30 23. september 2007 SUNNUDAGUR hvað segir mamma ? ?Að sjálfsögðu er ég ánægð með hann. Hann tók þetta alveg upp hjá sjálfum sér og er mjög sjálf- stæður ungur drengur. Hann er með mikla réttlætiskennd og fannst að Randveri vegið.? Unnur Ólafsdóttir er móðir Halldórs Eldjárns. Hann safnaði yfir 2.000 undir- skriftum til að mótmæla brottrekstri Randvers Þorlákssonar úr Spaugstofunni. ?Ég hef alltaf haft ákveðnar hug- myndir og skoðanir á því hvernig svona þættir eiga að vera. Þetta er vissulega gamall draumur að ræt- ast,? segir sjónvarpsmaðurinn Logi Bergmann Eiðsson, sem stjórna mun nýjum spjallþætti á föstudags- kvöldum á Stöð 2 í vetur. Þátturinn hefur fengið nafnið Logi í beinni og verður sendur út í beinni útsendingu. Logi er þekktur fyrir léttan húmor sinn sem sannast á því að hann hefur lengi verið vinsæll veislustjóri. Hann býst við því að þau persónu- einkenni sín smitist út í þáttinn. ?Ég tek hlutina ekkert of alvarlega, verð ekkert að rembast. Þetta snýst bara um að vera með skemmtilegt fólk í þættinum og leyfa því að vera það sjálft. Svo verður auðvitað tónlist í þáttunum,? segir sjónvarpsmaður- inn. Hann segir erfitt að líkja þættin- um við aðra þætti en telur þó að helsta fyrirmyndin sé Michael Parkinson í Bretlandi. Logi vinnur nú hörðum höndum að undirbúningi þáttanna. Í þeirri vinnu hefur hann meðal annars notið leiðsagnar góðvinar síns, Gísla Marteins Baldurssonar borgarfull- trúa. ?Við Gísli erum náttúrlega mjög góðir vinir. Við höfum áður talað um svona hluti og hann hefur gefið mér góð ráð. Það er ekki slæmt að geta leitað til Gísla, sem er frábær sjónvarps- maður og gerði svona þátt í mörg ár. Þó ekki væri nema til að hann geti sagt mér að einhver sé ömurlegur viðmælandi,? segir Logi og glottir. Á þeim nótum er Logi spurður hvort hann sé byrjaður að bóka viðmæl- endur í þáttinn. ?Ég veit alla vega hverja ég vil fá þótt ég sé ekki byrjaður að bóka neinn. Eina krafan sem ég geri er að fólk sé skemmtilegt þannig að ef ég vil tala við einhvern, þá geri ég það. Sumir eru alltaf að kvarta yfir því að í svona þáttum sé alltaf sama fólkið, bara popparar sem eru að gefa út plötur eða þess háttar. Það er nú einmitt ástæðan fyrir því að talað er við þetta fólk, það er ekkert sniðugt að tala við fólk sem er ekki að gera neitt.? Fyrsti þátturinn af Logi í beinni fer í loftið 19. október næstkomandi. Stjórnandinn segist spenntur fyrir þessu verkefni og sérstaklega því að vera í beinni útsendingu. ?Já, það hentar mér mjög vel. Þá er líka ekk- ert vesen og ekkert verið að draga hlutina með upptökum. En um leið er enn meiri pressa á að þetta gangi allt,? segir Logi. Hann er að síðustu spurður hvort hann telji sig nógu skemmtilegan til að stjórna svona þætti. ?Nei, það held ég nú ekki. Það góða er að ég skipti engu máli, það eru gestirnir sem eiga að vera skemmtilegir. Það er ekki eins og ég ætli að byrja alla þættina á einhverri einræðu.? hdm@frettabladid.is Logi BERgmann EiðSSon: Nýtur aðstoðar