Fréttablaðið - 21.05.2008, Blaðsíða 6
MARKAÐURINN 21. MAÍ 2008 MIÐVIKUDAGUR6
F R É T T A S K Ý R I N G
1985 Invik stofnað í kjölfar uppskiptingar á starfsemi iðnþróunarfélagsins AB Kinnevik.
1987-1997 Invik skráð í Kauphöllina í Stokkhólmi. Eignarhald verður dreifðara.
2004 Invik hið fyrra og Kinnevik renna saman aftur í júlímánuði. Í ágúst verður til nýtt Invik sem dótturfélag Kinnevik
og þá með Moderna-tryggingastarfsemina innanborðs.
2005 Eigendur hlutafjár Kinnevik eignast alla hluti í Invik.
2006 Glitnir kaupir Fischer Partners af Invik.
2007 Milestone leggur fram kauptilboð í alla hluti Invik með milligöngu dótturfélagsins Racon Holding í Svíþjóð. Í júlí
átti Milestone 98 prósent hlutafjár í félaginu og lauk yfirtökunni í ágúst.
2008 Dótturfélög Milestone á Íslandi færð undir Invik og unnið að undirbúningi að skráningu félagsins í Nasdaq/
OMX-kauphöllina í Stokkhólmi. Fyrirhugað að breyta nafni Invik og taka upp heitið Moderna á móðurfélagið.
2009 Skráning fyrirhuguð á markað á fyrri helmingi ársins.
I N V I K F R Á ´ 8 5
Fjárhagurinn
Hagnaður félagsins nemur rúmum 1,1
milljarði sænskra króna, eða rúmum fjórtán
milljörðum íslenskra króna.
Tekjur jukust um fjögur prósent milli ára,
námu 535 milljónum sænskra króna á fjórð-
ungnum (tæplega 6,7 milljörðum króna).
Heildareignir námu í lok mars tæplega 33,5
milljörðum sænskra króna, eða tæplega
417 milljörðum íslenskra króna.
Umfang eignastýringar Invik í lok fjórð-
ungsins nemur 34,5 milljörðum sænskra
króna (tæplega 430 milljörðum króna).
I N V I K Á F Y R S T A
F J Ó R Ð U N G I 2 0 0 8
A
nders Fällman for-
stjóri sænska fjár-
málaþjónustufélags-
ins Invik hafði lítil
kynni haft af Íslandi
eða Íslendingum áður en Mile-
stone lauk við yfirtöku félags-
ins síðasta haust.
„Ég hafði aldrei komið hing-
að þegar Milestone keypti sig
inn í Invik. Ég var hins vegar
forstjóri þegar félagið var í til-
boðsferli. Tilboð voru opnuð 26.
apríl í fyrra og ljóst að Mile-
stone átti hæsta boð. Þetta var
á fimmtudegi og á mánudags-
morgni var ég kominn í flug-
vél á leið til Reykjavíkur,“ segir
Anders, en hann kom hingað
nýverið til fundarhalds í tengsl-
um við yfirtöku Invik á íslensk-
um eigum Milestone.
Í sinni fyrstu heimsókn til
landsins í fyrravor fundaði for-
stjóri Invik með forsvarsmönn-
um Milestone og þeir ræddu
stefnu félagsins og hlutverk.
„Ég hringdi svo í konuna mína
og sagði henni að ég teldi næsta
skref þurfa að vera að við
kæmum hingað með fjölskyld-
una í leyfi, því ég yrði að kynn-
ast landinu áður en ég tæki
ákvörðun um næstu skref.“
Nokkrum vikum síðar var And-
ers Fällman kominn hingað með
fjölskylduna í ferðalag. „Og
skemmst er frá því að segja að
við kunnum afar vel við bæði
þjóð og land, en það var í raun
hluti af ferlinu við að ákveða að
halda áfram hjá félaginu. Síðan
hef ég komið hingað ótal sinn-
um og kann mjög vel við mig.“
Anders segist, vegna þess að
hann vinni, jú, fyrir íslenska
eigendur þótt félagið sé sænskt,
líta að hluta á sjálfan sig sem
nokkurs konar sendiherra í Sví-
þjóð, en þar er hann mikils
metinn í fjármálalífi landsins.
