Morgunblaðið - 13.12.2006, Blaðsíða 33
MORGUNBLAÐIÐ MIÐVIKUDAGUR 13. DESEMBER 2006 33
væru að gera þá héldu þær að þær
væru að gera at hjá Hafdísi en fóru
íbúðavillt og þar var enginn heima.
Þegar þær vissu að þetta var ekki
íbúðin hennar Hafdísar þá fóru þær
bara og bönkuðu hjá henni og fengu
sinn sleikjó og komu heim.
Svandís Þula fékk tvisvar sinnum
að fara með Björk í Íþróttaskólann
og var það mjög mikið sport og
Björk fékk einu sinni að fara með
henni og horfa á hana í ballett og
fannst Björk það mjög merkilegt og
þegar hún kom heim þá klæddi hún
sig í ballerínubúning sem hún átti og
var hún í honum það sem eftir var
dagsins.
Svandís Þula og Björk voru dug-
legar að leika sér saman. Það slettist
oft upp á vinskapinn en það varði yf-
irleitt mjög stutt og voru þær komn-
ar í góðan leik augnabliki síðar. Þær
voru ekkert að klaga hvor aðra held-
ur leystu bara úr sínum málum sjálf-
ar. Ef maður fór inn í herbergi til að
skipta sér af þá fékk maður klögu-
málin yfir sig þannig að það var best
að láta þær sjá um sín mál sjálfar,
enda kunnu þær það best.
Við áttum mjög erfitt með að segja
Björk frá því að Svandís Þula væri
dáin. Hvernig útskýrir maður það
fyrir fjögurra ára barni? Áður en við
vorum búin að segja henni frá þessu
þá fór hún að segja okkur frá ein-
hverju rifrildi sem hún hafði lent í
við Svandísi Þulu og þegar við vorum
eitthvað að spyrja hana út í það þá
segir hún: „En ég vil alltaf Svandísi
Þulu“.
Við viljum ekki kveðja Svandísi
Þulu hinstu kveðju því vonandi eig-
um við einhvern tíma eftir að sjá
hana aftur. Við vottum öllum hennar
ættingjum samúð okkar alla. Hrefna
Björk, Ásgeir, Pálmi Freyr og Nóni
Sær, við samhryggjumst ykkur af
öllu okkar hjarta.
Kristín, Ragnar, Brynja
og Björk.
Sunnudaginn 3. desember stóðu
yfir foreldrasýningar í Ballettskól-
anum. Slíkar sýningar eru stórar
fyrir litlar ballerínur og eru þær
ávallt fullar tilhlökkunar að fá að
sýna sínum nánustu hversu mikið
þeim hefur farið fram. Mér bárust
sorgartíðindi að morgni þessa dags,
Svandís Þula hafði lent í hræðilegu
bílslysi daginn áður.
Svandís Þula var þriggja og hálfs
árs þegar hún steig sín fyrstu spor í
Ballettskóla Eddu Scheving. Hún
var lítil og nett, ljós og fögur, ein-
staklega blíð og brosmild. Hún var
afar áhugasöm og lærði fljótt og vel
öll spor og posisjónir. Svandís Þula
kom til að byrja með alla leið frá Þor-
lákshöfn, en missti þó ekki úr marga
laugardaga. Ég sjálf lít á það sem
ferðalag að aka austur fyrir fjall en
foreldrar Svandísar Þulu töldu það
ekki eftir sér að keyra litlu stúlkuna
sína til Reykjavíkur í ballett. Ekki há
í loftinu hafði hún stigið á svið í
Borgarleikhúsinu sem lítið fiðrildi og
í hlutverki regnbogans á nemenda-
sýningum skólans. Í haust byrjaði
hún sinn þriðja vetur í skólanum,
alltaf jafn blíð, stillt og prúð eins og
sannri ballerínu sæmir.
Það var erfitt að hugsa til þess
þennan sunnudag að innan um allar
litlu ballerínurnar mínar vantaði sér-
staklega eina sem kölluð var svo
sviplega burt frá fjölskyldu sinni.
Lítill engill svífur nú um eins og fiðr-
ildi í æðri sölum. Fjölskyldu Svan-
dísar Þulu og öðrum ættingjum og
vinum sendi ég mínar innilegustu
samúðarkveðjur. Megi Guð vernda
ykkur öll og styrkja á þessum erfiðu
tímum.
Brynja Scheving,
ballettkennari.
