þyrfti. Enda hafa þessi mál alla tíð skipað öndvegi í starfi félagsins." Þegar Dagsbrún var stofnuð mun al- gengast tímakaup verkamanna hafa verið 18-25 aurar yfir vetrarmánuðina en 25-30 aurar sumarmánuðina. Á stofnfundinum 26. janúar 1906 voru gerðar samþykktir um kaupgjald og vinnutíma. Þetta var gert á þann hátt, að lög félagsins voru í tvennu lagi, hin venju- legu félagslög og aukalög með ákvæðum um kaupgjald, vinnutíma og önnur vinnu- skilyrði. Vinnutíminn var ákveðinn frá kl. 6 að morgni til kl. 6 að kvöldi. Um matartíma er ekkert sagt, en gengið mun hafa verið út frá einum klukkutíma til matar eins og tíðkast hafði áður, og kaffi- tímum, einu sinni eða tvisvar á dag. Venjulegur dagvinnutími var því 11 klst. á dag. Þessi vinnutími hélst óbreyttur allt til ársins 1930, nema hvað skýrari ákvæði voru sett um matar- og kaffitíma. í fyrstu aukalögunum var kaupið ákveð- ið 25 aurar á klukkustund á tímabilinu 1. október til 1. apríl og eftirvinna 35 aurar. Frá 1. apríl til 1. október máttu menn ekki vinna fyrir lægra kaupi en 30 aurum á klukkustund í dagvinnu og 35 aurum í eftirvinnu. Á sunnudögum máttu menn ekki vinna nema nauðsyn krefði og skyldi kaupið þá vera 50 aurar til kl. 7 að kvöldi og 65 aurar eftir það. Aukalögin með þessum kjaraákvæðum gengu í gildi 1. febrúar 1906 og munu atvinnurekendur strax hafa virt þau. Eðvarð vitnar til Alþýðublaðsins (gamla), frá 11. febrúar 1906. Það skrifar Pétur G. Guðmundsson meðal annars: „Kröfurnar eru svo vægar, að félagið væri einskis virði væru þær vitund vægari." En þrátt fyrir þessar auðmjúku kröfur verkamanna skýrðu blöð andstæðinganna „Reykjavíkin" og „Dagblaðið" frá því Tryggvi Emilsson um haustið að „vinnulaun hefðu hækkað í ár geipilega hér í Reykjavík fyrir samtök verkamanna" og kvarta jafnframt um að menn haldi ekkert betur áfram við vinn- una en þeir gerðu áður. Kaupgjaldsákvæði fyrstu aukalaganna giltu þar til í ársbyrjun 1908, en þá var breytt þannig til að greiða skyldi 30 aura á klst. í dagvinnu allt árið. Þannig hélst kaupið til 1913, en þá var kaup síðast ákveðið með aukalögum félagsins. Eftir það var kaup ákveðið með auglýstum taxta eða samningum, sem þó var miklu sjaldnar allt fram að árinu 1937. Um aukalögin eða taxtann 1913 urðu nokkur átök og auglýstu atvinnurekendur annan taxta og ætluðu að lengja vinnu- daginn á ný. Þessu lauk með samkomu- lagi og hækkaði kaupið þá í 35 aura í dag- vinnu frá 1. apríl. 53
Beinir tenglar