Morgunblaðið - 15.04.2007, Blaðsíða 56

56 SUNNUDAGUR 15. APRÍL 2007 MORGUNBLAÐIÐ
MINNINGAR
✝ Helgi ÞórBjarnason
fæddist á Skaga-
strönd 24. ágúst
1949. Hann lést á
sjúkrastofnun í
Øksfjord í Noregi
1. mars síðastlið-
inn. Foreldrar hans
voru hjónin Ás-
mundur Bjarni
Helgason skipstjóri
f. 30. nóvember
1903, d. 30. desem-
ber 1983 og Lilja
Brynhildur Ás-
mundsdóttir f. 23. september
föður sínum á Stíganda HU 9 á
sumrin, hann lærði snemma að
vinna. Helgi lauk vélstjóra- og
skipstjóranámi með góðum
námsárangri. Einnig lauk hann
einkaflugmannsprófi um sama
leyti. Eftir nám var Helgi vél-
stjóri á fiski- og fraktskipum
bæði hér heima og erlendis. Þá
vann hann í landi við trygg-
ingamat á skipum í nokkur ár.
Helgi fluttist til Øksfjord í Nor-
egi fyrir nokkrum árum og síðan
til Nuvsvåg en þar var hann vél-
stjóri á norskum bát til dauða-
dags.
Útför Helga var gerð í kyrr-
þey frá Fossvogskapellu 4. apríl
síðastliðinn. Jarðsett var við hlið
systur hans í Gufuneskirkju-
garði.
1923, d. 2. apríl
1990. Helgi ólst upp
á Skagaströnd
ásamt fjórum systk-
inum sínum, þeim
Maríu f. 1948, d.
1984, Skúla f. 1952,
Kjartani f. 1954 og
Birnu f. 1956.
Helgi kvæntist
Sjöfn Ragnarsdóttur
15. júní 1985 og
eiga þau saman son-
inn, Smára Helga-
son f. 1. ágúst 1985.
Þau slitu samvistum.
Helgi byrjaði ungur á sjó með
Elsku Helgi minn.
Nú fæ ég ekki lengur símtöl frá
Noregi, þar sem sagt er: Blessuð
elsku Binna mín, er ekki allt gott að
frétta, ég hef það gott, bið að heilsa
öllum. Þau voru ekki margorð sím-
tölin okkar systkinanna því að þú
varst yfirleitt úti á sjó þegar þú
hringdir en við skildum hvort annað
og hugsuðum þess meira. Eftir að
Helgi fluttist til Noregs höfðum við
gott samband eins og alltaf áður.
Alltaf var hann á leiðinni heim til Ís-
lands í heimsókn og var ákveðinn í að
fara heim á Skagaströnd í sinn fæð-
ingarbæ þar sem foreldrar okkar
hvíla. En margt fer öðruvísi en ætlað
er.
Helgi lést á sjúkrastofnun í Øks-
fjord 1. mars síðastliðinn mjög
óvænt, aðeins 57 ára gamall. Við
héldum að við ættum meiri tíma
saman. En vonandi ert þú kominn í
hópinn með Maju, mömmu og pabba
sem öll eru látin og taka örugglega
vel á móti þér.
Elsku bróðir, ég þakka öll árin
sem við áttum saman. Guð geymi son
þinn Smára og vaki yfir honum.
Ljúfi drottinn lýstu mér,
svo lífsins veg ég finni,
láttu ætíð ljós frá þér
ljóma í sálu minni.
(Gísli á Uppsölum.)
Elsku bróðir minn, takk fyrir öll
símtölin og góðu stundirnar. Þín
systir
Birna.
