Fréttablaðið - 11.03.2008, Blaðsíða 15

ÞRIÐJUDAGUR 11. mars 2008 15
Alexandra Diljá Guðlaugs-
dóttir er ein þeirra sem iðka
wicca og hefur gert það í
tvö ár. Áhuginn kviknaði
fyrst fyrir sex árum, þegar
hún var þrettán ára gömul.
„Wicca er náttúru- og fjölgyðis-
trú og við trúum á heilagleikann
sem er bæði Guðinn og Gyðjan.
Þau búa í öllu og náttúran er því
heilög. Maður á því að vera með-
vitaður um umhverfið og hvernig
maður kemur fram við fólk.
Þessi lífsspeki höfðaði strax til
mín.“
Kristni og wicca
Alexandra segir að fólk mæti oft
miklu skilningsleysi þegar það
játar fyrir fjölskyldunni hverrar
trúar það sé og á það sérstaklega
við þegar fjölskyldan er mjög
trúuð. Sem betur fer hafi það
ekki verið tilfellið með sig. „Þetta
er skiljanlegt. Kristin trú bannar
galdra og skurðgoðadýrkun og
þar með wicca. Þegar foreldrar
komast að því að barnið er wicca
verður fólk skelfingu lostið og
vill bjarga barninu. Það heldur
að barnið sé gengið djöflinum á
vald en það gæti ekki verið fjær
sanni.“
Wicca ekki skráð trúfélag
Fjöldi wicca-iðkenda á Íslandi er
óviss en sumir vilja meina að
þeir séu milli tvö og þrjú hundr-
uð. Ástæða óvissunar er ekki síst
að wicca er ekki skráð trúfélag.
Nokkuð margir wicca-iðkend-
ur eru innan Ásatrúarfélagsins
og er ástæðan fyrir því að það er
eina heiðna trúfélagið sem
wicca-iðkendur geta skráð sig í
og þeir vilji styrkja þetta sam-
félag. „Ég get gengið þar inn og
sagt: Ég er wicca og það er sam-
þykkt. Ég sé ekki alveg fyrir
sömu viðbrögð hjá Krossinum!“
Alexandra segir að margt sé líkt
með ásatrúnni og wicca. Í kristni
þurfi til dæmis að biðja um
fyrirgefningu en í wicca væri
það kjánalegt að biðja Gyðjuna
eða Guðinn að fyrirgefa sér.
„Maður ber ábyrgð á sínum eigin
gjörðum í wicca og ásatrú. Það
er því undir manni sjálfum
komið að fyrirgefa.“
Ekki má skaða fremja
Galdrar eru ekki hluti af wicca
heldur viðbót og þá stunda ekki
allir wicca-iðkendur. „Sjálf hef ég
ekki gert það hingað til,“ segir
Alexandra. Wicca-iðkendur segja
að galdra eigi að nota til góðs. Ein-
hverjir hljóta samt að nota þá til
ills? „Auðvitað eru einstaklingar
inni á milli sem gera það en wicca-
samfélagið lítur á þá sem svikara
við trúna því það brýtur aðalreglu
wicca sem er þessi: Það má ekki
skaða fremja.“
Að lokum, hvert á fólk að snúa
sér ef það hefur áhuga á að kynna
sér wicca? „Þá er best að kíkja á
síðuna mína, Wicca á Íslandi,
wicca iceland.freeforums.org. Í
gegnum hana má svo senda mér
póst.“ - seg
Wicca en ekki djöfladýrkandi
■ Talið er að alls um 800.000
manns iðki wicca.
■ Wicca fór að breiðast út í núver-
andi mynd upp úr 1954 en þá gaf
stofnandi trúarinnar, Gerald Gardner,
út bókina Witchcraft Today.
■ Innan wicca eru margar stefnur,
til dæmis gardnerísk, alexandrísk,
norræn og úrvals.
■ Galdrar eru viðbót en ekki hluti
af wicca.
■ Ákveðin verkfæri eru mikilvæg:
sproti, bikar, rýtingur, tákn með
fimm arma stjörnu innan hrings,
pottur, reykelsisstandur, reykelsi og
kerti.
■ Wicca trúir á hið heilaga og það
skiptist í guðinn og gyðjuna sem
búa í öllum hlutum.
■ Guðinn er táknaður með sólinni
en gyðjan með tunglinu.
■ Þungamiðja wicca er trúin á
karma: Það sem þú gerir, gott eða
illt, kemur til þín þrefalt til baka.
■ Algengt er að wicca-iðkendur trúi
á endurfæðingu.
■ Wicca hefur ekkert með djöfla-
dýrkun að gera.
WICCA Í HNOTSKURN
ALEXANDRA DILJÁ GUÐLAUGSDÓTTIR Gyðjan fær meiri athygli en guðinn, sennilega
vegna þess að flestir wicca-iðkendur eru konur.
KERTIN ERU MIKILVÆG Við tilbeiðslu
á Guðinn og Gyðjuna, svo og þegar
galdrar eru stundaðir er mikilvægt
að hafa réttu tækin sér til aðstoðar.
Áhersla er meðal annars lögð á kerti.