Fréttablaðið - 24.02.2006, Blaðsíða 2

Fréttablaðið - 24.02.2006, Blaðsíða 2
2 24. febrúar 2006 FÖSTUDAGUR AUSTURRÍKI, REUTERS Breski sagn- fræðingurinn David Irving, sem austurrískur dómstóll dæmdi í þriggja ára fangelsi fyrir að afneita helförinni gegn gyðingum, sagði í sjónvarpsviðtali á miðvikudag að hann teldi að sagnfræðingum ætti að vera heimilt að draga viðtekna sögutúlkun í efa. Auk þess fæli tján- ingarfrelsið í sér „rétt til að hafa rangt fyrir sér“. „Ég kem frá frjálsu landi og ég læt ekki þagga niður í mér,“ tjáði hann Sky-fréttastöðinni bresku. Saksóknarar í máli hans áfrýjuðu dómnum á þeim forsendum að hann væri of vægur. Irving hefur kallað réttarhaldið allt „skrípaleik“. Ákærurnar á hendur honum byggja á orðum sem hann lét falla í Austurríki árið 1989. Irving var handtekinn í nóvember. Hann hefur játað sig sekan um að hafa „skjátlast“ varðandi umfang útrýmingarherferðar nasista gegn gyðingum í síðari heimsstyrjöldinni - hann væri ekki lengur þeirrar skoðunar sem hann var þá. En sak- sóknarar segja hug ekki fylgja máli og Irving eigi sér því engar máls- bætur. Dómurinn hefur ekki síst vakið athygli vegna umræðunnar sem Múhameðsteikningafárið hefur vakið um mörk tjáningarfrelsisins. - aa IRVING KEIKUR David Irving (t.h.) ásamt verjanda sínum Elmar Kresbach í dómsal í Vínarborg á mánudag. FRÉTTABLAÐIÐ/AP Dómnum yfir David Irving áfrýjað af saksóknurum í Austurríki: Segist ekki láta þagga niður í sér STÚDENTAPÓLITÍK Röskva og Vaka, sem lengi hafa tekist á í stúdenta- pólitíkinni í Háskóla Íslands, hafa ákveðið að vinna saman að hags- munamálum stúdenta. Meirihluta- samstarf þeirra í Stúdentaráði var undirritað í gær. Ekkert þriggja framboða hlaut meirihluta atkvæða í kosningum fyrr í mánuðinum, en mynda þurfti starfhæfan meirihluta. Samstarf Röskvu og Vöku varð ofan á en hvor fylking á níu fulltrúa í Stúd- entaráði. Háskólalistinn, sem einnig bauð fram, á tvo fulltrúa. Ásgeir Runólfsson, oddviti Röskvu, verður framkvæmda- stjóri Stúdentaráðs og Sigurður Örn Hilmarsson, oddviti Vöku, verður formaður þess. - bþs Tímamót í Stúdentaráði HÍ: Fornir fjendur vinna saman SAMSTARFIÐ HANDSALAÐ Sigurður Örn Hilmarsson og Ásgeir Runólfsson ánægðir með samstarfið. FRÉTTABLAÐIÐ/VILHELM SPURNING DAGSINS Jón, eru skilnaðir tíðir hjá embættinu? ,,Ekki tíðari en gengur og gerist annars staðar.” Á heimasíðu embættis Sýslumannsins í Keflavík má innan um tölfræðiupplýsingar um bílbeltanotkun og reglur um notkun skotvopna finna tengil á enska vefsíðu um tilfinningar tengdar skilnaði fyrir þá sem hafa hugsað sér að skilja við maka sinn. Jón Eysteinsson er sýslumaður í Keflavík. FINNLAND Meira en hálf milljón Finna lifir undir fátæktarmörk- um ESB, samkvæmt niðurstöðum nýrrar rannsóknar. Þetta kemur fram á vefútgáfu finnska dag- blaðsins Helsingin Sanomat. Bilið milli fátækra og ríkra hefur aukist mikið og voru í hittifyrra um 600 þúsund Finnar, tólf prósent þjóðarinnar, undir fátæktarmörk- um. Mörkin eru miðuð við 975 evrur, rúmar áttatíu þúsund krónur eftir skatta, á mánuði. - ghs Lífskjör í Finnlandi: Yfir hálf milljón Finna fátæk PRÓFKJÖR Vegna veikinda innan uppstillingarnefndar Framsókn- arflokksins