Vikan - 14.12.1989, Blaðsíða 6

Ólafur Gaukur, Svanhildur
og dóttir þeirra, Anna Mjöll,
hafa verið að vinna saman
að jólaplötu. Það er meira
en áratugur síðan
Svanhildur söng inn á plötu
síðast en þau þrjú hafa
aldrei unnið saman á þessu
sviði áður. Ólafur Gaukur
hefur stundað strangt
tónlistarnám við The Grove
School of Music í Kaliforníu
undanfarin ár en sá skóli er
talinn vera einn sá fremsti á
sínu sviði í heiminum, enda
má greinilega heyra á
plötunni að þar er fagmaður
að verki. En það er fleira en
jólaplatan sem gerir þessa
fjölskyldu forvitnilega og
þess vegna brá blaðamaður
Vikunnar sér í heimsókn til
þeirra í Fossvogi fyrir
skömmu til að heilsa upp á
þau og rekja úr þeim
garnirnar. Honum var
uppálagt að fá þau til að
draga ekkert undan í
frásögnum sínum og hér
birtist árangurinn.
„Þad er enginn hér,
þetta er vHknis íbúð"
TEXTI: ÞORSTEINN EGGERTSSON
LJÓSM.: MAGNÚS HJÖRLEIFSSON
VIKAN: Segið mér frá aðdraganda
plötunnar.
Ólafur Gaukur (snýr sér að Svanhildi):
Út af hverju fórum við að gefa út þessa
plötu?
Svanhildur: Ja, ég veit það ekki (hlær).
Gaukur kom til mín snemma í vor og
sagði: „Ég ætla að gefa út jólaplötu og þið
Anna Mjöll eigið að syngja öll lögin.“ Ég
sagði ,Já já, allt í lagi“ og tók auðvitað ekk-
6 VIKAN 25. TBL. 1989
ert mark á honum. Svo leið og beið og við
fórum til Evrópu í sumarfrí.
Gaukur: Af því að þetta er fyrsta árið
síðan 1980 sem við erum ekki í Ameríku
að læra.
Svanhildur: Það var ekkert mikið rætt
um þetta. Við komum heim og þá segir
hann ,Jæja, ég er búinn að panta stúdíó"
svo að mér fór að skiljast að þetta væri al-
vara.
Gaukur: Við gefum þessa plötu út af
því að það er heldur að hægjast um eftir
öll þessi ár sem maður er búinn að vera
erlendis að vesenast við að bæta við sig
þekkingu. Líka út af því að mér hefúr fund-
ist vera svo mikið af svonefhdum jólaplöt-
um, sem maður hefur heyrt á undanförn-
um árum, sem eru ekkert jólalegar. Þess
vegna fannst mér vera pláss fyrir okkur
með eina jólalega plötu. Þá fannst mér
ekkert vitlaust að kalla hana ,Jólaleg jól“.
Svo var bara samið lag í samræmi við það
af því að eitt lagið á plötunni varð helst að
heita sama nafhi og platan. Við völdum svo
hin og þessi lög og endirinn varð sá að
textarnir við þau öll eru eftir mig.