Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Morgunblašiš

og  
S M Þ M F F L
. . . . . 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
PDF  | JPG  | TXT  |
Skoša ķ nżjum glugga:
PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Morgunblašiš

						2 MÁNUDAGUR 18. JÚNÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, 
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is 
Í HNOTSKURN
»
Tólf líkamsárásir voru tilkynntar á
Akureyri um helgina.
»
Þeir sem haga sér hvað verst á hátíðum
sem þessum eru yfirleitt ekki áhuga-
menn um viðburðinn heldur þeir sem mæta
einungis til að sletta úr klaufunum.
Eftir Ylfu Kristínu K. Árnadóttur
ylfa@mbl.is
MIKILL erill var hjá lögreglunni á Akureyri um
helgina en þar fóru fram bíladagar á vegum Bíla-
klúbbs Akureyrar. Sigrún Björk Jakobsdóttir,
bæjarstjóri Akureyrar, segist þó sátt við helgina.
Hátíðin sem slík hafi ekki farið úr böndunum held-
ur tekist mjög vel. Því miður sé það þó oft þannig
að tiltölulega lítill hópur skemmi fyrir hinum. Það
sé fyrirséð að næst muni skipuleggjendur hátíð-
arinnar, bærinn og lögreglan stilla saman strengi
sína og bæta úr undirbúningi og efla umsjón.
Á föstudagskvöldið var mikið um ölvun og ólæti
á tjaldsvæðinu á Hömrum og átti lögreglan fullt í
fangi með að stöðva slagsmál á svæðinu. Einnig
var tilkynnt um sjö líkamsárásir og voru fanga-
geymslur lögreglunnar margsetnar. Á laugardag-
inn var viðbúnaður aukinn og fleiri lögregluþjónar
kallaðir til, sumir hverjir á frívöktum og aðrir í
sumarleyfi. Þá naut lögreglan líka aðstoðar starfs-
bræðra sinna úr nágrannasveitarfélögunum. Um
kvöldið var tilkynnt um fimm minniháttar líkams-
árásir og tíu manns gistu fangageymslur. Þrír
voru stöðvaðir fyrir ölvunarakstur um nóttina og
einn á sunnudagsmorgninum. Að sögn lögregl-
unnar var ástandið á Akureyri orðið nokkuð gott í
hádeginu í gær og ánægjulegt að margir komu við
á lögreglustöðinni og blésu í mæla fyrir heimför.
Ekki alfarið bíladögum að kenna
Lögreglan vildi ekki gefa upp hvort þeir sem
komust í kast við lögin væru aðkomumenn eða
heimamenn en sagði þó að mörg ný andlit hefðu
sést á lögreglustöðinni. Lögreglan sagði jafnframt
að ekki mætti skella skuldinni alfarið á bíladag-
ana. Á hátíðum sem þessari væru það oft ekki
áhugamennirnir um viðfangsefnið sem höguðu sér
hvað verst heldur þeir sem kæmu í þeim eina til-
gangi að skemmta sér á útihátíð. Að öllum lík-
indum hefðu fæstir ólátaseggjanna horft á nokkra
viðburði bíladaganna. 
Mikil ölvun, líkamsárásir og
ólæti á bíladögum á Akureyri
Morgunblaðið/Ómar
Frá Akureyri Ólæti voru þar um helgina.
Lögregluþjónar í sumarleyfi og nágrannabyggðum kallaðir út til aðstoðar
EKKI voru þeir árennilegir
félagarnir fimm sem biðu
bræðranna Gunnars og Ragn-
ars Steingrímssona frá Stóra-
Holti, þegar þeir vitjuðu um
hákarlalóðina sína á dögunum
við Haganesvík í Fljótum. Þar
hefur hákarlaveiði verið
stunduð um áratugaskeið en
óvanalegt þykir að landa svo
vænum afla af einni lóð.
Bræðurnir fengsælu náðu að
binda tryggilega um þessar
voldugu skepnur og sigldu svo
í land með hákarlana í eft-
irdragi. Töluverður fólksfjöldi
safnaðist saman á bryggjunni
í Haganesvík til að fylgjast
með þegar hákarlarnir voru
dregnir í land og skornir,
enda ekki á hverjum degi sem
tækifæri gefst til að skoða
þessi tilkomumiklu dýr í ná-
vígi. Með þessum róðri tvö-
földuðu þeir bræður veiðina í
vor og eiga von um að bæta
við, því enn eru tvær línur í
sjónum. Varla þarf því að ótt-
ast skort á kæstum hákarli á
næsta þorra.
Morgunblaðið/Örn Þórarinsson
Fengsælir
bræður
landa fimm
hákörlum
LÖGREGLAN í Reykjavík stöðvaði
fyrsta opinbera pókermót sem hald-
ið hefur verið hérlendis sl. laugar-
dag. Hún lagði jafnframt hald á alla
þá muni sem tengdust mótinu, s.s.
spilapeninga, spilaborð og spil. 
Alls mættu rúmlega 150 þátttak-
endur til leiks og greiddi hver og
einn 4.000 kr. mótsgjald sem óskipt
rann saman í verðlaunafé sem sam-
tals nam því um 600.000 kr. 
Mótið hófst kl. 14 á laugardag og
kom lögreglan á staðinn í vettvangs-
ferð um kl. 15. Það var síðan kl.
19.30 sem lögreglan mætti aftur á
vettvang ásamt lögfræðingi sínum
