Vikan - 19.10.1978, Blaðsíða 27
Fré hljómleikum f Héskólabiói I desember
1975. Fré vinstri é myndinni eru Lerfur
Hauksson, Ingólfur Steinsson, Eggert
Þorlerfsson og Magnús Einarsson. Á mynd-
ina vantar Halldór Gunnarsson. Ljósm.
Ragnar Th. Sigurðsson.
Þannig skipuð gerði Þokkabót sina bestu
plötu, Fréfœmr. Frá vinstri: IngóHur
Steinsson, Eggert Þorlerffson, Halldór
Gunnarsson, Lerfur Hauksson og Magnús
Einarsson.
ÞOKKABOT
LÆTUR í SÉR
HEYRA Á NÝJAN LEIK
Þokkabót hefur alla tíð verið dálítið
sérstök hljómsveit. Sundum hefur hún
starfað af krafti, en skömmu siðar verið
lögð niður. Sennilega er það líkt með
Þokkabót og kettinum að hún hefur níu
líf, ef ekki fleiri.
Núverandi liðsskipan Þokkabótar er
þessi: Halldór Gunnarsson sér um texta-
og lagagerð, söng og píanóleik. Ingólfur
Steinsson leikur á gítar og syngur auk
þess að semja með Halldóri. Nýjasti liðs-
maðurinn, Lárus Grimsson leikur á
flautu og hljómborð auk þess að syngja.
Lárus er ekki síður en hinir tveir
liðtækur lagasmiður, en engin af
tónsmíðum hans verður á næstu plötu
Þokkabótar, í veruleik.
Þessum mönnum til aðstoðar eru
síðan þeir Haraldur Þorsteinsson bassa-
leikari og Ásgeir Óskarsson trommu-
leikari Þursaflokksins. Einnig verða á
nýju plötunni nokkrir blásarar.
Allstór hópur tónlistarmanna hefur
haft viðdvöl í Þokkabót um lengri eða
skemmri tíma. Gylfi Gunnarsson skóla-
stjóri tónlistarskólans á Seyðisfirði lék
með á fyrstu plötunni. Magnús Einars-
son bassaleikari lék lengi vel með Þokka-
bót, en gerðist síðan kennari hjá Gylfa á
Seyðisfirði: Við bassanum tók Sigurjón
Sighvatsson. Þá lék og söng Leifur
Hauksson með hljómsveitinni um
nokkurt skeið og sömu leiðis Eggert
Þorleifsson flautuleikari.
í veruleik verður fjórða hljómplata
Þokkabótar, Sú fyrsta nefndist Upp-
hafið, útgefin af Hljómafyrirtækinu.
Hún hlaut prýðisgóðar viðtökur og var
spiluð í útvarpi. Lögsvo semLitlir kassar
og Nýriki Nonni glumdu í öllum óska-
lagaþáttum ríkisútvarpsins og öðrum
tónlistarþáttum.
Næsta plata Þokkabótar, Bætiflákar
kom út hjá Steinum hf. og var ein af
fyrstu plötum þess fyrirtækis. Á þeirri
plötu var meðal annars heilt verk á
annarri plötusíðunni. Nefndist það
Sólarhringurinn. Sami háttur var einnig
hafður á á næstu plötu, Fráfærum.
Titilverkið náði yfir heila siðu. í þvi
mátti finna margt stórskemmtilegt, til
dæmis lagið Verndarhöndina. Á hinni
hliðinni voru sömuleiðis ágætis lög, Óli
fígúra eftir Halldór Laxness og Enn
hnígur sól eftir Jóhannes úr Kötlum eru
dæmi um þau lög.
Það var Mál og menning, sem gaf
Fráfærur út. Platan vakti litla athygli,
mun minni en hún átti skilið.
Á næstu plötu, í veruleik, verður
tónlistin öll eftir þá Halldór Gunnarsson
og Ingólf Steinsson utan eitt ljóð eftir
Halldór Laxness. Það erFálkinn, sem
gefur plötuna út.
ÁT
42. TBL. VIKAN27