Réttur - 01.01.1987, Blaðsíða 13
40 ára
ránsferill „íslensku“
yfirstéttarinnar
„Stelirðu litlu og standirðu lágt,
í steininn settur verður;
er stelirðu miklu og standirðu hátt
í stjórnarráðið t'erðu. “
Eignarrétturinn er verndaður samkvæmt stjórnarskránni — og skal hverjum
manni bæta að fullu, ef hann er sviptur eign sinni. — Þó gildir þetta í raun aðeins
ef um ríka menn er að ræða. Rík yfírstétt má stela af vinnandi fólki og þjóðar-
heildinni eins og hún getur — og með hinum ýmsu aðferðum.
Árið 1947 náði yfírstéttin á Islandi fullum tökum á efnahagslífínu — með
bandarískri aðstoð, Marshallhjálpinni, — ánetjaðist „Mammonsríki Ameríku“
og hefur nú í 40 ár reynt með ráðum og aðstoð þess valds að reita til sín — og
yfírdrottnara sinna — arðinn af vinnu almennings og eignir bæjarfélaga og þjóð-
arheildar, þó nokkur hlé hafi orðið á ránsskapnum um tíma, er alþýðan reis upp
til varnar — með róttækum ríkisstjórnarmyndunum og verkföllum.
En nú virðist yfirstéttin að kosningum
loknum ætla að margfalda ránin og falla
dýpra að fótum erlenda kúgarans, — og
fá fyrir enn meira fé, — ef þjóðin ekki
opnar augun fyrir hættunum.
Aðferðir ránanna hafa veirð marg-
breytilegar.
I.
Að stela með dollaraskráningu
Árið 1950 hófst kaupránið, er dollarinn
var hækkaður úr 6,50 kr. í 16,32 kr. Var
það vafalítið gert í samráði við banda-
rísku yfirdrottnarana í Alþjóðagjaldeyr-
issjóðnum. Átti þá að lögbinda að hækka
skyldi dollarinn, ef kaup væri hækkað, en
Alþingi þorði þá enn ekki að ganga svo
opinskátt til verks í kaupgjaldsráni.1
En yfirherrunum í Washington þótti
Alþingi of svifaseint í kaupránsherferð-
inni og því létu þeir þjóna sína: ríkis-
stjórn „Sjálfstæðisflokks" og Alþýðu-
flokks svifta Alþingi gengisskráningar-
valdinu með bráðabirgðalögum og af-
henda það Seðlabankanum og ríkisstjórn.
Kom þá fullur kraftur á kaupránin:
dollarinn var 700-faldaður á 37 árum.
1981 liafði hann veriö 100-faldaður frá
1948. Voru þá tvö núll skorin aftan af og
dollarinn settur 7 kr., en síöan sexfaldað-
ur frani til 1985 að nýjar aðferðir voru
uppteknar. (1985 var dollarinn 42 kr.).
13