Morgunblaðið - 13.08.2008, Blaðsíða 4

4 MIÐVIKUDAGUR 13. ÁGÚST 2008 MORGUNBLAÐIÐ
FRÉTTIR
Viltu gerast ferðaráðgjafi?
Ferðamálaskóli Íslands er eini skólinn hér á landi sem býður upp á
alþjóðlegt nám frá IATA/UFTAA, sem eru alþjóðleg samtök flugfélaga
og ferðaskrifstofa, og útskrifar skólinn á hverju ári „ferðaráðgjafa“ til
starfa hjá flugfélögum, ferðaskrifstofum og við aðra ferðaþjónustu.
Með aukningu ferðamanna hefur þörfin eftir fólki með slíka menntun
aldrei verið meiri. Flestir, sem útskrifuðust í vor, fengu starf innan
ferðaþjónustunnar að loknu námi. www.menntun.is
Eftir Þorbjörn Þórðarson
thorbjorn@mbl.is
RÍKISSTJÓRNIN kynnti í gær
framkvæmdaáætlun sem felur í sér
að byggingu 400 nýrra hjúkr-
unarrýma verði hraðað. Auk þess
verður 380 núverandi rýmum breytt
úr fjölbýli í einbýli. Um er að ræða
áætlun til ársins 2012 sem sætir end-
urskoðun í lok næsta árs.
Uppsöfnuð þörf
„Það er alveg ljóst að það er mjög
mikil uppsöfnuð þörf fyrir hjúkr-
unarrými. Í þessari áætlun leggjum
við mikla áherslu á uppbyggingu á
heimahjúkrun og við miðum við að
15% af þeim rýmum sem verða
byggð verði tekin í notkun fyrir
hvíldarinnlagnir,“ sagði Jóhanna
Sigurðardóttir, félags- og trygginga-
málaráðherra, í gær á blaðamanna-
fundi þar sem áætlunin var kynnt.
„Við erum að fara langleiðina með
þessari áætlun að útrýma fjölbýlum.
Það eru mannréttindi að fólk hafi
það val að geta verið eitt í hjúkr-
unarrými,“ sagði Jóhanna um fjölg-
un einbýla handa öldruðum.
„Við viljum haga þessu þannig að
við metum þegar í árslok 2009 þörf-
ina fyrir þessa uppbyggingu og
hvort hægt sé að draga úr þörf fyrir
hjúkrunarrými með því að leggja
aukna áherslu á ýmis konar heima-
þjónustu,“ sagði Jóhanna.
„Framlög til heimahjúkrunar hafa
verið aukin og þessi þjónusta er ekki
aðeins fyrir þá sem eldri eru því
langveikir á öllum aldri þurfa á
heimahjúkrun að halda. Þessi áætl-
un og sú hugsun sem lögð var upp
með hér er gott dæmi um viðhorf og
sýn ríkisstjórnarinnar,“ sagði Guð-
laugur Þór Þórðarson heilbrigð-
isráðherra.
Endanlegur kostnaður við þá upp-
byggingu sem framkvæmdaáætl-
unin tekur til mun ekki liggja fyrir
fyrr en að lokinni endurskoðun áætl-
unarinnar í árslok 2009. Ef miðað er
við þörfina eins og hún liggur nú fyr-
ir er áætlaður stofnkostnaður ríkis,
sveitarfélaga og sjálfseignarstofn-
ana við fjölgun hjúkrunarrýma um
17 milljarðar króna sem dreifist að
hluta til á 25 ár þar sem uppbygging
er fjármögnuð með leigugreiðslum.
Framkvæmdir við ný rými á Sléttu-
vegi í Reykjavík hefjast í mars 2010,
við Sunnuhlíð í Kópavogi í maí 2010
og á Vestfjörðum í mars 2010, svo
dæmi séu tekin.
Einnig verða skoðaðar leiðir til að
einstaklingar geti eignast tímabund-
inn búseturétt í húsnæði þar sem
öldrunarþjónusta er veitt. Jafnframt
vill ríkisstjórnin taka til endurskoð-
unar núgildandi fyrirkomulag
greiðsluþátttöku einstaklinga sem
dveljast á öldrunarstofnunum.
Birtir til í hjúkrun
 Ríkisstjórnin hraðar uppbyggingu hjúkrunarrýma og
fjölgar einbýlum fyrir aldraða  17 milljarða stofnkostnaður
„VIÐ svo sannarlega fögnum þessu framtaki,“ segir Helgi Hjálmsson, for-
maður Landssambands eldri borgara, um fyrirætlanir ríkisstjórnarinnar
að beita sér fyrir uppbyggingu 400 nýrra hjúkrunarrýma. „Það er svo
sannarlega þörf á uppbyggingu hjúkrunarrýma. Mér sýnist þessar fyr-
irætlanir líta vel út og þetta er ágætis skref í rétta átt. Það er líka algjört
skilyrði að fjölbýlum fækki. Við leggjum áherslu á það að allir verði í ein-
býli sem óska eftir því. Það eru breyttir tímar og það er ekki lengur for-
svaranlegt að menn séu margir saman í herbergi,“ segir Helgi. 800-850
eldri borgarar á landinu búa við það að þurfa að deila herbergjum með
öðrum, allt að 4 einstaklingum.
Fagna framtaki ríkisstjórnar
Morgunblaðið/Kristinn
Ný rými Ríkisstjórnin ætlar að hraða byggingu 400 hjúkrunarrýma og fjölga einbýlum fyrir aldraða.