og stöðvaði mótið og rýmdi húsið.
Eftir því sem Morgunblaðið kemst
næst voru þá innan við þrjátíu leik-
menn eftir, enda langt liðið á mótið.
Í samtali við Morgunblaðið sagðist
Sindri Lúðvíksson, umsjónarmaður
mótsins, hissa á því að mótið hefði
verið stöðvað enda gæti hann ekki
séð að mótið hefði verið ólöglegt.
Vísar hann þar til þess að ekkert
þóknunargjald hafi verið tekið af
þeirri upphæð sem spilað var fyrir
eða svokallað ?rake? eins og þekkist
í spilavítum erlendis. Segist hann
ósáttur við að gert sé upp á milli
spila á Íslandi, þ.e. að bannað sé að
spila upp á peninga í póker en slíkt
megi bæði í bingói og bridsi.
Hjá lögreglunni fengust þær upp-
lýsingar að málið væri nú til skoð-
unar hjá rannsóknardeild lögregl-
unnar sem fjármálabrot.
L52159 Umsjónarmaður mótsins segir gert upp á milli spila hér-
lendis L52159 Málið til skoðunar hjá rannsóknardeild lögreglu
Pókermót stöðvað
Í HNOTSKURN
»
Í 183. grein almennra
hegningarlaga nr. 19/1940
segir: 
?Sá, sem gerir sér fjárhættu-
spil eða veðmál að atvinnu [...]
skal sæta sektum eða fangelsi
allt að 1 ári.?
»
Í 184. gr. sömu laga er
einnig að finna eftirfar-
andi: ?Hver, sem aflar sér
tekna beint eða óbeint með því
að láta fjárhættuspil eða veð-
mál fara fram í húsnæði, er
hann hefur umráð yfir, skal
sæta sektum eða fangelsi allt
að 1 ári.?
BIFREIÐAVERKSTÆÐIÐ Bíll-
inn við Gagnheiði á Selfossi stór-
skemmdist í eldsvoða sem kom upp
laust fyrir klukkan 21 á laugardags-
kvöldið. 
Nokkur hætta var á ferðum þar
sem gaskútar og eldfim efni voru
innandyra. Samlokugerð í hinum
enda hússins skemmdist lítillega en
þakka má eldvarnarvegg milli fyr-
irtækjanna tveggja að ekki fór verr.
Greiðlega gekk að slökkva eldinn
og var slökkvistarfi að mestu lokið
um klukkan 22. Enginn var staddur í
húsinu þegar eldurinn kom upp en
tjónið er nokkurt, á húsnæði, innan-
stokksmunum og tveimur fornbílum
sem voru á verkstæðinu. Ekki er vit-
að um tildrög brunans en málið er í
rannsókn. Þetta er annar eldsvoðinn
á Selfossi á jafnmörgum dögum
Verkstæði
brann á
Selfossi
Ljósmynd/Guðmundur Karl
MAÐUR á þrítugsaldri réðst á lög-
reglumann á Blönduósi í fyrrinótt. 
Að sögn lögreglu átti atvikið sér
stað þegar maðurinn var sóttur út á
Skagaströnd þar sem hann var til
vandræða. Hann var ekki handtek-
inn en lögreglan bauðst til að flytja
hann heim til sín á Blönduós. Á leið-
inni þangað réðst maðurinn á annan
tveggja löreglumanna í bílnum og lét
höggin dynja á honum. Maðurinn
var yfirbugaður. Hann mun hafa
verið undir áhrifum eiturlyfja.
Kveikt var á upptökubúnaði inni í
bílnum og atvikið því vel skrásett
með mynd og hljóði. 
Málið er í rannsókn og þykir lík-
legt að maðurinn verði úrskurðaður í
gæsluvarðhald. Lögreglan lítur mál-
ið mjög alvarlegum augum.
Réðst á 
lögregluþjón
???
ÓMAR Önfjörð Kjart-
ansson andaðist á
lýtalækninga- og
brunadeild Landspít-
alans aðfaranótt 16.
júní sl., sextugur að
aldri. 
Ómar lést af sárum
sínum, en hann
brenndist lífshættu-
lega þegar hann fékk
yfir sig allt að 80°C
heitt vatn á heimili
sínu í Hátúni 10B 15.
maí sl. 
Ómar fæddist 27.
júlí 1946 í Hafnarfirði.
Hann var sonur hjón-
anna Hugborgar Guðjónsdóttur
matráðskonu og Kjartans Guð-
mundssonar vélsmiðs. Ómar lauk
gagnfræðaprófi frá Flensborg árið
1963, trésmíðanámi frá Iðnskólan-
um í Hafnarfirði 1967
og einu ári síðar
sveinsprófi og meist-
araprófi í húsasmíði
frá Iðnskólanum í
Hafnarfirði. Eftir að
hann lauk námi og til
ársins 1984 starfaði
hann sem húsasmíða-
meistari. Síðast hjá
byggingarfélaginu
Streng.
Um mitt ár 1984
lenti Ómar í alvar-
legu bílslysi sem olli
því að hann var ör-
yrki upp frá því.
Ómar kvæntist
Aðalbjörgu Þorsteinsdóttur,
fæddri 19. ágúst 1944, árið 1968.
Þau skildu árið 1989.
Ómar lætur eftir sig tvær upp-
komnar dætur og sex barnabörn.
Andlát
Ómar Ö. Kjartansson 

					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32
Blašsķša 33
Blašsķša 33
Blašsķša 34
Blašsķša 34
Blašsķša 35
Blašsķša 35
Blašsķša 36
Blašsķša 36
Blašsķša 37
Blašsķša 37
Blašsķša 38
Blašsķša 38
Blašsķša 39
Blašsķša 39
Blašsķša 40
Blašsķša 40
Blašsķša 41
Blašsķša 41
Blašsķša 42
Blašsķša 42
Blašsķša 43
Blašsķša 43
Blašsķša 44
Blašsķša 44