Kæri bróðir, nú er komið að
kveðjustund og ég vil þakka allar
þær stundir sem við höfum átt sam-
an í blíðu og stríðu. Margs er að
minnast, minning um glaðlyndan
bróður, alltaf stutt í hláturinn og
barngóður mjög. Ekki vorum við
alltaf sammála, stundum hvessti en
alltaf lygndi um síðir. Við áttum sam-
an margar ævintýraferðir bæði til
sjós og lands, þú byrjaðir ungur til
sjós, sennilega alltof ungur en hörku
sjómaður. Góður námsmaður og
hafðir mikinn áhuga á öllu vélknúnu,
þúsundþjalasmiður, fórst í Vélstjóra-
og stýrimannaskólann þegar þú
hafðir aldur og reynslu til og kláraðir
með stæl, um sama leyti tókstu
einkaflugmannspróf og hafðir gam-
an af að fljúga um landið. Eftir nám
varst þú vélstjóri bæði á fiski- og
fraktskipum innanlands og utan, síð-
ustu árin í Noregi þar sem þú kunnir
vel við þig. Ekki datt mér í hug þegar
ég heyrði í þér á þorranum að það
yrði okkar síðasta samtal en svona er
lífið.
Takk fyrir allt, hvíl í friði. Kveðja,
Skúli.
Kæri mágur.
Ég átti góða samverustund með
þér og fleirum kvöldið áður en þú
fluttist til Noregs. Ég keyrði þig á
Blönduós morguninn eftir í veg fyrir
rútuna og við spjölluðum mikið sam-
an á leiðinni. Þú ætlaðir að ná flugi til
Noregs daginn eftir. Ekki datt mér í
hug að þetta væri í síðasta skipti sem
við myndum sjást og kveðjast. Megi
Guð geyma þig og styrkja þína fjöl-
skyldu í þessari sorg.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Hvíl í friði.
Níels.
Helgi á mótorhjólinu með mig í
fanginu.
Helgi sem bauð mér í bíó að sjá
myndir með Charlie Chaplin.
Helgi sofandi í íbúðinni hjá ömmu
Lilju og ég læddist um til að vekja
hann ekki.
Helgi sem gaf mér pening og
huggaði mig þegar ég var önnum
kafin við að telja krónurnar og gekk
á stöðumæli.
Helgi sem átti flottu kaggana og
bauð mér á rúntinn.
Helgi sem vann á millilandaskipi
og færði okkur gjafir sem lyktuðu af
einhverju dularfullu og óþekktu.
Helgi sem reykti eins og strompur
og drakk eins og þyrstur maður ný-
kominn úr eyðimörk.
Helgi sem var alltaf að velta fyrir
sér alheimsspurningunni en fann
aldrei alveg rétta svarið.
Helgi sem var til staðar þegar
mamma dó.
Helgi sem fór með Sjöfn til Tyrk-
lands og ættleiddi barn.
Helgi sem tileinkaði sér tölvuvæð-
inguna og setti upp kerfi fyrir vinn-
una.
Helgi sem var snillingur.
Helgi sem var sjómaður, vélstjóri,
stýrimaður, flugmaður, fluggáfaður.
Helgi sem hringdi á aðfangadags-
kvöld og vildi fá mig til að reikna
ýmsar jöfnur í stærðfræði í bland við
hagfræði.
Helgi sem var alltaf að leita að
sannleikanum um lífið.
Helgi sem hafði svo marga með-
fædda hæfileika og gáfur.
Helgi sem dó einn erlendis, fjarri
okkur öllum.
Helgi sérvitringur, skapofsamað-
ur, hugsjónamaður, frændi, vinur.
Helgi sem átti sér stað í hjarta
mínu.
Helgi sem lifir í minningum okkar.
Anna Bryndís Sigurð-
ardóttir (Dísa).
Elsku Helgi.
Við trúum því varla ennþá að þú
sért farinn frá okkur. Í okkar huga
ertu enn í Noregi og við bíðum eftir
því að fá fréttir af þér hjá mömmu.
En kallið er komið og sár raunveru-
leikinn hellist yfir okkur. Þú fórst
alltof fljótt og óvænt frá okkur en við
huggum okkur við að nú sért þú sátt-
ur og kominn í ljósið. Við vitum að
það var tekið vel á móti þér og að þú
ert í góðum félagsskap með afa
Bjarna, ömmu Lilju og Maju frænku.
