Fréttablaðið - 27.02.2007, Blaðsíða 34

J ovan Zdravevski byrjaði seint að æfa körfubolta. Hann var orðinn 15 ára
þegar hann byrjaði að æfa íþrótt-
ina af einhverjum krafti en áður
hafði hann að mestu leyti verið í
fótbolta. Hann var þó ekki lengi að
sýna sig og sanna því tveimur
árum eftir að hann byrjaði að æfa,
árið 1997, varð hann Evrópumeist-
ari með U-18 ára landsliði Make-
dóníu í Belgíu. Hann spilaði með
einu besta liði Makedóníu, MZT
Skopje, en eftir þriggja og hálfs
árs dvöl hjá félaginu fékk hann
nóg af pólitíkinni og virðingarleysi
hjá liðinu eins og hann orðar það
og hélt út í heim, nánar tiltekið til
Íslands.
VILL VERÐA ÍSLENDINGUR
„Ég veit ekki hvernig ég endaði
hérna á Íslandi en ég get sagt að ég
gæti ekki hafa verið heppnari.
Þetta var auðvitað erfitt í byrjun,
mikil viðbrigði, en eftir að hlutirn-
ir fóru að ganga vel inni á vellin-
um varð allt auðveldara. Borgar-
nes er fallegur lítill bær með
vinalegu fólki og hér líður mér
vel,“ segir Jovan um hartnær
þriggja ára dvöl sína í Borgarnesi.
Honum líður svo vel að hann
hyggst sækja um íslenskan ríkis-
borgararétt.
„Ég er orðinn mikill Íslendingur
eftir dvöl mína hér og vonast til að
fá ríkisborgararétt. Það væri frá-
bært að spila með íslenska landslið-
inu en ég veit ekki hvort þjálfarinn
hefur not fyrir mig,“ segir Jovan.
GET EKKI AÐ ÞESSU GERT
Jovan hefur verið sakaður um
leikaraskap af andstæðingum
sínum og að hafa ekki alltaf rétt
við og hann viðurkennir það fús-
lega fyrir blaðamanni að stundum
komi það fyrir að hann ýki og leiki.
Allt er það þó í þeim eina tilgangi
að vinna.
„Körfubolti snýst um það að
vinna og ég geri allt til að vinna.
Ég veit af þessari gagnrýni en ég
get bara ekki gert að þessu. Þetta
er hluti af mínum leik, hluti af upp-
eldinu og jafnvel þótt ég myndi
vilja hætta því þá er það erfitt.
Dómarar vita af þessu og leik-
menn en mér er í raun alveg sama
hvað þeim finnst um þetta. Mitt
hlutverk er að sjá til þess að Skalla-
grímur vinni leiki og ég beiti öllum
brögðum til þess,“ segir Jovan,
sem hefur fengið sinn skammt af
fúkyrðum frá andstæðingum
sínum í deildinni.
„Það eru aðallega leikmenn
Njarðvíkur og Keflavíkur sem tala
við mig allan tímann. Og sumt af
því er ekki fallegt. Þetta er bara
hluti af leiknum og ég tek það ekki
nærri mér. Ef menn vilja tala þá
tala þeir. Ef þeir halda að sigur
vinnist með því þá finnst mér eðli-
legt að þeir geri það.“
LATUR Í VÖRNINNI
Eins og fram hefur komið er
það samdóma álit flestra sem vit
hafa á körfubolta að Jovan sé einn
af bestu leikmönnum deildarinnar.
Hann er frábær sóknarleikmaður
en þykir kannski ekki leggja alveg
sama metnað í varnarleikinn.
Hann segist sjálfur geta kvittað
undir þessa lýsingu. „Helsti styrk-
leiki minn er þriggja stiga skotin
og ég held að leikmenn þurfi að
vita í hverju þeir eru bestir og ein-
beita sér að því. Helsti veikleiki
minn - úpps ég vona að Valur [Ingi-
mundarson, innsk. blm.] þjálfari
lesi þetta ekki – er að ég er stund-
um latur í vörninni,“ segir Jovan
og hlær.
Aðspurður um besta leikmann
deildarinnar segir Jovan erfitt að
dæma um það. „Það eru margir
frábærir leikmenn í deildinni en
ætli það sé ekki bara ég,“ segir
Jovan og hlær dátt. „Nei, nei, þetta
er grín. Það bara erfitt að segja
því menn hafa hæfileika á mis-
jöfnum sviðum,“ segir Jovan, sem
á þó ekki í vandræðum með segja
hver sé erfiðasti andstæðingur-
inn.
„Það er Brenton Birmingham
hjá Njarðvík. Hann virðist alltaf
eiga stórleiki gegn Skallagrími en
hann er frábær leikmaður. Hann
er ekki ósvipaður leikmaður og ég.
Hann er alhliða leikmaður og með
langa handleggi sem nýtast honum
í vörninni.“
GETUM ORÐIÐ MEISTARAR
Lið Skallagríms vakti mikla
athygli í fyrra þegar það komst í
úrslitaleikina um Íslandsmeistara-
titilinn gegn Keflavík. Liðið tapaði
reyndar þeirri rimmu en miðað
við gott gengi á þessu tímabili ætti
ekki að vera neitt því til fyrirstöðu
að endurtaka leikinn í ár og jafn-
vel taka titilinn.
„Ég held að við getum unnið
titilinn en það þarf þá allt að ganga
upp hjá okkur. Allir lykilmenn liðs-
ins verða að vera heilir en ég trúi
því að við getum unnið öll lið á
góðum degi.“
10 sport
„ÉG GERI
ALLT TIL
AÐ VINNA“
Nafn: Jovan Zdravevski
Fæddur: 22. apríl 1980
Fæðingarstaður: Skopje,
Makedóníu
Félag: Skallagrímur
Fyrri lið: MZT Skopje
Meðalstigaskor í vetur: 21,2 stig
Makedóníumaðurinn Jovan Zdravevski þykir vera einn
besti leikmaður Iceland Express-deildarinnar í körfu-
bolta. Hann á stóran þátt í því að Skallagrímur er orðið
eitt af toppliðum landsins og segist gera allt til að vinna,
jafnvel hluti sem eru ekki alltaf vinsælir hjá dómurum
og andstæðingum. EFTIR ÓSKAR HRAFN ÞORVALDSSON
» BRENTON UM JOVAN
„Hann er einn af bestu leikmönnum deildar-
innar og er leikmaður sem fær mig til að
spila betur þegar ég mæti honum. Hann er
búinn að gera frábæra hluti hérna á Íslandi
og ég ber mikla virðingu fyrir honum sem
körfuboltmanni,“ segir Brenton Birmingham.
Jovan Zdravevski á sér þann draum að
spila með íslenska landsliðinu og segist
fullviss um að geta gert það að mun
betra liði en það er í dag. SPORTMYND/VALLI