Tíminn - 16.01.1993, Blaðsíða 18

18 Tíminn
Laugardagur 16. janúar 1993
Keflavík — Keflavík
Þorrablót verður I Framsóknarhúsinu laugardaginn 16. janúar og hefst kl. 20.30.
Fjölmennum. Framsóknarfélögln
Kópavogur — Þorrablót
Þorrablót Framsóknarfélaganna I Kópavogi verður haldið að Digranesvegi 12 laug-
ardaginn 23. janúar og hefst kl. 19.30.
Boðið verður upp á úrvals þorramat og hljómsveit veröur að vanda. Miðaverð kr.
1.900,-.
Nánarí dagskrá auglýst slöar.
Upplýsingar hjá Sigurbjörgu, slmi 43774, og hjá Skúla Skúlasyni, slmi 41801.
Framsóknarfélögin I Kópavogl
Þingmenn Fram-
sóknarflokksins
Fundir og viðtals-
tímar
Ólafsfjörður
Sunnudagur 17. Janúar
Fundur með trúnaðarmönnum I Tjamarborg kl. 20.
Akureyri
Mánudagur 18. Janúar
Fundur með trúnaðarmönnum I Hafnarstræti 20 kl. 20:30.
Dalvík
Þriðjudagur 19. Janúar
Viðtalstlmi i Bergþórshvoli kl. 17:00-19:00.
Fundur með trúnaðarmönnum á Dalvlk og nágrenni kl.
20:30 I Bergþórshvoli.
Mývatnssveit
Miðvikudagur 20. Janúar
Almennur stjómmálafundur kl. 21 I Hótel Reynihllð.
Stórutjarnaskóli
Fimmtudagur 21. janúar
Almennur stjómmálafundur I Stórutjamaskóla kl. 21.
Akureyri
Föstudagur 22. Janúar
Viötalstlmi kl. 15-18 I Hafnarstræti 90. Hægt er að panta
viötalstlma I sima 21180.
Guðmundur Bjamason
Valgerður Sverrisdóttir
Jóhannes Geir Sigurgeirsson
Létt spjall
á laugardegi
Laugardaginn 16. janúar n.k. kl. 10.30-12.00 að Hafnar-
stræti 20, 3. hæð, mætir Sigrún Magnúsdóttir borgarfulltrúi
og ræðir fjárhagsáætlun Reykjavlkurborgar 1993.
Fulltrúaráðið
Sigrún
Allsherjaratkvæða-
greiðsla
Allsherjaratkvæðagreiðsla verður viðhöfð við kjör stjómar, trúnað-
armannaráðs og endurskoöenda fyrir næsta kjörtímabil.
Tillögur skulu vera samkvæmt A-liö 19. greinar í lögum félagsins.
Tillögum, ásamt meðmælum hundrað fullgildra félagsmanna, skal
skila á skrifstofu félagsins, Skólavörðustíg 16, eigi síöar en kl. 11
fyrir hádegi þriðjudaginn 26. janúar 1993.
Kjörstjórn Iðju.
Innkaupastofnun Reykjavíkurborgar, f.h. Gatnamálastjórans í
Reykjavík, leitar tilboða í kaup á gangstéttarhellum.
Magn:
40 x 40 x 5 cm 5.000 stk.
40 x 40 x 6 cm 45.000 stk.
Síðasta afhending er 15. júní næstkomandi.
Útboðsgögn verða afhent á skrifstofu vorri, Fríkirkjuvegi 3,
Reykjavík, gegn kr. 5.000,- skilatryggingu.
Tilboðin verða opnuð á sama stað fimmtudaginn 28. janúar
1993, kl. 11,00.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800 .
Ingimar Eydal
Fæddur 20. október 1936
Dáinn 10. janúar 1993
Á milli vina þögnin geymir
þelið hlýtt.
Það yrði, tjáð með orðagjálfri,
einskis nýtt.
Hjartans þökk. Guð fylgi þér.
„Hvað ber nýtt ár í skauti sér?“
spurði Ingimar Eydal í útvarpsvið-
tali á Bylgjunni á nýjársdag.
Þessi spuming — hreinskilin, ein-
Iæg, eins og Ingimar var. Spurning
sem við öll, sem fylgdumst með
Ingimari, spurðum í hljóði. Hann
spurði upphátt. Það var spurt um líf
eða dauða, hvort hefði betur í þess-
ari hörðu baráttu þar sem lífsviljinn
var svo sterkur og svo margt að lifa
fyrir.
