Tíminn - 30.12.1989, Blaðsíða 3

Laugardagur 30. desember 1989
Tíminn 3
Landsmönnum hefur sjaldan fjölgað minna en í ár:
íslendingum
fjölgaði um
0,7 prósent
íslendingum fjölgar um tæplega 1.800 manns (0,7%) á
þessu ári og eru nú taldir um 253.500. ÖU fjölgunin í ár og
meira til er á höfuðborgarsvæðinu. Á landinu utan Reykja-
ness fækkaði fólki nú 6. árið í röð. Mest fækkaði fóUd á
Vestfjörðum, um nær 260 manns, en einnig töluvert' á
Vesturlandi (154) og Norðurlandi-eystra (104).
Hlutfallslega fækkaði fólki mest í
Norður-ísafjarðarsýslu og á Flateyri
(12%) og hafa Flateyringar ekki
verið færri en nú síðan árið 1927.
Sama á við um Siglfirðinga eftir 50
íbúa fækkun á þessu ári. Hagstofan
áætlar að barnsfæðingar verið um
2.850 fleiri heldur en þeir sem deyja
á árinu. Lítil fólksfjölgun stafar því
ekki síst af því að um 1.100 fleiri
flytj a af landi brott (3.800) heldur en
þeir sem hingað koma (2.700) í ár.
Um 4.600 bamsfæðingar
Fædd börn á þessu ári eru áætluð
um 4.600 sem er álíka og árið 1988.
Svo mörg börn hafa áður aðeins
fæðst á árunum milli 1957 og 1966
(auk 1972). Þessir stóru árgangar
standa nú einmitt í barneignum. Svo
margar konur eru nú á barnsburðar-
aldri, að þrátt fyrir margar barns-
fæðingar árin 1988 og 1989 eru þær
eigi að síður hlutfallslega færri held-
ur en nokkru sinni fyrir árið 1984.
Aðeins á árunum 1984-1987 hefur
svokölluð fæðingartíðni verið lægri
en í ár.
Fjölgar mest í
„útborgunum“
í ár fjölgaði fólki mest í „útborg-
um“ Reykjavíkur, eða alls um 1.050
manns (2,3%) og um tæplega 920 í
höfuðborginni sjálfri (1%). Á
Suðurnesjum fjölgaði um 0,9%.
Utan Reykjanes varð nokkur
fjölgun á Suðurlandi (0,6%), semöll
og meira til varð á þéttbýlisstöðum
Árnessýslu og Vestmannaeyjum.
Á Austurlandi fjölgaði íbúum um
0,3%. Sú fjölgun varð á Djúpavogi,
Höfn og Neskaupstað.
Norðurland-eystra varð einnig
„réttu" megin við núllið (0,1%
fjölgun). Nokkur fjölgun varð þar á
Ólafsfirði, Dalvík og Akureyri. Hins
vegar fækkaði fólki töluvert á Húsa-
vík og í Þingeyjarsýslum.
Áfram mikil fækkun
á Vestfjörðum
í kjördæmunum þrem sem kennd
eru við „vestur“ varð allstaðar um
beina fækkun fólks að ræða á þessu
ári - mest um 260 manns (2,5%) á
Vestfjörðum. Hólmavík var eini
staðurinn á Vestfjörðum þar sem
fólki fjölgaði á árinu (3%).
íbúum N-ísafjarðarsýslu fækkaði
50 manns (12%) á árinu og eru nú
aðeins 391. Á Flateyri fækkaði um
40 manns.
Á Norðurlandi-vestra er Sauðár-
krókur eini staðurinn þar sem fólki
fjölgaði nokkuð (0,8%). í kjördæm-
inu í heild fækkaði fólki um rúmlega
100 manns.
Á Vesturlandi fækkaði fólki í
öllum héruðum og stærstu stöðum á
árinu, mest um 3,3% (um 33) í
Dalasýslu. Eina undantekningin er
Grundarfjörður, sem náði 3%
fjölgun.
Fólksfækkun 6. árið í röð
Sem áður segir er þetta 6. árið sem
öll fólksfjölgun í landinu og meira til
hefur orðið í Reykjavík og Reykja-
nesi. Frá 1983 hefur íbúum höfuð-
borgarsvæðisins fjölgað um tæplega
15.500 manns, eða heldur meira en
nemur fjölgun landsmanna á tíma-
bilinu, og Suðurnesjamönnum um
950 manns. Á sama tíma fækkaði
um 1.060 manns í öðrum kjördæm-
um samtals. Fólki hefur þar fækkaði
í öllum kjördæmum nema á Austur-
og Suðurlandi þar sem um smávægi-
lega fjölgun er að ræða.
