Fréttablaðið - 19.07.2008, Blaðsíða 30

● heimili&hönnun
N
O
RD
IC
PH
O
TO
S/
G
ET
TY
Ekki er annað hægt en að vera úti undir berum himni þegar
tilveran er uppfull af sólríkum júlímánuði. Þá er engin þörf
á að fara inn til að nærast heldur bera matinn og jafnvel alla
borðstofuna út, dekka borð, skreyta með blómum og skála í
svalandi sumardrykkjum.
Engu skiptir hvort matast eigi úti í garði eða á tröppum
heldur að hafa það náðugt og bjóða sumargolunni og sólinni
til borðs.
Á Íslandi þar sem ekki er hægt að treysta á gott veður er
það oftast hvatvísin sem blæs til garðveislu og þar sem lítill
eða enginn tími er til undirbúnings er best að leyfa ímyndun-
araflinu að fara á flug. Lök er hægt að nýta sem borðdúka,
sultukrukkur sem blómavasa og púðana úr sófanum sem
sæti, og með einu handtaki er hlutum heimilsins fengið nýtt
hlutverk.
Ef aðstæður leyfa er hægt að draga út sjálft borðstofuborð-
ið og sparistellið. Ef einhver er kominn með leið á sparistell-
inu þá á eflaust eftir að hýrna yfir því þegar það er komið út
undir sólina því blessuð sólin elskar allt, allt með kossi vekur,
eins og Hannes Hafstein komst svo vel að orði. -keþ
Himneskt er að lifa
● Á sólríkum sumardegi er tilvalið að borða undir berum himni, en með ýmsum einföldum ráðum er
hægt að galdra garðveislu fram úr erminni. Eða svo framarlega sem hugmyndaflugið fær að njóta sín.
Rósir og blóm úr garðinum
gefa veisluborðinu sumarlegan
svip. Hér hefur blómum verið
komið fyrir í vatnskönnu.
Luktir sem þessar
er auðvelt að setja
upp og fást í versl-
unum sem sérhæfa
sig með austur-
lenskar vörur.
Silfrið og sparistellið lítur ekki síður vel út á vel
búnu matarborði úti í garði. Bleiki liturinn er
punkturinn yfir i-ið enda sumarlegur og sætur.
19. JÚLÍ 2008 LAUGARDAGUR6