Fréttablaðið - 05.07.2008, Blaðsíða 10
10 5. júlí 2008 LAUGARDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta:192
4.295 -0,02% Velta: 1.036 milljónir
HLUTABRÉF Í ÚRVALSVÍSITÖLU: Alfesca 7,07 +0,28 ... Atorka 6,10
-0,97% ... Bakkavör 26,90 -2,18% ... Eimskipafélagið 14,30 0,00% ...
Exista 7,15 0,00% ... Glitnir 15,30 0,00% ... Icelandair Group 16,70
0,00% ... Kaupþing 749,00 -0,13% ... Landsbankinn 22,90 +0,44%
... Marel 87,80 -0,23% ... SPRON 3,40 +2,72% ... Straumur-Burðarás
9,77 +0,31% ... Teymi 1,98 +2,59 ... Össur 89,30 -1,87%
MESTA HÆKKUN
GRANDI +5,00%
SPRON +2,72%
TEYMI +2,59%
MESTA LÆKKUN
ATL. AIRWAYS -3,87%
ATL. PETROLEUM -2,71%
BAKKAVÖR -2,18%
„Flutningur Baugs hefur hverf-
andi áhrif. Þetta er að mestu leyti
tilflutningur á eignarhaldi milli
félaga og því eru áhrifin nánast
engin,“ segir Grétar Már Axels-
son, sérfræðingur í greiningu
Glitnis.
Gunnar Sigurðsson, forstjóri
Baugs, segir að einhverjar til-
færslur verði á starfsfólki til Bret-
lands og útilokar ekki að einhverj-
um starfsmönnum verði sagt upp
hér á landi.
„Flutningur Baugs hefur bæði
bein og óbein áhrif,“ segir Árni
Tómasson endurskoðandi. Óbeinu
áhrifin af því að hafa höfuðstöðvar
sínar hérlendis sé að félagið borgi
starfsmönnum sínum hér laun og
af því hljótist skatttekjur. Félagið
kaupi vinnu og ýmis aðföng og
borgi af því virðisaukaskatt.
Beinu áhrifin eru tekjuskattur.
Einu efnahagslegu áhrifin af flutn-
ingi Baugs að mati Árna snúast því
um það hvort starfsmenn í höfuð-
stöðvum félagsins starfi áfram hér
eða fara til starfa í Bretlandi.
Financial Times sagði frá því í
gær að þessi flutningur myndi lík-
lega vera jákvæður fyrir félagið.
Félagið yrði ekki lengur tengt við
neikvæðan orðróm um íslenskt
efnahagslíf og það myndi auðvelda
því við fjármögnun.
„Aðgengi að lánsfé er og verður
erfitt áfram,“ segir Eggert Þór
Aðalsteinsson, í greiningu Kaup-
þings. Hann telur að flutningur
félagsins muni í sjálfu sér ekki
auðvelda Baugi að sækja sér láns-
fé.
„Það er auðvitað rökrétt að vera
með höfuðstöðvar þar sem meiri-
hluti starfsemi þinnar er,“ sagði
John Stevenson, greinandi hjá Shore
Capital í Liverpool, í samtali við
Bloomberg í gær, Hann taldi þó
umræðu á Íslandi ástæðu flutnings
fyrirtækisins. - as
Bein og óbein áhrif
af flutningi Baugs
„Okkur barst erindi frá Kaup-
höllinni í gær [í fyrradag] og það
verður farið yfir þetta með fag-
legum hætti eins og önnur erindi
sem okkur berast,“ segir Íris
Björk Hreinsdóttir, talsmaður
Fjármálaeftirlitsins (FME).
Viðskipti Landsbankans með
íbúðabréf, 19. júní, sama dag og
ríkisstjórnin tilkynnti um breyt-
ingar á Íbúðalánasjóði voru til
skoðunar í Kauphöllinni. Þá seldi
bankinn íbúðabréf fyrir fjóra
milljarða, langtum meira en
aðrir.
Þórður Friðjónsson, forstjóri
Kauphallarinnar, sagði að ekki
væri hægt að útiloka að bankinn
hefði haft ríkari upplýsingar en
aðrir á markaði þennan dag. Því
yrði FME að rannsaka málið
nánar. Halldór J. Kristjánsson,
bankastjóri Landsbankans og
formaður Samtaka fjármálafyr-
irtækja, var upplýstur um fyrir-
hugaðar aðgerðir ríkisstjórnar-
innar fyrir lokun markaða, en
ekki var tilkynnt um þær fyrr en
eftir á.