Okkur langar að minnast með
nokkrum orðum Svandísar Þulu vin-
konu okkar. Hún var nemandi hjá
okkur í leikskólanum Bergheimum
og eftir að hún flutti til Reykjavíkur
var hún dugleg að koma í heimsókn
og halda tengslum. Svandís Þula var
um margt sérstakt barn, hún var
einstaklega félagslynd og ein af
fáum sem gátu leikið við stóran hóp
barna. Hún var málamiðlari og gat
ekki hugsað sér að skilja nokkurn út-
undan. Við minnumst síbrosandi
„skellibjöllu“ með fallegustu augu í
heimi, með dillandi og smitandi hlát-
ur. Hún var mikil dama í klæðaburði,
pils og kjólar í uppáhaldi og fötin iðu-
lega bleik.
Hárið stuttklippt en alltaf puntað
með teygjum og spennum.
Hún var óskaplega kelin og þótti
gott að klappa og strjúka og fá að
hjúfra sig upp við hálsakot. Hennar
verður sárt saknað af vinum bæði í
barna- og starfsmannhópnum í leik-
skólanum Bergheimum. Það voru
okkar forréttindi að kynnast henni
og lífsviðhorfum hennar.
Foreldrum hennar, Hrefnu og Ás-
geiri, bræðrunum Pálma og Nóna
Sæ og öðrum aðstandendum sendum
við okkar innilegustu samúðarkveðj-
ur.
Fyrir hönd allra í leikskólanum
Bergheimum,
Helena deildarstjóri Huldu-
heima og Ásgerður leik-
skólastjóri.
Fréttin um andlát Svandísar kom
eins og þruma úr heiðskíru lofti,
hver á von á því að barn sem er að
hefja lífshlaup sitt sé kallað svo
skyndilega í burtu frá okkur? Eftir
sitjum við og reynum að hugga lítil
skólasystkini hennar sem skilja
þetta ekki frekar en við sem fullorðin
erum. Svandís Þula kom til okkar á
Blásali í sumar og féll strax vel inn í
hópinn. Hún var áhugasöm og dug-
leg í öllu starfi og leik en það sem
einkenndi hana öðru fremur var
glaðværð hennar. Við sem hjá stönd-
um getum beðið góðan Guð að varð-
veita sálu og huga litla barnsins sem
Guði lá svo mikið á að kalla til sín.
Um leið og við biðjum fyrir bróður
hennar Nóna Sæ sem berst hetju-
legri baráttu, sendum við okkar inni-
legustu samúðarkveðjur til fjöl-
skyldunnar og biðjum engla Guðs að
vaka yfir og varðveita minningu ykk-
ar um litla engilinn á himnum, Svan-
dísi Þulu.
Starfsfólk og börn á Blásölum,
Margrét Elíasdóttir.
Svandís Þula byrjaði í leikskólan-
um Blásölum síðasta sumar. Við
minnumst þess dags þegar hún byrj-
aði þar sem hún skýldi sér á bak við
mömmu sína og vildi ekki mikið við
okkur tala. En feimnin var fljót að
renna af Svandísi Þulu og hún kom
eftir það á hverjum degi með bros á
vör og oft fylgdi knús með. Hún var
fljót að vinna hug og hjörtu okkar
allra með glaðværð sinni. Svandís
Þula varð fljótlega mjög vinsæl hjá
hinum börnunum enda mjög hug-
myndarík og það var einstaklega
gaman að fylgjast með henni í leik
með öðrum börnum. Hún var með
eindæmum hjálpsöm og fljót að
bjóða fram aðstoð sína þegar einhver
þurfti á að halda. Svandís Þula var
áhugasöm og glöð í leikskólanum.
Hvort sem það var vinna í listakrók
eða hreyfing í sal tók hún þátt af full-
um krafti og oft heyrðist smitandi
hlátur hennar um leikskólann.
Við sem eftir sitjum geymum
minningu Svandísar Þulu í hjörtum
okkar og biðjum Guð að vaka yfir
fjölskyldu hennar á þessum erfiðu
tímum.
Nú legg ég augun aftur,
ó, Guð,þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil svo ég sofi rótt.
(S. Egilsson)
Kveðja frá Rauðu deildinni,
Rósa Íris Ólafsdóttir.
Við lékum okkur fallega saman
bæði úti og inni. Þú varst svo dugleg
að spila Veiðimann og Slönguspilið
og þú vannst oft. Svandís, þú varst
svo falleg.
Okkur langar að fá þig aftur en við
leikum bara við þig í draumum okk-
ar. Vonandi líður þér vel þar sem þú
ert núna.
Við förum með þessa bæn á hverju
kvöldi:
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesú, að mér gáðu.
(Ásmundur Eir.)
Þínar vinkonur
Salka og Mist.
✝
Ástkær móðir okkar, tengdamóðir, amma og langamma,
GUÐLAUG KLEMENSDÓTTIR,
Víðinesi,
Reykjavík,
andaðist á hjúkrunarheimilinu Víðinesi laugardaginn 9. desember.