Við áttum margar góðar og eftir-
minnilegar samverustundir þar sem
mikið var spjallað um allt milli him-
ins og jarðar og gert að mörgu gam-
an. Það var alltaf stutt í hláturinn hjá
þér og glettnina. Það blundaði nú
líka í þér stríðnispúki sem kom
ósjaldan í ljós. En umfram allt annað
varstu okkur alltaf svo góður og það
var gott að eiga þig að.
Á kertinu mínu ég kveiki í dag
við krossmarkið helgi og friðar
því tíminn mér virðist nú standa í stað
en stöðugt þó fram honum miðar.
Ég finn það og veit að við erum ei ein
að almættið vakir oss yfir,
því ljósið á kertinu lifir.
Við flöktandi logana falla nú tár,
það flýr enginn sorgina lengi.
Hún braut allar vonir, hún braut allar þrár,
hún brýtur þá viðkvæmu strengi,
er blunda í hjarta og í brjósti hvers manns.
Nú birtir, og friður er yfir,
því ljósið á kertinu lifir.
(Kristján Stefánsson frá Gilhaga.)
Elsku frændi, við kveðjum þig
með trega og söknuði. Takk fyrir
þær stundir sem við áttum saman og
fyrir allt sem þú gerðir fyrir okkur.
Guð vaki yfir þér og geymi þig þang-
að til við sjáumst aftur.
Særún, Sveinn og Rebekka
Sunna, Bjarnhildur og Friðrik,
Heiðrún, Róbert, Silja og Sædís.
Helgi Þór Bjarnason
Ég kom heim eftir
fárra vikna dvöl er-
lendis í þann mund er
Grímur Gíslason var
lagður til hinstu hvílu. Hann var í
hópi nokkurra samferðamanna
minna sem ég hefði kosið að fylgja
síðasta spölinn ef aðstæður hefðu
Grímur Gíslason
✝ Grímur Gíslasonfæddist í Þór-
ormstungu í Vatns-
dal 10. janúar 1912.
Hann lést á Heil-
brigðisstofnuninni á
Blönduósi 31. mars
síðastliðinn og var
útför hans gerð frá
Blönduóskirkju 10.
apríl.
leyft. Gríms hefur ver-
ið minnst myndarlega.
Þó langar mig til að
senda fáein kveðjuorð.
Grímur átti farsæl-
an feril í fæðingarsveit
sinni, bæði sem bóndi
og forystumaður í fé-
lagsmálum. Áreiðan-
lega hefur hann notið
sín vel í því hlutverki.
Samt tók hann þá
ákvörðun ásamt Sess-
elju konu sinni, sem
varla hefur verið auð-
veld, að rýma jörðina
þegar elsta dóttir þeirra festi ráð sitt
og veita þannig ungu hjónunum og
framtíð þeirra svigrúm. Þau hjónin
fluttu til Blönduóss þar sem Grímur
tók við starfi á skrifstofu Kaup-
félagsins.
Grímur var félagsmálamaður af
lífi og sál, átti ótal hugðarefni og
ræktaði tengsl við fjölmarga, bæði
innan héraðs og utan. Hann var glað-
ur jafnan og kíminn, hófsamur í
framgöngu og skoðunum, hiklaus
þegar með þurfti, drengilegur og
fumlaus. Hann var málsnjall og rit-
fær í besta lagi og varð þjóðkunnur
fyrir fréttapistla sína í Ríkisútvarp-
inu. Röddin brást honum lítt eða
ekki þótt kominn væri á tíræðisaldur
og má það m.a. marka af því að hann
söng í kórum í héraðinu fram til síð-
ustu jóla. Er það trúlega einstakt
miðað við aldur. Hann var hestamað-
ur og tók mikinn þátt í félagsstarfi
hestamanna. Ég tel mig vita að hann
hafi notið margra yndisstunda á
hestbaki með góðum félögum á ferð
um nálægar sveitir.