Ingimar kvæntist Ástu systur
minni 30.12.1961. Kynni okkar voru
ekki mikil á fyrstu árunum, en eftir
að ég eignaðist eigin fjölskyldu urðu
kynnin að vináttu sem óx með árun-
um. Við fórum saman ógleymanlega
ferð 1983 þar sem við ókum um
Evrópu, skoðuðum mannlíf, tækni-
söfn og skemmtigarða. Settum nið-
ur tjöld að kveldi og tókum saman
að morgni. 1985-1986 fór Ingimar í
endurmenntun í Kennaraháskóla
íslands, Ásta tók viðbót í sjúkraliða-
náminu. Þá bjuggu þau á neðri
hæðinni hjá okkur og sá vetur leið
alltof hratt. Það voru góðar stundir,
einkum þó á laugardagsmorgnum
yfir kaffibolla og léttu spjalli.
Ásta og Ingimar eiga 4 böm: Guð-
nýju Björk, f. 21.5.1962, sambýlis-
maður Tómas Bjarnason, þau eiga 2
syni og eru þau við nám í Gauta-
borg; Ingu Dagnýju, f. 19.7.1963,
kvænta Davíð Valssyni, þau eiga 1
son, Inga er söngkona og hjúkrun-
amemi á Akureyri; Ingimar, f.
26.6.1966, sambýliskona Anna Sig-
rún Rafnsdóttir, Ingimar er við nám
í Háskóla íslands; Ásdísi Eyrúnu, f.
3.7.1975, Ásdís er nemi í Verk-
menntaskóla Akureyrar.
Ingimar var mikill fjölskyldufaðir
og börnum sínum einstakur faðir.
Hvað er bami og unglingi betra en
ást foreldra og trú og traust á ein-
staklinginn? Slíkur jarðvegur er
hverjum einstaklingi, sem upp úr
honum vex, ómetanlegt veganesti út
ílífið.
Ingimar var um margt einstakur
maður. Það var mannbætandi að fá
að vera honum samferða. Hann
hafði ákveðnar skoðanir, sem hann
hvikaði ekki frá. Hann var fram-
sóknarmaður af hugsjón, bindindis-
maður, hann hafði sterka siðferðis-
og réttlætiskennd og afar ríka þjóð-
emiskennd. Alla tíð keypti hann
fyrst og fremst vörur, sem fram-
leiddar voru á íslandi og helst á Ak-
ureyri.
Lífsstarf Ingimars var kennsla og
tónlist, og eins og með annað gaf
hann sig allan f það.
Við höfum fengið svar við spurn-
ingunni hans Ingimars, spumingu
okkar allra. Svar sem setti okkur
hljóð. Svar sem kallaði fram aðra
spumingu: Ó Guð, hversvegna
hann?
Elsku Ásta mín, Guðný, Inga, Marri
og Dísa, megi Guð leiða ykkur í
gegnum þessa köldu, dimmu vetrar-
daga.
Blessuð sé minning Ingimars Ey-
dals. Birgir og Sesselja
IfS A S JWi SJP
V________________________________/
„Síst vil ég tala um svefn við þig.“
(Jiau Hallgrímsson)
Einhvem veginn finnst mér að ég
hafi aldrei skilið harm Jónasar við
lát séra Tómasar Sæmundssonar
eins vel og nú, þegar Ingimar Eydal
er í val fallinn á besta aldri. Engan
þekkti ég dugmeiri, engan fjölhæf-
ari, engan trúrri vinum sínum og
þjóð. Óþreytandi var hann í barátt-
unni fyrir bjartri framtíð, fögru
mannlífi, vímulausum lífsháttum.
Síðast töluðum við saman á Þorláks-
dag. Bjartsýni, kjark og rósemi brast
hann ekki þá fremur en endranær.
Og mér fannst hann hlyti að verða
heill með hækkandi sól.
En það átti ekki fyrir Ingimar Eydal
að liggja að verða gamall. Samt hef-
ur maður um langan aldur vart
minnst Akureyrar svo að hann kæmi
manni ekki í hug. Svo drjúgan hlut
átti hann í þeim hugblæ sem gæðir
Akureyri sérstæðum töfrum, gerir
bæinn norrænni og evrópskari en
aðra staði á íslandi. Slíkt er ekki al-
gengt um menn, jafnvel ekki snill-
inga. En Ingimar var enginn venju-
legur maður. Hann var nánast heil
stofnun. Ef fólk langaði til að flytja
eitthvað af hugblæ Akureyrar suður
— eða langt út í löndin — þá var
nægilegt að sækja hann, enda erfitt
að flytja veðráttu og Vaðlaheiði.
Snjall var hann við hljóðfærið. Það
vissu flestir. En hann átti miklu
fleiri strengi í næmri sál sinni en
þann sem af flugu tónar. Hugurinn
var frjór, viljinn einbeittur, tilfinn-
ingarnar djúpar. Þess vegna var
hann aldrei yfirborðslegur, sjálf-
hverfur, óheill. Þess vegna náði
hann að veita svo mörgum hlutdeild
í lífsskynjun góðs listamanns. Þess
vegna sló hann hinn hreina tón.