Landsbankinn segir í yfirlýs-
ingu að upplýsingarnar hafi ekki
verið nýttar til viðskipta.
Ekki hefur náðst í bankastjóra
Landsbankans vegna málsins.
- ikh
Landsbankamálið
komið á borð FME
Sir Robert Wade fer með rangt
mál, er titill greinar Friðriks
Más Baldvinssonar hjá Háskól-
anum í Reykjavík og Richard
Portes hjá London Business
School sem birtist á vef Financial
Times. Sir Wade er prófessor við
London School of Economics.
Grein Wades um Ísland birtist
nýverið í sama blaði.
Friðrik og Portes segja gagn-
rýni Wades um léttvægt reglu-
verk ranga. Íslensku bankarnir
búa við sama regluverk og gildir
innan Evrópusambandsins.
Friðrik og Portes benda á að
erlend skuldastaða þjóðarbúsins
sé ekki jafn slæm og Wade
heldur fram. Þeir benda á tölur
frá sérfræðingum Seðlabanka
Íslands þar sem hrein erlend
staða skuldastaða er metin ein-
ungis 27 prósent af landsfram-
leiðslu í stað 120 prósenta.
Friðrik og Portes gagnrýna
Wade í lok greinarinnar fyrir að
skrifa í pólitískum tilgangi og
fara kæruleysislega með tölur
um hagkerfi Íslands. Slíkar
rangfærslur séu sérstaklega
varasamar við núverandi
að stæður.
- bþa
Friðrik Már og Portes svara Wade
Í 400 stærstu fyrirtækjum lands-
ins telja 76 prósent stjórnenda að
aðstæður í efnahagslífinu séu
frekar eða mjög slæmar. Telja 22
prósent þær hvorki góðar né
slæmar og einungis 2 prósent telja
þær góðar, samkvæmt könnun
Capacent Gallup.
Vísitala efnahagslífsins miðað
við núverandi aðstæður hefur
aldrei verið lægri frá því að sam-
bærilegar kannanir hófust árið
2002. Meirihluti fyrirtækjanna
býst við óbreyttum starfsmanna-
fjölda en um fjórðungur hyggst
fækka starfsfólki. Hjá einungis 19
prósentum svarenda er nú skortur
á starfsfólki en mikill meirihluti
þeirra, 81 prósent, telur sig hins
vegar hafa nægjanlegt starfsfólk,
segir í frétt frá Samtökum atvinnu-
lífsins.
Könnunin var gerð fyrir Samtök
atvinnulífsins, Seðlabankann og
fjármálaráðuneytið. - as
Flestir stjórnendur
telja ástand slæmt
Fjármálaráðuneytið hyggst ekki
gefa út þjóðhagsspá í sumar. Í
birtingaráætlun ársins var gert
ráð fyrir endurskoðaðri þjóð-
hagsspá fyrir árin 2008 til 2010 í
síðustu viku, en ekki verður af
því.
Fjármálaráðuneytið segir að
áður fyrr hafi sumarspáin verið
gefin út í tengslum við ákvörðun
aflamarks.
Án þess að lítið sé gert úr vægi
sjávarútvegsins í efnahagnum,
hafi ekki þótt ástæða til þess að
þessu sinni, auk þess sem margir
starfsmenn séu í sumarfríi.
Þjóðhagsspá verði gefin út í
byrjun október í tengslum við
fjárlagagerð á Alþingi.
- ikh
Engin sumarspá
Ekki er hægt að útiloka að banda-
ríski bílaframleiðandinn General
Motors verði gjaldþrota á næstunni
takist honum ekki að afla sér aukins
hlutafjár.
Þetta segir í greiningu banda-
ríska fjárfestingarbankans Merrill
Lynch um stöðu og horfur General
Motors.
Mestu munar um hátt verð á elds-
neyti sem hefur valdið því að bíla-
eigendur hafa skipt bensínsvelgj-
um út fyrir minni og sparneytnari
ökutæki. Litlir japanskir bílar hafa
af þessum sökum notið vinsælda
vestanhafs.