Utan Reykjaness/Reykjavíkur
eru íbúar nú um 94.500, eða rúmlega
37% af landsmönnum öllum, en
voru um 41% fyrir fimm árum.
Aðeins í eftirtöldum sýslum og
þéttbýlisstöðum landsins hefur íbú-
um ekki fækkað frá árinu 1983:
ísafirði, Blönduósi, Sauðárkróki,
Dalvík, Akureyri, Eyjafjarðarsýslu,
Neskaupstað, Egilsstöðum, Höfn,
Vestmannaeyjum, Selfossi' Hvera-
gerði og Þorlákshöfn.
Hraðast fækkar fólki á Vestfjörð-
um, t.d. um hátt í 600 manns síðan
1983. Fjöldi Vestfirðinga fór á þessu
ári niður fyrir 10 þúsund, sem ekki
mun hafa gerst í meira en 110 ár, en
þá bjuggu líka aðeins um 72 þús.
manns á íslandi öllu. - HEI
Jón B. sendir nýju stjórninni í Rúmeníu skilaboö:
Gangi ykkur vel
Tímanum hefur borist eftirfarandi
tilkynning frá utanríkisráðuneytinu:
Jón Baldvin Hannibalsson, utan-
ríkisráðherra, lýsir ánægju sinni með
myndun Þjóðfrelsisráðsins í Rúmen-
íu og fyrirheit ráðsins um að efna til
lýðræðislegra og frjálsra kosninga í
Rúmeníu í apríl n.k.
Utanríkisráðherra óskar hinni
nýju stjórn í Rúmeníu góðs gengis í
viðleitni hennar til að tryggja frið og
stöðugleika í landinu. íslensk stjórn-
völd fullvissa hina nýju stjórn enn-
fremur um fullan samstarfsvilja
þeirra í þessu efni.
Utanríkisráðherra hefur í dag fal-
ið sendiráði Íslandsí Moskvu, sem
jafnframt er sendiráð gagnvart Rúm-
eníu að koma þessum skilaboðum á
framfæri við rúmönsk stjórnvöld.
1208 með kvef
1208 Reykvíkingar þjáðust af Læknavaktarinnar sf.
kvefi eða öðrum veirusýkingum í Þá voru 63 með lungnabólgu og 14
efri loftvegum í nóvember sl. Þetta með hálsbólgu af völdum sýkinga.
kemur fram í yfirliti um farsóttir í Sex voru hrjáðir af einkirningasótt,
Reykjavíkurumdæmi í nóvember sex af hlaupabólu og einn af misling-
1989, samkvæmt skýrslum þriggja um. 119 voru með iðrakvef og einn
heilsugæslustöðva, eins læknis og rneð maurakláða. -ABÓ
SKIPULAG SJUKRATRYGGINGA
FRÁ ÁRAMÓTUM
Hinn 1. janúar 1990 taka gildi sem kunnugt er
breytingar á skipulagi sjúkratrygginga innan
almannatryggingakerfisins. Þá verða lögð niður
öll 40 sjúkrasamlög landsins og starfsemi þeirra
falin Tryggingastofnun rikisins. Sýslumenn og
bæjarfógetar munu frá 1. janúar 1990 taka að sér
umboð sjúkratrygginga utan Reykjavlkur, eins og
gilt hefur um aðra þætti almannatrygginga
hingað til, en aðalskrifstofurTryggingastofnunar
rlkisins að Laugavegi 114 og Tryggvagötu 28
munu annast sjúkratryggingar Reykvlkinga.
Miðað er við, að flestallar greiöslur, sem sjúkra-
samlögin hafa annast fram að þessu, fari fram
eftir breytinguna I viðkomandi umboðum Trygg-
ingastofnunar ríkisins hjá bæjarfógetum og
sýslumönnum eða I útibúum þeirra. Stefnt er að
því, að innan tveggja ára geti almenningur fengið
greiddar hvers kyns sjúkrabætur I hvaða umboði
sem er eða hjá aðalskrifstofunni I Reykjavík.
Þangað til verður það hins vegar meginreglan, að
hver og einn haldi sig við það umboð (í Reykjavík
aðalskrifstofu Tryggingastofnunar,) þar sem hann
á lögheimili. Séu hins vegar sérstakar ástæður
fyrir hendi svo sem tlmabundin dvöl vegna
atvinnu eða náms eða annars þess háttar, er I
lagi að skipta við annað umboð eða aðalskrif-
stofu. Þetta gildir þó ekki um greiðslur á sjúkra-
dagpeningum eða ferðakostnaði innanlands, en
þær verða fyrst um sinn eingöngu bundnar við
afgreiðslustað þar sem viðkomandi á lögheimili.
