Vaka

						300                               ÓLAFUR MARTEINSSON:                          [vaka]

nema daufan óm, og hann fór að inestu leyti í þá, sem

voru að reyna að troða sér upp í tröppurnar beggja

megin. Ég fór að verða Mlffeginn, svona í aðra rönd-

ina, yfir að hafa ekki lent þarna inni. Það gat verið, að~

ég hefði lent i pressu milli einhverra leiðinlegra karla

og kerlinga og ekki getað hreyft legg eða lið allan þenn-

an tima. Eg sá nú samt á eftir, að hefði ég verið hepp-

inn, þá hefði ég nú getað komizt í námunda við ekkert

óskikkanlegar manneskjur.

Við fórum að hálf-trénast upp á að standa þarna úti.

Mér sýndist flokkurinn þynnast smátt og smátt, en það

var ekki af því, að neinir hefðu farið í burt, heldur

hafði fólkið dreifzt, þegar á leið. Margir voru komnir

nokkuð langt í burtu. Þeir höfðu farið að leita sér að

heppilegum girðingum til þess að liggja upp við. Sumir

sátu á umbúðakössum, þetta þrír og fjórir á kassa, og

sneru saman bökum. Tveir stóðu niðri í kassa undan

orgeli, og mér þótti það leiðinlegt, að þeir urðu að snúa

sér frá húsinu. Ég held, að þeir hafi verið að tala sam-

an, því að þeir tóku ekkert eftir, þegar líkið var borið

út, fyr en nokkru seinna. En flestir urðu að láta sér

nægja að standa upp við önnur hús, og það er svo vont

fyrir menn í svörtum frökkum. Ég sá það á eftir

Öllum var að lokum orðið kalt, nema fjórum. Þeir

áttu eitthvað að gera við kistuna. Þeir fóru fyrst að

pískra eitthvað saman, og einn þeirra stjórnaði pískrinu.

Hann var ósköp röggsamlegur á svipinn. Ég færði mig

sem næst þeim, því að mér fannst þeir vera orðnir svo

miklir menn. Svo fóru þeir að tínast úr frökkunum. Ég

var að vona, að einhver þeirra bæði mig að halda á

frakkanum sinum. En það varð ekkert af því. Einhverjir

nákomnari fengu að bera þá. Og eins fór það með að

safna saman krönsunum. Þeir lágu þarna út um allt, en

ég fékk engu að safna. Annars var mér ekkert um þessa

kransa. Mér fannst nóg að gefa jörðinni kistuna — og

svo manninn. Kistan var sjálfsagt vel smíðuð og kost-