Gísla MarteiNs Léttur Logi í nýjum þætti Ingvar E. Sigurðsson hefur tekið að sér hlutverk ráðs- mannsins í óperunni Adriane eftir Richard Strauss sem frumsýnd verður 4. október. Áhorfendur fá þó ekki að njóta sönghæfileika Ingvars en hann fer með eina talhlutverkið í uppfærslunni. ?Strauss skrifaði þetta svona og þetta þykir mjög sérstakt,? segir Ingvar en til að aðgreina hann enn frekar frá óperusöngvurunum talar leikarinn íslensku en söngurinn fer fram á þýsku. ?Ég held að þetta verði bara skemmtilegt og vona að þetta gangi bara upp,? segir Ingvar. Ingvar er sjálfur ekki mikill óperu- unnandi en viðurkennir þó að hann eigi nokkrar óperur á geisladisk heima hjá sér og segist hafa unun af fallegum söng. Velgengni Mýrarinnar hefur varla farið framhjá nokkrum manni en þar er Ingvar í aðalhlutverki. Hann kvaðst eiginlega vera hálf undrandi á þessu öllu saman. ?Maður batt einhvern veginn allar sínar vonir við Ísland og þetta hefur því komið þægilega á óvart.? Ingvar bíður þó enn eftir gylliboðum að utan. ?Það kom mér samt í opna skjöldu að fólk skyldi enn þá muna eftir manni úr öðrum verkum og það er mjög gaman að finna að íslenskar kvikmyndir og íslenskir leikarar séu öðrum minnisstæðir.? - fgg Ingvar í Íslensku óperunni Franski fiðluleikarinn Gilles Apap mun sækja landið heim í byrjun október á vegum Hjörleifs Vals- sonar. Fiðluleikarinn mun spila á fimm tónleikum, tveimur á Ísafirði, einum í Akureyrarkirkju og svo loks tveimur í Grafarvogskirkju. Hjörleifur sjálfur hefur veg og vanda af komu hans en Apap þykir einn fremsti fiðluleik- ari heims um þess- ar mundir og gekk Yehudi Menuhin jafnvel svo langt að kalla hann ?fiðluleikara 21. aldarinnar?.Apap þykir um margt sérstakur en hann býr við strendur Kaliforníu og milli þess sem hann leikur á strengja- hljóðfærið sitt stendur hann á brimbrettinu og nýtur síns einfalda lífs. Gott málefni verður haft til hlið- sjónar á þessum fimm tónleikum og mun allur aðgangseyrir tónleik- anna í Reykjavík renna til Ofbeldis- sjóðs Unifem, málefnis sem er Hjörleifi sérstaklega hugfólgið en hann segir kominn tíma til að vekja athygli á þessu máli. ?Þetta er alveg ferlega dýrt en ég er með breitt bak,? segir Hjör- leifur þegar Fréttablaðið hafði tal af honum, en hann er í barn- eignarleyfi um þessar mundir og nýtur lífsins með erfingjanum. ?Sjóvá mun styrkja okkur að einhverju leyti og svo hefur flug- félagið Ernir boðið fram aðstoð sína,? útskýrir Hjör- leifur en það mun meðal annars fljúga með tón- listarmennina til og frá Ísafirði, frítt. Sérstakur verndari þessa viða- mikla verkefnis er Ingunn Werners- dóttir en hún keypti einmitt Stradivarius-fiðluna sem Hjörleifur spilar alla jafnan á. - fgg Góðhjartaðir fiðlu- leikarar gefa af sér aðgangseyrir til Unifem aðgangseyrir tónleikanna í Reykjavík rennur til styrktar ofbeldissjóðs Unifem. verndari verkefnisins ingunn Wernersdóttir er verndari þessa verkefnis en einn fremsti fiðluleikari heims, gilles apap, mun leika á fimm tónleikum í byrjun október. stjórnar nýjUm spjallþætti Logi Bergmann Eiðsson stjórnar spjallþættinum Logi í beinni á föstudagskvöldum á Stöð 2 í vetur. Hann hefur notið aðstoðar góðvinar síns gísla marteins Baldurssonar við undirbúning þáttarins. FRéttaBLaðið/E.