Stúdentablaðið - 01.12.1956, Side 10

2 STÚDENTABLAÐ
HANNES PÉTURSSON, stud. mag.:
KREML
Svo þetta mun skipið sem ætlar að sigla til álfu
akranna þar sem drýpur hunang og smjör!
1917 það sigldi frá vör
við sönglist og blaktandi fána,
en villtist.
Og nú á dökkum daunillum mar
drafnar það niður eftir að vindarnir hættu
að þenja fram seglin. Og fuglarnir löngu farnir
sem fylgdu því spölkorn á leið. Á skipsins för
ber ekki lengur birtu frá sól eða mána.
Og þeir sem leita að álfu hunangsins eigra
um ónýtan farkost, vaxnir langri skör,
rjála við hníf sinn, horfa lymskir á grannann
því hungrið er stöðugt og sárt: þeir éta hver annan.
v._____ _________________________________________________
og dýrslegri grimmd en hinir afhjúpuðu fyrirrenn-
arar.
Allar vonir manna um, að forystumenn alheims-
kommúnismans hefðu tekið upp lýðræðislegri og
mannúðlegri stefnu hafa því gersamlega brugðizt á
fáeinum dögum. Ollum frjálsum þjóðum er því Ijóst,
að sjálfstæði þeirra, lýðræði og mannréttindum er
enn sem fyrr búin geigvænleg hætta af yfirgangi
kommúnismans. Þær munu því ekki rjúfa, heldur
treysta samtök sín, sem stofnuð eru til þess að
stemma stigu við frekari viðgangi ofbeldisstefnanna.
Það er sorgleg staðreynd, að hér á íslandi hafa
fulltrúar þeirrar erlendu ofbeldisstefnu, sem hér hef-
ur verið fjallað um, verið efldir til miklu meiri
valda, en fylgi þeirra með þjóðinni segir til um. Því
ber öllum frelsisunnandi Islendingum að lýsa yfir
fullkominni andúð sinni á ofbeldisverkum kommún-
ismans og gera fulltrúa hans hér á landi áhrifalausa
og einangraða. A þann hátt einan getum við komið
í veg fyrir, að kommúnistum takist að grafa undan
lýðræði okkar og mannréttindum eins og þeir hafa
hvarvetna gert, þar sem þeir hafa náð fótfestu.
Stúdentar hafa þegar hafið þessa baráttu og telja
sér sóma í og munu hvergi hvika fyrr en yfir lýkur.