andvari Næringarþörf manna 61 inn verður að fá úr fæðunni, er nauðsynlegt, að neytt sé fjölbreyttra eggjahvítutegunda. Það er því sérstök ástæða til að vara við alltof einhliða faeði, að því er varðar eggjahvítuefnin, eins og tíðkast hjá heittrúuðum jurtaætum. Að vísu er það mikil bót, ef mjólkur eða mjólkurafurða er neytt að mun jafnframt jurtafæðunni, Þvi mjólkureggjahvíta er mjög góð og gild, eins og ráða má af því, að móðir náttúra ætlar hana ungviðinu eingöngu traman af ævinni. Gildi eggjahvítuefnanna sem fæðu fer eftir því, hve margar af hinum lífsnauðsynlegu amínósýr- Um hvert þeirra hefir að geyma og það er skoðun manna, að eggjahvítuefnin úr dýraríkinu standi þeim framar, sem fást úr jurtaríkinu. Eggjahvítuefnin eru lífsnauðsynleg sem fæða eins og tekið hefir verið fram, ef vefir líkamans eiga að ná fullum þroska meðan á vextinum stendur, og einnig til viðhalds fullvöxnum líkamsvefjum. Líkaminn safnar yfirleitt ekki eggjahvítuefn- um í forðabúr, eins og fitu og kolvetnum. Hann brennir því, sem umfram er þarfirnar, til endurnýjunar vefjunum, og getur því eggjahvíta gert sama gagn og fita og kolvetni sem orkugjafi, enda getur líkaminn breytt eggjahvítuefnum i Þessi efni, ef á þarf að halda. Líkaminn gætir þess að halda köfnunarefnisjafnvægi, bannig að sé mikils neytt af eggjahvítu, örvast efnaskipti n'kamans. Rétt er að geta þess, að líkaminn heldur eftir nokkru köfnunarefni, þ. e. skilar minnu frá sér en hann *®r í fæðunni meðan hann er að vaxa og sömuleiðis eftir svelti og í afturbata eftir sjúkdóma. Stafar þetta af því, að nýmyndun á frumum á sér stað. Þegar þannig stendur á, er því þörfin fyrir eggjahvítuefni meiri en ella. Sama máli gegnir um verkamenn og íþróttamenn, er jafnan fá sterka °g mikla vöðva. Hins vegar fær enginn stæltari vöðva, þótt hann borði mikið kjöt, ef hann reynir ekki á sig. Eggja- hvítuneyzla og vinna — eða íþróttir — verða að haldast í hendur, til þess að þroska vöðvana.
Beinir tenglar