaðsíða 63
28. október 2005 FÖSTUDAGUR34
menning@frettabladid.is
! Kl. 12.15Hildur Halldórsdóttur flytur
fyrirlestur um tengsl lista-
skáldsins góða og ljóta andar-
ungans, þeirra Jónasar Hall-
grímssonar og H.C. Andersen,
í stofu 201 í Árnagarði.
> Ekki missa af ...
... sýningu Þorbjargar Þorvaldsdóttur,
Staðir fyrir minningar, sem nú stendur
yfir í Listasafni ASÍ við Freyjugötu.
... tónleikum finnska karlakórsins YL í
Hallgrímskirkju í kvöld þar sem hann
flytur eldri sem yngri tónlist.
... sýningunni Tími Romanovættarinn-
ar í Rússlandi sem nú stendur yfir í
Gerðarsafni í Kópavogi.
Haraldur Jónsson myndlistarmað-
ur opnar sýningu í 101 Gallery
klukkan 17 í dag.
Verk Haraldar hafa verið áber-
andi í myndlistarlífinu að und-
anförnu. Skemmst er að minnast
ljósmyndasýningar hans á Þjóð-
minjasafninu og sýningar hans
í Hafnarhúsinu sem var hluti af
Listahátið í Reykjavík 2005.
Um þessar mundir eru verk
Haraldar til sýnis á alþjóðlegum
tvíæringi í Belgíu og í nóvember
verður hann einn af fulltrúum
Íslands á sýningunni Mythos und
Melankolie í Köln í Þýskalandi.
„Verk Haraldar Jónssonar eru
stundum svo fínleg að þau virð-
ast búin til úr engu,“ segir í texta
Jóns Proppé um verk Haraldar.
„Hið innra líf okkar er eitt megin-
þemað í mörgum verkum Harald-
ar og sýningin í 101 Gallery snýst
um það: Tilfinningar, kenndir og
geðshræringar.“
Haraldur opnar sýningu í 101
HARALDUR JÓNSSON Sýnir verk sín í 101
Gallery við Hverfisgötuna.
Þegar átta hundruð karlar hefja upp raust sína
í einu og syngja saman má búast við býsna
voldugum hljómi. Þetta getur fólk upplifað um
kvöldmatarleytið á morgun í íþróttahúsinu við
Strandgötu í Hafnarfirði.
„Miðbærinn í Hafnarfirði verður allur undirlagður
af söngmönnum og gestum þeirra,“ segir Jón
Kristinn Cortez, stjórnandi karlakórsins Þrasta í
Hafnarfirði sem er gestgjafi hinna kóranna.
„Hingað koma 19 kórar frá öllum landshlutum.“
Mótið hefst með æfingum í fyrramálið en síðan
verða haldnir þrennir tónleikar klukkan 14 þar
sem hver kór fær fimmtán mínútur til umráða.
Tónleikarnir verða í Hafnarborg, Hásölum og
Íþróttahúsinu við Strandgötu, og hver kór kemur
fram á tvennum af þessum þrennum tónleikum.
„Við ætlum síðan að ljúka landsmótinu með
hátíðartónleikum í Íþróttahúsinu klukkan 18.30
þar sem allir kórarnir syngja saman með Sinfón-
íuhljómsveit Íslands. Þar flytjum við átta íslensk
verk, allt saman stór karlakóralög eins og Brennið
þið vitar.“
Raddir átta hundruð karla
Í kvöld frumsýnir Vest-
urport leikritið Woyzeck
í Borgarleikhúsinu eftir
frægðarför hópsins með
verkið til London. Ingvar
E. Sigurðsson leikur þar
ógæfumanninn Woyzeck,
sem þarf að kljást við áreiti
úr öllum áttum.
„Þetta er búið að vera ansi mikið
ævintýri og mikil spenna,“ segir
Ingvar E. Sigurðsson, sem leikur
Woyzeck í uppfærslu Vesturports.
„Ekki þó þannig að við værum
stressuð að sýna þetta á ensku
heldur var tíminn svo knappur
fyrir alla tæknivinnnu. Sviðið
þarna úti er allt öðruvísi en svið-
ið sem við æfðum á, þannig að við
vorum ansi brothætt á frumsýn-
ingunni. En það hafðist samt og
síðan vorum við að leika á hverj-
um einasta degi þannig að núna
erum við orðin ansi vel smurð
held ég.“
Verkið var frumsýnt í Barbi-
can Centre í London fyrr í mánuð-
inum og hlaut frábæra dóma hjá
gagnrýnendum þar ytra. Vesturp-
ort hafði áður vakið athygli fyrir
dirfsku þegar hópurinn sýndi
Rómeó og Júlíu á sama stað.
Ýmislegt fleira er á döfinni
hjá Vesturporti erlendis, þótt enn
hafi ekkert verið ákveðið í þeim
efnum. Leikhús í fleiri löndum
hafa boðið hópnum að koma með
bæði Woyzeck og Rómeó og Júliu.
Einnig hefur Brim, verk Jóns Atla
Jónassonar, vakið athygli út fyrir
landsteinana.
„Það eru að koma leikhússtjór-
ar frá Bretlandi að horfa á okkur,
en maður veit aldrei hvað kemur
út úr svona hlutum.“
Woyzeck er eftir þýska leik-
skáldið Georg Büchner, skrifað á
nítjándu öld, en í meðförum Vest-
urports tekur leikritið á sig tölu-
vert breytta mynd.
„Það er svo auðvelt að leika
sér með þetta leikrit og menn
hafa oft leyft sér það. Þetta eru
mjög knappar og stuttar senur
sem hægt er að raða upp á alla
vegu.“
Sýningin breyttist líka heilmik-
ið í meðförum leikhópsins meðan
á sýningum stóð úti í London.
„Það höfum við svo sem alltaf
gert, líka með Rómeó og Júlíu og
líka Brim. Við höfum alltaf verið
að endurskoða verkin og oft tekið
extra æfingar og breytt senum.
Þetta er aldrei endanlegt hjá
okkur.“
Leikarar í sýningunni, auk
Sigurðs, eru þau Árni Pétur Guð-
jónsson, Björn Hlynur Haralds-
son, Erlendur Eiríksson, Harpa
Arnardóttir, Jóhannes Níels Sig-
urðsson, Nína Dögg Filippusdótt-
ir, Ólafur Darri Ólafsson, Ólafur
Egill Egilsson og Víkingur Kristj-
ánsson. Auk þess tekur 11 manna
karlakór þátt í sýningunni.
Leikstjóri er Gísli Örn Garð-
arsson en tónlistin er eftir ekki
minni menn en Nick Cave og
Warren Ellis.
„Woyzek er fátækur maður,“
segir Ingvar um persónuna sem
hann leikur. „Hann reynir að
drýgja tekjurnar með því að vera
tilraunadýr hjá vísindamanni eða
lækni sem er að rannsaka hegðun
mannsins, hegðun dýra og hegðun
náttúrunnar. Woyzeck er orðinn
hálf skrýtinn af þessum tilraun-
um og svo bætist ofan á að hann
heldur að konan hans hafi svikið
sig. Hann er mjög þjakaður af alls
kyns áreiti.“
Woyzeck stígur á svið
ÚR WOYZECK Ingvar E. Sigurðsson og Víkingur Kristjánsson í hlutverkum sínum.