Markaðsverðmæti General Mot-
ors hefur hrunið um sextíu prósent
frá áramótum, þar af um fimmtán
prósent í fyrradag, fór undir tíu dali
á hlut og hefur ekki verið lægra í
rúma hálfa öld. Merrill Lynch úti-
lokar ekki að gengið eigi eftir að
síga frekar, jafnvel undir sjö dali á
hlut. Fyrra markgengi bankans á
bréf í General Motors hljóðaði upp
á 28 dali á hlut.
Í greiningu bankans segir að stað-
an sé það slæm að fyrirtækið verði
að auka hlutafé sitt með einhverj-
um hætti ætli það að halda sér ofan
jarðar. - jab
GM að keyra í þrot
LÍTIL ÁHRIF „Flutningur Baugs hefur
hverfandi áhrif,“ segir Grétar Már Axels-
son, í greiningu Glitnis.
FRÉTTABLAÐIÐ/PJETUR
ATVINNULÍF Meirihluti stjórnenda í
atvinnulífinu, 76 prósent, telja aðstæður
í efnahagslífi frekar eða mjög slæmar.
FRIÐRIK MÁR
BALDURSSON
RICHARD
PORTES
BANKASTJÓRAR LANDSBANKANS Hall-
dór J. Kristjánsson með Sigurjón Árna-
son í forgrunni. Rannsókn á viðskiptum
Landsbankans með íbúðabréf er nú í
höndum Fjármálaeftirlitsins.
FRÉTTABLAÐIÐ/TEITUR
Hefði evran bjargað?
Bloggarinn Felix Salmon fjallar um efnahags-
erfiðleika hér á landi á viðskiptavefnum
portfolio.com og er með skýringar á reiðum
höndum. Hann er harðorður í garð Roberts
Wade, prófessors við LSE, sem á dög-
unum skrifaði í Financial Times að
stjórnarslit væru yfirvofandi hér á
landi, vegna leiðinda í efnahags-
málum. Salmon gagnrýnir próf-
essorinn meðal annars fyrir
að nefna ekki einu orði „hina
eiginlegu ástæðu fyrir efna-
hagserfiðleikum á Íslandi“.
Hún sé fólgin í floti krónunnar,
sem sé hin minnsta sinnar teg-
undar í heiminum. Hann hnýtir
því við í lok færslu sinnar að hefðu
Íslendingar tekið upp evruna, glímdu
þeir ekki við þau vandamál sem nú sé við
að etja.
Peningar á hliðarlínunni
Fjárfestar hafa ekki farið varhluta af þeim
vandamálum og þrengingum sem einkennt
hafa alþjóðlega fjármálamarkaði frá síðasta
hausti. Eins og eðlilegt er hafa þeir smám
saman dregið sig af hlutabréfamarkaði
og ákveðið að ávaxta pund sitt (lesist:
krónu) á skuldabréfamarkaði. Velta
á hlutabréfamarkaði var með
dræmasta móti í gær, tæpur 1,1
milljarður króna. Veltutölur sem
þessar hafa ekki sést síðan í
ágúst árið 2006. Aðra sögu er
hins vegar að segja af skulda-
bréfamarkaði en veltan þar nam
tæpum 27 milljörðum króna í gær.
Eðlilega hlýtur árstíminn að spila
inn í en fjárfestar þurfa sitt frí eins og
aðrir. Svo er ágætt að hafa peninga á
hliðarlínunni þegar tækifæri gefast á hluta-
bréfamarkaði á ný.
Peningaskápurinn …
Jafnréttisviðurkenning
2008
Jafnréttisráð lýsir eftir tilnefningum
til jafnréttisviðurkenningar fyrir árið
2008.
Viðurkenningu geta hlotið fyrirtæki,
stofnanir, sveitarfélög, hópar eða
félagasamtök, sem á einn eða an-
nan hátt hafa skarað fram úr eða
markað spor á sviði jafnréttismála.
Tilgangurinn er að verðlauna fyrir
vel unnin störf í þágu jafnréttis
kvenna og karla og hvetja um leið
til frekari dáða.
Tilnefningum skal skilað eigi síðar
en 14. september n.k. til Jafnréttis-
ráðs, Borgum, 600 Akureyri, í síma
460 6200, bréfsíma 460 6201 eða
í tölvupósti jafnretti@jafnretti.is