Tímarit iðnaðarmanna - 01.06.1959, Blaðsíða 12

12
TÍMARIT IÐNAÐARMANNA
Nefndarmenn, talið frá v.: Helgi Ólafsson, Björgvin Frederiksen, Barði Friðriksson, Harry
Frederiksen, Óskar Hallgrímsson og Þorvaldur Ólafsson.
Kynntu sér starlsemi samvinnuneínda á Norðurlöndum
Að tilstuðlan Iðnaðarmálastofnunar íslands fór
nefnd skipuð fulltrúum vinnuveitenda og launþega til
Danmerkur og Noregs 8. apríl s.l. Tilgangur fararinn-
ar var sá, að nefndarmönnum gæfist kostur á því að
kynna sér störf samvinnunefnda launþega og vinnu-
veitenda í þessum Iöndum, en slíkar nefndir fjalla
um ýmis sameiginleg hagsmuna- og velferðarmál.
Af hálfu Landssambands iðnaðarmanna fór Björg-
vin Frederiksen för þessa, og er hann nýkominn
heim. Mun verða gerð nánari grein fyrir starfsemi
áðurnefndra samvinnunefnda síðar.
Guðmundur H.
Guðmundsson
sextugur
Guðmundur H. Guðmundsson húsgagnasmíðameist-
ari varð sextugur 13. apríl s.I.
Guðmundur Helgi er löngu þjóðkunnur maður fyrir
störf sín að málefnum iðnaðarmanna, svo og fyrir af-
skipti af opinberum málum. Hann er fæddur Olfus-
ingur, kominn af Grímslækjarætt og Bergsætt. 1 báð-
um þessum ættum 'hefur mjög borið á gáfum og dugn-
aði, enda hefur þeirra eiginleika gætt rikulega í öll-
um störfum hans.
Guðmundur Helgi hefur um 30 ára skeið rekið hús-
gagnavinnustofu og verzlun að Vatnsstíg 3 undir nafn-
inu Húsgagnaverzlun Reykjavikur, fyrst i félagi við
Jón heitinn Magnússon skáld, en síðar i félagi við
Þorlák Lúðvíksson. Skömmu fyrir afmælið fluttist
verzlunin i nýtt og fullkomið húsnæði við Brautar-
holt.
Enda þótt Guðmundur Helgi hafi haft ærinn starfa
við_fyrirtæki sitt, hefur hann gefið sér tíma til að
gegna fjölmörgum trúnaðarstörfum, bæði fyrir sam-
tök iðnaðarmanna og bæjarfélagið, en hann hefur um
nokkurra ára skeið verið bæjarfulltrúi í Reykjavík.
Ilann hefur verið fulitrúi á flestum iðnþingum frá
upphafi, átt sæti í stjórn Landssambands iðnaðar-
manna, í bankaráði Iðnaðarbankans, í framkvæmda-
stjórn Iðnráðs Reykjavíkur og formaður þess í nokk-
ur ár, i stjórn Iðnlánasjóðs, í Iðnfræðsluráði og siðast
en ekki sízt í stjórn Iðnaðarmannafélagsins i Reykja-
vik í 20 ár og formaður þess i 18 ár samfleytt.
Stjórn Iðnaðarmannafélagsins taldi sér skylt fyrir
hönd félagsins að sýna 'honum nokkurn sóma á þess-
um merku tímamótum og votta honum með því þakk-
læti sitt fyrir langt og vel unnið starf. Hún fékk þvi
Sigurjón Ólafsson myndhöggvara til að gera högg-
mynd af honum, og fylgir mynd af henni þessum
línum. Stjórn félagsins heimsótti Guðmund Helga á
afmælisdaginn, og afhenti Guðmundur Halldórsson,
varaformaður félagsins, myndina með ræðu. Hann
sagði ineðal annars:
„Iðnaðarmannafélagið í Reykjavik gefur þér þessa
mynd í þakklætisskyni fyrir margra ára störf í þágu