HVERT ATTU AÐ LEITA?
UTAN REYKJAVIKUR
í umboðum Tryggingastofnunar ríkisins
hjá bæjarfógetum og sýslumönnum og
mögulegum útibúum þeirra mun fólk
sækja áfram alla þá þjónustu, sem það
hefur hingað til sótt til síns sjúkra-
samlags, þó ekki afhendingu lyfja-
skírteina og endurgreiðslu á erlendum
sjúkrakostnaði. Vegna húsnæðiseklu
verða bæjarfógetar á nokkrum stöðum
á landinu að nýta tímabundið húsnæði
sjúkrasamlaganna fyrir þessa nýju
starfsemi. Gildir þettaá Akranesi,
Akureyri, í Hafnarfirði og Kópavogi
fyrst um sinn. I umboðunum ferþví
fram eftirtalin afgreiðsla til almennings:
a) Endurgreiðsla tannlæknareikninga,
sem ekki þarf að samþykkja sérstak-
legaaf hálfu Tryggingastofnunar.
b) Afgreiðsla sjúkradagpeninga til
sjúklinga með lögheimili á svæði
umboðsins.
c) Greiðsla vegna endurkræfs læknis-
hjálparkostnaðar.
d) Greiðsla vegna endurkræfs sjúkra-
flutningskostnaðar.
e) Greiðsla á ferðakostnaði sjúklinga
innanlands til þeirra, sem eiga
lögheimili ásvæði umboðsins.
f) Útgáfa skírteina til örorku- og ellilíf-
eyrisþega vegna 12 skipta hjá
sérfræðingum.
g) Útgáfa réttindaskírteina sjúkra-
trygginga.
h) Milliganga gagnvart aðalskrif-
stofunni á Laugavegi 114 í Reykjavík
vegna þeirrar starfsemi, sem
eingöngu fer fram þar.
IREYKJAVIK
1. Á skrifstofunni í Tryggvagötu 28 mun
fólk sækja áfram alla þá þjónustu, sem
það hefur hingað til sótt til Sjúkra-
samlags Reykjavíkur nema afgreiðslu
lyfjaskírteina og endurgreiðslu á
erlendum sjúkrakostnaði, sem hvort
tveggja verður á Laugavegi 114.
í Tryggvagötu fer því fram eftirtalin
afgreiðsla til almennings:
a) Endurgreiðsla tanniæknareikninga,
sem ekki þarf að samþykkja sérstak-
lega af hálfu Tryggingastofnunar.
b) Afgreiðsla sjúkradagpeninga til
Reykvíkinga.
c) Greiðsla vegna endurkræfs læknis-
hjálparkostnaðar.
d) Greiðsla vegna endurkræfs sjúkra-
flutningskostnaðar.
e) Greiðsla á ferðakostnaði sjúklinga
innanlands til Reykvíkinga.
f) Útgáfa skírteina til örorku- og ellilíf-
eyrisþega vegna 12 skipta hjá
sérfraéðingum.
g) Útgáfa réttindaskírteina sjúkra-
trygginga.
h) Val og skráning hjá heimilislæknum
í Reykjavík.
2. Á Laugavegi 114 mun fólk sækja
áfram þá þjónustu, sem það hefur
hingað til sótt til sjúkratryggingadeildar
Tryggingastofnunar ríkisins og auk
þess afgreiðslu lyfjaskírteina og endur-
greiðslu á erlendum sjúkrakostnaði.
A Laugavegi fer því fram eftirtalin
afgreiðsla til almennings:
a) Afgreiðsla hjálpartækjaumsókna.
b) Afgreiðsla tannlæknareikninga, sem
þurfa sérstakt samþykki Trygginga-
stofnunar til greiðslu.
c) Útgáfa lyfjaskírteina.
d) Greiðsla vegna læknismeðferðar
erlendis.
Þessi starfsemi verður eingöngu að
Laugavegi 114 fyrir allt landið.
Til að byrja með verða gömlu sjúkrasamlagsskírteinin látin halda gildi sínu þar til sérstök
sjúkratryggingaskírteini leysa þau af hólmi.
Þá skal áréttað, að framangreindar breytingar hafa engin áhrif á þjónustu lífeyris- og slysa-
trygginga, sem verður því með óbreyttum hætti á sömu stöðum og verið hefur.
TRYGGINGASTOFNUN
RÍKISINS