Fréttablaðið - 10.10.2008, Blaðsíða 2
2 10. október 2008 FÖSTUDAGUR
VIÐSKIPTI Jón Ásgeir Jóhannesson,
stjórnarformaður Baugs, segir að
ástandið í Bretlandi sé orðið afar
viðkvæmt gagnvart íslenskum
fyrirtækjum og starfsemi á þeirra
vegum. Svo virðist sem upp sé
komin harðvítug milliríkjadeila
vegna innlánsreikninga Lands-
bankans og það bitni harkalega á
starfsemi Baugs, sem reki fjöl-
margar verslanir í landinu og hafi
um 55 þúsund manns í vinnu.
„Fyrirtæki sem tryggja vöru-
kaup okkar hafa haft samband og
vilja segja upp öllum samningum
við fyrirtækið. Ástæðan sem þau
gefa upp er að íslensk stjórnvöld
hafi gefið út þá yfirlýsingu að
ekki standi til að greiða erlendar
skuldir Íslendinga,“ segir Jón
Ásgeir, en hann ræddi málið við
Geir H. Haarde forsætisráðherra
símleiðis í gær.
Spurður hvort íslenskir kaup-
sýslumenn beri ekki mikla ábyrgð
á þeirri ímynd sem Ísland hafi nú
í breskri umræðu, segir Jón
Ásgeir að Baugur hafi um árabil
staðið fyrir farsælum rekstri í
Bretlandi, án nokkurra árekstra,
og því sé þetta mikið áfall.
„Ástandið er auðvitað algjör-
lega ófært og við erum hér í mik-
illi baráttu og þurfum fyrst og
fremst að vernda þessi fyrirtæki
og allt starfsfólkið. Við verðum
að gera ráðstafanir í samræmi
við það,“ segir Jón Ásgeir, en
breskir fjölmiðlar gera því skóna
að Baugur hyggist nú selja ein-
hvern hluta af starfsemi sinni þar
í landi. - bih
Er mikið álag
í vinnunni?
LGG+ er fyrirbyggjandi vörn!
Oft koma fyrstu einkenni streitu fram
sem stöðug þreyta og óþægindi í
maganum og ónæmiskerfið starfar
af minni krafti en áður. Rannsóknir
sýna að LGG+ vinnur gegn
þessum neikvæðu áhrifum
og dagleg neysla þess
tryggir fulla virkni.
H
V
Í T
A
H
Ú
S
IÐ
/
S
ÍA
Þórhallur, kveður ekkert við
annan tón?
„Jú, nú getum við virkilega farið að
syngja raddað.“
Þórhallur Vilhjálmsson, markaðsstjóri
Portus hf., sem sér um byggingu tónlist-
arhússins, segist bjartsýnn á að húsið rísi
þrátt fyrir skakkaföll í efnahagslífinu.
Stjórnarformaður Baugs segir fyrirtækið lent inni í miðri milliríkjadeilu í Bretlandi:
Ástandið algjörlega ófært
Verðbólgumet enn á ný
Verðbólgan í Simbabve hefur enn náð
nýjum og áður óþekktum hæðum.
Samkvæmt nýjustu útreikningum þar-
lendra stjórnvalda mældist hún 231
milljón prósent í júlí síðastliðnum.
Óháðir hagfræðingar telja hana nú
mælast í milljörðum prósenta.
SIMBABVE
HÚSNÆÐISMÁL Einkarekin leigufé-
lög, sem eru í viðskiptum við
Íbúðalánasjóð, eru í greiðsluvand-
ræðum. Íbúðalánasjóður hefur
verið með þrjú til fjögur slík mál
til umfjöllunar upp á síðkastið.
„Við höfum fengið slíkar umsóknir
og þeim er að fjölga,“ segir
Guðmundur Bjarnason, forstjóri
Íbúðalánasjóðs.
Íbúðalánasjóður getur fryst lán
að uppfylltum ákveðnum skilyrð-
um. „Gerð sé ítarleg grein fyrir
stöðu félagsins, framtíðarsýn og að
frystingartíminn sé notaður til að
endurskipuleggja starfsemina og
að líkur séu á því að félagið sé
betur í stakk búið til að standa við
skuldbindingar sínar að frysting-
artímanum liðnum,“ segir
Guðmundur.
Sum leigufélaganna eiga íbúðir í
tuga- eða jafnvel hundruðatali. - ghs
Forstjóri Íbúðalánasjóðs:
Frysta lán
leigufélaga
EFNAHAGSMÁL Ekki liggur fyrir með hvaða
hætti Alþjóðagjaldeyrissjóðurinn gæti
komið að endurreisn íslensks efnahags.
