Réttur - 15.07.1935, Blaðsíða 31

VII. heimsþing Alþjóða-
sambands kommúnista.
VII. heimsþing Alþjóðasambands kommúnista, sem
sett var í Moskva 25. júlí, mun marka mikilsverð tíma-
mót í sögu verkalýðshreyfingarinnar. Síðan VI. heims-
þingið var háð fyrir sjö árum, hefir farið fram hraðfara
þróun tveggja heima. Heimur sósíalismans hefir stigið
tröllaukið skref í áttina til framtíðartakmarksins, hins
stéttlausa kommúnistíska skipulags. Hann hefir full-
komnað sína fyrstu 5-ára-áætlun og er hálfnaður með
aðra 5-ára-áætlunina. Nýbygging sósíalismans er langt
á leið komin í ríki verkalýðsins. Leifum fortíðarinnar
hefir verið útrýmt. Rússneski verkalýðurinn hefir að
fullu varpað af sér oki hinnar fyrri kúgunar, eymdar og
réttleysis og skapað sér nýjan heim efnalegra og and-
legra gnægta. Hann hefir skapað sér nýja, mönnum
samboðna menningu.
Samtímis hefir farið fram jafn-hraðfara þróun auð-
valdsheimsins norður og niður á við. Hann er skekinn
af þeirri hörðustu og langvinnustu kreppu, sem sagan
þekkir. Eymdin vex meðal verkalýðs og allrar alþýðu,
atvinnuleysi og hungur færist í aukana. Burgeisastéttin
grípur til fasismans á sífellt óskammfeilnari hátt og
eykur þar með ekki aðeins hina efnalegu kúgun alþýð-
unnar, heldur og hina andlegu áþján á öllum sviðum.
Dýrslegt grimmdaræði verður síðasta vopn hennar
gagnvart verkalýðnum. Menningarlegt myrkur færist
yfir auðvaldsheiminn. Nýtt heimsstríð verður úrræði
burgeisastéttarinnar út úr öllum þessum ógöngum.
Styrjöldin stendur fyrir dyrum og ógnar með því að
drekkja heiminum í allsherjar blóðflóði.
Þessi þróun er í einu og öllu samhljóða því, sem VI.
heimsþing Alþjóðasambands kommúnista 1928 og fund-
ir framkvæmdanefndar Alþjóðasambandsins, sem síðan
hafa verið haldnir, sögðu fyrir. Þróunin hefir að fullu
151