ÓL. Í óperU ingvar E. Sigurðsson mun tala íslensku í óperunni adriane en allir aðrir syngja á þýsku. hvað er að frétta? Það er bara ljóm- andi fínt að frétta. Það var mikill léttir að horfa á eftir fyrsta þætti af 07/08 bíó leikhús í loftið síðastliðinn fimmtudag. Svo var ég að kaupa mína fyrstu íbúð. augnlitur: mjög blár. starf: Dagskrárgerðarmaður hjá Sjón- varpinu í Kastljósi og o7/08 bíó leikhús. fjölskylduhagir: Undanfarið hef ég hlaupið ein um refilstigu þessa lífs sem afi Árni kallaði ?að vera upp á sitt hopp og hí?. hvaðan ertu? ég er borin og barnfædd á Húsavík og hef einnig alið manninn í Danmörku og Frakklandi. ertu hjátrúarfull? Já, ég geng aldrei undir stiga og ég er nýfarin að stíga á niðurföll og holræsislok. Uppáhaldssjónvarpsþátturinn: Kastljós og 07/08. Stórkostlegir þættir sem ég myndi aldrei vilja missa af! Uppáhaldsmatur: Plokkfiskur í boði Plokkfisksklúbbsins Stevie, jólarjúpan og allt sem Bjarni bróðir minn eldar. fallegasti staðurinn: nýja íbúðin mín, þegar hún verður til, verður algjört augnayndi. Heimahagarnir eru líka fagrir. ipod eða geislaspilari: Klárlega iPod. hvað er skemmtilegast? að tala, ég geri talsvert mikið af því. hvað er leiðinlegast? að mistakast. helsti veikleiki: get verið svakalega dramatísk, smámunasöm og óstundvís. helsti kostur: Leyfi öðrum að dæma um það. helsta afrek: Það hefur ekki enn verið unnið en það verður eitthvað rosalegt. mestu vonbrigðin: Á vori hverju, þegar ég átta mig á að við erum ekkert að fara að vinna þessa Eurovisionkeppni. hver er draumurinn? mér finnst mjög vandræðalegt að ræða drauma mína nema við mína allra nánustu og þoli ekki þá rassvasaheimspeki sem the Secret er. hver er fyndnastur/fyndnust? af því fyndna fólki sem ég þekki nefni ég bara sjálfa mig, til að valda ekki vinslitum. hvað fer mest í taugarnar á þér? Skriffinnska og vesen. hvað er mikilvægast? andleg og líkamleg heilsa mín og þeirra sem mér þykir vænt um. og að koma íbúðinni í stand, því það gengur ekki lengur að vera á hrakhólum. hin hliðin elsa marÍa jakobsdóttir dagskrárgerðarkona Endurtekið Eurovisiontap sár vonbrigði 27. 0 3. 198 0 aðalstyrktaraðili: DAGSKRÁ: KL. 12 - 14 UMRÆÐA UM HANDRITAGERÐ MEÐ OTTÓ G. BORG (ASTRÓPÍA) KL. 14 - 16 STUTTMYNDAKEPPNI LJÓSVAKALJÓÐA 5-8 VALDAR STUTTMYNDIR SÝNDAR REGLUR: ALDUR: 15-25 ÁRA LENGD: UNDIR 20 MÍN. MYND EKKI ELDRI EN 1 ÁRS MYND SÝND Á ÁBYRGÐ KEPPENDA SKIL: MINIDV EÐA DVD ÁSAMT ALMENNUM UPPLÝSINGUM SENDIST Á ZIK ZAK FILMWORKS, HVERFISGÖTU 14A, 101 REYKJAVÍK WWW.LJOSVAKALJOD.IS SKILAFRESTUR ER ÞRIÐJUDAGINN 25. SEPTEMBER 100.000 KR. FYRIR BESTU MYND TJARNARBÍÓI LAUGARDAGINN 29. SEPT KL. 12:00 - 16:00 SKILAFRESTUR 2 DAGAR ÓKEYPIS AÐGANGUR STUTTMYNDAKEPPNIN
Beinir tenglar
