Iðnneminn - 01.10.1997, Blaðsíða 37

Er iðnnám góður valkostur?
In?i Bo?i Bo?ason
hjá Samfökum iönaöarins
Iðnnemar hafa lengi barist fyrir því að opna augu almennings og
ráðamanna fyrir mikilvægi iðnnáms. Iðnnemar hafa talið brýnt að
snúa við þeirri öfugþróun sem felur í sér að æ fleiri virðast kjósa að
læra greinar sem leiða ekki til beinna tækifæra á vinnumarkaðinum
í stað iðn- og tæknináms sem leiðir oftar en ekki til ákveðinna starfa.
Til að heyra afstöðu atvinnulífsins til þessa vanda snerum við okkur
til Samtaka iðnaðarins og ræddum við Inga Boga Bogason,
upplýsinga- og menntafulltrúa Samtaka iðnaðarins.
Hvers vegna ætti ungt fólk að fara í iðnnám?
„Náms- og starfsval er alltaf persónuleg ákvörðun sem enginn annar
getur tekið fyrir einstaklinginn. Þegar ungt fólk veltir fyrir sér námsvali er
auðvitað mikilvægt að það
athugi til hvaða starfa viðkomandi nám getur leitt. Sá sem er að leita sér
að námi, ekki of löngu, sem leiðir til ákveðinna vel launaðra starfa hlýtur
að staldra við hefðbundið iðnnám. I’ess vegna ætti ungt fólk að íhuga vel
iðnnám sem raunhæfan valkost.“
Þjóðfélagið er alltaf að breytast og þróast, nýjar starfsgreinar verða til.
Er jafnbrýn þörf fyrir iðnaðarmenn nú og áður fyrr?
„Við þurfúm ekki annað en að líta á atvinnuauglýsingar dagblaðanna til
þess að sjá æpandi þörf fyrir t.d. málmiðnaðarmenn og húsasmiði. Þótt
tækniþróun sé ör og ný menntun og ný störf þjóni breyttum þörfúm
at\'innulífsins þá er augljóst að seint dregur úr þörf sígilds iðnnáms, enda
breytist iðnnámið sjálft. Þótt það hafi alltaf byggt á margvíslegri
samhæfingu hugar og handa þá nýtir það sér nýjustu aðferðir og tækni.“
A að leggja meiri áherslu á iðnnám í stað stúdentsprófs?
„Ég held að það eigi að varast að stilla upp iðnnámi og mennta-
skólanámi sern andstæðum. Eitt albesta stúdentspróf sem völ er á er
einmitt það sem felur í sér iðnnám. Sá sem lýkur slíku prófi er eins og
tvíeggjað sverð. Hann er korninn með fullgilda og eftirsótta starfs-
menntun en hefúr jafnframt möguleika til þess að halda áfram námi.“
Hvernig breytum við afstððu fólks til iðnnáms?
„Ég held að það taki langan tírna að breyta afstöðu fólks og í það þurfi
að fara mikil og stöðug vinna. Ég að ungt fólk nú sé mun meðvitaðra um
iðnnám sem raunhæfan valkost en þeir sem voru ungir fyrir 10-20 árum.
Það sem veldur þessari breyttu afstöðu er að ungt fólk nú gerir sér betri
grein fyrir einstaklingsábyrgðinni. Fyrir 10-20 árum gerði námsfólk ráð
fyrir því að þegar það lyki prófi biði eftir því gott starf í samfélaginu, allra
helst hjá hinu opinbera. Ungt fólk nú áttar sig á að það verður sjálft að
hafa fyrir því að fá sér starf eða að skapa sér starf.“
Hvað gera fulltrúar atvinnulífsins til þess
að upplýsa ungt fólk um möguleika iðnnáms?
„Það helsta sem unnið hefúr verið á þessum vettvangi undanfarin
misseri er svokaliað INN-átak. Það fól í sér að tæplega 40 löggiltar
iðngreinar voru kynntar í máli og myndum í jafnmörgum bæklingunr.
Upplýsingaefnið er sent út til allra nemenda 9. bekkjar grunnskóla og
hefúr tekist vel. Fulltrúar att'innulífsins unnu þetta verkefni í samvinnu
við menntamálaráðuneytið og fúlltrúa einstakra iðngreina. Námsgagna-
stofnun sér um dreifingu efnisins.“
Er fleira á prjónunum í atvinnulífinu?
„Nýlega sendu Samtök iðnaðarins, Verslunarráð íslands og
Vinnuveitendasamband íslands menntamálaráðherra tillögur að nýjum
efnisþætti í námskrá sem ber heitið Kynning á atvinnulífinu. Það er brýn
þörf á því veita ungu fólki fræðslu um verðmætasköpun, atv'innutækifæri
og leiða því fyrir sjónir að frumkvæði er einstaklingum og samfélagi
dýrmætt. Til þess að halda uppi íúllu atvinnustigi þurfúm við að fara
bandarísku leiðina og efla ineð fleirum frumkvæði til að skapa sína vinnu
sjálfir. Þetta eru engin ný sannindi fyrir iðnnema enda hafa iðnaðarmenn
frá upphafi verið helstu frumherjar í atvinnulífinu.“
Ið n n e min n 37