Til dæmis var Anders nýverið
endurkjörinn stjórnarformað-
ur sænska fjármálaþjónustu-
fyrirtækisins Carnegie. Þar
átti Milestone tíu prósenta hlut
þegar Anders var fyrst kjör-
inn stjórnarformaður en hefur
nú aukið hlut sinn í sautján
prósent. „Þegar fólk slúðrar
og telur sig vita allt um hvert
stefnir á Íslandi, kemur fyrir
að ég ræski mig og bendi á að ef
til vill væri betra að kynna sér
staðreyndir.“ Hann segist telja
að Ísland hafi orðið allveru-
lega fyrir barðinu á lausafjár-
kreppunni sem gengið hefur
yfir fjármálakerfi heimsins, en
núna finnst honum eins og held-
ur birti til. „Þetta heyri ég líka
hjá norrænum fjárfestingar-
bönkum í Lundúnum. Í vetur
voru þeir mjög svartsýnir fyrir
hönd landsins en núna eru þeir
fremur afslappaðir,“ segir hann
og bendir á að gengi krónunn-
ar hafi enda jafnað sig aðeins.
„Þrengingarnar eru kannski
ekki alveg að baki, en ástand-
ið hefur heldur batnað. Eigum
við ekki bara að segja að það sé
vor í lofti?“
Anders segist ekki vilja
blanda sér í stjórnmálaum-
ræðu hér um hvert skuli stefna
í Evrópumálum. Hann kveðst
hins vegar hafa verði fylgj-
andi bæði inngöngu Svíþjóð-
ar í Evrópusambandið og tals-
maður þess að landið tæki upp
evru. „En ég er svo sem ekki
sér fróður um stöðu Íslands og
veit að þið njótið samningsins
um Evrópska efnahagssvæðið.
Þegar hins vegar kemur að um-
ræðu um gjaldmiðla þá veit ég
frá Svíþjóð að þar hafa reglu-
lega verið gerðar árásir á gjald-
miðilinn og þó erum við með
mun stærra hagkerfi en Ís-
land. Á slíkum stundum er ekki
verra að hafa bakland í stærra
myntbandalagi, svo mikið get
ég sagt,“ segir forstjóri Invik
og kveðst því þeirrar skoðunar
að til lengri tíma litið ætti Sví-
þjóð að taka upp evru. „Kannski
á það líka við um Ísland, ég veit
það ekki.“
Á næstu vikum kynnir
sænska fjármálaþjónustu fyrir-
tækið Invik nýtt nafn. Breyt-
ingin er hluti af skipulagsbreyt-
ingum hjá félaginu, sem skrá á
á markað í Svíþjóð á fyrri hluta
næsta árs í kjölfar hlutafjárút-
boðs. Invik er í eigu íslenska
félagsins Milestone, en um síð-
ustu áramót færðust bæði Sjóvá
og Askar Capital undir Invik.
Um þessar mundir er unnið
hörðum höndum að „straum-
línulögun“ starfsemi Invik,
sem nú hefur innanborðs fjár-
málaþjónustufyrirtæki þau
sem áður heyrðu undir Mile-
stone hér heima. Samþættingin
og skerptar áherslur í rekstrin-
um eru svo undanfari þess að
félagið verði skráð í Nasdaq
OMX-kauphöllina sænsku á
fyrri hluta næsta árs.
Þá hugleiðir stjórn Invik að
breyta nafni félagsins. „Ætli
breytingin gangi ekki í gegn
innan mánaðar eða svo,“ segir
Anders og bætir við að þótt
breytingarnar séu ekki fast-
negldar sé líklegt að Invik taki
yfir nafn Moderna, en undir
því heiti rekur félagið trygg-
ingastarfsemi víða á Norður-
löndum.
ANDERS FÄLLMAN FORSTJÓRI INVIK Ekki er loku fyrir það skotið, að mati
forstjóra sænska fjármálaþjónustufyrirtækisins Invik, að sama kunni að eiga við um
Ísland og Svíþjóð, að löndunum myndi farnast betur í myntsamstarfi Evrópuþjóða.
MARKAÐURINN/VALLI
Óopinber sendiherra landsins í Svíþjóð
Anders Fällman, forstjóri sænska fjármálaþjónustufyrirtækisins Invik, kom með fjölskylduna hingað í leyfi síðasta sumar áður
en hann gerði upp við sig hvort hann vildi starfa áfram hjá félaginu eftir yfirtöku Milestone á því. Óli Kristján Ármannsson
ræddi við Anders og komst að því að hann hefur tekið upp hanskann fyrir íslenskt fjármálalíf og efnahagsumhverfi þegar
honum hefur þótt halla ótæpilega á landið í umræðum utan landsteinanna. Invik er á leið á markað í Svíþjóð á fyrri hluta
næsta árs, en undir félagið hafa verið færðar íslenskar eigur Milestone.