Menn á borð við Ingimar Eydal eru
það sem ritningar helgar nefna salt
jarðar og Ijós heimsins. Þeir gefa
það mikið af sjálfum sér, brenna það
björtum loga að í raun er undarlegt
að þeir fuðri ekki upp sem blys á til-
tölulega skammri stund. Manni
verður á að spyrja: Hvað gaf honum
þann kraft sem stundum virtist of-
urmannlegur, þá starfsorku sem
manni finnst óhugsandi að sé nú að
engu orðin? Svarið er vinum hans
að nokkru ljóst. Hann var óvenju vel
af Guði gerður, hann fékk þeirrar
konu sem honum var fyllilega sam-
boðin og þau eignuðust mannvæn-
leg börn. Hamingju sína galt hann
okkur með því að vera slíkur sem
hann var.
Við hjónin vottum Ástu Sigurðar-
dóttur og fjölskyldunni allri djúpa
samúð, minnumst Ingimars Eydals
með virðingu og þökk og í hug
koma hendingar Þorsteins Valdi-
marssonar:
„Sumir kveðja,
ogsíðan ekki
söguna meir.
Aðrir með söng
er aldrei deyr.“
Ólafur Haukur Ámason
Krakkar í kuldanum
Frozen Assets ★★
Handrit: Don Klein og Tom Kartozian.
Framleiðandi: Don Klein.
Leikstjóri: George Miller.
Aðalhlutverk: Shelley Long, Corbin
Bernsen, Larry Miller og Dody Good-
man.
Laugarásbíó.
Öllum leyfö.
Sjónvarpstjörnurnar Shelley Long
(Staupasteinn) og Corbin Bernsen
(Lagakrókar) leika aðalhlutverkin í
þessari miðlungs gamanmynd. Þau
hafa leikið saman áður í myndinni
Hello Again, sem vakti litla athygli
áhorfenda. Krakkar í kuldanum
(þvfiík þýðing) er heldur skárri
mynd, en það er nú varla þeim að
þakka, því Larry Miller skyggir á þau
nær allan tímann..
Bernsen leikur framapotara, sem er
sendur f krummaskuðið Hobart í
Oregonfylki af forstjóra sfnum og er
ætlað að koma lagi á rekstur banka í
eigu stjórans. Ef honum tekst vel
upp, fær hann varaforstjórastöðu
hjá fyrirtækinu, en stjóranum láðist
að nefna að um sæðisbanka er að
ræða. Eini starfsmaður bankans er
Long og að sjálfsögðu líkar þeim illa
hvort við annað í byrjun. Bernsen
nýtir sér markaðslögmálin og efnir
til verðlaunasamkeppni í bænum
um mesta sæðisskammtinn, sem
setur allt á annan endann. Hann
kynnist hinum snarruglaða Miller,
sem segist vera ríkasti og gáfaðasti
maður í heimi miðað við smæð, og
ræður hann í vinnu.
Það er fátt nýtt á ferðinni hér og
endirinn kemur engum á óvart. Það
koma fram flestar af sömu smábæj-
arpersónunum og sést hafa í öðrum
myndum. AJIir eru ofsalega ham-
ingjusamir og lifa í sátt og samlyndi,
en margir eru engu að síður
heimskir og ruglaðir. Þetta hefur
sína kosti og galla. Marga fleti má
sjálfsagt finna á fólki í smábæjum,
eins og það birtist í bandarískum
myndum, en stundum vill það
brenna við að brandararnir hafi sést
áður.
Um leikarana er það að segja að
þeir standa sig flestir með ágætum,
en Larry Miller er þó langbestur.
Hann vekur oftast hlátur, þegar
hann er í mynd, og persóna hans er
áberandi vel skrifuð í sæmilegu
handriti. Corbin Bernsen leikur
hlutverk sitt áreynslulaust, enda
keimlíkt hlutverki hans í Lagakrók-
um. Meira að segja fatnaður hans er
svipaður og í þáttunum. Shelley
Long er langt frá því að vera uppá-
haldsleikkona mín, en hún á sína
spretti hér, ég verð víst að viður-
kenna það.
, Krakkar í kuldanum er eins og áð-
ur sagði miðlungs gamanmynd, sem
kemur fáum á óvart. Fyndnar per-
sónur eru nokkrar og sumir brand-
ararnir áberandi góðir.
Örn Markússon
Afmælis- og minningargreinar
Þeim, sem óska birtingar á afmælis- og/eða minningargreinum
í blaðinu, er bent á, að þær þurfa að berast a.m.k. tveimur
dögum fyrir birtingardag. Þœr þurfa að vera vélritaðar.