Geir H. Haarde forsætisráðherra hefur
rætt við sendinefnd sjóðsins sem hér
hefur dvalið síðustu daga.
„Við höfum verið aðilar að Alþjóðagjald-
eyrissjóðnum frá 1945 og eigum þar
auðvitað sama rétt á fyrirgreiðslu og aðrar
þjóðir ef við óskum eftir henni,“ sagði
Geir í samtali við Fréttablaðið í gær. „Við
höfum haft ástæðu til að ræða þau mál all
ítarlega við sendinefndina sem hér er
stödd og kynnt okkur hvaða möguleika og
hvaða skilyrði sjóðurinn setur. Ég á von á
að okkur yrði vel tekið ef við myndum fara fram á
þetta en við höfum ekki enn þá tekið afstöðu til
þess.“ Skilyrði sjóðsins liggi ekki endanlega fyrir,
þau þurfi að athuga betur.
Geir segist trúa að Ísland geti öðlast traust
meðal þjóðanna á nýjan leik; grunnstoðir samfé-
lagsins séu sterkar og landsmenn geti aðlagað sig
að breyttum aðstæðum. Hann trúir að Íslending-
um muni vegna vel þegar þeir verða lausir
við þann skuldaklafa sem hlaðist hafði
utan á fjármálakerfið enda mikilvægt við
endurreisn trausts að semja um skuldir
þjóðarbúsins og halda ríkissjóði skuldlaus-
um. Aðspurður segir hann erfitt að segja
til um hvenær hægt verði að endurheimta
traustið, en vonandi komist mál í sem
eðlilegast horf þegar búið verði að stofna
nýja banka upp úr Glitni og Kaupþingi,
líkt og gert var við Landsbankann í gær.
„Það er ómögulegt að segja hve langan
tíma þarf til að hlutirnir jafni sig út á við,
kannski einhverja mánuði, kannski
eitthvað meira.“
Spurður hvort til greina komi að ríkisstjórnin
beiti sér fyrir flýtiframkvæmdum við byggingu
álvers í Helguvík og stækkun þess frá því sem
áður var áætlað segir Geir það sína skoðun að
stjórnvöld ættu að beita sér fyrir að skapa fleiri
störf. „Og þá kemur allt til greina að mínum
dómi.“
- bþs
Forsætisráðherra hefur rætt aðkomu Alþjóðagjaldeyrissjóðsins við fulltrúa hans:
Skilyrði IMF enn í mótun
GEIR H. HAARDE
EFNAHAGSMÁL Ingimundur
Friðriksson seðlabankastjóri hefur
samkvæmt læknisráði farið í
veikindafrí. Þetta kemur fram í
tilkynningu frá Seðlabankanum og
þar segir enn fremur að hann snúi
að öllum líkindum fljótlega aftur
til starfa.
Hann er einn af þremur
seðlabankastjórum ásamt Davíð
Oddssyni og Eiríki Guðnasyni. - jse
Seðlabankinn:
Ingimundur
í veikindafrí
EFNAHAGSMÁL „Það er algjört van-
traust á markaði gagnvart öllu sem
snýr að Íslandi,“ sagði Andrés
Magnússon, framkvæmdastjóri
Samtaka verslunar og þjónustu, í
gær. Vegna þeirra aðgerða breskra
yfirvalda að frysta eigur íslensku
bankanna þar í landi og vegna
almenns vantrausts gagnvart
íslenskum fyrirtækjum lágu við-
skipti fjölmargra íslenskra fyrir-
tækja við útlönd nær niðri í gær.
„Það eru bara öll viðskipti í
frosti, hvort sem er í Bretlandi eða
á Norðurlöndunum,“ bætti Andrés
við. „Ég þekki mýmörg dæmi um
það að fyrirtæki hér hafi viljað
borga sínum erlendu birgjum
reikninga sína en peningarnir hafa
ekki skilað sér inn á bækur birgj-
anna erlendis.“
„Þetta er bara þannig að við
getum ekki átt viðskipti við útlönd,
það eru öll greiðslukerfi hrunin
niður,“ segir Sigurgeir Brynjar
Kristgeirsson, framkvæmdastjóri
Vinnslustöðvarinnar í Vestmanna-
eyjum. „Við erum að selja fisk en
fáum hann ekki greiddan eins og
staðan er, við getum heldur ekki
borgað reikninga úti sem eru að
gjaldfalla. Og vegna framkvæmda
ætluðum við að kaupa vörur úti
sem við ætluðum að láta flytja
heim en það er heldur ekki hægt
eins og er. Með öðrum orðum:
Ísland er komið á lista yfir lönd
sem njóta ekki trausts, ekki ólíkt
því sem gerðist með Rússa eftir
fall kommúnismans.“
Einnig hafa margir íslenskir
útgerðarmenn ekki getað keypt
olíu á skip sín víða erlendis nema
með því að greiða hana fyrir fram
en hingað til hafa slík kaup verið
sett á reikning sem síðan er greidd-
ur jafnvel mánuði eftir afhend-
ingu.