í Reykjavík hefur ekki verið ákveðið hver skipar 2. sæti listans fyrir borgarstjórnarkosn- ingarnar. Þorlákur Björnsson, formaður nefndarinnar, segir ekki ákveðið hvort frambjóðendur sem kosnir voru í opnu prófkjöri færist upp um eitt sæti og Óskar Bergsson skipi þá annað sætið eða hvort kona verði fyrir valinu í stað Önnu Kristjánsdóttur, sem ákvað að taka ekki sæti á listanum. Kosning var bindandi í tvö efstu sætin í prófkjörinu. - gag Framsókn í Reykjavík: Óákveðið hver skipar 2. sætið DÓMSMÁL Nítján ára piltur sem hjó ítrekað með sveðju í höfuð jafn- aldra síns í Garðabæ í byrjun okt- óber á yfir höfði sér allt að sextán ára fangelsisdóm. Árásin er talin tilraun til manndráps en hann neit- ar sök. Hann er ákærður fyrir fjórar alvarlegar líkamsárásir á síðasta ári, þar af tvær hópárásir. Annað fórnarlambanna í sveðju- árásinni hlaut tvo langa og djúpa skurði á höfði, sprungur í höfuð- kúpu í botni sáranna og blæðingu á yfirborði heilans. Hann skarst svo illa á hægri hendi eftir eitt högganna að vöðvar, taugar og slagæðar fóru í sundur. Árásar- maðurinn hjó einnig í mann sem skipti sér af árásinni og hlaut sá skurð á hendi. Við húsleit heima hjá sveðjumanninum fannst lítil- ræði af tóbaksblönduðu hassi og lagði lögreglan hald á svokallaðan butterfly-hníf úr bíl hans. Maðurinn er einnig ákærður fyrir að hóta öðrum pilti með sveðjunni fyrr um kvöldið í and- dyri heimahúss við Bæjargil í Garðabæ, en hann neitar því. Tveir félagar hans eru ákærðir fyrir að taka þátt í þeirri árás og gætu hlotið árs fangelsidóm. Annar þeirra játaði fyrir rétti í gær að hafa kýlt piltinn í andlitið inni í húsinu en neitar ásamt sveðjumanninum að hafa sparkað í hann eftir að sá þriðji, sem einnig neitar sök, er sagður hafa snúið hann niður með hálstaki og haldið eftir að stympingarnar bárust út að hringtorgi við götuna. Sveðjumaðurinn er einnig ákærður fyrir sérstaklega hættu- lega líkamsárás á Menningarnótt er hann réðist á átján ára pilt og barði ítrekað í höfuð og líkama með gaddakylfu. Sá hlaut allmörg sár á herðum, bak og vinstri kinn auk skurðsárs á hálsi. Sveðjumaðurinn og sá sem kýldi piltinn í Bæjargili auk tveggja annarra eru einnig ákærð- ir fyrir að hafa ráðist á sambýlis- fólk á útivistarsvæði við Lyngmóa í Garðabæ föstudaginn 13. maí. Konan var slegin með flösku í and- litið og maðurinn barinn niður og sparkað í hann þar sem hann lá á jörðinni. Kvarnaðist úr tönn og hruflaðist hann og marðist um allan búkinn og í andliti. Fórnarlömbin, utan sambýlis- fólksins, fara fram á skaðabætur frá hálfri og að einni milljón króna. Hafna sakborningar bóta- kröfunum. Aðalmeðferð verður 20. og 21. mars. Mótmælti verj- andi sveðjumannsins því þar sem gæsluvarðhaldsúrskurður hans nær einungis til 10. mars. Ríkis- saksóknari á von á að varðhaldið verði framlengt. gag@frettabladid.is VIÐ FYRSTA GÆSLUVARÐHALDSÚRSKURÐ- INN Sveðjuárásarmaðurinn var úrskurðaður í gæsluvarðhald daginn eftir árásina og hefur verið í fangelsi síðan. Hann er nítján ára. FRÉTTABLAÐIÐ/VALLI Sveðjuárás talin til- raun til manndráps Nítján ára piltur er ákærður fyrir tilraun til manndráps fyrir árás á jafnaldra sína með sveðju í október. Hann barði