S T I K L A Ð Á S T Ó R U
Í S Ö G U M I L E S T O N E
Í ár fer allnokkurt púður starfsemi Milestone í endur-
skipulagningu þegar eignir félagsins fara undir sænska
fjármálaþjónustufyrirtækið Invik. Hluti endurskipu-
lagningarinnar er sala á ýmsum fasteignaverkefnum
og hlutum í óskráðum félögum sem ekki eru í
fjármálastarfsemi. Hér er á eftir stiklað á stóru í sögu
Milestone:
1999 Werner Rasmusson selur apótekið sitt til
Lyfja og heilsu og Karl Wernersson tekur við
stjórnarformennsku í félaginu. Hefst mikill
vöxtur lyfjaverslanakeðjunnar. Milestone átti
átján prósent í Lyfjum og heilsu auk hluta-
bréfa í lyfjafyrirtækinu Delta.
2002 Delta og Pharmaco sameinast í félag sem
síðar verður Actavis.
2003 Milestone eignast nær allt hlutafé í Lyfjum
og heilsu.
2004 Félagið byrjar að kaupa hlutabréf í
Íslandsbanka (Glitni). Hagnaður félagsins var
975 milljónir.
2005 Milestone kaupir 66,6 prósent hlutafjár í
Sjóvá af Íslandsbanka fyrir 17,5 milljarða.
Hagnaður félagsins var 14,7 milljarðar á
árinu.
2006 Milestone verður snemma árs stærsti hlut-
hafinn í Glitni þegar það eignast ríflega
fimmtungshlut. Félagið kaupir eftirstöðvar
hlutafjár í Sjóvá fyrir 9,5 milljarða. Milestone
stofnar Aska Capital og verður þar ráðandi
hluthafi. Hagnaður félagsins var 21,4 millj-
arðar í árslok.
2007 Félagið selur 13 prósenta hlut í Glitni fyrir
54 milljarða króna og lýkur við 70 milljarða
króna yfirtöku á Invik. Milestone selur öll
hlutabréf sín í Actavis til Novators. Hagnaður
ársins 21,3 milljarðar króna.
2008 Allar íslenskar eigur Milestone færðar undir
sænska fjármálaþjónustufyrirtækið Invik. Þar
á meðal eru Askar Capital, Avant og Sjóvá.
Starfsemi í lyfjageira er seld frá félaginu sem
liður í straumlínulögun starfsemi Invik í fjár-
málaþjónustu áður en félagið verður skráð í
sænsku kauphöllina á næsta ári.
Í BRÚNNI HJÁ MILESTONE Karl Wernersson er
stjórnarformaður Milestone og Guðmundur Ólason
forstjóri félagsins. Þeir segja aukna áherslu á upp-
byggingu félagsins utan landsteinanna rökrétt skref.
MARKAÐURINN/VALLI
PAGEPRO 1400W
Litur: Nei
Afköst: 16 bls/mín
Tengi: USB
Stýrikerfi : Windows
Tilboðsverð: 13.900 kr.
PAGEPRO 1350E
Litur: Nei
Afköst: 20 bls/mín
Tengi: USB, Parallel, Ethernet
Stýrikerfi : Windows, Dos, Mac,
Linux
Tilboðsverð: 29.900 kr.
MAGICOLOR 2500W
Litur: Já
Afköst: 20 bls/mín í svart-hvítu,
5 bls/mín í lit
Tengi: USB
Stýrikerfi : Windows
Tilboðsverð: 39.900 kr.
MAGICOLOR 2530DL
Litur: Já
Afköst: 20 bls/mín í svart-hvítu,
5 bls/mín í lit
Tengi: USB, Ethernet
Stýrikerfi : Windows, Mac, Linux
Tilboðsverð: 48.900 kr.
NÁKVÆMIR MEÐ EINDÆMUM
KJARAN EHF. · SÍÐUMÚLA 12-14 · 108 REYKJAVIK · S: 510-5520 · WWW.KJARAN.IS · KJARAN@KJARAN.IS
Leysiprentararnir frá Konica Minolta eru dugmiklir, hagkvæmir í rekstri og prenta í frábærum gæðum.
Þeir sinna daglegum prentverkefnum skrifstofunnar með stakri prýði og ættu að vera fyrirmynd
annarra á skrifstofunni – þeir sýna alltaf lit og leysa verkefnin af mikilli nákvæmni.