Morgunblaðið - 21.06.2007, Blaðsíða 42
Í því samhengi má
einnig mæla með
því að bjór sé ekki tekinn
með á áfangastað … 43
»
reykjavíkreykjavík
ICELANDAIR Group hefur staðið
fyrir hinum ýmsu uppákomum það
sem af er ári í tilefni af 70 ára afmæli
félagsins. Þannig voru til að mynda
200 manns boðnir til veislu á skrif-
stofu Icelandair á Strikinu í Kaup-
mannahöfn þann 7. júní síðastliðinn.
Á boðstólnum var bæði íslenskur
matur og drykkur og Guitar Islancio
lék fyrir veislugesti. Fyrir réttri
viku, fimmtudaginn 14. júní voru 150
manns svo boðnir til útiveislu í
sendiherrabústaðnum í Osló.
Veislan var haldin í samvinnu við
íslenska sendiherrann og þangað
mætti fólk úr ferðageiranum í Nor-
egi sem starfar við að selja ferðir til
Íslands, starfsfólk Icelandair, blaða-
menn, starfsmenn utanríkisráðu-
neytisins í Noregi og fleiri.
Guitar Islandico ásamt Halldóri
Bragasyni spiluðu af fingrum fram
meðan íslenskir kokkar elduðu ís-
lenskan mat fyrir gestina.
„Það var svona blús-stemning í
Osló sem var einstaklega vel heppn-
að,“ segir Björn Thoroddsen, for-
sprakki Guitar Islandico um uppá-
komuna.
Poppið ekki langt undan
Icelandair tekur einnig þátt í
menningarhátíðinni Halló Reykjavík
í Frankfurt í Þýskalandi. Þar er fé-
lagið meðal annars í samstarfi við
Friðrik Þór Friðriksson um sýningu
á verkum hans, auk þess sem Stuð-
menn munu spila á hátíðinni á laug-
ardaginn kemur. Loks má geta þess
að Icelandair studdi sérstakt Ice-
land-Airwaves kvöld sem haldið var
á Great Escape hátíðinni í Brighton í
maí, en þar komu fram Amiina, Jak-
obínarína, Lay Low, Hafdís Huld,
Benni Hemm Hemm, Seabear og
Stórsveit Nix Nolte.
Fleira er svo á döfinni í haust,
bæði afmælisvika í Glasgow og að
sjálfsögðu Iceland-Airwaves hátíðin
sjálf í október þar sem tugir hljóm-
sveita koma við sögu.
Listinni hampað á 70 ára afmæli
Morgunblaðið/Ásdís
Guitar Islancio Sveitin kom bæði fram í boði í Osló og Kaupmannahöfn.
Margt
verður um að
vera á Gauki
á Stöng
næstu daga
og staðurinn
virðist til alls
líklegur í
sumar. Í
kvöld eru það
Sprengju-
höllin, Toggi
og Tilburi
sem troða upp og búast má við
trylltu treflakvöldi í þessu síðasta
vígi sveitaballamenningarinnar.
Miðaverð er 1.000 krónur.
Annað kvöld verður svo sann-
kallað Rangæingakvöld en þar ætl-
ar bóndasonurinn eldhressi, Hreim-
ur, ásamt hljómsveitinni Eins og
hinir að vera með alvöru sveitaball
á mölinni. Allir sem mæta í lopa-
peysu fá helmings afslátt á miða-
verði sem er 1.000 krónur eftir mið-
nætti.
Laugardagskvöldið 23. júní
verða svo hinir árlegu Jónsmessu-
tónleikar stórhljómsveitarinnar Ný
Danskrar. Nokkuð er síðan sveitin
steig síðast á svið á Gauki á Stöng
og því rík ástæða fyrir alla aðdá-
endur sveitarinnar að fjölmenna.
Frítt er inn til miðnættis en síðan
1.500 krónur.
Stíf tónleikadagskrá
framundan á Gauknum
Breskir umboðsmenn mega nú
heldur betur fara að vara sig því nú
hefur Einar Bárðarson, ókrýndur
umboðsmaður Íslands, sett á lagg-
irnar umboðsskrifstofuna Mother
Management í London. Sjálfur á
Einar Bárðar og fjölskylda um 45%
í skrifstofunni en aðrir hluthafar
eru Tónvís, fjárfestingarsjóður FL
Group með 50% og lögfræðiskrif-
stofan New Media Law sem á 5% í
umræddri umboðsskrifstofu.
