Sjómannablaðið Víkingur - 01.12.2004, Blaðsíða 61

Nýjar bækur • Nýjar bækur • Nýjar bækur
Alexander mikli
ALEXANDER
MIKLI
SONl'R (ÍI DANNA
s:/v
Alexander mikli, sonur guðanna, fjallar um
vægast sagt ævintýralega ævi Alexanders,
þessa mesta herkonungs sögunnar. Lýst er
herferðum hans um Grikkland og Asíu, og
fádæma herkænsku. Kannski er frægasta
dæmið um hernaðarsnilld Alexanders ótrú-
leg hugdetta sem hann fékk þegar her hans
sat um Klettinn í Sogdíu en Kletturinn var
varinn af 30.000 manna herliði og talinn
með öllu óvinnandi.
Hér greinir ltka frá einkallfi Alexanders,
samskiptum hans við heimspekinginn Aristóteles, konur og Fil-
ippus, hinn stórbrotna en óvægna föður, en þeir áttu ekki skap
saman feðgarnir.
Bókin um Alexander er prýdd rneira en 150 myndum; meðal
annars af listaverkum sem ekki eiga sinn líka og landakortum,
en allt þetta myndefni varpar nýju og skæru ljósi á ævi Alexand-
ers mikla og gerir bókina eina þá fallegustu sem komið hefur út
á íslandi.
Seiður lands og sagna III
Áfangastaðir Suðvestanlands
Eftir Gísla Sigurðsson
Hér eins og í fyrri bókurn í þessari ritröð er efnið tvískipt. Ljós-
myndirnar sýna flestar ýmis brot af Suðvesturlandi en auk þeirra
er brugðið upp eldri myndum. í náttúru þessa landshluta er
mjög ólíka fegurð að finna, allt frá brimssorfinni strönd Reykja-
ness og brennisteinshveri í Krýsuvík til hæsta foss landsins í
Hvalfirði, stærsta hvers á jörðinni í Deildartungu, fegurðar
Húsafells og Kaldadals.
Helztu áfangastaðir bókarinnar eru Herdísarvík, Krýsuvík,
Grindavík, Reykjanes, Hvalsnes, Stafnes, Básendar og fyrrum
byggð í Hraunum. Þarnæst er viðkoma á Elliðavatni, ýmsum
stöðum við Esjurætur, á Hvalfjarðarströnd og í Botni, á
Hvanneyri, Hvítárvöllum, Bæ, Reykholti og Húsafelli.
Merkilegt og minnisstætt fólk er meginumfjöllunarefni
í bókartextanum. Áherzlan er á einstakar persónur sem
standa uppúr. Við förum hingað og þangað um tímann,
hittum Einar Benediktsson í Herdísarvík, Hallgrím Pét-
ursson og Guðríði á Hvalsnesi, sjáum Kristján skrifara
veginn á Kirkjubóli, hittum Benedikt Sveinsson assessor
og frú Valgerði á Elliðavatni, kynnumst Búa Andríðssyni
úr Kjalnesingasögu og merkum Kjalnesingum frá síðustu
öld. Við Hvalfjörð rekumst við á Hörð Grímkelsson og
Geir fóstbróður hans í Geirshólma, hittum Sveinbjörn
allsherjargoða á Draghálsi og Magnús Stephensen á
Leirá. Norðan Skarðsheiðar heimsækjum við þjóðhagann
Þórð blinda á Mófellsstöðum, kynnumst skólahaldi Sig-
urðar Þórólfssonar á Hvitárbakka, lífsháttum og veizlum
hjá Snorra Surlusyni í Reykholti; einnig merkum Hús-
fellingum, allt frá séra Snorra til brautryðjandans Krist-
leifs Þorsteinssonar og listamannsins Páls Guðmunds-
sonar.
ANDLIT NORÐURSINS
ísland - Færeyjar - Grænland
Ragnar Axelsson
Hjá Máli og menningu er
kornin út ljósmyndabókin
ANDLIT NORÐURSINS
með myndum hins kunna
ljósmyndara Ragnars Ax-
elssonar.
Ragnar Axelsson hefur
um árabil verið í frarn-
varðasveit íslenskra frétta-
ljósmyndara. Hann hefur
starfað við Morgunblaðið frá 1976 og farið víða um heim í
störfum sínum. Mesta áherslu hefur Ragnar lagt á að skrá
mannlífið í Norður-Atlantshafi eins og Andlit norðursins ber
með sér, en myndirnar í bókinni eru teknar víðsvegar um ís-
land, Færeyjar og á Grænlandi. Á ferðurn sínum um þessar
eyjar við Norður-Atlantshafið hefur Ragnar kynnst lífi og ólík-
urn lífsháttum fólksins sem byggir þær. Myndirnar í bókinni
eru túlkun hans á upplifunum í þessum þremur löndum og
með þeim tekur hann lesendur á vit ævintýranna og leyfir
þeim að upplifa veröld sem breytist hratt og er í sumum lil-
vikurn alveg að hverfa.
Ljósmyndir og myndafrásagnir Ragnars hafa verið birtar í
heimsþekktum blöðum og tímaritum, t.d. LIFE, National
Geographic, Le Figaro, Stern og TIME. Ragnar hlaut heiður-
sviðurkenningu The Oscar Barnack Award árið 2001, og
Grand Prix á Festival Photo de Mare, árið 2002. Þá hefur
hann hlotið á þriðja tug viðurkenninga á árlegum sýningum
íslenskra blaðaljósmyndara.
Helstu sýningar á verkurn Ragnars:
Kjarvalsstaðir 1990; Barbican Centre, London 1992; Visa
Pour L lmage, Perpignan 2000; Recontres d arles 2001; Clic
Art, Mílanó 2002; Festival Val d'Orcia, Ítlaíu 2003; Photo de
Mare, Vannes, Frakklandi 2003; Galerie Argus Fotokunst,
Berlín 2004 og Das Altonaes Museum, Hamborg 2004.
Sjómannablaðið Víkingur - 61