Sjómannablaðið Víkingur - 01.02.2003, Blaðsíða 12
Bóndasonurinn úr Hörgárdal sem lagði fyrir sig sjómennsku
„Þetta ex alltaf iafii
skemmtilegr
— segir Hjörtur Valsson, stýrimaður á Jjölveiðiskipinu Baldvini Þorsteinssyni EA
,,Mér líkaði strax mjög vel á sjónum og
það lá fljótlega fyrir að þetta myndi ég
leggja fyrir mig. Leiðin lá því í Stýri-
mannaskólann til að mennta sig“ segir
Hjörtur Valsson, fyrsti stýrimaður á
fjölveiðiskipi Samherja, Baldvini Þor-
steinssyni. Um er að ræða nýjasta skip
Samherja sem kom til landsins seint á
síðasta ári. Skipið hét áður Hannover og
var gert út frá Þýskalandi og þar áður bar
það nafnið Guðbjörg og keypti Samherji
það frá ísafirði á sínum tíma. Áður en
Baldvin Þorsteinsson kom til landsins að
nýju voru gerðar á því ýmsar endurbæt-
ur. Þá var það m.a. lengt í 86 metra og er
í dag lengsta skipið í fiskveiðiflotanum.
Hjörtur Valsson er 31 árs, bóndasonur
frá Fornhaga í Hörgárdal. Hann segir það
aldrei hafa komið til greina að hann í-
lentist við búskapinn, heldur hafi hann
snemma verið farinn að vinna við annað,
og þá aðallega við fiskvinnslu. „Ég var
einmitt á síldarvertíð á Neskaupsstað
þegar það kom fyrst upp að ég færi til
sjós og minn fyrsta túr fór ég á Birtingi,
gömlum ísfisktogara sem gerður var út
þaðan. Ég var 17 ára og fór aðallega í
þennan túr til að prófa sjómennskuna“.
Engir tveir túrar eins
Hirti líkaði svo vel að það lá fljótlega
fyrir að hann myndi leggja sjómennsk-
una fyrir sig.
, Já, ég sá strax að þetta yrði það sem
ég myndi vilja starfa við. Það lá þvi
nokkuð beint við að fara í Stýrimanna-
skólann en í hann fór ég árið 1994 og út-
skrifaðist tveimur árum síðar. Ég held ör-
ugglega að ég hafi verið í síðasta árgang-
inum sem lauk náminu á tveimur árum,
áður en námið var lengt um helming.
Ég kunni mjög vel við námið. Þarna
var bekkjakerfi sem þýddi að maður var í
skólanum allan daginn og þetta var
nokkuð strembið. Ekki mjög erfitt, en þó
þannig að maður fór ekki í gegn um
þetta með hangandi haus“.
Þegar Hjörtur hafði lokið námi réði
hann sig til Samherja en hann hafði
reyndar verið hjá fyrirtækinu meira og
minna frá árinu 1991, nær allan tímann
á fystitogaranum Viði. Hann var svo á
Víði þar til síðast liðið sumar. Þá tóku
við nokkrir túrar á Vilhelm Þorsteinssyni
þangað til Baldvin hinn nýji kom um
áramótin.
Það þarf ekki að toga með töngum upp
úr Hirti hverjir eru aðalkostir sjó-
mennskunnar:
„Þetta er alltaf jafn skemmtilegt. Það
er mikil fjölbreytni og engir tveir túrar
eru eins. Það er alltaf nóg að gera og tím-
inn líður hratt þó túrarnir séu langir. Það
skemmir svo ekki að launin eru alveg
ágæt.
Ókostirnir eru helst langar fjarverur
Hjörtur Valsson i brúnni.
12 - Sjómannablaðið Víkingur