Mamma Einars Bárðar
Eftir Helga Snæ Sigurðsson
helgisnaer@mbl.is
TRÉ ÚR afgangsspýtum, innrautt ljós og tvær
gamlar myndir á veggjum er það sem blasir við
þegar litið er inn í D-sal Listasafns Reykjavíkur
í Hafnarhúsi. En það er ekki allt sem sýnist.
Daníel Karl Björnsson heitir myndlistarmað-
urinn sem á innsetninguna, sem ber titilinn Reit-
ur. Verkið var ekki fullklárað þegar blaðamann
bar að garði í gær, en lítið sem átti eftir að gera
að sögn Daníels, bæta við nokkrum stensla-
myndum. Þeir sem sýna í D-sal þurfa að glíma
við tvær þykkar og miklar súlur sem þar standa
en Daníel tekst að draga athyglina frá þeim með
trénu, sem er ekki ósvipað súlunum í laginu.
Flugvél nasista yfir Reykjavík
Daníel byrjar á því að ræða um ljósmyndirnar
á veggjunum. Á annarri myndinni er undarleg
flugvél á sveimi yfir Hljómskálagarðinum, líkust
leikfangaflugvél. Daníel segir myndina póstkort
sem gefið var út 1940, eftir að sést hafði til
þýskrar njósnaflugvélar á sveimi yfir Reykjavík.
Flugvélin var teiknuð eftir lýsingum sjónarvotta
inn á myndina. Á póstkortinu stóð „Dularfulla
flugvélin samkvæmt lýsingum sjónarvotta“, en
Daníel fjarlægði textann. Hin ljósmyndin er
ekki síður furðuleg, tekin á Eyrarbakka sama
ár. Þar sjást karl og kona dytta að skrúðgarði í
frönskum stíl, í örlitlum reit við hlið kart-
öflugarðs hjá pakkhúsinu.
„Grunnkjarni landslagsarkitektúrs liggur
annaðhvort í franska eða breska garðinum.
Franski garðurinn er geómetrískur. Þessar
myndir tala saman, miðevrópski garðarkitekt-
úrinn verður jafnfáránlegur og þýska nasista-
flugvélin,“ segir Daníel. „Þetta er einhvers kon-
ar garður, einhvers konar uppbygging. Tréð er
smíðað úr fundnu efni, úr Húsasmiðjunni og víð-
ar að, sem mér finnst spila við þennan íslenska
raunveruleika,“ segir Daníel um innsetninguna.
Það sem tengir allt saman er ákveðin innrás
hins framandi í hversdagslegt rými.
Daníel segir tréð í raun alltaf vísa í viskutréð
og uppsprettu lífsins, það sé alltaf sama tákn-
myndin. Það sé hornsteinn garðsins, eða Reits-
ins, breiði úr sér og endurspegli súlur salarins.
Á trénu eru stenslamyndir af hérum sem
hlaupa í hringi, hver með eitt eyra en þegar
þeir koma saman eru þeir vera með tvö. Þetta
tákn segir Daníel að finna í kristnum kirkjum
um allan heim, hafi verið tekið upp á miðöldum
af kirkjunni sem tákn Maríu meyjar. Menn hafi
trúað því á miðöldum að hérinn, líkt og helsing-
inn, væri einkynja og fjölgaði sér því sjálfur.
Hérinn hafi þannig orðið tákn fyrir meyfæð-
inguna sem megi m.a. finna í íslenskum
kirkjum.
Dauður héri
Daníel bætir því við að hérinn sé einnig vísun
í gjörning þýska myndlistarmannsins Josephs
Beuys, þegar hann reyndi að útskýra myndlist-
arverk fyrir dauðum héra. „Sá gjörningur hefur
algjörlega að gera með sköpunarþrána,“ út-
skýrir Daníel. Hérinn, tákn sköpunarinnar og
meyfæðingarinnar, sé steindauður en skap-
arinn, myndlistarmaðurinn, reyni þó að útskýra
listina fyrir honum en tali fyrir daufum eyrum.
Sýningaropnun er kl. 17 á morgun og sýning-
unni lýkur 12. ágúst.
Táknmyndir sköpunar
Daníel Björnsson ríður næstur á vaðið í D-sal Listasafns Reykjavíkur
Morgunblaðið/Kristinn
Reitur Daníel Björnsson í D-sal Hafnarhússins, í innsetningu sinni miðri, með afgangatréð góða í bakrgunni.