Eftir Halldór Armand Ásgeirsson
haa@mbl.is
Í NÝRRI grein Baldurs Þórhalls-
sonar, prófessors í stjórnmálafræði
við Háskóla Íslands, um Evrópu-
stefnu íslenskra stjórnvalda er far-
ið ítarlega yfir átökin bak við tjöld-
in um EES-samninginn, leynifundi
fyrir myndun Viðeyjarstjórnarinn-
ar og afstöðu stjórnvalda og stjórn-
málaflokka til aðildar að Evrópu-
sambandinu (ESB).
Greinina er að finna í bókinni
Uppbrot hugmyndakerfis: Endur-
mótun íslenskrar utanríkisstefnu
1991-2007. Í greininni er meðal
annars greint frá þremur leyni-
fundum milli forystumanna Sjálf-
stæðisflokks og Alþýðuflokks vet-
urinn 1990-1991. Fundirnir lögðu
grunninn að stjórnarmyndun flokk-
anna að loknum kosningum vorið
1991.
Á fundunum komu Þorsteinn
Pálsson og Davíð Oddsson því á
framfæri við Jón Baldvin Hanni-
balsson og Jón Sigurðsson að Sjálf-
stæðisflokkurinn væri tilbúinn að
tryggja EES-samningnum brautar-
gengi í ríkisstjórn. Einnig myndi
flokkurinn falla frá þeirri kröfu
sinni að koma á tvíhliða viðræðum
við Evrópusambandið um sjávarút-
vegsmál.
Forsetinn og EES-málið
Þá er í greininni farið ítarlega
yfir afstöðu Vigdísar Finnboga-
dóttur forseta til EES-málsins og
samskipti hennar við forystumenn
stjórnarflokkanna um EES.
Fram kemur að forystumenn
ríkisstjórnarinnar óttuðust að Vig-
dís myndi ekki skrifa undir EES-
samninginn og ætluðu að rjúfa
þing og boða til kosninga ef forset-
inn ákvæði að skrifa ekki undir
samninginn.
Sjálfstæðisflokkur og ESB
Í greininni er ennfremur farið ít-
arlega yfir afstöðu Sjálfstæðis-
flokksins til aðildar að ESB. Fram
kemur að Davíð Oddson, formaður
Sjálfstæðisflokksins og forsætis-
ráðherra, hafi verið tilbúinn að
skoða Evrópusambandsaðild eftir
þingkosningar vorið 1991.
Þátttaskil urðu hins vegar varð-
andi afstöðu Davíðs og Sjálfstæð-
isflokksins til aðildar árið 1992.
Leynifundir
lögðu grunninn
að ríkisstjórn
Ný grein um Evrópustefnu Íslendinga
Morgunblaðið/Sverrir
Stjórnarmyndunarviðræður í Viðey Davíð Oddsson heilsar Jóni Baldvini
Hannibalssyni við hús staðarhaldarans í Viðey.
Í HNOTSKURN
»Þrír leynifundir voruhaldnir milli forystu-
manna Sjálfstæðisflokks og
Alþýðuflokks veturinn 1990-
1991. Þessir fundir lögðu
grunninn að stjórnarmyndun
árið 1991.
»Forystumenn ríkisstjórn-arinnar óttuðust mjög að
forseti myndi ekki skrifa und-
ir EES-samninginn.
Eftir Halldór Armand Ásgeirsson
haa@mbl.is
„ÉG tel mig gríðarlega heppinn að
vera á lífi eftir þessa árás, alveg gríð-
arlega,“ segir Miguel Angel Sepul-
veda Roman. Hann varð fyrir alvar-
legri líkamsárás á gatnamótum
Ingólfsstrætis og Hverfisgötu að-
faranótt föstudagsins 1. ágúst.
Hann var stunginn í síðuna svo
blæddi inn á lunga. „Hnífurinn fór
rétt við lungað. Ég veit ekki hvað
hefði gerst hefði hann farið alla leið.
Svo var ég einnig skorinn á hand-
leggnum.“ Miguel missti um lítra af
blóði og þakkar því hversu fljótt
hjálp barst að ekki fór verr.
Tveir menn voru handteknir í kjöl-
far árásarinnar og voru úrskurðaðir í
gæsluvarðhald. Nokkrum dögum
síðar var sá þriðji handtekinn vegna
málsins. Einum þeirra var svo ný-
lega sleppt en gæsluvarðhald hinna
tveggja var framlengt til fimmtu-
dags. Miguel kveðst ekki vita hvers
vegna mennirnir réðust til atlögu við
hann.
„Tel mig heppinn
að vera á lífi“
Morgunblaðið/Sverrir
Bærinn Árásin átti sér stað við mót
Hverfisgötu og Ingólfsstrætis.
Tveir enn í gæslu-
varðhaldi eftir lík-
amsárás 1. ágúst
GÍSLI Marteinn
Baldursson borg-
arfulltrúi hefur
ákveðið að fara í
meistaranám í
borgarfræðum
við Edinborg-
arháskóla í haust,
en hann hyggst
útskrifast úr BA-
námi í stjórn-
málafræði við Háskóla Íslands í
haust. Af þessum sökum mun hann
hætta í borgarráði og láta af nefnd-
arstörfum, en sitja áfram sem borg-
arfulltrúi og fljúga heim á borg-
arstjórnarfundi.
Í bréfi sem hann sendi borgar-
stjórnarflokki Sjálfstæðisflokksins á
mánudag, þar sem hann tilkynnti
ákvörðun sína, segir að námið standi
í tólf mánuði og sameini „margskon-
ar viðfangsefni borgarlífs, allt frá
skipulagsmálum og arkitektúr yfir í
hagfræði borga, hagkvæmni sam-
ganga, húsnæðismála og þess sem
þeir kalla „urban politics“.
Hættir í
borgarráði
Gísli Marteinn