Kristján Gunnarsson, Áslaug Jóhanna Guðjónsdóttir,
Ólafur Rúnar Gunnarsson, Steingerður Steingrímsdóttir,
Guðlaugur Gunnarsson, Guðný Rósa Magnúsdóttir,
barnabörn og barnabarnabörn.
✝
Okkar ástkæri
GUÐBRANDUR STEFÁNSSON
bóndi,
Hólum, Dýrafirði,
lést á heimili sínu föstudaginn 8. desember sl.
Útförin verður auglýst síðar.
Fyrir hönd aðstandenda,
Sigrún Stefánsdóttir,
Haraldur Stefánsson,
Friðbert Kristjánsson, Ásta Kristinsdóttir.
✝
Elskuleg móðir okkar, tengdamóðir, amma og lang-
amma,
GUÐFINNA ÓLAFSDÓTTIR,
Gerðakoti 2,
Álftanesi,
lést sunnudaginn 10. desember sl.
Jarðsungið verður frá Bessastaðakirkju föstudaginn
15. desember kl. 15.00.
Blóm og kransar vinsamlega afþakkaðir. Þeim sem
vilja minnast hennar er bent á líknarstofnanir.
Sigríður Karlsdóttir, Sigurður G. Thoroddsen,
Ólöf Björg Karlsdóttir, Jósep Guðmundsson,
Ingveldur Karlsdóttir,
Ólafur Karlsson, Kristín Bjarnadóttir,
Þorsteinn Helgi Karlsson,
barnabörn og langömmubörn.
✝
Ástkær faðir minn, tengdafaðir og afi,
HÁLFDÁN H. SVEINSSON
frá Sauðárkróki,
(Hálfdán í Segli),
verður jarðsunginn frá Digraneskirkju föstudaginn
15. desember kl. 13.00.
Ásta Hálfdánardóttir, Sigurjón Ámundason,
Hálfdán Sigurjónsson,
Páll Sigurjónsson, Chomyong Yongngam.
✝
Bróðir okkar og mágur,
SVAVAR GUÐMUNDSSON,
Tryggvagötu 6,
Reykjavík,
lést á Landspítalanum í Fossvogi föstudaginn
1. desember.
Útför hans var gerð í kyrrþey frá Fossvogskapellu
föstudaginn 8. desember.
Ásgeir Guðmundsson,
Guðlaug Þórdís Guðmundsdóttir, Magnús Matthíasson,
Jóhanna Elín Guðmundsdóttir,
Guðný Guðmundsdóttir, Hermann Guðmundsson,
Flosi Guðmundsson,
Svanhildur Guðmundsdóttir, Ólafur Ingólfsson.
✝
Elskuleg eiginkona mín, móðir okkar, tengdamóðir,
amma og langamma,
MARÍA SONJA HJÁLMARSDÓTTIR,
Hlíðarvegi 12,
Ísafirði,
verður jarðsungin frá Vídalínskirkju föstudaginn
15. desember kl. 13:00.
Jarðsett verður frá Garðakirkjugarði.
Kristján R. Finnbogason,
Anna Kristín Hauksdóttir, Þorsteinn Sigtryggsson,
Gísli Hjálmar Hauksson,
Halldór Sveinn Hauksson, Sigurlaug R. Halldórsdóttir,
Birna Guðbjörg Hauksdóttir, Þröstur Eiríksson,
Guðrún Hrefna Sigurðardóttir, Ólafur Högnason,
María Sonja Thorarensen, Thomas Rognli,
Kristinn Finnbogi Kristjánsson,
Jón Brynjar Kristjánsson, Júlíanna Ingimarsdóttir,
barnabörn og barnabarnabörn.
✝
Elskulegur sonur okkar og faðir,
KRISTINN STEINAR KARLSSON
húsasmíðameistari,
Bugðulæk 20,
Reykjavík,
sem lést sunnudaginn 3. desember verður jarðsung-
inn frá Laugarneskirkju föstudaginn 15. desember
kl. 13.00.
Karl Kristinsson, Bjarndís Friðriksdóttir,
Perla Dís og Birta Líf Kristinsdætur.
✝
Systir okkar og mágkona,
SIGRÍÐUR KRISTINSDÓTTIR,
Öngulsstöðum,
Eyjafjarðarsveit,
sem lést á hjúkrunarheimilinu Seli föstudaginn
8. desember, verður jarðsungin frá Munkaþverár-
kirkju föstudaginn 15. desember kl. 13.30.
Helga Kristinsdóttir,
Ásta Kristinsdóttir, Hörður Frímannsson,
Guðrún Kristinsdóttir,
Þórdís Kristinsdóttir,
Regína Kristinsdóttir,
Baldur Kristinsson, Elín Methúsalemsdóttir
og fjölskyldur.