Fréttablaðið - 24.05.2006, Blaðsíða 51
„Ef þú ferð á markað og þér vegn-
ar vel, hvers vegna ættirðu ekki að
halda áfram? Íslenskir fjárfestar
hafa séð kauptækifæri á Norður-
löndunum og í Bretlandi og stokk-
ið á þau,“ segir Halldór Benjamín
Þorbergsson.
Halldór segist hvorki sannfærð-
ur um að hlutfallsleg skipting fjár-
festinga milli landa eigi að breytast
eða að slíkt sé æskilegt. Engin rök-
bundin nauðsyn sé á því að stefnu-
breyting verði í þeim efnum.
Hann telur þó að menningar-
legir þættir kunni að hafa eitthvað
að segja. „Þessi samfélög eru nátt-
úrulega mjög opin fyrir erlendum
fjárfestum. Lundúnir, og raunar
New York líka, eru til að mynda
samansafn innflytjenda að miklu
leyti. Það skiptir engu máli hvaðan
þú ert, bara hvað þú gerir.“
Halldór telur að gríðarleg hug-
arfarsbreyting hafi átt sér stað und-
anfarin ár. Menn hugsi ekki lengur
um Ísland sem eina markaðinn,
heldur horfi með opnum huga út
fyrir landsteinana. „Skýringin ligg-
ur held ég í augum uppi. Ísland er
náttúrulega ótrúlega lítill markað-
ur. Þegar markaðurinn er orðinn
mettur hér er í rauninni bara einn
kostur í stöðunni: Útrás.“
Segja má að einkavæðing bank-
anna um síðustu aldamót hafi
leyst áður óþekkt öfl úr læðingi á
íslenskum fjármálamarkaði. Hall-
dór segir tilgang bankakerfisins að
veita fjármagni til hagkvæmustu
fjárfestinga sem völ er á. Þegar
þetta afl hafi enn verið undir ríkis-
doða hafi hlutirnir óhjákvæmilega
ekki verið jafn skilvirkir og þeir
eru í dag. „Það mætti kalla þetta
tómatsósuáhrif. Maður kreistir og
kreistir en ekkert gerist. Svo þegar
stíflan loksins brestur er eins og
flæðið ætli aldrei að stöðvast.“
Halldór telur þá umræðu sem
undanfarið hefur átt sér stað um
íslenska hagkerfið vera til þess
fallna að styrkja stoðirnar. Gagn-
rýni hafi að miklu leyti verið röng
og óréttmæt. Einblínt hafi verið
á einn, afmarkaðan hlut, til að
mynda viðskiptahallann, og álykt-
anir dregnar „Það hefði mátt skoða
hlutina í víðara samhengi og líta
til dæmis til þess að eignir lífeyr-
issjóðanna nema hærri upphæð á
mann hér en eignir norska olíu-
sjóðsins.“
Halldór segir einnig vafasamt
að lesa of mikið úr þeirri staðreynd
að erlendar fjárfestingar nái hærra
hlutfalli landsframleiðslu en gerist
og gengur í öðrum löndum. „Hag-
kerfið er lítið og því eðli málsins
samkvæmt veikara fyrir sveiflum.
Menn sjá það best sjálfir að ein
stór kaup geta haft drastísk áhrif á
hlutfallið. Svo er spurningin nátt-
úrulega alltaf hvenær fyrirtæki er
íslenskt og hvenær ekki. Sum þess-
ara fyrirtækja fá áttatíu til hundrað
prósent tekna sinna erlendis frá.“
7
Halldór Benjamín Þorbergsson segir hagkerfið lítið og vafasamt að lesa of mikið út úr því
að erlendar fjárfestingar verði hlutfallslega hærri en annars staðar.
Gripu gæsina er hún gafst
Halldór Benjamín Þorbergsson, hagfræðingur Viðskiptaráðs Íslands, segir ástæðuna
fyrir því að íslenskir fjárfestar hafa einkum sótt til Bretlands og Norðurlanda einfaldari
en margur kann að halda.
■■■■■■■■■■■■■■■■■■■■■■■■■■■■■■■■■■■■■■■■■■■■■■■ { íslensk útrás } ■■■■
Íslenska fyrirtækið Industria hefur
opnað skrifstofu í Kína. Industria
selur breiðbandslausnir til fjárfest-
inga- og fjarskiptafyrirtækja og er
nú með starfsemi í sex löndum.
Starfsmenn Industria eru nú
hundrað og tíu talsins. Fram-
kvæmdastjóri Kínaskrifstofu Indu-
stria verður Song Shen. Skrifstofan
verður sú fyrsta á vegum fyrirtæk-
isins utan Evrópu.
„Kínaskrifstofan mun vinna
náið með öðrum félögum í sam-
steypunni. Eitt af helstu verkefnum
Industria Kína verður að vinna með
Zignal, stafræna sjónvarpslausn
Industria, því á Kínamarkaði eru
gríðarlegir möguleikar að opnast
með stafrænni sjónvarpstækni.“
Industria hlaut á dögunum verð-
laun frá viðskiptatímaritinu Red
Herring, fyrir að vera eitt af hundr-
að framsæknustu fyrirtækjum Evr-
ópu.
Industria til Kína
Kínaskrifstofa Industria verður sú fyrsta á vegum
fyrirtækisins utan Evrópu.
Song Shen, framkvæmdastjóri Kínaskrifstofu Industria, fyrir utan News Building í Shenz-
hen, þar sem hin nýja skrifstofa er til húsa.