Samvinnan - 01.05.1951, Blaðsíða 14
Si
vipir
itíJh
Samtióannanna:
Farouk I.
Brúðkaup Egyptaland.skonun.gs vekur at-
\iygli á honum og ástandinu í iandi hans
SNEMMA i þessum mánuði fór fram
í Kairo á Egyptalandi brúðkaup, sem
vakti athygli um heim allan. Tók
Farouk Egyptakonungur sér fyrir
drottningu unga egypzka kaup-
mannsdóttur, Narriman Sadek að
nafni, aðeins sextán ára gamla.
Segja erlend blöð svo frá, að konung-
ur hafi aðeins einu sinni séð stúlkuna
í verzlun gullsmiðs í Kairó, er hann
ákvað að gera hana að drottningu
sinni. Var stúlkan þá trúlofuö ungum
egypzkum embættismanni, og er svo
að skilja frásagnir blaða, að konung-
ur hafi með valdboði rofið trúlofun
þeirra og knúið stúlkuna til að heit-
bindast sér.
Ekki skal það ábyrgzt, að þessi frá-
sögn sé rétt, enda þótt allur þorri
virðingarverðustu heimsblaða hafi
þetta fyrir satt. En í Egyptalandi er
ritskoðun, sem er sérstaklega beint
gegn öllum fregnum um einkalíf kon-
ungsins, svo að vera má, að eitthvað
fari milli mála. Engu að síður má þó
nota þetta tækifæri til að kynnast
nánar hinum einvalda konungi 20
milljón Egypta, manni, sem tvímæla-
laust hefur og mun vafalaust hafa
lengi enn mikil áhrif á líf og stefnu
milljónaþjóða í Arabarikjunum við
botn Miðjarðarhafs.
LESANDINN getur litið á myndirn-
ar af Farouk Egyptakonungi á þess-
um síðum og gizkað á aldur hans.
Sennilega munu flestir telja hann 45
—60 ára, eitthvað þar á milli. En mað-
urinn er ekki svo gamall. Hann er ný-
lega orðinn 31 árs, fæddur 1920. Þó
hefur hann verið konungur hins forn-
fræga menningarlands í 15 ár, og
muna margir eftir því, er hinn 16 ára
gamli prins tók við konungstign, og
þykir ótrúlegt, að það sé sami maður
og nú situr að völdum í Kairo.
FYRIR hálfri annari öld settu
Tyrkir, sem þá réðu ríkjum í Egypta-
landi, albanskan tóbakskaupmann
sem landsstjóra þar. Frá honum er
núverandi konungsætt komin, enda
þótt uppruni hennar sé, eins og
margra annara konungsfjölskyldna,
ekki í hávegum hafður. Afi Farouks
I., núverandi konungs, var khedívinn
Ismail, sem er sagður hafa átt 3000
konur og á að hafa beðið bana af því
að reyna að teyga úr tveim kampa-
vínsflöskum. Faðir Farouks, og hinn
fyrsti þeirra frænda, sem fékk kon-
ungstitil, hét Fuad, og lézt hann
óvænt 1936. Sjálfur fæddist Farouk í
Abdinhöllinni í Kairo og þar hlaut
hann frekar einangraö uppeldi.
Sextán ára var hann sendur í her-
skóla í Englandi, en þar hafði hann
ekki dvalizt árslangt, er hann var
kallaður heim við lát föður síns og
Pað er ótrúlegt, en satt, að þessir menn eru
álilta gamlir, báðir um þrítugt, Til vinstri er
Philip prins, eiginmaður Elisab'etar Bretlands
prinsessu, en til bœgri Farouk Egyptakonungur.
krýndur konungur. Hann hefur því
litla skólagöngu hlotið. Ári síðar gekk
hann að eiga eina af hirðmeyjum
móður sinnar, sem hlaut drottning-
arnafnið Farida, og vakti það brúð-
kaup heimsathygli.
í ST J ÓRNARTÍÐ Farouks hafa
geysimiklar framfarir orðið á
Egyptalandi, skólakerfi stóraukizt,
ólæsum fækkað, heilsufar batnað, og
margvíslegar framkvæmdir verið
gerðar. En þó er enginn skortur verk-
efna, og verða Egyptar enn að telj-
ast fátæk þjóð í samanburði við
Evrópuþjóðir, og er auði landsins
herfilega misskipt. Fámenn stétt lifir
í allsnægtum, en allur þorri lands-
manna í fátækt.
JAFNVEL ÞEIM, sem þekkja Farouk
bezt, kemur ekki saman um það,
hvaða hlutverk hann leikur í þróun
þjóðarinnar. Sumir t.elja hann alúð-
legan og vingjarnlegan umbótamann,
sem vilji allt fyrir þjóð sína gera. Aðr-
ir segja, að hann sé hrokafullur og
hugsi um það eitt að liía munaðarlífi
og skemmta sér sem bezt.
Víst er það, að á sextán árum í kon-
ungsstól hefur Farouk þyngzt um 90
pund, orðið frægur fyrir kvensemi og
ýmis konar misjafnan félagsskap,
heimsóknir í næturklúbba og spila-
víti. Hann hefur skilið við konu sína,
sem hann þó virtist unna hugástum,
þótt hann væri henni ótrúr, meðal
annars af því, að hún ól honum að-
eins dætur.
Gegn þessu er á vogarskálunum
margt, sem bendir til þess, að Farouk
vilji vel og mæli með margs kyns um-
bótum fyrir þjóð sína. í þjóðernismál-
um er hann vissulega samnefnari
Egypta allra, hefur sterkan þjóðar-
metnað og er litill vinur Breta.
STJÓRNMÁLIN hafa verið flókin á
Egyptalandi undanfarin ár, .og þar
frekar róstusamt, eins og víðar í
löndum, sem standa á svipuðu menn-
ingarstigi. Wafdistar nefnist stærsti
flokkur landsins, og er hann þjóð-
14