„Við erum í viðræðum við stjórn-
völd um það hvernig við ætlum að
komast í gegnum þetta,“ segir Frið-
rik Jón Arngrímsson, fram-
kvæmdastjóri Landssambands
íslenskra útgerðarmanna. „Og til
að svo megi verða þá er náttúru-
lega nauðsynlegt að eðlileg banka-
viðskipti komist á og að lánalínur
erlendra gjaldmiðla verði opnar og
klárar. Ríkisstjórnin hefur náð
nokkrum árangri í dag [gær]
þannig að svo megi verða. Síðan
þarf að fara í aðrar aðgerðir eins
og til dæmis að fá framlengingu
kúlulána sem eru ekki með einn
gjalddaga, jafnvel frestun afborg-
ana en sérstaklega að frysta fram-
virka gjaldmiðlasamninga þangað
til krónan styrkist.“ jse@frettabladid.is
Viðskipti fyrirtækja
við útlönd liggja niðri
Fjölmörg íslensk út- og innflutningsfyrirtæki geta ekki átt viðskipti þar sem
Ísland nýtur ekki lengur trausts. Framkvæmdastjóri LÍÚ segir mörg úrræði í
pípunum til að koma sjávarútveginum til bjargar í þessum kröggum.
FRIÐRIK JÓN
ARNGRÍMSSON
SIGURGEIR BRYNJ-
AR KRISTGEIRSSON
LÖNDUN Á REYÐARFIRÐI Hingað til hefur verið karpað um það hversu mikið má
veiða en í gær var vandi sjávarútvegsins að viðskiptin lágu að mestu niðri.
SLYS Herjólfur, eða skip frá
Eistlandi sem leysir hann af, fékk
á sig brotsjó rétt utan við mynni
Þorlákshafnar með þeim afleiðing-
um að þrír gluggar á farþegaþil-
fari brotnuðu í gærkvöldi.
„Sjórinn flæddi með glerbrotum
og látum hérna inn og land-
krabbarnir urðu ansi hræddir,“
segir Auðunn Jörgenson, sjómaður
frá Vestmannaeyjum, sem var um
borð. „En það var alveg stórkost-
legt að sjá hversu vel þernurnar
stóðu sig í því að róa mannskapinn
niður. Ég er líka viss um það að
hinn eini sanni Herjólfur hefði
staðið þetta af sér án þess að láta á
sjá.“ - jse
Herjólfur fær á sig brotsjó:
Öldurnar fóru
inn um glugga
NOREGUR Kristin Halvorsen,
fjármálaráðherra Noregs, lætur
nú rannsaka hvort íslenskar
tryggingareglur eigi að halda um
viðskiptavini Kaupþings í Noregi
eða hvort norskar reglur gildi.
Ef íslenskar reglur gilda þá eru
innistæður tryggðar upp að 20
þúsund evrum. Ef norskar reglur
gilda eru innistæður tryggðar upp
að 2 milljónum norskra króna.
„Ég mun taka málið upp með
íslenskum stjórnvöldum,“ segir
Kristin í Dagens Næringsliv. - ghs
Fjármálaráðherra Noregs:
Íslensku regl-
urnar gildi
VIÐSKIPTI Gengi hlutabréfa í
bandaríska bílaframleiðandanum
General Motors féll um 31
prósent í Bandaríkjunum í dag
eftir að matsfyrirtækið Standard
& Poor´s setti félagið á athugun-
arlista með mögulega lækkun í
huga.
Fallið dró bandarískan hluta-
bréfamarkað með sér með
miklum skelli. Dow Jones-
hlutabréfavísitalan hrapaði um
7,33 prósent og endaði í rúmum
8.500 stigum. Vísitalan hefur ekki
verið lægri í fimm og hálft ár.
Gengi bréfa í DeCode féll um
8,44 prósent á sama tíma og
endaði í 44 sentum á hlut. - jab
Áfram órói á mörkuðunum:
Lækkun á
lækkun ofan
FYLGST MEÐ TÖLUNUM Bandarísk hluta-
bréf féllu talsvert í verði í gær.
FRÉTTABLAÐIÐ/AP
Ástandið
er auð-
vitað algjörlega
ófært.
JÓN ÁSGEIR
JÓHANNESSON
STJÓRNARFORMAÐUR
BAUGS
SPURNING DAGSINS