Vikan - 30.04.1969, Blaðsíða 20
ANDRES INDRIÐASON
m STALII
SENINNI
Á hljómleikum þeim, sem Nútímabörn stóðu
að til ágóða fyrir Biafra-söfnunina ekki alls
fyrir löngu, kom ný hljómsveit fram á sjón-
arsviðið í fyrsta skipti. Þeir spiluðu eingöngu
blús músik og þeir kölluðu sig Sókrates. Það
heitir að stela senunni, þegar athygli áhorf-
enda beinist svo að einum, að aðrir falla
næstum í skuggann. Við fréttum eftir á, að
þeir í Sókrates hefðu stolið senunni í Aust-
urbæjarbíói á umræddum hljómleikum.
Við hittum þá sveina nokkrum dögum eftir
hljómleikana og spurðum fyrst, hvort þeir
vissu nokkur deih á þessum Sókratesi.
— Ójú, kom svarið um hæl. — Hann var
grískur heimspekingur, merkilegur karl. Svo
sögðu þeir okkur frá því, hvernig nafn heim-
spekingsins festist við hljómsveitina.
-— Daníel, trommarinn, var að hjálpa bróð-
ur sínum að lesa fyrir próf í mannkynssögu.
Þeir voru staddir í fornöld Grikkja og þá
kom Sókrates auðvitað upp á teninginn. —
Hann virðist hafa haft djúp áhrif á Daníel,
því að á næstu æfingu, stakk hann upp á
því, að við skírðum hljómsveitina Sókrates,
og það var samþykkt.
Þeir voru 1 upphafi fjórir, Ómar Óskars-
son, Haraldur Þorsteinsson, Daníel Jörunds-
son og Eggert Ólafsson, allir úr Gagnfræða-
skóla Austurbæjar.
— Skólahljómsveit? spurðum við.
— Nei, alls ekki, svöruðu þeir um hæl, og
þar með var skrúfað fyrir frekari umræður
í þá áttina.
Þeir byrjuðu að æfa um síðustu áramót,
en þegar kom fram í marz fannst þeim þeir
þurfa að fá söngvara og nældu í Gunnar
Jónsson úr Gagnfræðaskólanum við Lindar-
götu. Gunnar er margreyndur í bransanum
og hefur áður sungið með þremur hljóm-
sveitum: Axlabandinu, Mixtúrunni og Rain.
Og spilið þið þá eingöngu blús?
— Nei, alls ekki. Blús er ekki beint heppi-
leg dansmúsik. Við höfum þó blúsinn í bland
ásamt poppinu. Krakkarnir vilja fyrst og
fremst beat. Og popp.
Þeir sögðu, að eftirlætishljómsveitirnar
væru Spencer Davis, Traffic og Cream, en
Flowers væri þeim mest að skapi af hér-
lendum hljómsveitum vegna beztrar „hljóð-
færafyllingar", eins og þeir orðuðu það.
Þeir ætla á næstunni að spila fyrir unga
fólkið á ýmsum stöðum, m. a. í Tónabæ, sem
þeir sögðu að væri fyrirtaks dansstaður fyrir
unga fólkið í borginni.
☆
Hljómsveitin Sókrates séð í snjófjúki gegnum myndavél Kristins Benediktsson-
ar. Frá vinstri: Ómar Óskarsson (gítar), Haraldur Þorsteinsson (bassi), Daníel
Jörundsson (trommur), Gunnar Jónsson (söngvari) og Eggert Ólafsson (gítar).
20 VIKAN 18- tbl'