Öll störf Gríms báru vitni um
vandvirkni og snyrtimennsku. Hann
gegndi m.a. starfi veðurathugunar-
manns fram yfir nírætt. Þetta starf
krefst árvekni og stundvísi á ýmsum
tímum sólarhringsins og í misjöfnu
veðrum. Í tengslum við þetta starf
skráði hann helstu staðreyndir um
veðurfar á Blönduósi væntanlega í
25 ár og hugleiðingar sínar um áhrif
þess á atvinnuhætti í héraðinu. Einn-
ig naut hann ritleikni sinnar við að
skrá nokkuð um þjóðlegan fróðleik,
t.d. um búsetu í Vatnsdal á vissu
tímaskeiði og ýmislegt fleira smátt
og stórt sem hann náði að gæða lífi,
t.d. um drauma.
Ég átti því láni að fagna að starfa
nokkuð með Grími í Lionsklúbbi
Blönduóss, þótt starf mitt væri stop-
ult. Hann var löngum elstur allra, en
náði þó oftar en ekki að lyfta fundum
okkar félaganna með kímni sinni,
léttleika og hugkvæmni. Hann hvatti
menn til starfa og var sjálfur ávallt
reiðubúinn. Svona var hann. Andlegt
og líkamlegt þrek þessa öldungs var
með ólíkindum. Það var því líkast
sem honum yxi ásmegin frá því er
venjulegum starfsaldri lauk og fram
um nírætt. Hans er gott að minnast.
Grími Gíslasyni var margvíslegur
sómi sýndur. Svo var einnig við útför
hans, sem mér er sagt að hafi verið
bæði virðuleg og fjölmenn. Við
Helga kveðjum hann með virðingu
og þökk og sendum kveðjur okkar til
barna hans og alls venslafólks.
Pálmi Jónsson.
Vönduð og persónuleg þjónusta
Inger Steinsson,
útfararstjóri,
s. 691 0919
Sími 551 7080
Bárugötu 4, 101 Reykjavík.
Ólafur Örn
útfararstjóri,
s. 896 6544
Inger Rós
útfararþj.,
s. 691 0919
✝
Móðir okkar, tengdamóðir, amma og langamma,
SIGRÍÐUR SIEMSEN,
Grandavegi 47,
Reykjavík,
sem lést að kvöldi sunnudagsins 1. apríl á líknar-
deild Landspítala, Landakoti, verður jarðsungin frá
Dómkirkjunni í Reykjavík mánudaginn 16. apríl
kl. 15.00.
Þeim sem vilja minnast hennar er bent á Barnaspítalasjóð Hringsins,
símar 543 3724 og 543 3700.
Árni Siemsen,
Sigríður Siemsen, Guðjón Haraldsson,
Ólafur Siemsen, Auður Snorradóttir,
Elísabet Siemsen, Guðmundur Ámundason,
barnabörn og barnabarnabörn.
✝
Ástkær eiginkona mín, móðir okkar, tengdamóðir,
amma og systir,
GRÉTA SÆDÍS JÓHANNSDÓTTIR,
Vallarbraut 5,
Hafnarfirði,
sem lést á Landspítalanum við Hringbraut mánu-
daginn 9. apríl, verður jarðsungin frá Hafnarfjarðar-
kirkju þriðjudaginn 17. apríl kl. 15.00.
Hrólfur Ragnarsson,
Hildur Hrólfsdóttir, Ragnar Þór Emilsson,
Smári Hrólfsson, Elísabet Hrund Salvarsdóttir,
Sunna Rut Ragnarsdóttir,
Fannar Þór Ragnarsson
og systkini hinnar látnu.
✝
Ástkær faðir minn, tengdafaðir, afi og föðurbróðir
okkar,
KRISTJÁN ÁGÚSTSSON,
Skipholti 21,
sem lést þriðjudaginn 10. apríl, verður jarðsunginn
frá Fossvogskirkju þriðjudaginn 17. apríl kl. 11.00.
Gunnar Geir Kristjánsson, Arndís Magnúsdóttir,
Þóra Gunnarsdóttir og Kristján Gunnarsson,
Hildur, Lilja og Helga Hilmarsdætur.