annan með gaddakylfu á Menningarnótt og var með í hópárás á sambýlisfólk á útivistarsvæði á föstudagskvöldi í maí. STJÓRNMÁL Hjálm- ar Árnason, þing- maður og þing- flokksformaður Framsóknar- flokksins, fékk hjartaáfall í fyrrinótt. „Hann var nýkominn heim til sín í Keflavík af fundi á Flúðum þegar hann fékk hjarta- áfall,“ segir Sigurður Eyþórsson, framkvæmdastjóri Framsóknar- flokksins. „Hann fékk viðeigandi meðferð á Heilsugæslustöð Suðurnesja en var svo sendur á spítala í Reykjavík. Þar fór hann í hjartaþræðingu í gærmorgun og er nú úr allri hættu og við ágæta líðan,“ segir Sigurður. Hann telur að Hjálmar verði frá störfum í nokkrar vikur en sæti hans á þingi tekur Ísólfur Gylfi Pálmason. Magnús Stefánsson mun gegna embætti þingflokksformanns meðan Hjálmar er fjarverandi. - jse Hjálmar Árnason þingmaður: Úr hættu eftir hjartaáfall HJÁLMAR ÁRNA- SON MÆTTI OG NEITAÐI SÖK Sá sem hér sést, með lögmönnum sakborninganna á hvora hönd, er ákærður fyrir að hafa snúið og haldið jafnaldra sínum á meðan félagar hans spörkuðu í hann. FRÉTTABLAÐIÐ/STEFÁN DÓMSMÁL Magnús Einarsson var í gær dæmdur í ellefu ára fangelsi fyrir að hafa banað konu sinni, Sæunni Pálsdóttur, á heimili þeirra í Hamraborg í Kópavogi aðfara- nótt 1. nóvember 2004. Magnús var dæmdur í níu ára fangelsi í Héraðsdómi Reykjaness og var honum gert að greiða tveimur börnum sínum rúmar ell- efu milljónir króna. Þá var Magn- ús einnig dæmdur til þess að greiða foreldrum Sæunnar tvær milljónir króna. Sæunn lést af völdum áverka sem hún fékk í átökum við Magn- ús en hann þrengdi að hálsi henn- ar með þvottasnúru þangað til hún lést. Sæunn hafði átt í ástarsam- bandi við tvo menn áður en Magn- ús réðst að henni á heimili þeirra. Samkvæmt mati sálfræðings og geðlæknis framdi Magnús verkn- aðinn þegar hann var í andlegu ójafnvægi vegna afbrýðisemi. Hann fylgdist grannt með konu sinni þegar hún átti samskipti við mennina tvo og tók það meðal ann- ars upp á myndband þegar hún yfirgaf heimili annars þeirra. Hjónaband þeirra hafði um langt skeið verið stormasamt og ætluðu þau að ganga frá skilnaði hjá Sýslumanninum í Kópavogi fimm dögum eftir að Magnúsi banaði Sæunni. Magnús hefur setið í gæslu- varðhaldi frá 1. nóvember 2004 og dregst sá tími frá fangelsisdómi Hæstaréttar. - mh Hæstiréttur þyngdi dóm Héraðsdóms Reykjaness í manndrápsmáli: Dæmdur í ellefu ára fangelsi MAGNÚS EINARSSON Í HÉRAÐSDÓMI Hæstiréttur staðfesti mat héraðsdóms á málsatvikum en sá ástæðu til þess að þyngja dóminn um tvö ár vegna þess hve hrottaleg árásin var. FRÉTTABLAÐIÐ/PJETUR STJÓRNMÁL Af óviðráðanlegum ástæðum hefur Geir Haarde utan- ríkisráðherra hætt við fyrirhug- aða opinbera heimsókn til Ind- lands um þessa helgi. Í hans stað fer Þorgerður Katrín Gunnars- dóttir menntamálaráðherra. Í heimsókninni mun hún ræða við indverska ráðamenn og einnig opna nýtt sendiráð Íslands í Nýju Delhi. Útflutningsráð Íslands hefur í samvinnu við utanríkisráðuneytið skipulagt viðskiptaráðstefnur og tvíhliða fundi indverskra og íslenskra fyrirtækja í Nýju Delhi, Mumbai og Bangalore. - jse Utanríkisráðuneytið: Geir fer ekki til Indlands
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.